Chapter 10

[English text for this chapter is available]

pulastya uvāca |
ekoddiṣṭaṃ tato vakṣye yaduktaṃ brahmaṇā purā |
mṛte putrairyathākāryamāśaucaṃ ca pituryadi || 1 ||
[Analyze grammar]

daśāhaṃ śāvamāśaucaṃ brāhmaṇasya vidhīyate |
kṣatriyeṣu daśa dve ca pakṣaṃ vaiśyeṣu caiva hi || 2 ||
[Analyze grammar]

śūdreṣu māsamāśaucaṃ sapiṃḍeṣu vidhīyate |
naiśamācūḍamāśaucaṃ trirātraṃ parataḥ smṛtam || 3 ||
[Analyze grammar]

jananepyevameva syātsarvavarṇeṣu sarvadā |
asthisaṃcayanādūrdhvamaṅgasparśo vidhīyate || 4 ||
[Analyze grammar]

pretāya piṃḍadānaṃ tu dvādaśāhaṃ samācaret |
pātheyaṃ tasya tatproktaṃ yataḥ prītikaraṃ mahat || 5 ||
[Analyze grammar]

yasmātpretapuraṃ preto dvādaśāhena nīyate |
gṛhe putrakalatraṃ ca dvādaśāhaṃ prapaśyati || 6 ||
[Analyze grammar]

tasmānnidheyamākāśe daśarātraṃ payastathā |
sarvadāhopaśāṃtyarthamadhvaśramavināśanam || 7 ||
[Analyze grammar]

tatastvekādaśāhepi dvijānekādaśaiva tu |
gotrādisūtakāṃte ca bhojayenmanujo dvijān || 8 ||
[Analyze grammar]

dvitīyehni punastadvadekoddiṣṭaṃ samācaret |
nāvāhanāgnaukaraṇaṃ daivahīnaṃ vidhānataḥ || 9 ||
[Analyze grammar]

ekaṃ pavitramekorgha ekaḥ piṃḍo vidhīyate |
upatiṣṭhatāmiti vadeddeyaṃ paścāttilodakaṃ || 10 ||
[Analyze grammar]

svāsti brūyādviprakare visarge cābhiramyatām |
śeṣaṃ pūrvavadatrāpi kāryaṃ vedavido viduḥ || 11 ||
[Analyze grammar]

anena vidhinā sarvamanumāsaṃ samācaret |
sūtakāṃte dvitīyehni śayyāṃ dadyādvilakṣaṇām || 12 ||
[Analyze grammar]

kāṃcanaṃ puruṣaṃ tadvatphalavastrasamanvitam |
prapūjya dvijadāṃpatyaṃ nānābharaṇabhūṣitam || 13 ||
[Analyze grammar]

upaveśya tu śayyāyāṃ madhuparkaṃ tato dadet |
rajatasya tu pātreṇa dadhidugdhasamanvitam || 14 ||
[Analyze grammar]

asthilālāṭikaṃ gṛhya sūkṣmaṃ kṛtvā vimiśrayet |
pāyayedidvajadāṃpatyaṃ pitṛbhaktyā samanvitaḥ || 15 ||
[Analyze grammar]

eṣa eva vidhirdṛṣṭaḥ pārvatīyairdvijotamaiḥ |
tena duṣṭā tu sā śayyā na grāhyā dvijasattamaiḥ || 16 ||
[Analyze grammar]

gṛhītāyāṃ tu tasyāṃ hi punaḥ saṃskāramarhati |
vede caiva purāṇe ca śayyā sarvatra garhitā || 17 ||
[Analyze grammar]

grahītārastu jāyante sarve narakagāminaḥ |
grathitāṃ vasujālena śayyāṃ dāṃpatyasevitām || 18 ||
[Analyze grammar]

ye spṛśaṃti na jānaṃtaḥ sarve narakagāminaḥ |
navaśrāddhena bhoktavyaṃ bhuktvā cāṃdrāyaṇaṃ caret || 19 ||
[Analyze grammar]

pitṛbhaktyā tu putrāṇāṃ kāryameva sadā bhavet |
vṛṣotsargaṃ ca kurvīta deyā ca kapilā śubhā || 20 ||
[Analyze grammar]

udakuṃbhaśca dātavyo bhakṣyabhojyaphalānvitaḥ |
yāvadabdaṃ naraśreṣṭha satilodakapūrvakam || 21 ||
[Analyze grammar]

tataḥ saṃvatsare pūrṇe sapiṃḍīkaraṇaṃ bhavet |
sapiṃḍīkaraṇādūrddhvaṃ pretaḥ pārvaṇabhugyataḥ || 22 ||
[Analyze grammar]

vṛddhipūrveṣu kāryeṣu gṛhasthasya bhavettataḥ |
sapiṃḍīkaraṇaṃ śrāddhaṃ devapūrvaṃ niyojayet || 23 ||
[Analyze grammar]

pitṝnāvāhayettatra pṛthakpretaṃ vinirdiśet |
gaṃdhodakatilairyuktaṃ kuryātpātracatuṣṭayam || 24 ||
[Analyze grammar]

arghyārthaṃ pitṛpātreṣu pretapātraṃ prasecayet |
tadvatsaṃkalpya caturaḥ piṃḍānpitṛparastadā || 25 ||
[Analyze grammar]

ye samānā iti dvābhyāmannaṃ tu vibhajettridhā |
anena vidhinā cārghyaṃ pūrvameva pradāpayet || 26 ||
[Analyze grammar]

tataḥ pitṛtvamāpannassa caturthastadā tvanu |
agniṣvāttādi madhye tu prāpnotyamṛtamuttamam || 27 ||
[Analyze grammar]

sapiṇḍīkaraṇādūrdhvaṃ pṛthaktasmai na dīyate |
pitṛṣveva ca dātavyaṃ tatpiṃḍaṃ yeṣu saṃsthitam || 28 ||
[Analyze grammar]

tataḥ prabhṛti saṃkrāntāvuparāgādi parvasu |
tripiṃḍamācarecchrāddhamekoddiṣṭaṃ mṛtehani || 29 ||
[Analyze grammar]

ekoddiṣṭaṃ parityajya mṛtāhe yaḥ samācaret |
sa daivaṃ pitṛhā sa syāttathā bhrātṛvināśakaḥ || 30 ||
[Analyze grammar]

mṛtāhe pārvaṇaṃ kurvannadho yāti sa mānavaḥ |
saṃpṛkte svargatī bhāve pretamokṣo yato bhavet || 31 ||
[Analyze grammar]

āmaśrāddhaṃ tadā kuryādvidhijñaḥ śrāddhadastataḥ |
tenāgnaukaraṇaṃ kuryātpiṃḍāṃstenaiva nirvapet || 32 ||
[Analyze grammar]

tribhiḥ sapiṃḍīkaraṇaṃ māsaikye tritaye tathā |
yadā prāpsyati kālena tadā mucyeta baṃdhanāt || 33 ||
[Analyze grammar]

muktopi lepabhāgitvaṃ prāpnoti kuśamārjanāt |
lepabhājaścaturthādyāstrayaḥ syuḥ piṃḍabhāginaḥ || 34 ||
[Analyze grammar]

piṇḍadaḥ saptamasteṣāṃ sapiṃḍāḥ saptapūruṣāḥ |
bhīṣma uvāca |
kathaṃ havyāni deyāni kavyāni ca janairiha || 35 ||
[Analyze grammar]

gṛhṇaṃti pitṛloke vā prāyaḥ ke kairnigadyate |
yadi martye dvijo bhuṃkte hūyate yadi vānale || 36 ||
[Analyze grammar]

śubhāśubhātmakāḥ pretāstadannaṃ bhuṃjate katham |
pulastya uvāca |
vasusvarūpāḥ pitaro rudrāścaiva pitāmahāḥ || 37 ||
[Analyze grammar]

prapitāmahāstathādityā ityeṣā vaidikī śrutiḥ |
nāmagotraṃ pitṝṇāṃ tu prāpakaṃ havyakavyayoḥ || 38 ||
[Analyze grammar]

śrāddhasya mantratastatvamupalabhyeta bhaktitaḥ |
agniṣvāttādayasteṣāmādhipatye vyavasthitāḥ || 39 ||
[Analyze grammar]

nāmagotrāstadā deśā bhavaṃtyudbhavatāmapi |
prāṇinaḥ prīṇayatyetadarhaṇaṃ samupāgataṃ || 40 ||
[Analyze grammar]

divyo yadi pitā mātā guruḥ karmānuyogataḥ |
tasyānnamamṛtaṃ bhūtvā divyattvepyanugacchati || 41 ||
[Analyze grammar]

daityatve bhogarūpeṇa paśutvepi tṛṇaṃ bhavet |
śrāddhānnaṃ vāyurūpeṇa nāgatvepyupatiṣṭhati || 42 ||
[Analyze grammar]

pānaṃ bhavati yakṣatve rākṣasatve tathāmiṣaṃ |
dānavatve tathā pānaṃ pretatve rudhirodakam || 43 ||
[Analyze grammar]

manuṣyatvennapānādi nānābhogavatāṃ bhavet |
ratiśaktistriyaḥ kānte'nyeṣāṃ bhojanaśaktitā || 44 ||
[Analyze grammar]

dānaśaktiḥ sa vibhavā rūpamārogyameva ca |
śrāddhapuṣpamidaṃ proktaṃ phalaṃ brahmasamāgamaḥ || 45 ||
[Analyze grammar]

āyuḥ putrāndhanaṃ vidyāṃ svargaṃ mokṣaṃ sukhāni ca |
prayacchanti tathā rājyaṃ prītāḥ pitṛgaṇā nṛpa || 46 ||
[Analyze grammar]

śrūyate ca purā mokṣaṃ prāptāḥ kauśikasūnavaḥ |
paṃcabhirjanmasaṃbaṃdhaiḥ prāptā brahmaparaṃ padam || 47 ||
[Analyze grammar]

bhīṣma uvāca |
kathaṃ kauśikadāyādāḥ prāptā yogamanuttamam |
paṃcabhirjanmasaṃbandhaiḥ kathaṃ karmakṣayo bhavet || 48 ||
[Analyze grammar]

pulastya uvāca |
kauśiko nāma dharmātmā kurukṣetre mahānṛṣiḥ |
nāmataḥ karmatastasya putrāṇāṃ tannibodha me || 49 ||
[Analyze grammar]

svasṛpaḥ krodhano hiṃsraḥ piśunaḥ kavireva ca |
vāgduṣṭaḥ pitṛvartī ca gargaśiṣyāstadābhavan || 50 ||
[Analyze grammar]

pitaryuparate teṣāmabhūddurbhikṣamulbaṇaṃ |
anāvṛṣṭiśca mahatī sarvalokabhayaṃkarī || 51 ||
[Analyze grammar]

gargādeśādvane dogdhrīṃ rakṣaṃti ca tapodhanāḥ |
khādāmaḥ kapilāmetāṃ vayaṃ kṣutpīḍitā bhṛśaṃ || 52 ||
[Analyze grammar]

iti ciṃtayatāṃ pāpaṃ laghuḥ prāha tadānujaḥ |
yadyavaśyamiyaṃ vadhyā śrāddharūpeṇa yojyatāṃ || 53 ||
[Analyze grammar]

śrāddhe niyojyamānāyāṃ pāpaṃ naśyati no dhruvaṃ |
evaṃ kurvityanujñātaḥ pitṛvartī tadānujaiḥ || 54 ||
[Analyze grammar]

cakre samāhitaḥ śrāddhamupayujyātha tāṃ punaḥ |
dvau daive bhrātaro kṛtvā pitrye trīṃścāparānkramāt || 55 ||
[Analyze grammar]

tathaikamatithiṃ kṛtvā śrāddhadaḥ svayameva tu |
cakāra maṃtravacchrāddhaṃ smaranpitṛparāyaṇaḥ || 56 ||
[Analyze grammar]

tadā gatvā viśaṃkāste gurave ca nyavedayan |
vyāghreṇa nihatā dhenurvatsoyaṃ pratigṛhyatāṃ || 57 ||
[Analyze grammar]

evaṃ sā bhakṣitā dhenuḥ saptabhistaistapodhanaiḥ |
vaidikaṃ balamāśritya krūre karmaṇi nirbhayāḥ || 58 ||
[Analyze grammar]

tataḥ kāle praṇaṣṭāste vyādhā daśa purebhavan |
jātismaratvaṃ prāptāste pitṛbhāvena bhāvitāḥ || 59 ||
[Analyze grammar]

tatra vijñāya vairāgyaṃ prāṇānutsṛjya dharmataḥ |
lokairavīkṣyamāṇāste tīrthāṃtenaśanena tu || 60 ||
[Analyze grammar]

saṃjātā mṛgarūpāste sapta kālaṃjare girau |
prāptavijñānayogāste tatyajustāṃ nijāṃ tanum || 61 ||
[Analyze grammar]

mamruḥ prapatanenātha jātavairāgyamānasāḥ |
mānase cakravrākāste saṃjātāḥ saptayoginaḥ || 62 ||
[Analyze grammar]

nāmataḥ karmataḥ sarve sumanāḥ kusumovasuḥ |
cittadarśī sudarśī ca jñātā jñānasya pāragaḥ || 63 ||
[Analyze grammar]

jyeṣṭhānuraktāḥ śreṣṭhāste saptaite yogapāvanāḥ |
yogabhraṣṭāstrayasteṣāṃ babhūvuścalacetasaḥ || 64 ||
[Analyze grammar]

dṛṣṭvā vibhrājamānaṃ tamaṇuhaṃ strībhiranvitam |
krīḍaṃtaṃ vividhairbhogairmahābalaparākramam || 65 ||
[Analyze grammar]

pañcālānvayasaṃbhūtaṃ prabhūtabalavāhanam |
rājyakāmobhavattvekasteṣāṃ madhye jalaukasām || 66 ||
[Analyze grammar]

pitṛvartī ca yo vipraḥ śrāddhakṛtpitṛvatsalaḥ |
aparau maṃtriṇau dṛṣṭvā prabhūtabalavāhanau || 67 ||
[Analyze grammar]

maṃtritve cakratuścecchāmasminmartyau dvijottamau |
vibhrājaputrastvekobhūdbrahmadatta iti smṛtaḥ || 68 ||
[Analyze grammar]

maṃtriputrau tathā caiva puṃḍarīkasubālakau |
brahmadattobhiṣiktastu kāṃpilye nagarottame || 69 ||
[Analyze grammar]

paṃcālarājo vikrāṃtaḥ śrāddhakṛtpitṛvatsalaḥ |
yogavitsarvajaṃtūnāṃ cittavettābhavattadā || 70 ||
[Analyze grammar]

tasya rājñobhavadbhāryā sudevasyātmajā tadā |
sannatirnāma vikhyātā kapilāyābhavatpurā || 71 ||
[Analyze grammar]

pitṛkārye niyuktatvādabhavadbrahmavādinī |
tayā cakāra sahitaḥ sa rājyaṃ rājanaṃdanaḥ || 72 ||
[Analyze grammar]

kadācidgataudyānaṃ tayā saha sa pārthivaḥ |
dadarśa kīṭamithunamanaṃgakalahānvitam || 73 ||
[Analyze grammar]

pipīlikāmadhovaktrāṃ purataḥ kīṭakāmukaḥ |
paṃcabāṇābhitaptāṃgaḥ sagadgadamuvāca ha || 74 ||
[Analyze grammar]

na tvayā sadṛśī loke kāminī vidyate kvacit |
madhye kṣīṇātijaghanā bṛhadvaktrātigāminī || 75 ||
[Analyze grammar]

suvarṇavarṇasadṛśī sadvaktrā cāruhāsinī |
ālakṣyate ca vadanaṃ guḍaśarkaravatsalaṃ || 76 ||
[Analyze grammar]

bhokṣyase mayi bhukte tvaṃ snāsi snāte tathā mayi |
proṣite mayi dīnā tvaṃ kruddhe ca bhayacaṃcalā || 77 ||
[Analyze grammar]

kimarthaṃ vada kalyāṇi sadādhovadanāsthitā |
sā tamāha jvalatkopā kimālapasi re śaṭha || 78 ||
[Analyze grammar]

tvayā modakacūrṇaṃ tu māṃ vihāyāpi bhakṣitam |
prādāstvaṃ tadatikramya māmanyasyai samanmathaḥ || 79 ||
[Analyze grammar]

pipīlaka uvāca |
tvatsādṛśyānmayā dattamanyasyai varavarṇini |
tadekamaparādhaṃ me kṣaṃtumarhasi bhāmini || 80 ||
[Analyze grammar]

naivaṃ punaḥ kariṣyāmi tyaja kopaṃ ca sustani |
spṛśāmi pādau satyena praṇatasya prasīda me || 81 ||
[Analyze grammar]

ruṣṭāyāṃ tvayi suśroṇi mṛtyurme purato bhavet |
tuṣṭāyāṃ tvayi vāmoru pūrṇāḥ sarvamanorathāḥ || 82 ||
[Analyze grammar]

pūrṇacaṃdropamaṃ vaktraṃ svādemṛtarasopamam |
nirbharaṃ piba suśroṇi kāmāsaktasya me sadā || 83 ||
[Analyze grammar]

etanmatvā śubhe kāryā sarvadā tu kṛpā mayi |
iti sā vacanaṃ śrutvā prasannā cābhavattataḥ || 84 ||
[Analyze grammar]

ātmānamarpayāmāsa mohanāya pipīlikā |
brahmadattopi tatsarvaṃ jñātvā sasmayamāhasat || 85 ||
[Analyze grammar]

sarvasatvarutajñānī prabhāvātpūrvakarmaṇaḥ |
bhīṣma uvāca |
kathaṃ sarvarutajñobhūdbrahmadatto narādhipaḥ || 86 ||
[Analyze grammar]

taccāpi cābhavatkutra cakravākacatuṣṭayaṃ |
tanme kathaya sarvajña kule kasya ca suvratam || 87 ||
[Analyze grammar]

pulastya uvāca |
tasminneva pure jātāścakravākā atho nṛpa || 88 ||
[Analyze grammar]

vṛddhadvijasya dāyādā viprā jātismarā budhāḥ |
dhṛtimāṃstattvadarśī ca vidyāvarṇastapodhikaḥ || 89 ||
[Analyze grammar]

nāmataḥ karmataścaiva sudaridrasya te sutāḥ |
tapase buddhirabhavatteṣāṃ vai dvijajanmanāṃ || 90 ||
[Analyze grammar]

yāsyāmaḥ paramāṃ siddhimūcuste dvijasattamāḥ |
tatteṣāṃ vacanaṃ śrutvā sudaridro mahātapāḥ || 91 ||
[Analyze grammar]

uvāca dīnayā vācā kimetaditi putrakāḥ |
adharma eṣa vaḥ putrā pitā tānityuvāca ha || 92 ||
[Analyze grammar]

vṛddhaṃ pitaramutsṛjya daridraṃ vanavāsinam |
kva nu dharmotra bhavitā māṃ tyaktvā gatimeva ca || 93 ||
[Analyze grammar]

ūcuste kalpitā vṛttistava tāta vacaśśṛṇu |
vratametatpurā rājñaḥ sa te dāsyati puṣkalaṃ || 94 ||
[Analyze grammar]

dhanaṃ grāma sahasrāṇi prabhāte paṭhatastava |
kurukṣetre tu ye viprā vyādhā daśapure tu ye || 95 ||
[Analyze grammar]

kālaṃjare mṛgā bhūtāścakravākāstu mānase |
ityuktvā pitaraṃ jagmuste vanaṃ tapase punaḥ || 96 ||
[Analyze grammar]

vṛddhopi sa dvijo rājanjagāma svārthasiddhaye |
aṇuho nāma vaibhrājaḥ pañcālādhipatiḥ purā || 97 ||
[Analyze grammar]

putrārthī devadeveśaṃ padmayoniṃ pitāmaham |
ārādhayāmāsa vibhuṃ tīvravrataparāyaṇaḥ || 98 ||
[Analyze grammar]

tataḥ kālena mahatā tuṣṭastasya pitāmahaḥ |
varaṃ varaya bhadraṃ te hṛdayebhīpsitaṃ nṛpa || 99 ||
[Analyze grammar]

aṇuha uvāca |
putraṃ me dehi deveśa mahābalaparākramam |
pāragaṃ sarvavidyānāṃ dhārmikaṃ yogināṃ varam || 100 ||
[Analyze grammar]

sarvasatvarutajñaṃ me dehi yoginamātmajam |
evamastviti viśvātmā tamāha parameśvaraḥ || 101 ||
[Analyze grammar]

paśyatāṃ sarvabhūtānāṃ tatraivāṃtaradhīyata |
tataḥ sa tasya putrobhūdbrahmadattaḥ pratāpavān || 102 ||
[Analyze grammar]

sarvasatvānukaṃpī ca sarvasatvabalādhikaḥ |
sarvasatvarutajñaśca sarvasatveśvareśvaraḥ || 103 ||
[Analyze grammar]

atha satvena yogātmā sa pipīlakamāgataḥ |
yatra tatkīṭamithunaṃ ramamāṇamavasthitam || 104 ||
[Analyze grammar]

tataḥ sā sannatirdṛṣṭvā prahasaṃtaṃ suvismitaṃ |
kimapyāśaṃkamānā sā tamapṛcchannareśvaram || 105 ||
[Analyze grammar]

sannatiruvāca |
akasmādatihāsoyaṃ kimarthamabhavannṛpa |
hāsyahetuṃ na jānāmi yadakāle kṛtaṃ tvayā || 106 ||
[Analyze grammar]

avadadrājaputrosau taṃ pipīlikabhāṣitam |
rāgavadvirasotpannametaddhāsyaṃ varānane || 107 ||
[Analyze grammar]

na cānyatkāraṇaṃ kiṃciddhāsyahetuḥ śucismite |
na sāmanyatataṃ devī prāhālīkamidaṃ tava || 108 ||
[Analyze grammar]

ahameveha hasitā na jīviṣye tvayādhunā |
kathaṃ pipīlikālāpaṃ martyo vetti surādṛte || 109 ||
[Analyze grammar]

tasmāttvayāhamevādya hasitā kimataḥ param |
tato niruttaro rājā jijñāsustadvaco hareḥ || 110 ||
[Analyze grammar]

āsthāya niyamaṃ tasthau saptarātramakalmaṣaḥ |
svapnānte prāha taṃ brahmā prabhāte paryaṭanpuram || 111 ||
[Analyze grammar]

vṛddhadvijottamādvākyaṃ sarvaṃ jñāsyati te priyā |
ityuktvāṃtardadhe brahmā prabhāte ca nṛpaḥ purāt || 112 ||
[Analyze grammar]

nirgacchanmantrisahitaḥ sabhāryo vṛddhamagrataḥ |
gadaṃtaṃ vipramāyāṃtaṃ vṛddhaṃ ca sa dadarśa ha || 113 ||
[Analyze grammar]

brāhmaṇa uvāca |
ye vipramukhyāḥ kurujāṃgaleṣu dāśāstathā dāśapure mṛgāśca |
kālaṃjare sapta ca cakravākā ye mānase tetra vasaṃti siddhāḥ || 114 ||
[Analyze grammar]

ityākarṇya vacastasya sa papāta śucānvitaḥ |
jātismaratvamagamattau ca maṃtrivarātmajau || 115 ||
[Analyze grammar]

kāmaśāstrapraṇetā tu bābhravyaḥ sa tu bālakaḥ |
paṃcāla iti lokeṣu viśrutaḥ sarvaśāstravit || 116 ||
[Analyze grammar]

puṃḍarīkopi dharmātmā vedaśāstrapravartakaḥ |
bhūtvā jātismarau śokātpatitāvagratastathā || 117 ||
[Analyze grammar]

hā vayaṃ karmavibhraṣṭāḥ kāmataḥ karmabaṃdhanāt |
evaṃ vilapya bahuśastrayaste yogapāragāḥ || 118 ||
[Analyze grammar]

vismayācchrāddhamāhāmyamabhinaṃdya punaḥ punaḥ |
sa tu tasmai dhanaṃ dattvā prabhūtagrāmasaṃyutam || 119 ||
[Analyze grammar]

visṛjya brāhmaṇaṃ taṃ ca vṛddhaṃ dhanamadānvitam |
ātmīyaṃ nṛpatiḥ putraṃ nṛpalakṣaṇasaṃyutam || 120 ||
[Analyze grammar]

viṣvaksenābhidhānaṃ ca rājārājyebhyaṣecayat |
mānase salile sarve tataste yogināṃ varāḥ || 121 ||
[Analyze grammar]

brahmadattādayastasminpitṛbhaktā vimatsarāḥ |
sannatiścābhavaddhṛṣṭā mayaiva tava darśitam || 122 ||
[Analyze grammar]

rājanyogaphalaṃ sarvaṃ yadetadabhilakṣyate |
tatheti prāha rājāpi purastādabhinaṃdayan || 123 ||
[Analyze grammar]

tvatprasādādidaṃ sarvaṃ mayaivaṃ prāpyate phalam || 124 ||
[Analyze grammar]

tataste yogamāsthāya sarva eva vanaukasaḥ |
brahmaraṃdhreṇa paramaṃ padamāpustapobalāt || 125 ||
[Analyze grammar]

evamāyurdhanaṃ vidyāṃ svargamokṣasukhāni ca |
prayacchaṃti sutaṃ rājyaṃ nṛṇāṃ tuṣṭāḥ pitāmahāḥ || 126 ||
[Analyze grammar]

idaṃ ca pitṛmāhātmyaṃ brahmadattasya vai nṛpa |
dvijebhyaḥ śrāvayedvidvānśṛṇoti paṭhatepi vā |
kalpakoṭiśataṃ sāgraṃ brahmaloke mahīyate || 127 ||
[Analyze grammar]

iti śrīpādmapurāṇe prathame sṛṣṭikhaṃḍe pitṛmāhātmyakathanaṃnāma daśamo'dhyāyaḥ || 10 ||
[Analyze grammar]