Chapter 11

[English text for this chapter is available]

bhīṣma uvāca |
kasminvāsarabhāge tu śrāddhī śrāddhaṃ samācaret |
tīrtheṣu keṣu vai śrāddhaṃ kṛtaṃ bahuphalaṃ dvija || 1 ||
[Analyze grammar]

pulastya uvāca |
tīrthaṃ tu puṣkaraṃ nāma yattu śreṣṭhatamaṃ smṛtam |
sarveṣāṃ dvijamukhyānāṃ manorathamiva sthitam || 2 ||
[Analyze grammar]

tatra dattaṃ hutaṃ japtamanantaṃ bhavati dhruvam |
pitṝṇāṃ vallabhaṃ nityamṛṣīṇāṃ paramaṃ matam || 3 ||
[Analyze grammar]

naṃdātha lalitā tadvattīrthaṃ māyāpurī śubhā |
tathā mitrapadaṃ rājaṃstataḥ kedāramuttamam || 4 ||
[Analyze grammar]

gaṃgāsāgaramityāhuḥ sarvatīrthamayaṃ śubham |
tīrthaṃ brahmasarastadvacchatadrusalilaṃ śubham || 5 ||
[Analyze grammar]

tīrthaṃ tu naimiṣaṃ nāma sarvatīrthaphalapradam |
gaṃgodbhedastu gomatyāṃ yatrodbhūtaḥ sanātanaḥ || 6 ||
[Analyze grammar]

tathā yajñavarāhastu devadevaśca śūladhṛk |
yatra tatkāṃcanaṃ dānamaṣṭādaśabhujo haraḥ || 7 ||
[Analyze grammar]

nemistu dharmacakrasya śīrṇā yatrābhavatpurā |
tadetannaimiśāraṇyaṃ sarvatīrthaniṣevitam || 8 ||
[Analyze grammar]

devadevasya tatrāpi varāhasya ca darśanam |
yaḥ prayāti sa pūtātmā nārāyaṇapuraṃ vrajet || 9 ||
[Analyze grammar]

kokāmukhaṃ paraṃ tīrthamindramārgopi lakṣyate |
athāpi pitṛtīrthaṃ tu brahmaṇovyaktajanmanaḥ || 10 ||
[Analyze grammar]

puṣkarāraṇyasaṃsthosau yatra devaḥ pitāmahaḥ |
viriṃcidarśanaṃ śreṣṭhamapavargaphalapradam || 11 ||
[Analyze grammar]

kṛtaṃ nāma mahāpuṇyaṃ sarvapāpaniṣūdanam |
yatrādyo nārasiṃhastu svayameva janārdanaḥ || 12 ||
[Analyze grammar]

tīrthamikṣumatīnāma pitṝṇāṃ ca śubhāvahā |
tuṣyanti pitaro nityaṃ gaṃgāyamunasaṃgame || 13 ||
[Analyze grammar]

kurukṣetraṃ mahāpuṇyaṃ yatra mārgopi lakṣyate |
adyāpi pitṛtīrthaṃ tu sarvakāmaphalapradam || 14 ||
[Analyze grammar]

nīlakaṇṭhamiti khyātaṃ pitṛtīrthaṃ narādhipa |
tathā bhadrasaraḥ puṇyaṃ saro mānasameva ca || 15 ||
[Analyze grammar]

maṃdākinī tathā'cchodā vipāśā ca sarasvatī |
sarvamitrapadaṃ tadvadvaidyanāthaṃ mahāphalam || 16 ||
[Analyze grammar]

kṣiprā nadī tathā puṇyā tathā kālañjaraṃ śubham |
tīrthodbhedaṃ harodbhedaṃ garbhabhedaṃ mahālayam || 17 ||
[Analyze grammar]

bhadreśvaraṃ viṣṇupadaṃ narmadā dvārameva ca |
gayāpiṃḍapradānena samānyāhurmaharṣayaḥ || 18 ||
[Analyze grammar]

etāni pitṛtīrthāni sarvapāpaharāṇi ca |
smaraṇādapi lokānāṃ kimu śrāddhapradāyinām || 19 ||
[Analyze grammar]

oṃkāraṃ pitṛtīrthaṃ tu kāverīkapilodakam |
saṃbhedaścaṇḍavegāyāṃ tathaivāmarakaṃṭakam || 20 ||
[Analyze grammar]

kurukṣetrāccadviguṇaṃ tasminsnānādikaṃ bhavet |
śuklatīrthaṃ tu vikhyātaṃ tīrthaṃ someśvaraṃ param || 21 ||
[Analyze grammar]

sarvavyādhiharaṃpuṇyaṃphalaṃkoṭiguṇādhikam |
śrāddhedānetathāhomesvādhyāyecāpisannidhau || 22 ||
[Analyze grammar]

kāyāvārohaṇaṃ nāma devadevasya śūlinaḥ |
avatāraṃ rocamānaṃ brāhmaṇāvasathe śubhe || 23 ||
[Analyze grammar]

jātaṃ tatsumahāpuṇyaṃ tathā carmaṇvatī nadī |
śūlatāpī payoṣṇī ca payoṣṇīsaṃgamastathā || 24 ||
[Analyze grammar]

mahauṣadhī cāraṇā ca nāgatīrthapravarttinī |
mahāveṇā nadī puṇyā mahāśālastathaiva ca || 25 ||
[Analyze grammar]

gomatī varuṇā tadvattīrthaṃ hautāśanaṃ param |
bhairavaṃ bhṛgutuṃgaṃ ca gaurītīrthamanuttamam || 26 ||
[Analyze grammar]

tīrthaṃ vaināyakaṃ nāma vastreśvaramanuttamam |
tathā pāpaharaṃ nāma puṇyā vetravatī nadī || 27 ||
[Analyze grammar]

mahārudraṃ mahāliṃgaṃ daśārṇā ca mahānadī |
śatarudrā śatāhvā ca tathā pitṛpadaṃ puram || 28 ||
[Analyze grammar]

aṃgāravāhikā tadvannadau dvau śoṇaghargharau |
kālikā ca nadī puṇyā pitarā ca nadī śubhā || 29 ||
[Analyze grammar]

etāni pitṛtīrthāni śasyaṃte snānadānayoḥ |
śrāddhameteṣu yaddattaṃ tadanaṃtaphalaṃ smṛtam || 30 ||
[Analyze grammar]

śatāvaṭā nadī jvālā śaradvī ca nadī tathā |
dvārakā kṛṣṇatīrthaṃ ca tathā hyudaksarasvatī || 31 ||
[Analyze grammar]

nadī mālavatī nāma tathā ca girikarṇikā |
dhūtapāpaṃ tathā tīrthaṃ samudre dakṣiṇe tathā || 32 ||
[Analyze grammar]

gokarṇo gajakarṇaśca tathā cakranadī śubhā |
śrīśailaṃ śākatīrthaṃ ca nārasiṃhamataḥ param || 33 ||
[Analyze grammar]

maheṃdraṃ ca tathā puṇyā puṇyā cāpi mahānadī |
eteṣvapi sadā śrāddhamanaṃtaphaladaṃ smṛtam || 34 ||
[Analyze grammar]

darśanādapi puṇyāni sadyaḥ pāpaharāṇi vai |
tuṃgabhadrā nadī puṇyā tathā cakrarathīti ca || 35 ||
[Analyze grammar]

bhīmeśvaraṃ kṛṣṇaveṇā kāverī cāṃjanā nadī |
nadī godāvarī puṇyā trisaṃdhyā pūrṇamuttamam || 36 ||
[Analyze grammar]

tīrthaṃ traiyaṃbakaṃ nāma sarvatīrthanamaskṛtam |
yatrāste bhagavānbhīmaḥ svayameva trilocanaḥ || 37 ||
[Analyze grammar]

śrāddhameteṣu sarveṣu dattaṃ koṭiguṇaṃ bhavet |
smaraṇādapi pāpāni vrajaṃti śatadhā nṛpa || 38 ||
[Analyze grammar]

śrīparṇā ca nadī puṇyā vyāsatīrthamanuttamam |
tathā matsyanadī kārā śivadhārā tathaiva ca || 39 ||
[Analyze grammar]

bhavatīrthaṃ ca vikhyātaṃ puṇyatīrthaṃ ca śāśvatam |
puṇyaṃ rāmeśvaraṃ tadvadveṇāpuramalaṃpuram || 40 ||
[Analyze grammar]

aṃgārakaṃ ca vikhyātamātmadarśamalaṃbuṣam |
vatsavrāteśvaraṃ tadvattathāgokāmukhaṃ param || 41 ||
[Analyze grammar]

govarddhanaṃ hariścaṃdraṃ puraścandraṃ pṛthūdakam |
sahasrākṣaṃ hiraṇyākṣaṃ tathā ca kadalīnadī || 42 ||
[Analyze grammar]

nāmadheyāni ca tathā tathā saumitrisaṃgatam |
iṃdranīlaṃ mahānādaṃ tathā ca priyamelakam || 43 ||
[Analyze grammar]

etānyapi sadā śrāddhe praśastānyadhikāni ca |
eteṣu sarvadevānāṃ sāṃnidhyaṃ paṭhyate yataḥ || 44 ||
[Analyze grammar]

dānameteṣu sarveṣu bhavetkoṭiśatādhikam |
bāhudā ca nadī puṇyā tathā siddhavaṭaṃ śubham || 45 ||
[Analyze grammar]

tīrthaṃ pāśupataṃ caiva nadī paryaṭikā tathā |
śrāddhameteṣu sarveṣu dattaṃ koṭiśatottaram || 46 ||
[Analyze grammar]

tathaiva paṃcatīrthaṃ ca yatra godāvarī nadī |
yutā liṃgasahasreṇa savyetara jalāvahā || 47 ||
[Analyze grammar]

jāmadagnyasya tattīrthaṃ modāyatanamuttamam |
pratīkasya bhayātsiddhā yatra godāvarī nadī || 48 ||
[Analyze grammar]

tīrthaṃ taddhavyakavyānāmapsarogaṇasaṃyutam |
śrāddhāgni dānakāryaṃ ca tatra koṭiśatādhikam || 49 ||
[Analyze grammar]

tathā sahasraliṃgaṃ ca rāghaveśvaramuttamam |
sendrakālā nadī puṇyā tatra śakro gataḥ purā || 50 ||
[Analyze grammar]

nihatya namuciṃ mitraṃ tapasā svargamāptavān |
tatra dattaṃ naraiḥ śrāddhamanaṃtaphaladaṃ bhavet || 51 ||
[Analyze grammar]

puṣkaraṃ nāma vai tīrthaṃ śālagrāmaṃ tathaiva ca |
śoṇapātaśca vikhyāto yatra vaiśvānarāśayaḥ || 52 ||
[Analyze grammar]

tīrthaṃ sārasvataṃ caiva svāmitīrthaṃ tathaiva ca |
malaṃdarā nadī puṇyā kauśikī caṃdrakā tathā || 53 ||
[Analyze grammar]

vidarbhā cātha vegā ca payoṣṇī prāṅmukhā parā |
kāverī cottarāṃgā ca tathā jālaṃdharo giriḥ || 54 ||
[Analyze grammar]

eteṣu śrāddhatīrtheṣu śrāddhamānaṃtyamaśnute |
lohadaṃḍaṃ tathā tīrthaṃ citrakūṭastathaiva ca || 55 ||
[Analyze grammar]

divyaṃ sarvatra gaṃgāyāstathā nadyāstaṭaṃ śubham |
kubjāmrakaṃ tathā tīrthamurvaśīpulinaṃ tathā || 56 ||
[Analyze grammar]

saṃsāramocanaṃ tīrthaṃ tathaiva ṛṇamocanam |
eteṣu pitṛtīrtheṣu śrāddhamānaṃtyamaśnute || 57 ||
[Analyze grammar]

aṭṭahāsaṃ tathā tīrthaṃ gautameśvarameva ca |
tathā vasiṣṭhatīrthaṃ ca bhārataṃ ca tataḥ param || 58 ||
[Analyze grammar]

brahmāvartaṃ kuśāvartaṃ haṃsatīrthaṃ tathaiva ca |
piṃḍārakaṃ ca vikhyātaṃ śaṃkhoddhāraṃ tathaiva ca || 59 ||
[Analyze grammar]

bhāṃḍeśvaraṃ bilvakaṃ ca nīlaparvatameva ca |
tathā ca badarītīrthaṃ sarvatīrtheśvareśvaram || 60 ||
[Analyze grammar]

vasudhārāhvayaṃ tīrthaṃ rāmatīrthaṃ tathaiva ca |
jayaṃtī vijayā caiva śuklatīrthaṃ tathaiva ca || 61 ||
[Analyze grammar]

eṣu śrāddhapradātāraḥ prayāṃti paramaṃ padam |
tīrthaṃ mātṛgṛhaṃ nāma karavīrapuraṃ tathā || 62 ||
[Analyze grammar]

saptagodāvarīnāma sarvatīrtheśvareśvaram |
tatra śrāddhaṃ pradātavyamanaṃtaphalamīpsubhiḥ || 63 ||
[Analyze grammar]

kīkaṭeṣu gayā puṇyā puṇyaṃ rājagṛhaṃ vanam |
cyavanasyāśramaṃ puṇyaṃ nadī puṇyā punaḥpunā || 64 ||
[Analyze grammar]

viṣayārādhanaṃ puṇyaṃ nadī yā tu punaḥpunā |
yatra gāthā vicarati brahmaṇā parikīrtitā || 65 ||
[Analyze grammar]

eṣṭavyā bahavaḥ putrā yadyekopi gayāṃ vrajet |
yajeta vāśvamedhena nīlaṃ vā vṛṣamutsṛjet || 66 ||
[Analyze grammar]

eṣā gāthā vicarati tīrtheṣvāyataneṣu ca |
sarve manuṣyā rājeṃdra kīrttayaṃtaḥ samāgatāḥ || 67 ||
[Analyze grammar]

kimasmākaṃ kule kaścidgayāṃ yāsyati yaḥ sutaḥ |
prīṇayiṣyati tāngatvā saptapūrvāṃstathāparān || 68 ||
[Analyze grammar]

mātāmahānāmapyevaṃ śrutireṣā ciraṃtanī |
gaṃgāyāmasthinicayaṃ gatvā kṣepsyati yaḥ sutaḥ || 69 ||
[Analyze grammar]

tilaiḥ saptāṣṭabhirvāpi dāsyate ca jalāṃjalim |
araṇyatritaye vāpi piṃḍadānaṃ kariṣyati || 70 ||
[Analyze grammar]

prathamaṃ puṣkarāraṇye naimiṣe tadanaṃtaraṃ |
dharmāraṇyaṃ punaḥ prāpya śrāddhaṃ bhaktyā pradāsyati || 71 ||
[Analyze grammar]

gayāyāṃ dharmapṛṣṭhe vā sarasi brahmaṇastathā |
gayāśīrṣavaṭe caiva pitṝṇāṃ dattamakṣayam || 72 ||
[Analyze grammar]

vrajankṛtvā nivāpaṃ yastvadhvānaṃ parisarpati |
narakasthānpitṝnsopi svargaṃ nayati satvaraṃ || 73 ||
[Analyze grammar]

kule tasya na rājeṃdra preto bhavati kaścana |
pretatvaṃ mokṣabhāvaṃ ca piṃḍadānācca gacchati || 74 ||
[Analyze grammar]

eko munistāmrakarāgrahasto hyāmreṣu mūle salilaṃ dadāti |
āmrāśca siktāḥ pitaraśca tṛptā ekā kriyā dvyarthakarī prasiddhā || 75 ||
[Analyze grammar]

gayāyāṃ piṇḍadānasya nānyaddānaṃ viśiṣyate |
ekena piṃḍadānena tṛptāste mokṣagāminaḥ || 76 ||
[Analyze grammar]

dhānyapradānaṃ pravaraṃ vadaṃti vasupradānaṃ ca tathāmunīṃdrāḥ |
gayā sutīrtheṣu naraiḥ pradattaṃ taddharmahetuṃ pravaraṃ vadaṃti || 77 ||
[Analyze grammar]

sarvātmanā surucinā mahācala mahānadī |
ye tu paśyaṃti tāṃ gatvā mānase dakṣiṇottare || 78 ||
[Analyze grammar]

praṇamya dvijamukhyebhyaḥ prāptaṃ tairjanmanaḥ phalaṃ |
yadyadicchati vai martyastattadāpnotyasaṃśayam || 79 ||
[Analyze grammar]

eṣa tūddeśataḥ proktastīrthānāṃ sagraho mayā |
vāgīśopi na śaknoti vistarātkimu mānuṣaḥ || 80 ||
[Analyze grammar]

satyaṃ tīrthaṃ dayā tīrthaṃ tīrthamindriyanigrahaḥ |
varṇāśramāṇāṃ gehepi tīrthaṃ śama udāhṛtam || 81 ||
[Analyze grammar]

yeṣu tīrtheṣu yacchrāddhaṃ tatkoṭiguṇamiṣyate |
gayāyāṃ yattu vai śrāddhaṃ tacchrāddhamapavargadam || 82 ||
[Analyze grammar]

yasmāttasmātprayatnena tīrthe śrāddhaṃ vidhīyate |
prātaḥkālo muhūrtāṃstrīnsaṃgavastāvadeva tu || 83 ||
[Analyze grammar]

madhyāhnastrimuhūrtaḥ syādaparāhṇastataḥ param |
sāyāhnastrimuhūrtaḥ syācchrāddhaṃ tatra na kārayet || 84 ||
[Analyze grammar]

rākṣasī nāma sā velā garhitā sarvakarmasu |
ahno muhūrtā vyākhyātā daśapaṃca ca sarvadā || 85 ||
[Analyze grammar]

tatrāṣṭamo muhūrto yaḥ sa kālaḥ kutapaḥ smṛtaḥ |
madhyāhnātsarvadā yasmānmaṃdī bhavati bhāskaraḥ || 86 ||
[Analyze grammar]

tasmādanaṃtaphaladastatrāraṃbho viśiṣyate |
khaḍgapātraṃ ca kutapastathā naipālakaṃbalam || 87 ||
[Analyze grammar]

rukmaṃ darbhāstilā gāvo dauhitraścāṣṭamaḥ smṛtaḥ |
pāpaṃ kutsitamityāhustasya tattāpakāriṇaḥ || 88 ||
[Analyze grammar]

aṣṭāvete yatastasmātkutapā iti viśrutāḥ |
ūrdhvaṃ muhurttātkutapānmahūrttaṃ ca catuṣṭayam || 89 ||
[Analyze grammar]

muhūrttapaṃcakaṃ caiva svadhāvācanamiṣyate |
viṣṇudehasamudbhūtāḥ kuśāḥ kṛṣṇatilāstathā || 90 ||
[Analyze grammar]

śrāddhasya lakṣaṇaṃ kālamiti prāhurmanīṣiṇaḥ |
tilodakāṃjalirdeyo jalāṃte tīrthavāsibhiḥ || 91 ||
[Analyze grammar]

sadarbhahastenaikena gṛhe śrāddhaṃ gamiṣyati |
puṇyaṃ pavitramāyuṣyaṃ sarvapāpavināśanam || 92 ||
[Analyze grammar]

brahmaṇā caiva kathitaṃ tīrthaśrāddhānukīrtanam |
śṛṇoti yaḥ paṭhedvāpi śrīmānsaṃjāyate naraḥ || 93 ||
[Analyze grammar]

śrāddhakāle ca vaktavyaṃ tathā tīrthanivāsibhiḥ |
sarvapāpopaśāṃntyarthamalakṣmīnāśanaṃ mataṃ || 94 ||
[Analyze grammar]

idaṃ pavitraṃ yaśaso nidhānamidaṃ mahāpātakanāśanaṃ ca |
brahmārkarudrairabhipūjitaṃ ca śrāddhasya māhātmyamuśaṃti tajjñāḥ || 95 ||
[Analyze grammar]