Chapter 26

[English text for this chapter is available]

bhīṣma uvāca |
dīrghāyurārogyakulātivṛddhibhiryuktaḥ pumānrūpakulānvitaḥ syāt |
muhurmuhurjanmani yena samyakvrataṃ samācakṣva ca śītaraśmeḥ || 1 ||
[Analyze grammar]

pulastya uvāca |
tvayā pṛṣṭamidaṃ samyagakṣayasvargakārakam |
rahasyaṃ tu pravakṣyāmi yatpurāṇavido viduḥ || 2 ||
[Analyze grammar]

rohiṇīcaṃdraśayanaṃ nāmavratamihocyate |
tasminnārāyaṇasyārcāmarcayediṃdunāmabhiḥ || 3 ||
[Analyze grammar]

yadā somadine śuklā bhavetpaṃcadaśī kvacit |
athavā brahmanakṣatraṃ paurṇamāsyāṃ prajāyate || 4 ||
[Analyze grammar]

tadā snānaṃ naraḥ kuryātpaṃcagavyena sarṣapaiḥ |
āpyāyasveti ca japedvidvānaṣṭaśataṃ punaḥ || 5 ||
[Analyze grammar]

śūdropi parayā bhaktyā pāṣaṃḍālāpavarjitaḥ |
somāya śāṃtāya namostu pādāvanaṃtadhāmneti ca jānujaṃghe |
ūrudvayaṃ cāpi jalodarāya saṃpūjayenmeḍhramanaṃgadhāmne || 8 ||
[Analyze grammar]

namonamaḥ kāmasukhapradāya kaṭiḥ śaśāṃkasya sadārcanīyaḥ |
tathodaraṃ cāpyamṛtodarāya nābhiḥ śaśāṃkāya namobhipūjyā || 9 ||
[Analyze grammar]

namostu caṃdrāya mukhaṃ ca nityaṃ daṃtā dvijānāmadhipāya pūjyāḥ |
hāsyaṃ namaścaṃdramase'bhipūjyamoṣṭhau tu kaumodavanapriyāya || 10 ||
[Analyze grammar]

nāsā ca nāthāya varauṣadhīnāmānaṃdabījāya punarbhruvau ca |
netradvayaṃ padmanibhaṃ tatheṃdoriṃdīvaravyāsakarāya śaureḥ || 11 ||
[Analyze grammar]

namaḥ samastādhvarapūjitāya karṇadvayaṃ daityaniṣūdanāya |
lalāṭamiṃdorudadhipriyāya keśāḥ suṣumnādhipateḥ prapūjyāḥ || 12 ||
[Analyze grammar]

śiraḥ śaśāṃkāya namo murārerviśveśvarāyātha namaḥ kirīṭaṃ |
padmapriye rohiṇīnāma lakṣmi saubhāgyasaukhyāmṛtasāgarāya || 13 ||
[Analyze grammar]

daivīṃ ca saṃpūjya sugaṃdhipuṣpairnaivedyadhūpādibhiriṃdupatnīm |
suptvā tu bhūmau punarutthito yaḥ snātvā ca viprāya haviṣyabhuktaḥ || 14 ||
[Analyze grammar]

deyaḥ prabhāte sahiraṇya vārikuṃbho namaḥ pāpavināśanāya |
saṃprāśya gomūtramamāṃsamannamakṣāramaṣṭāvatha viṃśatiṃ ca || 15 ||
[Analyze grammar]

grāsāṃśca trīnsarpiyutānupoṣya bhuktvetihāsaṃ śṛṇuyānmuhūrtaṃ |
kadaṃbanīlotpalaketakāni jātiḥsarojaṃ śatapatrikā ca || 16 ||
[Analyze grammar]

amlānapuṣpāṇyatha siṃduvāraṃ puṣpaṃ punarbhāratamallikāyāḥ |
śuklaṃ ca puṣpaṃ karavīrapuṣpaṃ śrīcaṃpakaṃ caṃdramase pradeyam || 17 ||
[Analyze grammar]

śrāvaṇādiṣu māseṣu kramādetāni sarvadā |
yasminmāse vratādiḥ syāttatpuṣpairarcayeddharim || 18 ||
[Analyze grammar]

evaṃ saṃvatsaraṃ yāvadupoṣya vidhivannaraḥ |
vratāṃte śayanaṃ dadyācchayanopaskarānvitam || 19 ||
[Analyze grammar]

rohiṇīcaṃdramithunaṃ kārayitvā tu kāṃcanam |
caṃdraḥ ṣaḍaṃgulaḥ kāryo rohiṇī caturaṃgulā || 20 ||
[Analyze grammar]

muktāphalāṣṭakayutāṃ sitanetrasamanvitām |
kṣīrakuṃbhopari punaḥ kāṃsyapātrākṣatānvitām || 21 ||
[Analyze grammar]

dadyānmaṃtreṇa pūrvāhṇe śālīkṣuphalasaṃyutām |
śvetāmatha suvarṇāsyāṃ raupyakhurasamanvitām || 22 ||
[Analyze grammar]

savastrabhājanāṃ dhenuṃ tathā śaṃkhaṃ ca bhājanam |
bhūṣaṇairdvijadāmpatyamalaṃkṛtya guṇānvitaṃ || 23 ||
[Analyze grammar]

caṃdroyaṃ viprarūpeṇa sabhārya iti kalpayet |
yathā te rohiṇī kṛṣṇa śayanaṃ na tyajedapi || 24 ||
[Analyze grammar]

somarūpasya vaitadvanna me bhedo vibhūtibhiḥ |
yathā tvameva sarveṣāṃ paramānaṃdamuktidaḥ || 25 ||
[Analyze grammar]

bhuktirmuktistathā bhaktistvayi caṃdra dṛḍhāstu me |
iti saṃsārabhītasya muktikāmasya cānagha || 26 ||
[Analyze grammar]

rūpārogyāyuṣāmetadvidhāyakamanuttamam |
idameva pitṝṇāṃ ca sarvadā vallabhaṃ nṛpa || 27 ||
[Analyze grammar]

trailokyādhipatirbhūtvā saptakalpaśatatrayam |
caṃdralokamavāpnoti punarāvṛttidurlabham || 28 ||
[Analyze grammar]

nārī vā rohiṇīcaṃdraśayanaṃ yā samācaret |
sāpi tatphalamāpnoti punarāvṛttidurlabham || 29 ||
[Analyze grammar]

iti paṭhati śṛṇoti vā ya itthaṃ madhumathanārcanamiṃdukīrtanena |
matimapi ca dadāti sopi śaurerbhavanagataḥ paripūjyatemaraughaiḥ || 30 ||
[Analyze grammar]

iti śrīpādmapurāṇe prathame sṛṣṭikhaṃḍe rohiṇīcaṃdraśayanavrataṃ nāma ṣaḍviṃśo'dhyāyaḥ || 26 ||
[Analyze grammar]