Chapter 25

[English text for this chapter is available]

bhīṣma uvāca |
upavāseṣvaśaktasya tadeva phalamicchataḥ |
anabhyāsena rogādvā kimiṣṭaṃ vratamucyatām || 1 ||
[Analyze grammar]

pulastya uvāca |
upavāseṣvaśaktānāṃ naktaṃ bhojanamiṣyate |
yasminvrate tadapyatra śrūyatāṃ vai vrataṃ mahat || 2 ||
[Analyze grammar]

ādityaśayanaṃ nāma yathāvacchaṃkarārcanam |
yeṣu nakṣatrayogeṣu purāṇajñāḥ pracakṣate || 3 ||
[Analyze grammar]

yadā hastena saptamyāmādityasya dinaṃ bhavet |
sūryasya cāpi saṃkrāṃtistithissā sārvakāmikī || 4 ||
[Analyze grammar]

umāmaheśvarasyārcāmarcayetsūryanāmabhiḥ |
sūryārcāṃ śivaligaṃ ca ubhayaṃ pūjayedyataḥ || 5 ||
[Analyze grammar]

umāpate raveścāpi na bhedaḥ kvacidiṣyate |
yasmāttasmānnṛpaśreṣṭha gṛhe bhānuṃ samarcayet || 6 ||
[Analyze grammar]

hastena sūryāya namostupādāvarkāya citrāsu ca gulphadeśaṃ |
svātīṣu jaṃghe puruṣottamāya dhātre viśākhāsu ca jānudeśam || 7 ||
[Analyze grammar]

tathānurādhāsu namobhi pūjyamuruddvayaṃ caiva sahasrabhānoḥ |
jyeṣṭhāsvanaṃgāya namostu guhyamindrā yabhīmāya kaṭiṃ ca mūle || 8 ||
[Analyze grammar]

pūrvottarāṣāḍhayuge ca nābhiṃ tvaṣṭre namaḥ saptaturaṃgamāya |
tīkṣṇāṃśave śravaṇe cātha kukṣiṃ pṛṣṭhaṃ dhaniṣṭhāsu vikartanāya || 9 ||
[Analyze grammar]

vakṣasthalaṃ dhvāṃtavināśanāya jalādhiparkṣe pratipūjanīyam |
pūrvottarā bhādrapadadvaye ca bāhūttamaścaṃḍakarāya pūjyau || 10 ||
[Analyze grammar]

sāmnāmadhīśāya karadvayaṃ ca saṃpūjanīyaṃ nṛpa revatīṣu |
nakhāni pūjyāni tathāśvinīṣu namostu saptāśvadhuraṃdharāya || 11 ||
[Analyze grammar]

kaṭhoradhāmne bharaṇīṣu kaṃṭhaṃ divākarāyetyabhipūjanīyam |
grīvāgniparkṣe dharasaṃpuṭe tu saṃpūjayedbhārata rohiṇīṣu || 12 ||
[Analyze grammar]

mṛgercanīyā rasanā purāre raudre tu daṃtā haraye namaste |
namaḥ savitre iti śaṃkarasya nāsābhi pūjyā ca punarvasau ca || 13 ||
[Analyze grammar]

lalāṭamaṃbhoruhavallabhāya puṣyelakānvedaśarīradhāriṇe |
sārpe ca maulivibudhapriyāya maghāsu karṇāviti pūjanīyau || 14 ||
[Analyze grammar]

pūrvāsu gobrāhmaṇanaṃdanāya netrāṇi saṃpūjyatamāni śaṃbhoḥ |
athottarāphālguni bhe bhruvau ca viśveśvarāyeti ca pūjanīye || 15 ||
[Analyze grammar]

namostu pāśāṃkuśapadmaśūla kapālasarpendudhanurdharāya |
gayāsurānaṅgapurāṃdhakādi vināśamūlāya namaḥ śivāya || 16 ||
[Analyze grammar]

ityādikāṃgāni ca pūjayitvā viśveśvarāyeti śirobhipūjyam |
atrāpi bhoktavyamatailamannamamāṃsamakṣāramabhuktaśeṣam || 17 ||
[Analyze grammar]

ityevaṃ nṛpa naktāni kṛtvā dadyātpunarvasau |
śāleyataṃḍulaprasthamauduṃbaramatho ghṛtam || 18 ||
[Analyze grammar]

saṃsthāpya pātre viprāya sahiraṇyaṃ nivedayet |
saptame vastrayugmaṃ tu pāraṇe tvadhikaṃ bhavet || 19 ||
[Analyze grammar]

caturdaśe tu saṃprāpte pāraṇe bhāratādike |
brāhmaṇaṃ bhojayedbhaktyā guḍakṣīraghṛtādibhiḥ || 20 ||
[Analyze grammar]

kṛtvā ca kāṃcanaṃ padmamaṣṭapatraṃ sakarṇikam |
śuddhamaṣṭāṃgulaṃ tacca padmarāgadalānvitam || 21 ||
[Analyze grammar]

śayyāṃ sulakṣaṇāṃ kṛtvā viruddhagraṃthivarjitām |
sopadhānavitānāṃ ca svāstarāvaraṇāśrayām || 22 ||
[Analyze grammar]

pādukopānahacchatra cāmarāsanadarpaṇaiḥ |
bhūpaṇairapisaṃyuktāṃ phalavastrānulepanaiḥ || 23 ||
[Analyze grammar]

tasyāṃ vidhāya tatpadmamalaṃkṛtya guṇānvitām |
kapilāṃ vastrasaṃyuktāmatiśīlāṃ payasvinīm || 24 ||
[Analyze grammar]

raupyakhurāṃ hemaśṛṃgīṃ savatsāṃ kāṃsyadohanām |
dadyānmaṃtreṇa tāṃ dhenuṃ pūrvāhṇaṃ nātilaṃghayet || 25 ||
[Analyze grammar]

yathaivāditya śayanamaśūnyaṃ tava sarvadā |
kāṃtyā dhṛtyā śriyā puṣṭyā tathā me saṃtu vṛddhayaḥ || 26 ||
[Analyze grammar]

yathā na devāḥ śreyāṃsaṃ tvadanyamanaghaṃ viduḥ |
tathā māmuddharāśeṣa duḥkhasaṃsārasāgarāt || 27 ||
[Analyze grammar]

tataḥ pradakṣiṇīkṛtya praṇamya ca visarjayet |
śayyāṃ gavādi tatsarvaṃ dvijasya bhavanaṃ nayet || 28 ||
[Analyze grammar]

naitadviśīlāya na dāṃbhikāya prakāśanīyaṃ vratamiṃdumauleḥ |
govipradevarṣivikarmayogināṃ yaścāpi niṃdāmadhikāṃ vidhatte || 29 ||
[Analyze grammar]

bhaktāya dāṃtāya ca guhyametadākhyeyamānaṃdakaraṃ śivañca |
idaṃ mahāpātakināṃ narāṇāṃ aghakṣayaṃ vedavido vadaṃti || 30 ||
[Analyze grammar]

na baṃdhuputrairna dhanairviyuktaḥ patnībhirānaṃdakaraḥ surāṇāṃ |
nābhyeti rogaṃ na ca duḥkhamohaṃ yā cāpi nārī kurutetha bhaktyā || 31 ||
[Analyze grammar]

idaṃ vasiṣṭhena purārjunena kṛtaṃ kubereṇa puraṃdareṇa |
yatkīrtanādapyakhilāni nāśamāyāṃti pāpāni na saṃśayotra || 32 ||
[Analyze grammar]

iti paṭhati śṛṇoti vā ya itthaṃ raviśayanaṃ puruhūtavallabhaḥ syāt |
api narakagatānpitṝnaśeṣānapi divamānayatīha yaḥ karoti || 33 ||
[Analyze grammar]

aśvatthaṃ ca vaṭaṃ caivoduṃbaraṃ vṛkṣameva ca |
naṃdīśaṃ jaṃbuvṛkṣaṃ ca bilvaṃ prāhurmaharṣayaḥ || 34 ||
[Analyze grammar]

mārgaśīrṣādimāsābhyāṃ dvābhyāṃ dvābhyāmatha kramāt |
ekaikaṃ daṃtadhavanaṃ vṛkṣeṣveteṣu kārayet || 35 ||
[Analyze grammar]

dadyātsamāpte dadhyannaṃ vitānadhvajacāmaram |
dvijānāmudakuṃbhāṃśca paṃcaratnasamanvitān || 36 ||
[Analyze grammar]

na vittaśāṭhyaṃ kurvīta kurvandoṣānavāpnuyāt || 37 ||
[Analyze grammar]