Chapter 40

[English text for this chapter is available]

pulastya uvāca |
atha yogavatāṃ śreṣṭhamasṛjadbhūrivarcasam |
sraṣṭāraṃ sarvalokānāṃ brahmāṇaṃ sarvatomukham || 1401 ||
[Analyze grammar]

tasminhiraṇmaye padme bahuyojanavistṛte |
sarvatejoguṇamaye pārthivairlakṣaṇairvṛte || 1402 ||
[Analyze grammar]

tacca padmaṃ purābhūtaṃ pṛthivīrūpamuttamam |
nārāyaṇasamudbhūtaṃ pravadaṃti maharṣayaḥ || 1403 ||
[Analyze grammar]

yatpadmaṃ sā rasādevī pṛthivī parikathyate |
ye padmakesarā mukhyāstāndivyānparvatānviduḥ || 1404 ||
[Analyze grammar]

himavaṃtaṃ ca nīlaṃ ca meruṃ niṣadhameva ca |
kailāsaṃ śṛṃgavaṃtaṃ ca tathādriṃ gaṃdhamādanam || 1405 ||
[Analyze grammar]

puṇyaṃ triśikharaṃ caiva kāṃtaṃ maṃdarameva ca |
udāraṃ piṃjaraṃ caiva viṃdhyamastaṃ ca parvatam || 1406 ||
[Analyze grammar]

eta eva gaṇānāṃ ca siddhānāṃ ca mahātmanām |
āśrayāḥ puṇyaśīlānāṃ sarvakāmaphalapradāḥ || 1407 ||
[Analyze grammar]

eteṣāmaṃtare dvīpo jaṃbūdvīpa iti smṛtaḥ |
jaṃbudvīpasya saṃsthānaṃ yājñīyā yatra ca kriyāḥ || 1408 ||
[Analyze grammar]

tebhyo yaddravate toyaṃ divyāmṛtarasopamam |
divyatīrthaśatādhārāḥ sarasyaḥ sarvataḥ smṛtāḥ || 1409 ||
[Analyze grammar]

yānyetānīhapadmasya kesarāṇi samaṃtataḥ |
asaṃkhyeyāḥ pṛthivyāṃ te vividhāścaiva parvatāḥ || 14010 ||
[Analyze grammar]

yāni parṇāni padmasya bhūripūrvāṇi pārthiva |
te durgamāḥ śailacitā mlecchadeśāḥ prakīrtitāḥ || 14011 ||
[Analyze grammar]

yānyadhobhāgapatrāṇi tā nivāsāstu bhāgaśaḥ |
daityānāmasurāṇāṃ ca pannagānāṃ ca pārthiva || 14012 ||
[Analyze grammar]

teṣāṃ madhyeṃtaraṃ yattu tadrasātalasaṃjñitam |
mahāpātakakarmāṇo majjaṃte yatra mānavāḥ || 14013 ||
[Analyze grammar]

caturdiśāsu saṃkhyātāścatvāraḥ salilākarāḥ |
evaṃ nārāyaṇasyārthe mahī puṣkara saṃbhavā || 14014 ||
[Analyze grammar]

prādurbhāvopyayaṃ tasmānnāmnā puṣkarasaṃjñitaḥ |
etasmātkāraṇādyajñe purāṇaiḥ paramarṣibhiḥ || 14015 ||
[Analyze grammar]

yajñiyairvedadṛṣṭāṃtairyajñairyūpacitiḥ kṛtā |
evaṃ bhagavatā tena viśvavyāpyadharācitā || 14016 ||
[Analyze grammar]

parvatānāṃ nadīnāṃ ca racanā caiva nirmitā |
viśvasya yaścāpratimaprabhāvaḥ prabhākarā bho varuṇomitadyutiḥ || 14017 ||
[Analyze grammar]

śanaiḥ svayaṃbhūrvyasṛjatsuṣuptaṃ jaganmayaḥ padmanidhiṃ mahārṇave |
vighnastapasi saṃbhūto madhurnāma mahāsuraḥ || 14018 ||
[Analyze grammar]

tenaiva ca sahodbhūto hyasuro nāma kaiṭabhaḥ |
tau rajastamasorbhūtau saṃbhūtau tāmasau gaṇau || 14019 ||
[Analyze grammar]

ekārṇavaṃ jagatsarvaṃ kṣobhayetāṃ mahābalau |
divyaraktāṃbaradharau śvetadīptogradaṃṣṭriṇau || 14020 ||
[Analyze grammar]

kirīṭamakuṭodagrau keyūravalayojjvalau |
mahāvivṛtatāmrākṣau pīnoraskau mahābhujau || 14021 ||
[Analyze grammar]

mahāgireḥ saṃhananau jaṃgamāviva parvatau |
navameghapratīkāśāvādityapratimānanau || 14022 ||
[Analyze grammar]

vipulābhogakeyūra karābhyāmatibhīṣaṇau |
pādasaṃcāravinyāsairvikṣipaṃtāvivārṇavam || 14023 ||
[Analyze grammar]

kaṃpayaṃtau harimiva śayānaṃ madhusūdanam |
tau tatra vicaraṃtau tu puṣkare viśvatomukhau || 14024 ||
[Analyze grammar]

yogināṃ śreṣṭhamatyaṃtaṃ dīptaṃ dadṛśatustadā |
nārāyaṇasamājñātaṃ sṛjaṃtamakhilāḥ prajāḥ || 14025 ||
[Analyze grammar]

daivatāni ca viśvāni mānasāṃśca sutānṛṣīn |
tatastāvūcatustatra brahmāṇamasurottamau || 14026 ||
[Analyze grammar]

duṣṭau yuyutsū saṃkruddhau krodhavyākulitekṣaṇau |
kastvaṃ puṣkaramadhyasthaḥ sitoṣṇīṣaścaturbhujaḥ || 14027 ||
[Analyze grammar]

āvāmagaṇayanmohādāsse tvaṃ vigataspṛhaḥ |
ehyāgacchāvayoryuddhaṃ dehi tvaṃ kamalodbhava || 14028 ||
[Analyze grammar]

āvābhyāṃ parameśābhyāmaśaktaḥ sthātumarṇave |
tatra kaśca bhavettubhyaṃ yena cātra niyojitaḥ || 14029 ||
[Analyze grammar]

kaḥ sraṣṭā kaśca te goptā kena nāmnābhidhīyate |
brahmovāca |
īśvaraḥ procyate loke viṣṇuścānaṃtaśaktidhṛt || 14030 ||
[Analyze grammar]

tatsakāśāttu jātaṃ māṃ sraṣṭāramavagacchatam |
madhukaiṭabhā ūcatuḥ |
nāvayoḥ paramaṃ loke kiṃcidasti mahāmune || 14031 ||
[Analyze grammar]

āvābhyāṃ cchādyate viśvaṃ tamasā rajasā ca vai |
rajastamomayāvāvāmṛṣīṇāmatilaṃghinau || 14032 ||
[Analyze grammar]

dharma śīlaṃ cchādayantau nāśakau sarvadehinām |
āvābhyāṃ yujyate loko dustarābhyāṃ yuge yuge || 14033 ||
[Analyze grammar]

āvāmarthaśca kāmaśca yajñassarvaparigrahaḥ |
sukhaṃ yatra mado yatra yatra śrīḥ kīrtireva ca || 14034 ||
[Analyze grammar]

yeṣāṃ yatkāṃkṣitaṃ kiṃcittattadāvāṃ viciṃtaya |
brahmovāca |
āvābhyāṃ saṃhatau dṛṣṭvā yuvāṃ pūrvaṃ parājitau || 14035 ||
[Analyze grammar]

taṃ samādhāya guṇinaṃ satvaṃ cāsmi samāśritaḥ |
yaḥ paro yogayuktātmā yokṣaraḥ satvameva ca || 14036 ||
[Analyze grammar]

rajasastamasaścaiva yaḥ sraṣṭā viśvasaṃbhavaḥ |
tato bhūtāni jāyaṃte sātvikānītarāṇi ca || 14037 ||
[Analyze grammar]

sa eva yuvayornāśaṃ vāsudevaḥ kariṣyati |
svapanneva tato devo bahuyojanavistṛtau || 14038 ||
[Analyze grammar]

bāhū nārāyaṇo brahma kṛtavānātmamāyayā |
kṛṣyamāṇau tatastasya bāhubhyāṃ bāhuśālinau || 14039 ||
[Analyze grammar]

ceratustau vigalitau śakunāviva pīvarau |
tatastāvāhaturgatvā vāsudevaṃ sanātanam || 14040 ||
[Analyze grammar]

padmanābhaṃ hṛṣīkeśaṃ praṇipatya natāvubhau |
jānīvastvāṃ viśvayoniṃ tvāmekaṃ puruṣottamam || 14041 ||
[Analyze grammar]

āvayoścaiva hetuṃ tvāṃ jānantau buddhikāraṇam |
amoghadarśanaṃ satyaṃ yatastvāṃ vidvaśāśvatam || 14042 ||
[Analyze grammar]

tatastvāmabhito deva kāṃkṣāvaḥ prasamīkṣitum |
amoghadarśanosi tvaṃ namaste samitiṃjaya || 14043 ||
[Analyze grammar]

śrībhagavānuvāca |
kimarthaṃ māmanubrūtha yuvāmasurasattamau |
gatāyuṣkau yuvāṃ bhūyastvaho jīvitumicchathaḥ || 14044 ||
[Analyze grammar]

madhukaiṭabhā ūcatuḥ |
yasminna kaścinmṛtavāndeva tasminvadhaṃ prabho |
icchāvaḥ putratāṃ caiva bhavataḥ sumahātapaḥ || 14045 ||
[Analyze grammar]

śrībhagavānuvāca |
yuvayorbāḍhametatsyādbhaviṣye kalisaṃbhave |
bhaviṣyatho na saṃdehaḥ satyametadbravīmi vām || 14046 ||
[Analyze grammar]

varaṃ pradāyātha mahāsurābhyāṃ sanātano viśvadharaḥ surottamaḥ |
rajastamojau tu tadāṃjanopamau mamarda tāvūrutale'maraprabhuḥ || 14047 ||
[Analyze grammar]

sthitvā tasmiṃstu kamale brahmā brahmavidāṃvaraḥ |
ūrdhvabāhurmahātejāstapoghoraṃ samāśritaḥ || 14048 ||
[Analyze grammar]

prajvalanniva tejobhirbhābhiḥ svābhistamonudaḥ |
babhāṣe sa tu dharmātmā sahasrāṃśurivāṃśubhiḥ || 14049 ||
[Analyze grammar]

athānyadrūpamāsthāya prabhurnarāyaṇovyayaḥ |
ājagāma mahātejā yogācāryo mahāyaśāḥ || 14050 ||
[Analyze grammar]

sāṃkhyācāryaśca matimānkapilo brahmaṇāṃ varaḥ |
ubhāvapi mahātmānau pūjitau tatra tatparau || 14051 ||
[Analyze grammar]

tau prāptāvūcatustatra brahmāṇamamitaujasam |
parāvaraviśeṣajñau pūjitau ca maharṣibhiḥ || 14052 ||
[Analyze grammar]

brahma saṃparivedyaṃ te viśāla jagadāsthitau |
grāmaṇīssarvabhūtānāṃ brahmā trailokyapūjitaḥ || 14053 ||
[Analyze grammar]

tayostadvacanaṃ śrutvā vibodhyagatayoḥ param |
trīnimānkṛtavānlokānyatheyaṃ brahmaṇaḥ śrutiḥ || 14054 ||
[Analyze grammar]

putraṃ svasaṃbhavaṃ caikaṃ samutpāditavānbhuvam |
tadāgre cāgatastasya brahmamānasasaṃbhavaḥ || 14055 ||
[Analyze grammar]

utpannamātro brahmāṇamuktavānmānasaḥ sutaḥ |
kiṃ kurmastava sāhāyyaṃ bravītu bhagavāniti || 14056 ||
[Analyze grammar]

brahmovāca |
yadeṣa kapilo nāma brahmanārāyaṇastathā |
vadato bhavatastvaṃ tu tatkuruṣva mahāmate || 14057 ||
[Analyze grammar]

brahmaṇā sa tathoktastau prāha bhūpa samutthitaḥ |
śuśrūṣurasmi yuvayoḥ kiṃ karomi kṛtāṃjali || 14058 ||
[Analyze grammar]

śrībhavagavānuvāca |
yatsatyamakṣaraṃ brahma aṣṭādaśavidhaṃ ca tat |
yatsatyamamṛtaṃ tattu paraṃ padamanusmara || 14059 ||
[Analyze grammar]

etadvaco niśamyaivaṃ sa yayau diśamuttarāṃ |
gatvā ca tatra sa brahma agamajjñānacakṣuṣā || 14060 ||
[Analyze grammar]

tato brahmā bhuvarnāma dvitīyamasṛjatprabhuḥ |
saṃkalpayitvā manasā tameva ca mahāmanāḥ || 14061 ||
[Analyze grammar]

tataḥ sopyabravīdvākyaṃ kiṃ karomi pitāmaha |
pitāmahasamā jñāto brahmāṇaṃ samupasthitaḥ || 14062 ||
[Analyze grammar]

brāhmaṇasyāmṛtarasonubhūtastena vai tataḥ |
prāptaḥ saparamaṃsthānaṃ sa tayoḥ pārśvamāgataḥ || 14063 ||
[Analyze grammar]

tasminnapi gate sotha tṛtīyamasṛjatprabhuḥ |
mokṣapravṛttikuśalaṃ suvarnāmayutaḥ prabhuḥ || 14064 ||
[Analyze grammar]

sopi taṃdharmamāsthāya tayorevāgamadgatiṃ |
evaṃ putrāstrayopyete gatāḥ śaṃbhormahātmanaḥ || 14065 ||
[Analyze grammar]

tāngṛhītvā sutāṃstasya tau gatāvūrjitāṃ gatiṃ |
nārāyaṇaśca bhagavānkapilaśca yatīśvaraḥ || 14066 ||
[Analyze grammar]

yaṃ kālaṃ te gatā brahma brahmā taṃ kālameva ca |
tapoghorataraṃ bhūyaḥ saṃśritaḥ paramaṃ padaṃ || 14067 ||
[Analyze grammar]

na ca śaktastato brahmā prabhurekastapaścaran |
śarīrārdhāttato bhāryāmutpādayati tacchubhām || 14068 ||
[Analyze grammar]

ātmanaḥ sadṛśānputrānasṛjadvai pitāmahaḥ |
viśve prajānāṃ patayo yebhyo lokā viniḥsṛtāḥ || 14069 ||
[Analyze grammar]

viśveśaṃ prathamaṃ tāvanmahātmā tapasātmajam |
sarvatrasaṃhataṃ puṇyaṃ nāmnā dharmaṃ sa sṛṣṭavān || 14070 ||
[Analyze grammar]

dakṣaṃ marīcimatriṃ ca pulastyaṃ pulahaṃ katum |
vasiṣṭhaṃ gautamaṃ caiva bhṛgumaṃgirasaṃ muniṃ || 14071 ||
[Analyze grammar]

atyadbhutāssvakṛtyena jñeyāste tu maharṣayaḥ |
trayodaśaguṇāraṃbhā ye vaṃśāstu maharṣiṇāṃ || 14072 ||
[Analyze grammar]

aditirditirdanuḥ kālā anāyuḥ siṃhikā khasā |
prācī krodhā ca surasā vinatā kadrureva ca || 14073 ||
[Analyze grammar]

dakṣasyāpatyametadvai kanyā dvādaśa pārthiva |
nakṣatrāṇi ca caṃdrasya viṃśatissapta corjitāḥ || 14074 ||
[Analyze grammar]

marīceḥ kaśyapaḥ putrastapasā nirmitaḥ kila |
tasmai dvādaśakanyāśca dakṣastāścānvamanyata || 14075 ||
[Analyze grammar]

nakṣatrāṇi ca somāya tathaivaṃ dattavānṛṣiḥ |
rohiṇyādīni sarvāṇi puṇyāni kurunaṃdana || 14076 ||
[Analyze grammar]

lakṣmīssarasvatī saṃdhyā viśveśā ca mahāyaśāḥ |
devī sarasvatī caiva brahmaṇā nirmitāḥ purā || 14077 ||
[Analyze grammar]

etāḥ pañca variṣṭhā vai suraśreṣṭhāya pārthiva |
dattā dharmāya bhadraṃ te brahmaṇā dṛṣṭakarmaṇā || 14078 ||
[Analyze grammar]

yā rūpārdhavatī patnī brahmaṇaḥ kāmarūpiṇī |
surabhiḥ sahasā bhūtvā brahmāṇaṃ samupasthitā || 14079 ||
[Analyze grammar]

tatastāmagamadbrahmā maithune lokapūjitaḥ |
lokasarjanahetujño gavāmarthāya sattama || 14080 ||
[Analyze grammar]

jajñe caikādaśasutānvipulāndharmasaṃjñitān |
raktasaṃdhyābhrasaṃkāśānmahatastigmatejasaḥ || 14081 ||
[Analyze grammar]

te rudaṃto dravaṃtaśca gatavaṃtaḥ pitāmaham |
rodanāddravaṇāccaiva rudrā eveti te smṛtāḥ || 14082 ||
[Analyze grammar]

nirhṛtiścaiva saṃdhyaśca tṛtīyaścāpyayonijaḥ |
mṛgavyādhaḥ kapardī ca mahāviśveśvaraśca yaḥ || 14083 ||
[Analyze grammar]

ahirbudhnyaśca bhagavānkapālī caiva piṃgalaḥ |
senānīśca mahātejā rudrāścaikādaśa smṛtāḥ || 14084 ||
[Analyze grammar]

tasyāmeva surabhyāṃ ca gāvo jātāḥ surāśca ye |
ajaścaiva tu haṃsaśca tathaiva nṛpasattama || 14085 ||
[Analyze grammar]

oṣadhyaḥ pravarāyāśca surabhyāstāssamutthitāḥ |
dharmāllakṣmīstathākāmaṃ sādhyānsādhyā vyajāyata || 14086 ||
[Analyze grammar]

bhavaṃ ca prabhavaṃ caiva kṛśāśvaṃ suvahaṃ tathā |
aruṇaṃ varuṇaṃ caiva viśvāmitra cala dhruvau || 14087 ||
[Analyze grammar]

haviṣmaṃtaṃ tanūjaṃ ca vidhānābhimatāvapi |
vatsaraṃ caiva bhūtiṃ ca sarvāsuraniṣūdanam || 14088 ||
[Analyze grammar]

suparvāṇaṃ bṛhatkāṃtiṃ sādhyā lokanamaskṛtam |
vāsavānugatā devī janayāmāsa vai surān || 14089 ||
[Analyze grammar]

dharaṃ vai prathamaṃ devaṃ dvitīyaṃ dhruvamavyayam |
viśvāvasuṃ tṛtīyaṃ ca caturthaṃ somamīśvaraṃ || 14090 ||
[Analyze grammar]

tatonurūpamāyaṃ ca yamaṃ tasmādanaṃtaram |
saptamaṃ ca tathā vāyumaṣṭamaṃ nirhṛtiṃ tathā || 14091 ||
[Analyze grammar]

dharmasyāpatyametadvai surabhyāṃ tadajāyata |
viśvedevāśca viśvāyāṃ dharmājjātā iti smṛtāḥ || 14092 ||
[Analyze grammar]

dakṣaścaiva mahābāhuḥ puṣkarastama eva ca |
cākṣuṣaśca tatotriśca tathā bhadramahoragau || 14093 ||
[Analyze grammar]

viśvāṃtaka vasurbālo nikuṃbhaśca mahāyaśāḥ |
rurudaścātisiddhaujā bhāskara pramitadyutiḥ || 14094 ||
[Analyze grammar]

viśvāndevāndevamātā viśveṣāṃ janayatsutān |
marutvatī marutvato devānajanayatsutān || 14095 ||
[Analyze grammar]

agniścakṣū ravirjyotiḥ sāvitrī mitrameva ca |
amaraṃ śaravṛṣṭiṃ ca sukarṣaṃ ca mahattaram || 14096 ||
[Analyze grammar]

virājaṃ caiva rājaṃ ca viśvāyuṃ sumatiṃ tathā |
aśvagaṃ citraraśmiṃ ca tathā ca niṣadhaṃ nṛpaṃ || 14097 ||
[Analyze grammar]

bhūya evaṃ cātmavidhiṃ cāritraṃ pādamātragaṃ |
bṛhaṃtaṃ vai bṛhadrūpaṃ tathā caiva sanābhigaṃ || 14098 ||
[Analyze grammar]

marutvatī prajā jajñe jyeṣṭhāṃ taṃ marutāṃgaṇaṃ |
aditiḥ kaśyapājjajñe ādityāndvādaśaiva hi || 14099 ||
[Analyze grammar]

iṃdro viṣṇurbhagastvaṣṭā varuṇoṃśoryamāraviḥ |
pūṣā mitraśca varado dhātā parjanya eva hi || 140100 ||
[Analyze grammar]

ityete dvādaśādityā variṣṭāstridivaukasāṃ |
ādityasya sarasvatyāṃ jajñāte dvau sutau varau || 140101 ||
[Analyze grammar]

tapaḥśreṣṭhau guṇaśreṣṭhau tridivasyātisaṃmatau |
danustu dānavānjajñe ditirdaityānvyajāyata || 140102 ||
[Analyze grammar]

kālā tu kālakeyāṃstānasurānrākṣasāṃstathā |
anāyuṣāyāstanayā vyādhayaśca mahābalāḥ || 140103 ||
[Analyze grammar]

siṃhikā grahamātā ca gaṃdharvajananī muniḥ |
prācī tvapsarasāṃ mātā puṇyānāṃ bhāratetarā || 140104 ||
[Analyze grammar]

krodhā sāḥ sarvabhūtāni piśācā sā ca pārthiva |
jajñe yakṣagaṇāṃścaiva rākṣasāṃśca viśāṃpate || 140105 ||
[Analyze grammar]

catuṣpadāni satvāni etā gāścaiva saurabhī |
purāṇapuruṣaścaiva māyāṃ viṣṇurhariḥ prabhuḥ || 140106 ||
[Analyze grammar]

kathitastenupūrveṇa saṃstutaśca maharṣibhiḥ |
yaścedamagryaṃ śṛṇuyātpurāṇaṃ sadā naraḥ parvasu cetpaṭheta || 140107 ||
[Analyze grammar]

avāpyalokaṃ sa hi vītarāgaḥ paratra ca svargaphalāni bhuṃkte cakṣuṣā manasā vācā karmaṇā ca caturvidham || 140108 ||
[Analyze grammar]

prasādayati yaḥ kṛṣṇaṃ tasya kṛṣṇaḥ prasīdati |
rājyaṃ ca labhate rājā nirdhanaścottamaṃ dhanam || 140109 ||
[Analyze grammar]

kṣīṇāyurlabhate cāyuḥ putrakāmotha saṃtatim |
yajñārthinastathā kāmāṃstapāṃsi vividhāni ca || 140110 ||
[Analyze grammar]

yaṃ yaṃ kāmayate kāmaṃ taṃ taṃ lokeśvarāllabhet |
sarvaṃ vihāya ya imaṃ paṭhedvai pauṣkaraṃ hareḥ || 140111 ||
[Analyze grammar]

prādurbhāvaṃ naraśreṣṭha na tasya hyaśubhaṃ bhavet |
eṣa pauṣkarakonāma prādurbhāvo mahātmanaḥ || 140112 ||
[Analyze grammar]

kīrtitastu mahārāja vyāsaśrutinidarśanāt |
viṣṇutvaṃ śṛṇu me viṣṇorharitvaṃ ca kṛteyuge || 140113 ||
[Analyze grammar]

vaikuṃṭhatvaṃ ca deveṣu kṛṣṇatvaṃ mānuṣeṣu ca |
īśvarasya hitasyaiṣā karmaṇāṃ gahanā gatiḥ || 140114 ||
[Analyze grammar]

sāṃprataṃ bhūtabhavyaṃ ca śṛṇu rājanyathātathaṃ |
avyakto vyaktaliṃgastho ya eṣa bhagavānprabhuḥ || 140115 ||
[Analyze grammar]

nārāyaṇo hyanaṃtātmā prabhavāpyaya eva ca |
eṣa nārāyaṇo bhūtvā harirāsītsanātanaḥ || 140116 ||
[Analyze grammar]

brahmā vāyuśca somaśca dharmaḥ śakro bṛhaspatiḥ |
aditerapi putratvametyajaḥ kurunaṃdana || 140117 ||
[Analyze grammar]

eṣa viṣṇuriti khyāta indrasyāvarajo vibhuḥ |
prasādanaṃ tasyavibhoradityāḥ putrakāraṇam || 140118 ||
[Analyze grammar]

vadhārthaṃ suraśatrūṇāṃ daityadānavarakṣasām |
sasarjātha surānkalpe brahmāṇaṃ ca prajāpatīn || 140119 ||
[Analyze grammar]

asṛjanmānasāṃstatra brahmavaṃśānanuttamān |
tebhyobhavanmahātmabhyaḥ paraṃbrahma sanātanam || 140120 ||
[Analyze grammar]

etadāścaryabhūtasya viṣṇoḥ karmānukīrtitaṃ |
kīrttanīyasya lokeṣu kīrtyamānaṃ nibodha me || 140121 ||
[Analyze grammar]

vṛtte vṛtravadhe bhīṣma vartamāne kṛteyuge |
āsīttrailokyavikhyātaḥ saṃgrāmastārakāmayaḥ || 140122 ||
[Analyze grammar]

yatra te dānavā ghorāḥ sarve saṃgrāmadurjayāḥ |
ghnaṃti devāsurānsarvānsayakṣoragarākṣasān || 140123 ||
[Analyze grammar]

te vadhyamānā vimukhāśchinnapraharaṇā raṇe |
trātāraṃ manasā jagmurdevaṃ nārāyaṇaṃ prabhum || 140124 ||
[Analyze grammar]

etasminnaṃtare meghā nirvāṇāṃgāravarcasaḥ |
sārkacaṃdragrahagaṇaṃ cchādayaṃto nabhastalam || 140125 ||
[Analyze grammar]

caṃḍavidyudgaṇopetā ghoranirhrādakāriṇaḥ |
anyonyavegābhihatāḥ pravavuḥ saptamārutāḥ || 140126 ||
[Analyze grammar]

dīptatoyāḥ sanirghātaiḥ saha vajrānalānilaiḥ |
ravaissughorairutpātairdahyamānamivāmbaram || 140127 ||
[Analyze grammar]

peturulkāsahasrāṇi nipetuḥ khacarāṇyapi |
daivāni ca vimānāni prapataṃtyutpataṃti ca || 140128 ||
[Analyze grammar]

caturyugāṃtasamaye lokānāṃ yadbhayaṃ bhavet |
arūpavati rūpāṇi tasminnutpātalakṣaṇe || 140129 ||
[Analyze grammar]

tasmādduṣprathitaṃ sarvaṃ na prājñāyata kiṃcana |
timiraughaparikṣiptā na rejuśca diśo daśa || 140130 ||
[Analyze grammar]

viveśa rūpiṇī kālī kālameghāvaguṃṭhitā |
dyaurnabhātyabhibhūtārkā ghoreṇa tamasā vṛtā || 140131 ||
[Analyze grammar]

tāṃ ghanaughāṃ satimirāṃ dorbhyāmāchidya sa prabhuḥ |
vapuḥ svaṃ darśayāmāsa divyaṃ kṛṣṇavapurhariḥ || 140132 ||
[Analyze grammar]

balāhakāṃjananibhaṃ balāhakatanūruham |
tejasā vapuṣā caiva kṛṣṇaṃ kṛṣṇamivācalam || 140133 ||
[Analyze grammar]

dīptapītāṃbaradharaṃ taptakāṃcanabhūṣaṇam |
dhūmrāṃdhakāravapuṣaṃ yugāṃtāgnimivotthitam || 140134 ||
[Analyze grammar]

vṛttadviguṇapīnāṃ saṃkirīṭācchannamūrdhajam |
babhau cāmīkaraprakhyairāyudhairupaśobhitam || 140135 ||
[Analyze grammar]

caṃdrārkakiraṇodyotaṃ girikūṭamivocchritam |
naṃdakānaṃditakaraṃ kaustubhodbhāsitorasam || 140136 ||
[Analyze grammar]

śakticitraphalodagraṃ śaṃkhacakragadādharam |
viṣṇuśailaṃ kṣamāśīlaṃ śrīvatsaṃ śārṅgapāṇinam || 140137 ||
[Analyze grammar]

tridaśodāraphaladaṃ svargastrīcāruvallabham |
sarvalokamanaḥkāṃtaṃ sarvasatvamanoharam || 140138 ||
[Analyze grammar]

māyāviśālaviṭapaṃ toyadaughasamaprabham |
vidyāhaṃkāramānāḍhya mahābhūtaprarohaṇam || 140139 ||
[Analyze grammar]

viśeṣapatrairnicitaṃ grahanakṣatrapuṣpitam |
daityalokamahāskaṃdhaṃ martyalokaprakāśitam || 140140 ||
[Analyze grammar]

sāgarākāranirhrādaṃ rasātalagalāśrayam |
nāgeṃdrapāśairvitataṃ pakṣijaṃtusamanvitam || 140141 ||
[Analyze grammar]

śīlānāhāryagaṃdhāḍhyaṃ sarvalokamahādrumam |
avyaktānaṃdasalilaṃ vyaktāhaṃkāraphenilam || 140142 ||
[Analyze grammar]

mahābhūtakaraughaughaṃ grahanakṣatrabudbudam |
vimānavāhanairvyāptaṃ toyadāḍambarākulam || 140143 ||
[Analyze grammar]

jaṃtumatsyagaṇākīrṇaṃ śailaśaṃkhakulairyutam |
traiguṇyaviṣayāvartaṃ sarvalokatimiṃgilam || 140144 ||
[Analyze grammar]

vīravṛkṣalatāgulmaṃ bhujagotsṛṣṭaśaivalam |
dvādaśārkamahādvīpaṃ rudraikādaśapattanam || 140145 ||
[Analyze grammar]

vasvaṣṭaparvatopetaṃ trailokyāṃbho mahodadhim |
saṃdhyāsaṃdhyormisalilamāpūrṇānilaśobhitam || 140146 ||
[Analyze grammar]

daityayakṣagaṇagrāmaṃ rakṣogaṇajhaṣākulam |
pitāmahamahāvīryaṃ svargastrīratnasaṃkulam || 140147 ||
[Analyze grammar]

śrī kīrti kāṃtilakṣmībhirnadībhiśca samākulam |
kālayogamahāvarṣapralayotpattivegitam || 140148 ||
[Analyze grammar]

satsaṃyogamahāpāraṃ nārāyaṇamahārṇavam |
devātidevaṃ varadaṃ bhaktānāṃ bhaktavatsalam || 140149 ||
[Analyze grammar]

anugrahakaraṃ devaṃ praśāṃtikaraṇaṃ śubham |
haryaśvarathasaṃyukta suparṇadhvajaśobhite || 140150 ||
[Analyze grammar]

caṃdrārkacakraracita udārākṣavṛtāṃtare |
anaṃtaraśmisaṃyukte durdarśe merukūbare || 140151 ||
[Analyze grammar]

tārakācitrakusume grahanakṣatrabaṃdhure |
bhayeṣvabhayade vyomni devadaityāparājite || 140152 ||
[Analyze grammar]

haryaśvarathasaṃyuktamuktāśobhāsamanvitam |
dadṛśuste sthitaṃ devaṃ divyalokamaye rathe || 140153 ||
[Analyze grammar]

te kṛtāṃjalayaḥ sarve devā iṃdrapurogamāḥ |
jayaśabdaṃ puraskṛtya śaraṇyaṃ śaraṇaṃ gatāḥ || 140154 ||
[Analyze grammar]

eteṣāṃ ca giraḥ śrutvā sa viṣṇurdevadaivataḥ |
manaścakre vināśāya dānavānāṃ mahāmṛdhe || 140155 ||
[Analyze grammar]

ākāśe tu sthito viṣṇuruttamaṃ vapurāśritaḥ |
uvāca devatāḥ sarvāḥ sapratijñamidaṃ vacaḥ || 140156 ||
[Analyze grammar]

śāṃtiṃ vrajata bhadraṃ vo mā bhaiṣṭa marutāṃgaṇāḥ |
jitā me dānavāḥ sarve trailokyaṃ parigṛhyatām || 140157 ||
[Analyze grammar]

tatosya satyasaṃdhasya viṣṇorvākyena toṣitāḥ |
devāḥ prītiṃ parājagmuḥ prāśyāmṛtamivottamam || 140158 ||
[Analyze grammar]

tatastamaśca saṃhṛtya vineśuśca balāhakāḥ |
pravavuśca śivā vātāḥ prasannāśca diśo daśa || 140159 ||
[Analyze grammar]

śuddhaprāyāṇi jyotīṃṣi somaṃ cakruḥ pradakṣiṇam |
na vigrahaṃ grahāścakruḥ prasannāścāpi siṃdhavaḥ || 140160 ||
[Analyze grammar]

virajā abhavanmārgā lokāḥ svargādayastrayaḥ |
yathārthamūhussaritaścukṣubhe na tathārṇavaḥ || 140161 ||
[Analyze grammar]

āsanchubhānīndriyāṇi narāṇāmaṃtarātmasu |
maharṣayo vītaśokā vedānuccairadhīyata || 140162 ||
[Analyze grammar]

yajñeṣu ca haviḥ pākaṃ śivamāpa ca pāvakaḥ |
pravṛttadharmasaṃvṛttā lokā muditamānasāḥ || 140163 ||
[Analyze grammar]

viṣṇoḥ satyapratijñasya śrutvārinidhanā giraḥ |
tato bhayaṃ viṣṇumukhācchrutvā daiteyadānavāḥ || 140164 ||
[Analyze grammar]

udyogaṃ vipulaṃ cakruryuddhāya vijayāya ca |
mayastu kāṃcanamayaṃ trinalvāṃtaramavyayam || 140165 ||
[Analyze grammar]

catuścakraṃ suvipulaṃ sukalpitamahāyudham |
kiṃkiṇījālanirghoṣaṃ dvīpicarmapariṣkṛtam || 140166 ||
[Analyze grammar]

ruciraṃ raśmijālaiśca haimajālaiśca śobhitam |
īhāmṛgagaṇākīrṇaṃ pakṣisaṃghavirājitam || 140167 ||
[Analyze grammar]

divyāstraśastraruciraṃ payodharanināditam |
svakṣaṃ rathavarodāraṃ sūpasthaṃ gaganopamam || 140168 ||
[Analyze grammar]

gadāparighasaṃpūrṇaṃ mūrtimaṃtamivārṇavam |
hemakeyūravalayaṃ caṃdramaṃḍalakūbaram || 140169 ||
[Analyze grammar]

sapatākadhvajopetaṃ sādityamiva maṃdaram |
gajeṃdrābhogavapuṣaṃ kvacitkesaravarcasam || 140170 ||
[Analyze grammar]

yuktamṛkṣasahasreṇa sudhārāṃbudanāditam |
dīptamākāśagaṃ divyaṃ rathaṃ pararathārujam || 140171 ||
[Analyze grammar]

adhyatiṣṭhadraṇākāṃkṣī meruṃ dīptamivāṃśumān |
tārastu krośavistāramāyāme ca tathāvidham || 140172 ||
[Analyze grammar]

śailakūbarasaṃkāśaṃ nīlāṃjanacayopamam |
kālalohasya ratnānāṃ samūhābaddhakūbaram || 140173 ||
[Analyze grammar]

timirodgārakiraṇaṃ garjaṃtamiva toyadam |
lohajālena mahatā sagavākṣeṇa daṃśitam || 140174 ||
[Analyze grammar]

āyasaiḥ parighaiḥ pūrṇaṃ kṣepaṇīyaiśca mudgaraiḥ |
prāsaiḥ pāśaiśca vitatairasaṃyuktaiśca kaṇṭakaiḥ || 140175 ||
[Analyze grammar]

śobhitaṃ trāsanīyaiśca tomaraiḥ saparaśvadhaiḥ |
udyataṃ dviṣatāṃ hetordvitīyamiva maṃdaram || 140176 ||
[Analyze grammar]

yuktaṃ kharasahasreṇa so'dhyārohadrathottamam |
virocanastu saṃkruddho gadāpāṇiravasthitaḥ || 140177 ||
[Analyze grammar]

pramukhe tasya sainyasya dīptaśṛṃga ivācalaḥ |
yuktaṃ hayasahasreṇa hayagrīvastu dānavaḥ || 140178 ||
[Analyze grammar]

vyūhitaṃ dānavavyūhaṃ paricakrāma vīryavān |
vipracittisutaḥ śvetaḥ śvetakuṃḍalabhūṣaṇaḥ || 140179 ||
[Analyze grammar]

syaṃdanaṃ vāhayāmāsa parānīkasya mardanaḥ |
vyāyataṃ kiṣkusāhasraṃ dhanurvisphārayanmahat || 140180 ||
[Analyze grammar]

sa cāhavamukhe tasthau sapraroha ivācalaḥ |
kharastu viṣkirinkrodhānnetrābhyāṃ ropajaṃ jalam || 140181 ||
[Analyze grammar]

sphuraddaṃtauṣṭhanayanaḥ saṃgrāmaṃ sobhyakāṃkṣata |
tvaṣṭā tvaṣṭādaśahayaṃ yānamāsthāya dānavaḥ || 140182 ||
[Analyze grammar]

divyavyūhapratīkāśā yuddhāyābhimukhaḥ sthitaḥ |
ariṣṭo baliputraśca variṣṭho durdharāyudhaḥ || 140183 ||
[Analyze grammar]

yuddhāyābhimukhastasthau dharādharavikaṃpanaḥ |
kiśorastvatisaṃharṣātkiśora iva coditaḥ || 140184 ||
[Analyze grammar]

abhavaddaityamadhye sa grahamadhye yathā raviḥ |
laṃbastu navameghābhaḥ pralaṃbāṃbarabhūṣaṇaḥ || 140185 ||
[Analyze grammar]

daityavyūhagato bhāti sanīhāra ivāṃśumān |
vasuṃdharābhastadanu daśanauṣṭhekṣaṇāyudhaḥ || 140186 ||
[Analyze grammar]

hasaṃstiṣṭhati daityānāmmadhye krūra mahāgrahaḥ |
anye hayagatāstatra mattebheṃdragatāḥ pare || 140187 ||
[Analyze grammar]

siṃhavyāghragatāścānye varāharkṣeṣu cāpare |
kecitkharoṣṭrayātāraḥ kecittoyadavāhanāḥ || 140188 ||
[Analyze grammar]

pattayaścāpare daityā bhīṣaṇā vikṛtānanāḥ |
ekapādāstvapādāśca nanṛturyuddhakāṃkṣiṇaḥ || 140189 ||
[Analyze grammar]

āsphoṭayaṃto bahavaḥ svanaṃtaśca tathāpare |
dṛptaśārdūlanirghoṣā nedurdānavapuṅgavāḥ || 140190 ||
[Analyze grammar]

te gadāparighairghoraiḥ śilāmudgarapāṇayaḥ |
bāhubhiḥ parighākāraistarjayaṃti sma devatāḥ || 140191 ||
[Analyze grammar]

prāsaiḥ khaḍgaiśca pāśaiśca tomarāṃkuśapaṭṭiśaiḥ |
cikrīḍuste śataghnībhiḥ śatadhāraiśca mudgaraiḥ || 140192 ||
[Analyze grammar]

khaḍgaśailaiśca śailaiśca parighaiścodyatāyudhaiḥ |
yuktaṃ balāhakagaṇaiḥ sarvataḥ saṃvṛtaṃ nabhaḥ || 140193 ||
[Analyze grammar]

evaṃ taddānavaṃ sainyaṃ sarvasatvamadotkaṭam |
devatābhimukhaṃ tasthau meghānīkamivoditam || 140194 ||
[Analyze grammar]

reje ca taddaityasahasragāḍhaṃ vāyvagniśailāṃbudatoyakalpam |
balaṃ balaughākulamabhyudīrṇaṃ yuyutsayonmattamivā babhāse || 140195 ||
[Analyze grammar]

śrutaste daityasainyasya vistāraḥ kurunaṃdana |
surāṇāmapi sainyasya vistaraṃ vaiṣṇavaṃ śṛṇu || 140196 ||
[Analyze grammar]