Chapter 55

[English text for this chapter is available]

śrībhagavānuvāca |
aparaṃ ca pravakṣyāmi kāmenādhiṣṭhitasya ca |
purā bhāgīrathī tīre dvijaḥ paramahaṃsakaḥ || 1 ||
[Analyze grammar]

upadeṣṭā sahasrāṇāṃ dvijānāṃ śāṃtidaḥ paraḥ |
ekadaṃḍadharaḥ sākṣātkūrmavaddharaṇī sthitaḥ || 2 ||
[Analyze grammar]

ekākinaḥ satastasya devāgāre viniṣkṛte |
patyurgṛhātparaṃ gehaṃ gaṃtuṃ sāyaṃ samudyatā || 3 ||
[Analyze grammar]

akasmādyuvatī nārī militā rūpadhāriṇī |
dṛṣṭvā tāṃ bhagavānvipro manmathasya bhayārditaḥ || 4 ||
[Analyze grammar]

agārajaṭhare kṛtvā sa caināṃ prākṣipatkṣapām |
argalaṃ sā dṛḍhaṃ kṛtvā devāgāre suśobhane || 5 ||
[Analyze grammar]

kadācidapi taṃ dvārādāgaṃtuṃ na dadāti ha |
evaṃbhūtaḥ samādhisthaḥ kṣapāṃ kṣiptvā vilapya saḥ || 6 ||
[Analyze grammar]

ciṃtayaṃstāṃ varārohāṃ dvāri kiṃ vā kṛtaṃ mama |
evaṃ saṃciṃtyatāmāha dvāraṃ dehīha naḥ priye || 7 ||
[Analyze grammar]

patiśca vaśagaḥ kāṃte dayitaste bhaviṣyati |
tatastaṃ prāha sā vipraṃ vṛddhaṃ kāmapralālasam || 8 ||
[Analyze grammar]

ananvitā giraḥstāta vaktuṃ tvaṃ nārhasi prabho |
athāsau bhagavānprāha pracuraṃ cāsti me vasu || 9 ||
[Analyze grammar]

tava dāsyāmi kalyāṇi prasphoṭaya kapāṭikām |
vipramāha punaḥ sā ca tvaṃ vai me dharmataḥ pitā || 10 ||
[Analyze grammar]

mā gaccha putrikāṃ māṃ ca parayoṣāṃ ca dhārmika |
manasā sa samālocya suṣireṇa pathā gṛhān || 11 ||
[Analyze grammar]

bāhunoddhāṭyate naiva gaṃtuṃ caiva samudyataḥ |
gacchataścārddhamarara uttamāṃgaṃ susaṃkaṭe || 12 ||
[Analyze grammar]

praviṣṭaṃ na punaścaiti paṃcatvamagamattadā |
uṣaḥkāle samāyātā rakṣiṇo ye ca kiṃkarāḥ || 13 ||
[Analyze grammar]

adbhutaṃ taṃ śavaṃ dṛṣṭvā tāmucuste ca vismitāḥ |
kathaṃ ca nidhanaṃ tvasya saṃbhūtaṃ brūhi suṃdari || 14 ||
[Analyze grammar]

kathayitvā tu tadvṛttamabhīṣṭaṃ deśamāgatā |
evaṃ kāmasya mahimā durnivāro janeṣu ca || 15 ||
[Analyze grammar]

sarveṣāmapi jaṃtūnāṃ surāsuranṛṇāṃ bhavet |
dṛṣṭvā'moghāṃ varārohāṃ sarvalokapitāmahaḥ || 16 ||
[Analyze grammar]

cyutabījobhavattatra lauhityasaṃbhavasmṛtaḥ |
punāti sakalānlokānsarvatīrthamayo hi saḥ || 17 ||
[Analyze grammar]

yamāśritya naro yāti brahmalokamanāmayam |
dvija uvāca |
kathaṃ ca brahmaṇo moho hyamoghā kā varāṃganā || 18 ||
[Analyze grammar]

udbhavaṃ tīrtharājasya śrotumicchāmi tattvataḥ |
śrībhagavānuvāca |
munirdevaiḥ samārādhyaḥ padmayonisamaprabhaḥ || 19 ||
[Analyze grammar]

śaṃtanuśceti vikhyātaḥ patnī tasya pativratā |
amogheti samākhyātā rūpayauvanaśālinī || 20 ||
[Analyze grammar]

asyāśca patimanveṣṭuṃ yāto brahmā ca tadgṛham |
tasminkāle muniśreṣṭhaḥ puṣpādyarthaṃ vanaṃ gataḥ || 21 ||
[Analyze grammar]

sā taṃ dṛṣṭvā suraśreṣṭhamarghyapādyādikaṃ dadau |
dūrebhivādanaṃ kṛtvā sā gṛhaṃ praviveśa ha || 22 ||
[Analyze grammar]

tāṃ ca dṛṣṭvā navadyāṃgīṃ dhātā kāmavaśaṃ gataḥ |
sraṣṭātmānaṃ samādhāyāciṃtayattāṃ purogatām || 23 ||
[Analyze grammar]

bījaṃ papāta khaṭvāyāṃ brahmaṇaḥ paramātmanaḥ |
tato brahmā gatastrastastvarayā paripīḍitaḥ || 24 ||
[Analyze grammar]

athāyāto munirgehaṃ śukraṃ pīṭhe dadarśa ha |
tamapṛcchadvarārohāṃ kaścāpyatrāgataḥ pumān || 25 ||
[Analyze grammar]

tamuvāca tato'moghā brahmā hyatrāgataḥ pate |
tvāmevānveṣituṃ nātha mayā dattotra pīṭhakaḥ || 26 ||
[Analyze grammar]

śukrasya kāraṇaṃ cātra tapasā jñātumarhasi |
tato dhyānātparijñātaṃ tenaiva ca dvijanmanā || 27 ||
[Analyze grammar]

brahmaretaḥ paraṃ sādhvī pālayasva mamājñayā |
utpadyate sutaste tu sarvalokaikapāvanaḥ || 28 ||
[Analyze grammar]

āvayoḥ sarvakalyāṇaṃ phaliṣyati manogatam |
tataḥ pativratā tasya ājñāmāgṛhya saṃbhavāt || 29 ||
[Analyze grammar]

papau reto mahābhāgā brahmaṇaḥ paramātmanaḥ |
āvarta iva saṃjajñe raudragarbha iti sphuran || 30 ||
[Analyze grammar]

prasoḍhuṃ naiva śaktā sā śaṃtanuṃ cābravīttataḥ |
garbhaṃ dhārayituṃ nātha na śaknomyadhunā prabho || 31 ||
[Analyze grammar]

kiṃ kariṣyāmi dharmajña prāṇo me saṃcalatyapi |
ājñāpaya mahābhāga garbhaṃ tyakṣyāmi yatra ca || 32 ||
[Analyze grammar]

patyurājñāṃ samādāya mukto garbho yugaṃdhare |
payastejomayaṃ śuddhaṃ sarvadharmapratiṣṭhitam || 33 ||
[Analyze grammar]

tanmadhye puruṣaḥ śuddhaḥ kirīṭī nīlavāsasā |
ratnadāmnā ca viddhāṃgo duḥprekṣyo jyotiṣāṃ gaṇaḥ || 34 ||
[Analyze grammar]

tato devagaṇāḥ svargātpuṣpavarṣamavākiran |
prasūtaḥ sarvatīrtheṣu tīrtharāja iti smṛtaḥ || 35 ||
[Analyze grammar]

tato rāma iti khyātaḥ prajātohaṃ bhṛgoḥ kule |
kṣatriyānpitṛhaṃtṝṃstu sasainyabalavāhanān || 36 ||
[Analyze grammar]

hatvā yuddhagatānbhītānpaṃkaiḥ sarvairyuto hyaham |
brahmahatyāsamaṃ ghoraṃ madgehe samupasthitam || 37 ||
[Analyze grammar]

paṃkayuktaṃ kuṭhāraṃ me kṣālitaṃ naiva śuddhyati |
tataḥ khe cābhavadvāṇī rāma madvacanaṃ kuru || 38 ||
[Analyze grammar]

yatra tīrthe kuṭhāraṃ te nirmalaṃ ca bhavediha |
tatra te sarvapāpānāṃ jātānāṃ ca kṣayo bhavet || 39 ||
[Analyze grammar]

janānāṃ tatra sarveṣāṃ hitārthaṃ tiṣṭha mānada |
capalaṃ gaccha tīrthāni sarvāṇi sumahāṃti ca || 40 ||
[Analyze grammar]

teṣāṃ madhye mahātīrthe parśuḥ śuddho bhavedyadi |
taṃ ca jānīhi tīrtheṣu muktidaṃ parikīrtitam || 41 ||
[Analyze grammar]

tacchrutvā jāmadagnyastu tīrthāni prayayau tadā |
gaṃgāṃ sarasvatīṃ śubhrāṃ kāverīṃ sarayūṃ tathā || 42 ||
[Analyze grammar]

godāvarīṃ ca yamunāṃ kadrūṃ ca vasudāṃ tathā |
anyāṃ ca puṇyadāṃ ramyāṃ gaurīṃ pūrvāṃ sthitāṃ śubhām || 43 ||
[Analyze grammar]

gacchatastasya dhīrasya sadāgatisamasya ca |
kṣālitaḥ sarvatīrtheṣu na punarnirmalo'bhavat || 44 ||
[Analyze grammar]

tato giriguhāṃ durgāṃ mahāraṇyaṃ ca parvatam |
girikūṭaṃ ca durlabhyaṃ yayau tīrthamasau hariḥ || 45 ||
[Analyze grammar]

na ca nirmalatāmeti kuṭhārastasya tena ca |
viṣādamagamattatra rāmaḥ parapuraṃjayaḥ || 46 ||
[Analyze grammar]

hāheti vividhaṃ kṛtvā copaviśya dharātale |
praciṃtāmagamadvīrastamuvāca punastathā || 47 ||
[Analyze grammar]

pūrvasyāṃ diśi deveśa tīrthaṃ cāsti guhodare |
tacchrutvā naraśārdūlo gatvā kuṃḍaṃ dadarśa saḥ || 48 ||
[Analyze grammar]

pradakṣiṇaṃ jalāvartaṃ śubhraṃ pāpaharaṃ śubham |
tajjalasparśamātreṇa kuṭhāraḥ śuddhatāṃ gataḥ || 49 ||
[Analyze grammar]

tato rāmobhiṣekaṃ tu kṛtavānpramudānvitaḥ |
śuddhātmanastvapāpasya buddhirjātā prapāvinī || 50 ||
[Analyze grammar]

sa rāmaḥ suciraṃ sthitvā tīrtharājaṃ prasādya tam |
tatastato'calātprāpya puraṃ vegasamanvitaḥ || 51 ||
[Analyze grammar]

khyātaṃ kṛtvā tataścorvyāṃ gatosau lavaṇārṇavam |
ayaṃ tīrthavaraḥ sākṣātpitāmahakṛto bhuvi || 52 ||
[Analyze grammar]

sukhadaḥ sarvataḥ śuddho muktimārgapradaḥ kila |
evaṃ kāmaprabhāvaṃ ca viddhi durvāraduḥsaham || 53 ||
[Analyze grammar]

kāmājjātaṃ vṛṣaṃ pāpaṃ puṇyaṃ puṇyaprayogataḥ |
sa jātaścaiva lauhityo viraṃceścaiva caurasaḥ || 54 ||
[Analyze grammar]

śaṃtano kṣetra saṃjātastvamoghāgarbhasaṃbhavaḥ |
viriñcinā jitaḥ kāmaḥ śāṃtanorapyamatsarāt || 55 ||
[Analyze grammar]

tasyāḥ pativratātvācca tīrthāttīrthavaro hi saḥ |
evaṃ yastu paṭhennityaṃ puṇyākhyānamidaṃ śivam || 56 ||
[Analyze grammar]

śṛṇuyādvā mudā pṛthvyāṃ muktimārgaṃ sa gacchati || 57 ||
[Analyze grammar]

iti śrīpādmapurāṇe prathame sṛṣṭikhaṃḍe paṃcākhyāne lauhityotpattirnāma paṃcapaṃcāśattamo'dhyāyaḥ || 55 ||
[Analyze grammar]