Chapter 49

[English text for this chapter is available]

nārada uvāca |
kenācāreṇa viprasya brahmatejo vivardhate |
kenācāreṇa tasyaiva brāhmaṃ tejo vinaśyati || 1 ||
[Analyze grammar]

brahmovāca |
śayanīyātsamutthāya rātryaṃśe dvijasattamaḥ |
devāṃścaiva smarennityaṃ tathā puṇyavato dhruvam || 2 ||
[Analyze grammar]

goviṃdaṃ mādhavaṃ kṛṣṇaṃ hariṃ dāmodaraṃ tathā |
nārāyaṇaṃ jagannāthaṃ vāsudevamajaṃ vibhum || 3 ||
[Analyze grammar]

sarasvatīṃ mahālakṣmīṃ sāvitrīṃ vedamātaram |
brahmāṇaṃ bhāskaraṃ candraṃ dikpālāṃśca grahāṃstathā || 4 ||
[Analyze grammar]

śaṅkaraṃ ca śivaṃ śaṃbhumīśvaraṃ ca maheśvaram |
gaṇeśaṃ ca tathā skandaṃ gaurīṃ bhāgīrathīṃ śivām || 5 ||
[Analyze grammar]

puṇyaśloko nalo rājā puṇyaśloko janārdanaḥ |
puṇyaślokā ca vaidehī puṇyaśloko yudhiṣṭhiraḥ || 6 ||
[Analyze grammar]

aśvatthāmā balirvyāso hanūmāṃśca vibhīṣaṇaḥ |
kṛpaḥ paraśurāmaśca saptaite cīrajīvinaḥ || 7 ||
[Analyze grammar]

etānyastu smarennityaṃ prātarutthāya mānavaḥ |
brahmahatyādibhiḥ pāpairmucyate nātra saṃśayaḥ || 8 ||
[Analyze grammar]

sakṛduccarite tāta sarvayajñaphalaṃ labhet |
gavāṃ śatasahasrāṇāṃ dānasya phalamaśnute || 9 ||
[Analyze grammar]

tataścāpi śucau deśe malamūtraṃ parityajet |
dakṣiṇābhimukho rātrau divā kuryādudaṅmukhaḥ || 10 ||
[Analyze grammar]

parato daṃtakāṣṭhaṃ ca tṛṇairuduṃbarādibhiḥ |
ataḥ paraṃ ca saṃdhyāyāṃ saṃyataśca dvijo bhavet || 11 ||
[Analyze grammar]

pūrvāhṇe raktavarṇāṃ tu madhyāhne śuklavarṇikām |
sāyaṃ sarasvatīṃ kṛṣṇāṃ dvijo dhyāyedyathāvidhi || 12 ||
[Analyze grammar]

tataḥ samācaretsnānaṃ yathājñānena yatnataḥ |
aṃgaṃ prakṣālayitvā tu mṛdbhiḥ saṃlepayettataḥ || 13 ||
[Analyze grammar]

śirodeśe lalāṭe ca nāsikāyāṃ hṛdi bhruvoḥ |
bāhvoḥ pārśve tathā nābhau jānvoraṅghridvaye tathā || 14 ||
[Analyze grammar]

ekā liṃge gude tisrastathā vāmakare daśa |
ubhayoḥ sapta dātavyā mṛdaḥ śuddhimabhīpsatā || 15 ||
[Analyze grammar]

aśvakrāṃte rathakrāṃte viṣṇukrāṃte vasuṃdhare |
mṛttike hara me pāpaṃ yanmayā pūrvasaṃcitam || 16 ||
[Analyze grammar]

anenaiva tu maṃtreṇa mṛttikāṃ yastanau kṣipet |
sarvapāpakṣayastasya śucirbhavati mānavaḥ || 17 ||
[Analyze grammar]

tatastu vedapūrveṇa snānaṃ kuryādvicakṣaṇaḥ |
nade nadyāṃ tathā kūpe puṣkariṇyāṃ taṭākake || 18 ||
[Analyze grammar]

jalarāśau ca vapre ca ghaṭasnānaṃ tathottaram |
kārayedvidhivanmartyaḥ sarvapāpakṣayāya ca || 19 ||
[Analyze grammar]

prātaḥsnānaṃ mahāpuṇyaṃ sarvapāpapraṇāśanam |
yaḥ kuryātsatataṃ vipro viṣṇuloke mahīyate || 20 ||
[Analyze grammar]

prātaḥ saṃdhyāsamīpe ca yāvaddaṃḍacatuṣṭayam |
tāvatpānīyamamṛtaṃ pitṝṇāmupatiṣṭhate || 21 ||
[Analyze grammar]

parato ghaṭikāyugmaṃ yāvadyāmaikamāhnikam |
madhutulyaṃ jalaṃ tasminpitṝṇāṃ prītivardhanam || 22 ||
[Analyze grammar]

tatastu sārddhayāmaikaṃ jalaṃ kṣīramayaṃ smṛtam |
kṣīramiśraṃ jalaṃ tāvadyāvaddaṇḍacatuṣṭayam || 23 ||
[Analyze grammar]

ataḥ paraṃ ca pānīyaṃ yāvaddhi praharatrayam |
tatparaṃ lohitaṃ proktaṃ yāvadastaṃgato raviḥ || 24 ||
[Analyze grammar]

caturthaprahare snāne rātrau vā tarpayetpitṝn |
tattoyaṃ rakṣasāmeva grahaṇena vinā smṛtam || 25 ||
[Analyze grammar]

pānīyaṃ sarvasirddhythaṃ puraiva nirmitaṃ mayā |
rakṣārthaṃ tasya toyasya yakṣāścaiva dhuraṃdharāḥ || 26 ||
[Analyze grammar]

na prāpnuvaṃti pitaro ye ca lokāṃtaraṃ gatāḥ |
duṣprāpyaṃ salilaṃ teṣāmṛte svānmartyavāsinaḥ || 27 ||
[Analyze grammar]

tasmācchiṣyaiśca putraiśca pautradauhitrakādibhiḥ |
baṃdhuvargaistathā cānyaistarpaṇīyaṃ pitṛvrataiḥ || 28 ||
[Analyze grammar]

nārada uvāca |
jalasya daivataṃ brūhi tarpaṇasya vidhiṃ mayi |
yathā jānāmi deveśa tatvato vaktumarhasi || 29 ||
[Analyze grammar]

brahmovāca |
jalasya devatā viṣṇuḥsa rvalokeṣu gīyate |
jalapūto bhavedyastu viṣṇustacchaṃkaro bhavet || 30 ||
[Analyze grammar]

jalaṃ gaṃḍūṣamātraṃ tu pītvā pūto bhavennaraḥ |
viśeṣātkuśasaṃsargātpīyūṣādadhikaṃ jalam || 31 ||
[Analyze grammar]

sarvadevālayo darbho mayāyaṃ nirmitaḥ purā |
kuśamūle bhavedbrahmā kuśamadhye tu keśavaḥ || 32 ||
[Analyze grammar]

kuśāgre śaṃkaraṃ viddhi kuśa ete pratiṣṭhitāḥ |
kuśahastaḥ sadā medhyaḥ stotraṃ maṃtraṃ paṭhedyadi || 33 ||
[Analyze grammar]

sarvaṃ śataguṇaṃ proktaṃ tīrthe sāhasramucyate |
kuśāḥ kāśāstathā dūrvā yavapatrāṇi vrīhayaḥ || 34 ||
[Analyze grammar]

balvajāḥ puṃḍarīkāśca kuśāssapta prakīrtitāḥ |
ānupūrvyeṇa medhyāḥ syuḥ kuśā loke pratiṣṭhitāḥ || 35 ||
[Analyze grammar]

vinā maṃtreṇa yatsnānaṃ sarvaṃ tanniṣphalaṃ bhavet |
amṛtātsvādutāmeti saṃsparśācca tilasya ca || 36 ||
[Analyze grammar]

tasmācca tarpayennityaṃ pitṝṃstilajalairbudhaḥ |
daśabhiśca tilaistāvatpitṝṇāṃ prītiruttamā || 37 ||
[Analyze grammar]

agnistaṃbhabhayāddevā na cecchantyativistaram |
snātvā yastarpayennityaṃ tilamiśrodakaiḥ pitṝn || 38 ||
[Analyze grammar]

nīlapaṃḍavimokṣeṇa tvamāvāsyā tilodakaiḥ |
varṣāsu dīpadānena pitṝṇāmanṛṇo bhavet || 39 ||
[Analyze grammar]

vatsaraikamamāyāṃ tu tarpayedyastilaiḥ pitṛn |
vināyakatvamāpnoti sarvadevaiḥ prapūjyate || 40 ||
[Analyze grammar]

yugādyāsu ca sarvāsu yastilaistarpayetpitṝn |
uktaṃ yadvāpyamāyāṃ tu tasmācchataguṇādhikam || 41 ||
[Analyze grammar]

ayane viṣuve caiva rākāmāyāṃ tathaiva ca |
tarpayitvā pitṛvyūhaṃ svargaloke mahīyate || 42 ||
[Analyze grammar]

tathā manvaṃtarākhyāyāmanyasyāṃ puṇyasaṃsthitau |
grahaṇe caṃdrasūryasya puṇyatīrthe gayādiṣu || 43 ||
[Analyze grammar]

tarpayitvā pitṝnyāti mādhavasya niketanam |
tasmātpuṇyāhakaṃ prāpya tarpayetpitṛsaṃcayam || 44 ||
[Analyze grammar]

tarpaṇaṃ devatānāṃ ca pūrvaṃ kṛtvā samāhitaḥ |
adhikārī bhavetpaścātpitṝṇāṃ tarpaṇe budhaḥ || 45 ||
[Analyze grammar]

śrāddhe bhojanakāle ca pāṇinaikena dāpayet |
ubhābhyāṃ tarpaṇe dadyādvidhireṣa sanātanaḥ || 46 ||
[Analyze grammar]

dakṣiṇābhimukho bhūtvā śucistu tarpayetpitṝn |
tṛpyatāmiti vākyena nāmagotreṇa vai punaḥ || 47 ||
[Analyze grammar]

akṛṣṇairyattilairmohāttarpayetpitṛsaṃcayam |
bhūmyāṃ dadāti yadapo dātā caiva jale sthitaḥ || 48 ||
[Analyze grammar]

vṛthā taddīyate dānaṃ nopatiṣṭhati kasyacit |
sthale sthitvā jale yastu prayacchedudakaṃ naraḥ || 49 ||
[Analyze grammar]

nopatiṣṭhetpitṝṇāṃ tu salilaṃ tannirarthakam |
ārdravāsā jale yastu kuryādudakatarpaṇam || 50 ||
[Analyze grammar]

pitarastasya tṛpyaṃti sahadevaissadānagha |
rajakaiḥ kṣālitaṃ vastramaśuddhaṃ kavayo viduḥ || 51 ||
[Analyze grammar]

hastaprakṣālane caiva punarvastraṃ tu śudhyati |
śuṣkavāsāḥ śucau deśe sthāne yattarpayetpitṝn || 52 ||
[Analyze grammar]

tato daśaguṇenaiva tuṣyaṃti pitaro dhruvam |
snānaṃ saṃdhyāṃ ca pāṣāṇe khaḍge vā tāmrabhājane || 53 ||
[Analyze grammar]

tarpaṇaṃ kurute yastu pratyekaṃ ca śatādhikam |
raupyāṃgulīyaṃ tarjanyāṃ dhṛtvā yattarpayetpitṝn || 54 ||
[Analyze grammar]

sarvaṃ ca śatasāhasraguṇaṃ bhavati nānyathā |
tathaivānāmikāyāṃ tu dhṛtvā svarṇāṃgulīṃ budhaḥ || 55 ||
[Analyze grammar]

tarpayetpitṛsaṃdohaṃ lakṣakoṭiguṇaṃ bhavet |
aṃguṣṭhadeśinī madhye savyahastasya khaḍgakam || 56 ||
[Analyze grammar]

dhṛtvānāmikayā ratnamaṃjalerakṣayaṃphalaṃ |
snānārthamabhigacchaṃtaṃ devāḥ pitṛgaṇaiḥ saha || 57 ||
[Analyze grammar]

vāyubhūtānugacchaṃti tṛṣārtāḥ salilārthinaḥ |
nirāśāste nivartaṃte vastraniṣpīḍanena ca || 58 ||
[Analyze grammar]

tasmānna pīḍayedvastramakṛtvā pitṛtarpaṇam |
tisraḥkoṭyo'rdhakoṭī ca yāni lomāni mānuṣe || 59 ||
[Analyze grammar]

sravaṃti sarvatīrthāni tasmānna paripīḍayet |
devāḥ pibaṃti śirasi śmaśrutaḥ pitarastathā || 60 ||
[Analyze grammar]

cakṣuṣorapi gaṃdharvā adhastātsarvajaṃtavaḥ |
devāḥ pitṛgaṇāḥ sarve gaṃdharvā jaṃtavastathā || 61 ||
[Analyze grammar]

snānamātreṇa tuṣyaṃti snānātpāpaṃ na vidyate |
nityasnānaṃ ca yaḥ kuryātsa naraḥ puruṣottamaḥ || 62 ||
[Analyze grammar]

sarvapāpairvinirmukto nākalokemahīyate |
snānaṃ tarpaṇaparyaṃtaṃ devā maharṣayo viduḥ || 63 ||
[Analyze grammar]

ataḥ paraṃ ca devānāṃ pūjanaṃ kārayedbudhaḥ |
gaṇeśaṃ pūjayedyastu vighnastasya na jāyate || 64 ||
[Analyze grammar]

ārogyārthaṃ ca sūryaṃ ca dharmamokṣāya mādhavam |
śivaṃ ca kṛtyakāmārthaṃ sarvakāmāya caṃḍikām || 65 ||
[Analyze grammar]

devāṃstu pūjayitvā tu vaiśvadevabaliṃ caret |
vahnikāryaṃ tataḥ kṛtvā yajñaṃ brāhmaṇatarpaṇam || 66 ||
[Analyze grammar]

devānāṃ sarvasatvānāṃ punastriviṣṭapaṃ vrajet |
gatāgataṃ sthiraṃ kṛtvā kāmānmokṣaṃ sukhaṃ divam || 67 ||
[Analyze grammar]

tasmātsarvaprayatnena nityaṃ karmāṇi kārayet |
nārada uvāca |
kimarthaṃ ca jalaṃ tāta devāḥ pitṛgaṇaiḥ saha || 68 ||
[Analyze grammar]

na prāpnuvaṃti sarvajña labhaṃte mānavā yathā |
brahmovāca |
purā sṛṣṭaṃ mayā toyaṃ sarvadevamayāmṛtam || 69 ||
[Analyze grammar]

tasyaiva rakṣaṇārthaṃ ca rakṣā yakṣā dhanurdharāḥ |
ghnaṃti te pitaraṃ devamasmadvākyānna mānuṣam || 70 ||
[Analyze grammar]

paśavaḥ pakṣiṇaḥ kīṭā martyaloke vyavasthitāḥ |
martyajātāśca devā ye tathaiva mānuṣā dhruvam || 71 ||
[Analyze grammar]

tarpayitvā guruṃ nityaṃ suraloke pratiṣṭhitāḥ |
asnāyī ca malaṃ bhuṃkte ajapī pūyaśoṇitam || 72 ||
[Analyze grammar]

akṛtvā tarpaṇaṃ nityaṃ pitṛhā copajāyate |
brahmahatyāsamaṃ pāpaṃ devānāmapyapūjane || 73 ||
[Analyze grammar]

sandhyākṛtyamakṛtvā ca sūryaṃ haṃti ca pāpakṛt |
nārada uvāca |
brāhmaṇasya sadācārakramaṃ brūhi ca karmaṇām || 74 ||
[Analyze grammar]

itareṣāṃ ca varṇānāṃ pravṛttamakhilaṃ vada |
brahmovāca |
ācārāllabhate cāyurācārāllabhate sukham || 75 ||
[Analyze grammar]

ācārātsvargaṃ mokṣaṃ ca ācāro haṃtyalakṣaṇam |
anācāro hi puruṣo loke bhavati niṃditaḥ || 76 ||
[Analyze grammar]

duḥkhabhāgī ca satataṃ vyādhitolpāyureva ca |
narake niyataṃ vāso hyanācārānnarasya ca || 77 ||
[Analyze grammar]

ācārācca paraṃ lokamācāraṃ śṛṇu tattvataḥ |
gomayena gṛhe nityaṃ prakuryādupalepanam || 78 ||
[Analyze grammar]

prakṣālayettataḥ pīṭhaṃ kāṣṭhaṃ pātraṃ śilātalam |
bhasmanā kāṃsyapātraṃ tu tāmramamlenaśuddhyati || 79 ||
[Analyze grammar]

śilāpātraṃ tu tailena phālaṃgo vālakena tu |
svarṇaraupyādipātraṃ tu jalamātreṇa śudhyati || 80 ||
[Analyze grammar]

agninā lohapātraṃ tu pākaprakṣālanena tu |
khananāddāhanāccaiva upalepana dhāvanāt || 81 ||
[Analyze grammar]

parjanyavarṣaṇāccaiva bhūramedhyā viśudhyati |
taijassānāṃ maṇīnāṃ ca sarvasyāśmamayasya ca || 82 ||
[Analyze grammar]

bhasmabhirmṛttikābhiśca śuddhiruktā mayā purā |
śayyā bhāryā śiśurvastramupavītaṃ kamaṃḍaluḥ || 83 ||
[Analyze grammar]

ātmanaḥ kathitāśśuddhā na pareṣāṃ kadācana |
na bhuṃjītaikavastreṇa na snāyādekavāsasā || 84 ||
[Analyze grammar]

na dhārayetparasyaivaṃ snānavastraṃ kadācana |
saṃskāraṃ keśadaṃtānāṃ prātareva samācaret || 85 ||
[Analyze grammar]

gurūṇāṃ ca namaskāraṃ nityameva samācaret |
hastapāde mukhe caiva paṃcārdro bhojanaṃ caret || 86 ||
[Analyze grammar]

paṃcārdrakastu bhuṃjānaḥ śataṃ varṣāṇi jīvati |
devatānāṃ gurorājñāṃ snātakācāryayorapi || 87 ||
[Analyze grammar]

nākrāmetkāmataśchāyāṃ viprasya dīkṣitasya ca |
gogaṇaṃ devataṃ vipraṃ ghṛtaṃ madhu catuṣpatham || 88 ||
[Analyze grammar]

pradakṣiṇaṃ prakurvīta prakhyātāṃśca vanaspatīn |
goviprāvagniviprau ca viprau dvau daṃpatī tathā || 89 ||
[Analyze grammar]

tayormadhye na gaccheta svargasthopi pateddhruvam |
ucchiṣṭo na spṛśedagniṃ brāhmaṇaṃ daivataṃ gurum || 90 ||
[Analyze grammar]

svaśīrṣaṃ puṣpavṛkṣaṃ ca yajñavṛkṣamadhārmikam |
trīṇi tejāṃsi nocchiṣṭa udīkṣeta kadācana || 91 ||
[Analyze grammar]

sūryācaṃdramasāvevaṃ nakṣatrāṇi ca sarvaśaḥ |
nekṣedvipraṃ guruṃ devaṃ rājānaṃ yatināṃ varam || 92 ||
[Analyze grammar]

yoginaṃ devakarmāṇaṃ dharmāṇāṃ kathakaṃ dvijam |
nadīnāṃ ca pratīre ca patyuśca saritāṃ tathā || 93 ||
[Analyze grammar]

yajñavṛkṣasya mūle ca udyāne puṣpavāṭake |
śarīrasya malatyāgaṃ na kuryājjīvane tathā || 94 ||
[Analyze grammar]

viprasyāyatane goṣṭhe ramye rājapatheṣu ca |
na kṣauraṃ kārayeddhīraḥ kujasyāhni kadācana || 95 ||
[Analyze grammar]

malaṃ na dhārayeddaṃte nakhaṃ na vadane kṣipet |
tailābhyaṃgaṃ na kurvīta vāsare ravibhaumayoḥ || 96 ||
[Analyze grammar]

svagātrāsanayorvādyaṃ gurorekāsanādanam |
na harecchrotriyasvaṃ ca devasyāpi gurorapi || 97 ||
[Analyze grammar]

rājñastapasvināṃ caiva paṃgoraṃdhasya yoṣitaḥ |
paṃthā deyo brāhmaṇāya gobhyo rājabhya eva ca || 98 ||
[Analyze grammar]

rogiṇe bhārataptāya gurviṇyai durbalāya ca |
vivādaṃ na ca kurvīta nṛpa vipra cikitsakaiḥ || 99 ||
[Analyze grammar]

brāhmaṇaṃ gurupatnīṃ ca dūrataḥ parivarjayet |
patitaṃ kuṣṭhasaṃyuktaṃ cāṃḍālaṃ ca gavāśinam || 100 ||
[Analyze grammar]

nirdhūtaṃ jñānahīnaṃ ca dūrataḥ parivarjayet |
striyaṃ duṣṭāṃ ca durvṛttāmapavāda pradāyinīm || 101 ||
[Analyze grammar]

kukarmakāriṇīṃ duṣṭāṃ sadaiva kalahapriyām |
pramattāmadhikāṃgīñca nirlajjāṃ bāhyacāriṇīm || 102 ||
[Analyze grammar]

vyayaśīlāmanācārāṃ dūrataḥ parivarjayet |
malināṃ nābhivaṃdeta gurupatnīṃ kadācana || 103 ||
[Analyze grammar]

na spṛśettāṃ ca medhāvī spṛṣṭvā snānena śuddhyati |
sa tayā saha keliṃ ca varjayecca sadaiva hi || 104 ||
[Analyze grammar]

śṛṇuyācca vaco nūnaṃ na paśyecca guroḥ striyam |
vadhūṃ putrasya bhrātuśca svaputrīṃ yuvatīṃ dhruvam || 105 ||
[Analyze grammar]

anyāṃ ca gurupatnīṃ ca nekṣetsparśaṃ na kārayet |
tābhiḥ saha kathālāpaṃ tathā bhrūbhaṃgadarśanam || 106 ||
[Analyze grammar]

kalahaṃ nistrapāṃ vāṇīṃ sadaiva parivarjayet |
na dadyācca sadā pādaṃ tuṣāṃgārāsthibhasmasu || 107 ||
[Analyze grammar]

kārpāsāsthiṣu nirmālye citikāṣṭhe citau gurau |
śuṣkaṃ mīnaṃ na bhakṣeta pūtigaṃdhimamedhyakam || 108 ||
[Analyze grammar]

vighasaṃ cānyaducchiṣṭaṃ pākārthaṃ ca parasya ca |
na sthātavyaṃ na gaṃtavyaṃ kṣaṇamapyasatā saha || 109 ||
[Analyze grammar]

na tiṣṭhecca kṣaṇaṃ dhīro dīpacchāye kalidrume |
aspṛśyaissaha cālāpaṃ patitaiḥ kupitaiḥ saha || 110 ||
[Analyze grammar]

na kuryātkṣaṇamātraṃ tu kṛtvā gacchecca rauravam |
kaniṣṭhaṃ nābhivaṃdeta pitṛvyaṃ mātulaṃ tathā || 111 ||
[Analyze grammar]

utthāya cāsanaṃ dadyātkṛtāṃjalyagrataḥ sthitaḥ |
tailābhyaktaṃ tathocchiṣṭamārdravastraṃ ca rogiṇam || 112 ||
[Analyze grammar]

pārāvāragatodvignaṃ vahaṃtaṃ nābhivādayet |
yajñasyāṃtargataṃ naṣṭaṃ krīḍaṃtaṃ strījanaiḥ saha || 113 ||
[Analyze grammar]

bālakrīḍāgataṃ cāpi puṣpayuktaṃ kuśairyutam |
śiraḥ prāvṛtya karṇau vā apsu muktaśikhopi vā || 114 ||
[Analyze grammar]

akṛtvā pādayoḥ pūjāṃ nācāmeddakṣiṇāmukhaḥ |
upavītavihīnaśca nagnako muktakacchakaḥ || 115 ||
[Analyze grammar]

ekavastrapidhānaśca ācāṃto naiva śudhyati |
madhyamābhirmukhaṃ pūrvaṃ tisṛbhiḥ samupaspṛśet || 116 ||
[Analyze grammar]

aṃguṣṭhadeśinībhyāṃ ca nāsāṃ ca tadanaṃtaram |
aṃguṣṭhānāmikābhyāṃ ca cakṣuṣī samupaspṛśet || 117 ||
[Analyze grammar]

kaniṣṭhāṃguṣṭhataśśrotre nābhimaṃguṣṭhakena tu |
talena hṛdayaṃ nyasya sarvābhirmastakopari || 118 ||
[Analyze grammar]

bāhūcāgreṇa saṃspṛśya tataḥ śuddho bhavennaraḥ |
anenācamanaṃ kṛtvā mānavaḥ prayato bhavet || 119 ||
[Analyze grammar]

sarvapāpairvinirmuktaḥ svargaṃ cākṣayamaśnute |
prāṇastripuṭaśṛṃgyā ca vyānopānaśca mudrayā || 120 ||
[Analyze grammar]

samānastu samastābhirudānastarjanīṃ vinā |
nāgaḥ kūrmaśca kṛkaro devadatto dhanaṃjayaḥ || 121 ||
[Analyze grammar]

upaprīṇaṃtu te prītā yebhyo bhūmau pradīyate |
śayanaṃ cārdrapādena śuṣkapādena bhojanam || 122 ||
[Analyze grammar]

nāṃdhakāre ca śayanaṃ bhojanaṃ naiva kārayet |
paścime dakṣiṇe caiva na kuryāddaṃtadhāvanam || 123 ||
[Analyze grammar]

uttare paścime caiva na svapeddhi kadācana |
svapnādāyuḥ kṣayaṃ yāti brahmahā puruṣo bhavet || 124 ||
[Analyze grammar]

na kurvīta tataḥ svapnaṃ śastaṃ ca pūrvadakṣiṇam |
āyuṣyaṃ prāṅmukho bhuṃkte'yaśasyaṃ dakṣiṇāmukhaḥ || 125 ||
[Analyze grammar]

śriyaṃ pratyaṅmukho bhuṃkte yaśo bhuṅkta udaṅmukhaḥ |
prācyāṃ naro labhedāyuryāmyāṃ pretatvamaśnute || 126 ||
[Analyze grammar]

vāruṇe ca bhavedrogī āyurvittaṃ tathottare |
devānāmekabhuktaṃ tu dvibhuktaṃ syānnarasya ca || 127 ||
[Analyze grammar]

tribhuktaṃ pretadaityasya caturthaṃ kauṇapasya tu |
nirāmiṣaṃ havirdevā matsyamāṃsādi mānuṣāḥ || 128 ||
[Analyze grammar]

pūtiparyuṣitaṃ duṣṭamanye bhuṃjaṃtyanāvṛtāḥ |
svargasthitānāmiha jīvaloke catvāri teṣāṃ hṛdaye ca saṃti || 129 ||
[Analyze grammar]

dānaṃ praśastaṃ madhurā ca vāṇī devārcanaṃ brāhmaṇatarpaṇaṃ ca |
kārpaṇyavṛttisvajaneṣu niṃdā kucelatā nīcajaneṣu bhaktiḥ || 130 ||
[Analyze grammar]

atīva roṣaḥ kaṭukā ca vāṇī narasya cihnaṃ narakāgatasya |
navanītopamā vāṇī karuṇā komalaṃ manaḥ || 131 ||
[Analyze grammar]

dharmabījaprasūtānāmetatpratyakṣa lakṣaṇam |
dayādaridrahṛdayaṃ vacaḥ krakaca karkaśam || 132 ||
[Analyze grammar]

pāpabījaprasūtānāmetatpratyakṣa lakṣaṇam |
śrāvayecchṛṇuyādvāpi sadācārādikaṃ naraḥ || 133 ||
[Analyze grammar]

ācārādeḥ phalaṃ labdhvā pāpātpūto'cyuto divi || 134 ||
[Analyze grammar]