Chapter 29

[English text for this chapter is available]

ekonatriṃśo'dhyāyaḥ |
pulastyauvāca |
tathaivānyatpravakṣyāmi sarvakāmaphalapradam |
saubhāgyaśayanaṃnāma yatpurāṇavido viduḥ || 1 ||
[Analyze grammar]

purā dagdheṣu lokeṣu bhūrbhuvaḥ svarmahādiṣu |
saubhāgyaṃ sarvabhūtānāmekasthamabhavattadā || 2 ||
[Analyze grammar]

vaikuṃṭhaṃ sarvamāsādya viṣṇorvakṣasthale sthitam |
tataḥ kālena kiyatā punaḥ sargavidhau nṛpaḥ || 3 ||
[Analyze grammar]

ahaṃkāravṛteloke pradhānapuruṣānvite |
sparddhāyāṃ ca pravṛddhāyāṃ kamalāsanakṛṣṇayoḥ || 4 ||
[Analyze grammar]

piṃgākārā samudbhūtā vahnijvālātibhīṣaṇā |
tayābhitaptasya harervakṣasastadviniḥsṛtam || 5 ||
[Analyze grammar]

yadvakṣaḥsthalamāśritya viṣṇoḥ saubhāgyamāsthitam |
rasarūpaṃ na tadyāvadāpnoti vasudhātale || 6 ||
[Analyze grammar]

utkṣiptamaṃtarikṣāttu brahmaputreṇa dhīmatā |
dakṣeṇa pītamātraṃ tadrūpalāvaṇyakārakam || 7 ||
[Analyze grammar]

balaṃtejomahajjātaṃ dakṣasya parameṣṭhinaḥ |
śeṣaṃ yadapatadbhūmāvaṣṭadhā tadvyajāyata || 8 ||
[Analyze grammar]

tatastvoṣadhayo jātāḥ sapta saubhāgyadāyikāḥ |
ikṣavastarurājaśca niṣpavāvaśśālidhānyakam || 9 ||
[Analyze grammar]

vikāravacca gokṣīraṃ kusuṃbhaṃ kusumaṃ tathā |
lavaṇaṃ cāṣṭamaṃ tadvatsaubhāgyāṣṭakamucyate || 10 ||
[Analyze grammar]

pītaṃ yadbrahmaputreṇa yogajñānavidā purā |
duhitā sābhavattasmādyā satītyabhidhīyate || 11 ||
[Analyze grammar]

lokānatītya lālityāllalitā tena cocyate |
trailokyasuṃdarīṃ devīmupayeme pinākadhṛt || 12 ||
[Analyze grammar]

triviśvasaubhāgyamayīṃ bhuktimuktiphalapradām |
tāmārādhya pumānbhaktyā nārī vā kiṃ na viṃdati || 13 ||
[Analyze grammar]

bhīṣma uvāca |
kathamārādhanaṃ tasyā lalitāyā mune vada |
yadvidhānaṃ ca jagataḥ śāṃtaye tadvadasva me || 14 ||
[Analyze grammar]

pulastya uvāca |
vasaṃtamāsamāsādya tṛtīyāyāṃ janapriyaḥ |
śuklapakṣasya pūrvāhṇe tilaiḥ snānaṃ samācaret || 15 ||
[Analyze grammar]

tasminnahani sā devī kila viśvātmanā satī |
pāṇigrahaṇikairmaṃtrairudūḍhā varavarṇinī || 16 ||
[Analyze grammar]

tayā sahaiva viśveśaṃ tṛtīyāyāmathārcayet |
phalairnānāvidhairdīpairdhūpairnaivedyasaṃyutaiḥ || 17 ||
[Analyze grammar]

pratimāṃ paṃcagavyena tathā gaṃdhodakena ca |
snāpayitvārcayedgaurīmiṃduśekharasaṃyutām || 18 ||
[Analyze grammar]

namostu pāṭalāyai tu pādau devyāḥ śivasya ca |
śivāyeti ca saṃkīrtya jayāyai gulphayordvayoḥ || 19 ||
[Analyze grammar]

tryaṃbakāyeti rudrasya bhavānyai jaṃghayoryugam |
śiro rudreśvarāyeti vijayāyai ca jānunī || 20 ||
[Analyze grammar]

saṃkīrtya harikeśāya tathoruvarade namaḥ |
īśāyeti kaṭiṃ ratyai śaṃkarāyeti śaṃkaram || 21 ||
[Analyze grammar]

kukṣidvayaṃ ca koṭavyai śūlinaṃ śūlapāṇaye |
maṃgalāyai namastubhyamudaraṃ cābhibhūjayet || 22 ||
[Analyze grammar]

sarvātmane namo rudramīśānyai ca kucadvayam |
śivaṃ vedātmane tadvadrudrāṇyai kaṃṭhamarcayet || 23 ||
[Analyze grammar]

tripuraghnāya viśveśamanaṃtāyai karadvayam |
trilocanāyeti haraṃ bāhū kālānalapriye || 24 ||
[Analyze grammar]

saubhāgyabhavanāyeti bhūṣaṇāni sadārcayet |
svāhāsvadhāyai ca mukhamīśvarāyeti śūlinam || 25 ||
[Analyze grammar]

aśokavanavāsinyai pūjyāvoṣṭhau ca bhūtidau |
sthāṇave ca haraṃ tadvadāsyaṃ caṃdramukhapriye || 26 ||
[Analyze grammar]

namordhanārīśaharamasitāṃgīti nāsikām |
nama ugrāya lokeśaṃ laliteti punarbhruvau || 27 ||
[Analyze grammar]

śarvāya puraharttāraṃ vāsudevyai tathālakam |
namaḥ śrīkaṃṭhanāthāya śivakeśāṃstathārcayet || 28 ||
[Analyze grammar]

bhīmograbhīmarūpiṇyai śiraḥ sarvātmane namaḥ |
haramabhyarcya vidhivatsaubhāgyāṣṭakamagrataḥ || 29 ||
[Analyze grammar]

sthāpayetsnigdhaniṣpāvānkusuṃbhakṣīrajīrakam |
tarurājekṣulavaṇaṃ kustuṃburumathāṣṭamam || 30 ||
[Analyze grammar]

dadyātsaubhāgyakṛdyasmātsaubhāgyāṣṭakamityuta |
evaṃnivedya tatsarvamagrataḥ śivayoḥ punaḥ || 31 ||
[Analyze grammar]

caitre śṛṃgāṭakānprāśya svapedbhūmāvariṃdama |
punaḥ prabhāte ca tathā kṛtasnānajapaḥ śuciḥ || 32 ||
[Analyze grammar]

saṃpūjya dvijadāṃpatyaṃ mālyavastraṃ vibhūṣaṇaiḥ |
saubhāgyāṣṭakasaṃyukta sauvarṇaṃ pratimādvayam || 33 ||
[Analyze grammar]

prīyatāṃ metra lalitā brāhmaṇāya nivedayet |
evaṃ saṃvatsaraṃ yāvattṛtīyāyāṃ sadā nṛpa || 34 ||
[Analyze grammar]

prāśane dānamaṃtre ca viśeṣoyaṃ nibodha me |
gośṛṃgāṃbu madhau proktaṃ vaiśākhe gomayaṃ punaḥ || 35 ||
[Analyze grammar]

jyeṣṭhe maṃdārakusumaṃ bilvapatraṃ śucau smṛtam |
śrāvaṇe dadhisaṃprāśyaṃ nabhasye tu kuśodakam || 36 ||
[Analyze grammar]

kṣīraṃ cāśvayuje māsi kārttike pṛṣadājyakam |
mārgaśīrṣe tu gomūtraṃ pauṣe saṃprāśayedghṛtam || 37 ||
[Analyze grammar]

māghe kṛṣṇatilāṃstadvatpaṃcagavyaṃ ca phālgune |
lalitā vijayā bhadrā bhavānī kumudā śivā || 38 ||
[Analyze grammar]

vāsudevī tathā gaurī maṃgalā kamalā satī |
umā ca dānakāle tu prīyatāmiti kīrttayet || 39 ||
[Analyze grammar]

tasmiṃstu dvādaśe māsi dvādaśyāṃ kṛṣṇamarcayet |
tathā lakṣmīṃ ca tatraiva bhartrā sārdhamathārcayet || 40 ||
[Analyze grammar]

paurṇamāsyāmatastadvatsapatnīkaḥ pitāmahaḥ |
upāsanīyo viduṣā paratrā bhītimicchatā || 41 ||
[Analyze grammar]

saubhāgyāṣṭakaṃ tadvacca dātavyaṃ bhūtimicchatā |
mallikāśokakamalaṃ kadaṃbotpalacaṃpakam || 42 ||
[Analyze grammar]

kubjakaṃ karavīraṃ ca bāṇamamlānapaṃkajam |
siṃduvāraṃ ca sarveṣu māseṣu kusumaṃ smṛtam || 43 ||
[Analyze grammar]

japākusuṃbhakusumaṃ mālatī śatapatrikā |
yathālābhaṃ praśastāni karavīraṃ ca sarvadā || 44 ||
[Analyze grammar]

evaṃ saṃvatsaraṃ yāvadupoṣya vidhivannaraḥ |
strī ca naktaṃ kumārī ca śivamabhyarcya bhaktitaḥ || 45 ||
[Analyze grammar]

vratāṃte śayanaṃ dadyātsarvopaskarasaṃyutam |
umāmaheśvarau haimau vṛṣabhaṃ ca gavā saha || 46 ||
[Analyze grammar]

sthāpayitvā ca śayanaṃ brāhmaṇāya nivedayet |
dvādaśyāṃ vatsaraṃ tvekaṃ mahālakṣmyā ca keśavam || 47 ||
[Analyze grammar]

brahmāṇaṃ saha sāvitryā pūjayitvā narastviha |
sarvānkāmānavāpnoti manasā samabhīpsitān || 48 ||
[Analyze grammar]

anyānyapi yathāśakti mithunānyaṃbarādibhiḥ |
dhānyālaṅkāragodānairanyaiśca dhanasañcayaiḥ || 49 ||
[Analyze grammar]

vittaśāṭhayena rahitaḥ pūjayedgatavismayaḥ |
evaṃ karoti yaḥ samyaksaubhāgyaśayanavratam || 50 ||
[Analyze grammar]

sarvānkāmānavāpnoti padaṃ vā nityamaśnute |
phalasyaikasya ca tyāgametatkurvansamācaret || 51 ||
[Analyze grammar]

yaśaḥ kīrtimavāpnoti pratimāsaṃ narādhipa |
saubhāgyārogyarūpaiśca vastrālaṃkārabhūṣaṇaiḥ || 52 ||
[Analyze grammar]

na viyukto bhavedrājansaubhāgyaśayanapradaḥ |
yastu dvādaśavarṣāṇi saubhāgyaśayanavratam || 53 ||
[Analyze grammar]

karoti sapta cāṣṭau vā brahmaloke mahīyate |
pūjyamāno vasetsamyakyāvatkalpāyutaṃ naraḥ || 54 ||
[Analyze grammar]

viṣṇorlokamathāsādya śivalokagatastathā |
nārī vā kurute yā tu kumārī vā nareśvara || 55 ||
[Analyze grammar]

sāpi tatphalamāpnoti devyanugrahalālitā |
śṛṇuyādapi yaścaiva pradadyādathavā matim || 56 ||
[Analyze grammar]

sopi vidyādharo bhūtvā svargaloke ciraṃ vaset |
idamiha madanena pūrvasṛṣṭaṃ śatadhanuṣā ca kṛtaṃ nareṇa tadvat || 57 ||
[Analyze grammar]

kṛtamatha pavanena naṃdinā ca kimu jananāthamahādbhutaṃ na vā syāt || 58 ||
[Analyze grammar]

iti śrīpādmapurāṇe prathame sṛṣṭikhaṃḍe vratādhyāyonāma ekonatriṃśo'dhyāyaḥ || 29 ||
[Analyze grammar]