Chapter 28

[English text for this chapter is available]

bhīṣma uvāca |
pādapānāṃ vidhiṃ brahmanyathāvadvistarādvada |
vidhinā yena karttavyaṃ pādapāropaṇaṃ budhaiḥ || 1 ||
[Analyze grammar]

ye ca lokāḥ smṛtā yeṣāṃ tānidānīṃ vadasva me |
pulastya uvāca |
pādapānāṃ vidhiṃ vakṣye tathaivodyānabhūmiṣu || 2 ||
[Analyze grammar]

taṭākavidhivatsarvaṃ samāpya jagatīśvara |
ṛtviṅmaṃḍapasaṃbhāramācāryaṃ cāpi tadvidhaṃ || 3 ||
[Analyze grammar]

pūjayedbrāhmaṇāṃstadvaddhemavastrānulepanaiḥ |
sarvauṣadhyudakaiḥ siktāndadhyakṣatavibhūṣitān || 4 ||
[Analyze grammar]

vṛkṣānmālyairalaṃkṛtya vāsobhirabhiveṣṭayet |
sūcyā sauvarṇayā kāryaṃ sarveṣāṃ karṇavedhanaṃ || 5 ||
[Analyze grammar]

aṃjanaṃ cāpi dātavyaṃ tadvaddhemaśalākayā |
phalāni sapta cāṣṭau vā kāladhautāni kārayet || 6 ||
[Analyze grammar]

pratyekaṃ sarvavṛkṣāṇāṃ vedyāṃtānyadhivāsayet |
dhūpotra gugguluḥ śreṣṭhastāmrapātreṣvadhiṣṭhitān || 7 ||
[Analyze grammar]

saptadhānyasthitānkṛtvā vastragaṃdhānulepanaiḥ |
kuṃbhānsarveṣu vṛkṣeṣu sthāpayitvāvanīśvara || 8 ||
[Analyze grammar]

pūjayitvā dināṃte ca kṛtvā balinivedanam |
yathāvallokapālānāmiṃdrādīnāṃ vidhānataḥ || 9 ||
[Analyze grammar]

vanaspateradhivāsa evaṃ kāryo dvijātibhiḥ |
tataḥ śuklāṃbaradharānsauvarṇakṛtamekhalān || 10 ||
[Analyze grammar]

sakāṃsyadohāṃ sauvarṇaśṛṃgābhyāmatiśālinīṃ |
payasvinīṃ vṛkṣamadhyādutsṛjedgāmudaṅmukhīm || 11 ||
[Analyze grammar]

tatobhiṣekamaṃtreṇa vādyamaṃgalagītakaiḥ |
ṛgyajuḥsāmamaṃtraiśca vāruṇairabhitastadā || 12 ||
[Analyze grammar]

taireva kuṃbhaiḥ snapanaṃ kuryurbrāhmaṇapuṃgavāḥ |
snātaḥ śuklāṃbaradharo yajamānobhipūjayet || 13 ||
[Analyze grammar]

gobhirvibhavataḥ sarvānṛtvijaḥ sasamāhitān |
hemasūtraiḥ sakaṭakairaṃgulīyaiḥ pavitrakaiḥ || 14 ||
[Analyze grammar]

vāsobhiḥ śayanīyaiśca tathopaskarapādukaiḥ |
kṣīrābhiṣecanaṃ kuryādyāvaddinacatuṣṭayam || 15 ||
[Analyze grammar]

homaśca sarpiṣā kāryo yavaiḥ kṛṣṇatilairapi |
palāśasamidhaḥ śastāścaturthe'hni tathotsavaḥ || 16 ||
[Analyze grammar]

dakṣiṇā ca punastadvaddeyā tatrāpi śaktitaḥ |
yadyadiṣṭatamaṃ kicittattaddadyādamatsarī || 17 ||
[Analyze grammar]

ācārye dviguṇaṃ dattvā praṇipatya kṣamāpayet |
anena vidhinā yastu kuryādvṛkṣotsavaṃ budhaḥ || 18 ||
[Analyze grammar]

sarvānkāmānavāpnoti padaṃ cānantamaśnute |
yaścaivamapi rājendra vṛkṣaṃ saṃsthāpayedbudhaḥ || 19 ||
[Analyze grammar]

sopi svarge vasedrājanyāvadiṃdrāyutatrayam |
bhūtānbhavyāṃśca manujāṃstārayedromasaṃmitān || 20 ||
[Analyze grammar]

paramāṃ siddhimāpnoti punarāvṛttidurlabhām |
ya idaṃ śṛṇuyānnityaṃ śrāvayedvāpi mānavaḥ || 21 ||
[Analyze grammar]

sopi saṃpūjyate devairbrahmaloke mahīyate |
aputrasya ca putritvaṃ pādapā eva kurvate || 22 ||
[Analyze grammar]

tīrtheṣu piṃḍadānādīnropakāṇāṃ dadaṃti te |
yatnenāpi ca rājeṃdra aśvatthāropaṇaṃ kuru || 23 ||
[Analyze grammar]

sa te putrasahasrasya kṛtyamekaḥ kariṣyati |
dhanī cāśvatthavṛkṣeṇa aśokaḥ śokanāśanaḥ || 24 ||
[Analyze grammar]

plakṣo yajñapradaḥ proktaḥ kṣīrī cāyuḥpradaḥ smṛtaḥ |
jaṃbukī kanyakādātrī bhāryādā dāḍimī tathā || 25 ||
[Analyze grammar]

aśvattho roganāśāya palāśo brahmadastathā |
pretatvaṃ jāyate puṃso ropayedyo vibhītakam || 26 ||
[Analyze grammar]

aṃkole kulavṛddhistu khādireṇāpyarogitā |
niṃbaprarohakāṇāṃ tu nityaṃ tuṣyeddivākaraḥ || 27 ||
[Analyze grammar]

śrīvṛkṣe śaṃkaro devaḥ pāṭalāyāṃ tu pārvatī |
śiṃśapāyāmapsarasaḥ kuṃde gaṃdharvasattamāḥ || 28 ||
[Analyze grammar]

tiṃtiḍīke dāsavargā vaṃjule dasyavastathā |
puṇyapradaḥ śrīpradaśca caṃdanaḥ panasastathā || 29 ||
[Analyze grammar]

saubhāgyadaścaṃpakaśca karīraḥ pāradārikaḥ |
apatyanāśakastālo bakulaḥ kulavarddhanaḥ || 30 ||
[Analyze grammar]

bahubhāryā nārikelā drākṣā sarvāṃgasuṃdarī |
ratipradā tathā kolī ketakī śatrunāśinī || 31 ||
[Analyze grammar]

evamādi nagāścānye ye noktāstepi dāyakāḥ |
pratiṣṭhāṃ te gamiṣyaṃti yaistu vṛkṣāḥ praropitāḥ || 32 ||
[Analyze grammar]