Chapter 15

athopakāryā niṣadhāvanīpatirnijāmayāsīdvaraṇasrajāñcitaḥ |
vasūni varṣansubahūni bandināṃ viśiṣyabhaimīguṇakīrtanākṛtām || 1 ||
[Analyze grammar]

tathā pathi tyāgamayaṃ vitīrṇavānyathātibhārādhigamena māgadhaiḥ |
tṛṇīkṛtaṃ ratnanikāya muccakaiścikāya lokaściramuñchamutsukaḥ || 2 ||
[Analyze grammar]

trapāsya na syātsadasi striyānvayātkuto'tirūpaḥ sukhabhājanaṃ janaḥ |
amūdṛśī tatkavibandivarṇanairavākkṛtā rājakarañjilokavāk || 3 ||
[Analyze grammar]

adoṣatāmeva satāṃ vivṛṇvate dviṣāṃ mṛṣādoṣakaṇādhiropaṇāḥ |
na jātu satye sati dūṣāṇe bhavedalīkamādhātumavadyamudyamaḥ || 4 ||
[Analyze grammar]

vidarbharājo'pi samaṃ tanūjayā praviśya hṛṣyannavarodhamātmanaḥ |
śaśaṃsa devīmanujātasaṃśayāṃ pratīccha jāmātaramutsuke nalam || 5 ||
[Analyze grammar]

tanutviṣā yasya tṛṇaṃ sa manmathā kulaśriyā yaḥ pavitāsmadanvayam |
jagattrayīnāyakamelake varaṃ sutāṃ paraṃ veda vivektumīdṛśam || 6 ||
[Analyze grammar]

sṛjantu pāṇigrahamaṅgalocitā mṛgīdṛśaḥ strīsamayaspṛśaḥ kriyāḥ |
śṛutismṛtīnāṃ tu vayaṃ vidadhmahe vidhīniti smāha ca niryayau ca saḥ || 7 ||
[Analyze grammar]

nirīya bhūpena nirīkṣitānanā śaśaṃsa mauhūrtikasaṃsadaṃśakam |
guṇairarīṇairudayāstanistuṣāṃ tadā sa dātuṃ tanayāṃ pracakrame || 8 ||
[Analyze grammar]

athāvadaddūtamukhaḥ sa naiṣadhaṃ kulaṃ ca bālā ca mamānukampyatām |
sa pallavatvadya manorathāṅkruraścireṇa nastvaccaraṇodakairiti || 9 ||
[Analyze grammar]

tathotthitaṃ bhīmavacaḥpratidhvaniṃ nipīya dūtasya sa vaktragahvarāt |
vrajāmi vande caraṇau guroriti bruvanpradāya prajighāya taṃ bahu || 10 ||
[Analyze grammar]

nipītadūtālapitastato nalaṃ vidarbhabhartāgamayāṃbabhūva saḥ |
niśāvasāne śrutatāmracūḍavāgyathā rathāṅgastapanaṃ dhṛtādaraḥ || 11 ||
[Analyze grammar]

kvacittadālepanadānapaṇḍitā kamapyahaṃkāramagātpuraskṛtā |
alambhi tuṅgāsanasaṃniveśanādapūpanirmāṇavidagdhayādaraḥ || 12 ||
[Analyze grammar]

mukhāni muktāmaṇitoraṇodgatairmarīcibhiḥ pānthavilāsamāśritaiḥ |
purasya tasyākhilaveśmanāmapi pramodahāsacchuritāni rejire || 13 ||
[Analyze grammar]

pathāmanīyanta tathādhivāsanānmadhuvratānāmapi dattavibhramāḥ |
vitānatāmātapanirbhayāstadā paṭacchidākālikapuṣpajāḥ srajaḥ || 14 ||
[Analyze grammar]

vibhūṣaṇaiḥ kañcukitā babhuḥ prajā vicitracitraiḥ snapitatviṣo gṛhāḥ |
babhūva tasminmaṇikuṭṭimaiḥ pure vapuḥ svamurvyāḥ parivartitopamam || 15 ||
[Analyze grammar]

tadā nisasvānatamāṃ ghanaṃ ghanaṃ nanāda tasminnitarāṃ tataṃ tatam |
avāpuruccaiḥ suṣirāṇi rāṇitāmamānamānaddhamiyattayādhvanīt || 16 ||
[Analyze grammar]

vipañcirācchādi na veṇubhirna te praṇītagītairna ca te'pi jharjharaiḥ |
na te huhukkena na so'pi ḍhakkayā na mardalaiḥ sāpi na te'pi ḍhakkayā || 17 ||
[Analyze grammar]

vicitravāditraninādamūrcchitaḥ sudūracārī janatāmukhāravaḥ |
mamau na karṇeṣu digantadantināṃ payodhipūrapratinādameduraḥ || 18 ||
[Analyze grammar]

udasya kumbhīratha śātakumbhajāścatuṣkacārutviṣi vedikodare |
yathākulācāramathāvanīndrajāṃ purandhrivargaḥ snapayāṃbabhūva tām || 19 ||
[Analyze grammar]

vijitya dāsyādiva vārihāritāmavāpitāstatkucayordvayena tāḥ |
śikhāmavākṣuḥ sahakāraśākhinastrapābharamlānimivānatairmukhaiḥ || 20 ||
[Analyze grammar]

asau muhurjātajalābhiṣecanā kramāddukūlena sitāṃśunojjvalā |
dvayasya varṣāśaradāṃ tadātanīṃ sanābhitāṃ sādhu babandha saṃdhyayā || 21 ||
[Analyze grammar]

purā prabhinnāmbudadurdinīkṛtāṃ nininda candradyutisundarīṃ divam |
śiroruhaugheṇa ghanena varṣatā kvaciddukūlena sitāṃśunojjvalā || 22 ||
[Analyze grammar]

virejire taccikurotkarāḥ kirāḥ kṣāṇaṃ galannirmalavārivipruṣām |
tamaḥsuhṛccāmaranirjayārjitāḥ sitā vamantaḥ khalu kīrtimuktikāḥ || 23 ||
[Analyze grammar]

mradīyasā snānajalasya vāsasā pramārjanenādhikamujjvalīkṛtāḥ |
adabhramabhrājata sāśmaśāṇanātprakāśarociḥpratimeva hemajā || 24 ||
[Analyze grammar]

tadā tadaṅgasya bibharti vibhramaṃ vilepanāmodamucaḥ sphuradrucaḥ |
darasphuratkāñcanaketakīdalātsuvarṇamabhyasyati saurabhaṃ yadi || 25 ||
[Analyze grammar]

avāpitāyāḥ śucivedikāntaraṃ kalāsu tasyāḥ sakalāsu paṇḍitāḥ |
kṣaṇena sakhyaściraśikṣaṇaiḥ sphuṭaṃ pratipratīkaṃ pratikarma nirmamuḥ || 26 ||
[Analyze grammar]

vināpi bhūṣāmavadhiḥ śriyāmiyaṃ vyabhūṣi vijñābhiradarśi cādhikā |
na bhūṣayaiṣādhicakāsti kiṃ tu sānayeti kasyāstu vicāracāturī vidhāya || 27 ||
[Analyze grammar]

bandhūkapayojapūjane kṛtāṃ vidhorgandhaphalībaliśriyam |
nininda labdhādharalocanārcanaṃ manaḥśilācitrakametya tanmukham || 28 ||
[Analyze grammar]

mahīmadhonāṃ madanāndhatātamītamaḥpaṭārambhaṇatantusaṃtatiḥ |
abandhi tanmūrdhajapāśamañjarī kayāpi dhūpagrahadhūmakomalā || 29 ||
[Analyze grammar]

punaḥpunaḥ kācana kurvatī kacacchaṭādhiyā dhūpajadhūmasaṃyamam |
sakhī smitaistarkitatannijabhramā babandha tanmūrdhajacāmaraṃ cirāt || 30 ||
[Analyze grammar]

valasya kṛṣṭeva halena bhāti yā kalindakanyā ghanabhaṅgabhaṅgurā |
tadārpitaistāṃ karuṇasya kuḍnalairjahāsa tasyāḥ kuṭilā kacacchaṭā || 31 ||
[Analyze grammar]

dhṛtaitayā hāṭakapaṭṭikālike babhūva keśāmbudavidyudeva sā |
mukhendusaṃbandhavaśātsudhājuṣaḥ sthiratvamūhe niyataṃ tadāyuṣaḥ || 32 ||
[Analyze grammar]

lalāṭikāsīmani cūrṇakuntalā babhuḥ sphuṭaṃ bhīmanarendrajanmanaḥ |
manaḥśilācitrakadīpasaṃbhavā bhrāmībhṛtaḥ kajjaladhūmavallayaḥ || 33 ||
[Analyze grammar]

apāṅgamāliṅgya tadīyamuccakairadīpi rekhā janitāñjanena yā |
apāti sūtraṃ tadiva dvitīyayā vayaḥśriyā vardhayituṃ vilocane || 34 ||
[Analyze grammar]

anaṅgalīlābhirapāṅgadhāvinaḥ kanīnikānīlamaṇeḥ punaḥ punaḥ |
tamisravaṃśaprabhavena raśminā svapaddhatiḥ sā kimarañji nāñjanaiḥ || 35 ||
[Analyze grammar]

aseviṣātāṃ suṣamāṃ vidarbhajādṛśāvavāpyāñjanarekhayā'nvayam |
bhujadvayajyākiṇapaddhatispṛśoḥ smareṇa bāṇīkṛtayoḥ payojayoḥ || 36 ||
[Analyze grammar]

tadakṣitatkālatulāgasā nakhaṃ nikhāya kṛṣṇasya mṛgasya cakṣuṣī |
vidhiryaduddhartumiyeṣa tattayoradūravartikṣatatā sma śaṃsati || 37 ||
[Analyze grammar]

vilocanābhyāmatimātrapīḍite vataṃsanīlāmburuhadvayīṃ khalu |
tayoḥ pratidvandvidhiyādhiropayāṃbabhūvaturbhīmasutāśrutī tataḥ || 38 ||
[Analyze grammar]

dhṛtaṃ vataṃsotpalayugmametayā vyarājadasyāṃ patite dṛśāviva |
manobhuvāndhyaṃ gamitasya paśyataḥ sthite lagitvā rasikasya kasyacit || 39 ||
[Analyze grammar]

vidarbhaputrīśravaṇāvataṃsikāmaṇīmahaḥkiṃśukakārmukodare |
udītanetrotpalabāṇasaṃbhṛtirnalaṃ paraṃ lakṣyamavaikṣata smaraḥ || 40 ||
[Analyze grammar]

anācarattathyamṛṣāvicāraṇāṃ tadānanaṃ karṇalatāyugena kim |
babandha jitvā maṇikuṇḍale vidhū dvicandrabuddhyā kathitāvasūyakau || 41 ||
[Analyze grammar]

avādi bhaimī paridhāpya kuṇḍale vayasyayābhyāmabhitaḥ samanvayaḥ |
tvadānanendoḥ priyakāmajanmani śrayatyayaṃ daurudharīṃ dhuraṃ dhruvam || 42 ||
[Analyze grammar]

niveśitaṃ yāvakarāgadīptaye lagattadīyādharasīmni sikthakam |
rarāja tatraiva nivastumutsukaṃ madhūni nirdhūya sudhāsadharmaṇi || 43 ||
[Analyze grammar]

svareṇa vīṇetyaviśeṣaṇaṃ purā sphurattadīyā khalu kaṇṭhakandalī |
avāpya tantrīratha saapta muktikāsarānarājatparivādinī sphuṭam || 44 ||
[Analyze grammar]

upāsyamānāviva śikṣituṃ tato mṛdutvamaprauḍhamṛṇālanālayā |
virejaturmāṅgalikena saṃgatau bhujau sudatyā valayena kambunaḥ || 45 ||
[Analyze grammar]

padadvaye'syā navayāvarañjanā janaistadānīmudanīyatārpitā |
cirāya padmau parirabhya jāgratī niśīva viśliṣya navā ravidyutiḥ || 46 ||
[Analyze grammar]

kṛtāparādhaḥ sutanoranantaraṃ vicintya kāntena samaṃ samāgamam |
sphuṭaṃ siṣeva kusumeṣupāvakaḥ sa rāgacihnaścaraṇau na yāvakaḥ || 47 ||
[Analyze grammar]

svayaṃ tadaṅgeṣu gateṣu cārutāṃ paraspareṇaiva vibhūṣiteṣu ca |
kimūcire'laṃkaraṇāni tāni taddṛthaiva teṣāṃ karaṇaṃ babhūva yat || 48 ||
[Analyze grammar]

kramādhikāmuttaramuttaraṃ śriyaṃ pupoṣa yāṃ bhūṣaṇacumbanairiyam |
puraḥ purastasthuṣi rāmaṇīyake tayā babādhe'vadhibuddhidhoraṇiḥ || 49 ||
[Analyze grammar]

maṇīsanābhau mukurasya maṇḍale babhau nijāsyapratibimbadarśinī |
vidhoradūraṃ svamukhaṃ vidhāya sā nirūpayantīva viśeṣametayoḥ || 50 ||
[Analyze grammar]

jitastadāsyena kalānidhirdadhe dvicandradhīsākṣikamāyakāyatām |
tathāpi jigye yugapatsakhīyugapradarśitādarśabahūbhaviṣṇunā || 51 ||
[Analyze grammar]

kimāliyugmārpitadarpaṇadvaye tadāsyamekaṃ bahu cānyadambujam |
himeṣu nirvāpya niśāsamādhibhistadīyasālokyamitaṃ vyalokyata || 52 ||
[Analyze grammar]

palāśadāmetimilacchilīmukhairvṛtā vibhūṣāmaṇiraśmikārmukaiḥ |
alakṣi lakṣairdhanuṣāmasau tadā ratīśasarvasvatayā'bhirakṣitā || 53 ||
[Analyze grammar]

viśeṣatīrthairiva jahnunandinī guṇairivājānikarāgabhūmitā |
jagāma bhāgyairiva nītirujjvalairvibhūṣaṇaistatsuṣamā mahārdhatām || 54 ||
[Analyze grammar]

nalātsvavaiśvastyamanāptumānatā nṛpastriyo bhīmamahotsavāgatāḥ |
tadaṅghrilākṣāmadadhanta maṅgalaṃ śiraḥsu sindūramiva priyāyuṣe || 55 ||
[Analyze grammar]

amoghabhāvena sanābhitāṃ gatāḥ prasannagīrvāṇavarākṣarasrajām |
tataḥ praṇamrādhijagāma sā hriyā gururgurubrahmapativratāśiṣāḥ || 56 ||
[Analyze grammar]

tathaiva tatkālamathānujīvibhiḥ prasādhanāsañjanaśilpapāragaiḥ |
nijasya pāṇigrahaṇakṣaṇocitā kṛtā nalasyāpi vibhorvibhūṣaṇā || 57 ||
[Analyze grammar]

nṛpasya tatrādhikṛtāḥ punaḥ punarvicārya tānbandhamavāpipankacān |
kalāpalīlopanidhirgaruttyajaḥ sa yairapālāpi kalāpisaṃpadaḥ || 58 ||
[Analyze grammar]

patattriṇāṃ drādhimaśālinā dhanurguṇena saṃyogajuṣāṃ manobhuvaḥ |
kacena tasyārjitamārjanaśriyā sametya saubhāgyamalambhi kuṅnalaiḥ || 59 ||
[Analyze grammar]

anardhyaratnaughamayena maṇḍito rarāja rājā mukuṭena mūrdhani |
vanīpakānāṃ sa hi kalpabhūruhastato vimuñcanniva mañjumañjarīm || 60 ||
[Analyze grammar]

nalātsvavaiśvastyamanāptumānatā nṛpastriyo bhīmamahotsavāgatāḥ |
tadaṅghrilākṣāmadadhanta maṅgalaṃ śiraḥsu sindūramiva priyāyuṣe || 61 ||
[Analyze grammar]

amoghabhāvena sanābhitāṃ gatāḥ prasannagīrvāṇavarakṣarasrajām |
tataḥ praṇamrādhijagāma sā hriyā gururgurubrahmapativratāśiṣaḥ || 62 ||
[Analyze grammar]

tathaiva tatkālamathānujīvibhiḥ prasādhanāsajanaśilpapāragaiḥ |
nijasya pāṇigrahaṇakṣaṇocitā kṛtā nalasyāpi vibhorvibhūṣaṇā || 63 ||
[Analyze grammar]

nṛpasya tatrādhikṛtāḥ punaḥ punarvicārya tānbandhamavāpipankacāṇ |
kalāpalīlopanidhirgaruttyajaḥ sa yairapālāpi kalāpisaṃpadaḥ || 64 ||
[Analyze grammar]

patattriṇāṃ drādhimaśālinā dhanurguṇena saṃyogajuṣāṃ manobhuvaḥ |
kacena tasyārjitamārjanaśriyā sametya saubhāgyamalambhi kugnalaiḥ || 65 ||
[Analyze grammar]

anardhyaratnaighamayena maṇḍito rarāja rāja mukuṭena mūrdhati |
vanīpakānāṃ sa hi kalpabhūruhastato vimuñcanniva mañjumañjarīm || 66 ||
[Analyze grammar]

nalasya bhāle maṇivīrapaṭṭikānibhena lagnaḥ paridhirvidhorbabhau |
tadā śaśāṅkādhikarūpatāṃ gate tadānane mātumaśaknuvanniva || 67 ||
[Analyze grammar]

babhūva bhaimyāḥ khalu mānasaukasaṃ jighāṃsato dhairyabharaṃ manobhuvaḥ |
upabhru tadvartulacitrarūpiṇī dhanuḥsamīpe gulikeva saṃbhṛtā || 68 ||
[Analyze grammar]

acumbi yā candanabindumaṇḍalī nalīyavaktreṇa sarojatarjinā |
śriyaṃ śritā kācana tārakāsakhī kṛtā śaśāṅkasya tayāṅkavartinī || 69 ||
[Analyze grammar]

na yāvadagnibhramametyudūḍhatāṃ nalasya bhaimīti harerdurāśayā |
sa bindurinduḥ prahitaḥ kimasya sā na veti bhāle paṭhituṃ lipīmiva || 70 ||
[Analyze grammar]

kapolapālījanijānubimbayoḥ samāgamātkuṇḍalamaṇḍaladvayī |
nalasya tatkālamavāpa cittabhūratha sphuraccakracatuṣkacārutām || 71 ||
[Analyze grammar]

śritāsya kaṇṭhaṃ guruvipravandanādvinamramoleścibukāgracumbinī |
avāpa muktāvalirāsyacandramaḥsravatsudhātundilabinduvṛndatām || 72 ||
[Analyze grammar]

yato'jani śrīrbalavānbalaṃ dviṣanbabhūva yasyājiṣu vāraṇena saḥ |
apūpurattānkamalārthino ghanānsamudrabhāvaṃ sa babhāra tadbhujaḥ || 73 ||
[Analyze grammar]

kṛtārthayannarthijanānanārataṃ babhūva tasyāmarabhūruhaḥ karaḥ |
tadīyamūle nihitaṃ dvitīyavaddhruvaṃ dadhe kaṅkaṇamālavālatām || 74 ||
[Analyze grammar]

rarāja dormaṇḍanamaṇḍalījuṣoḥ sa vajramāṇikyasitāruṇatviṣoḥ |
miṣeṇa varṣandaśadiṅmukhonmukhau yaśaḥpratāpāvavanījayārjitau || 75 ||
[Analyze grammar]

ghane samastāpaghanāvalambināṃ vibhūṣaṇānāṃ maṇimaṇḍale nalaḥ |
svarūparekhāmavalokya niṣphalīcakāra sevācaṇadarpaṇārpaṇām || 76 ||
[Analyze grammar]

vyaloki lokena na kevalaṃ calanmudā tadīyābharaṇāṛpaṇādyutiḥ |
adarśi visphāritaratnalocanaiḥ paraspareṇeva vibhūṣaṇairapi || 77 ||
[Analyze grammar]

tato'nu vārṣṇeyaniyantṛkaṃ rathaṃ yudhi kṣitārikṣitibhṛjjayadrathaḥ |
nṛpaḥ pṛthāsūnurivādhirūḍhavānsa janyayātrāmuditaḥ kirīṭavān || 78 ||
[Analyze grammar]

vidarbhanāmnastridivasya vīkṣituṃ rasodayādapsarasastamujjvalam |
gṛhādgṛhādetya dhṛtaprasādhanā vyarājayanrājapathānathādhikam || 79 ||
[Analyze grammar]

ajānatī kāpi vilokanotsukā samīradhūtārdhamapi stanāṃśukam |
kucena tasmai calate'karotpuraḥ purāṅganā maṅgalakumbhasaṃbhṛtim || 80 ||
[Analyze grammar]

sakhīṃ nalaṃ darśayamānayāṅkato javādudastasya karasya kaṅkaṇe |
viṣajya hāraistruṭitairatarkitaiḥ kṛtaṃ kayāpi kṣaṇalājamokṣaṇam || 81 ||
[Analyze grammar]

lasannakhādarśamukhāmbujasmitaprasūnavāṇīmadhupāṇipallavam |
yiyāsatastasya nṛpasya jajñire praśastavastūni tadevayauvatam || 82 ||
[Analyze grammar]

karasthatāmbūlajighatsurekikā vilokanaikāgravilocanotpalā |
mukhe nicikṣepa mukhadvirājatāruṣeva līlākamalaṃ vilāsinī || 83 ||
[Analyze grammar]

kayāpi vīkṣāvimanaskalocane samāja evopapateḥ samīyuṣaḥ |
ghanaṃ savighnaṃ parirambhasāhasaistadā tadālokanamanvabhūyata || 84 ||
[Analyze grammar]

didṛkṣuranyā vinimeṣāvīkṣaṇāṃ nṛṇāmayogyāṃ dadhatī tanuśriyam |
padāgramātreṇa yadaspṛśanmahīṃ na tāvatā kevalamapsaro'bhavat || 85 ||
[Analyze grammar]

vibhūṣaṇasraṃsanaśaṃsanārpitaiḥ karaprahārairapi dhūnanairapi |
amāntamantaḥ prasabhaṃ purā'parā sakhīṣu saṃmāpayatīva saṃmadam || 86 ||
[Analyze grammar]

vataṃsanīlāmburuheṇa kiṃ dṛśā vilokamāne vimanībabhūvatuḥ |
api śrutī darśanasaktacetasāṃ na tena te śuśruvaturmṛgīdṛśām || 87 ||
[Analyze grammar]

kāścinnirmāya cakṣuḥprasṛticulukitaṃ tāsvaśaṅkanta kāntā maugdhyādācūḍamoghairniculitamiva taṃ bhūṣaṇānāṃ maṇīnām |
sāhasrībhirnimeṣākṛtamatibhirayaṃ dṛgbhirāliṅgitaḥ kiṃ jyotiṣṭomādiyajñaśrutiphalajagatīsārvabhaumabhrameṇa || 88 ||
[Analyze grammar]

bhavansudyumnaḥ strī narapatirabhūdyasya jananī tamurvaśyāḥ prāṇānapi vijayamānastanurucā |
harārabdhakrodhendhanamadanasiṃhāsanamasāvalaṃkarmīṇaśrīrudabhavadalaṃkartumadhunā || 89 ||
[Analyze grammar]

arthī sarvasuparvaṇāṃ patirasāvetasya yūnaḥ kṛte paryatyāji vidarbharājasutayā yuktaṃ viśeṣajñayā |
asminnāma tayā vṛte sumanasaḥ santo'pi yannirjarā jātā durmanaso na soḍhumucitā teṣāṃ tu sā'naucitī || 90 ||
[Analyze grammar]

asyotkaṇṭhitakaṇṭhaloṭhivaraṇasraksākṣibhirdigbhaṭaiḥ svaṃ vakṣaḥ svayamasphuṭanna kimadaḥ śastrādapi sphoṭitam |
vyāvṛtyopanatena hā śatamakhenādya prasādyā kathaṃ bhaimyāṃ vyarthamanorathena ca śacī sācīkṛtāsyāmbujā || 91 ||
[Analyze grammar]

mā jānīta vidarbhajāmaviduṣīṃ kīrtiṃ mudaḥ śroyasīṃ seyaṃ bhadramacīkaranmaghavatā na svaṃ dvitīyāṃ śacīm |
kaḥ śacyā racayāṃcakāra carite kāvyaṃ sa naḥ kathyatāmetasyāstu kariṣyate rasadhunīpātre caritre na kaiḥ || 92 ||
[Analyze grammar]

vaidarbhībahujanmanirmitatapaḥśilpena dehaśriyā netrābhyāṃ svadate yuvāyamavanīvāsaḥ prasūnāyudhaḥ |
gīrvāṇālayasārvabhaumasukṛtaprāgbhāraduṣprāpayā goyaṃ bhīmajayānubhūya bhajatāmadvaitamadya tviṣām || 93 ||
[Analyze grammar]

strīpuṃsavyatiṣañjanaṃ janayataḥ patyuḥ prajānāmabhūdabhyāsaḥ paripākimaḥ kimanayordāmpatyasaṃpattaye |
āsaṃsārapurandhripūruṣamithaḥpremārpaṇakrīḍayāpyetajjampatigāḍharāgaracanā prākarṣi cetobhuvaḥ || 94 ||
[Analyze grammar]

tābhirdṛśyata eṣa yānpathi mahājyaiṣṭhīmahe manmahe yadṛgbhiḥ puruṣottamaḥ paricitaḥ prāgmañcamañcankṛtaḥ |
sā strīrāṭ patayālubhiḥ śitisitaiḥ syādasya dṛkcāmaraiḥ sasne māghamaghātighātiyamunāgaṅgaughayoge yayā || 95 ||
[Analyze grammar]

vaidarbhīvipulānurāgakalanātsaubhāgyamatrākhilakṣoṇīcakraśatakratau nijagade tadbṛttavṛttakramaiḥ |
kiṃcāsmākanarendrabhūsubhagatāsaṃbhūtaye lagnakaṃ devendrāvaraṇaprasāditaśacīviśrāṇitāśīrvacaḥ || 96 ||
[Analyze grammar]

āsutrāmamapāsanānmakhabhujāṃ bhaimyaiva rājavraje tādarthyāgamanānurodhaparayā yuktārji lajjāmṛjā |
ātmānaṃ tridaśaprasādaphalatām patye vidhāyānayā hrīroṣāpayaśaḥkathānavasaraḥ sṛṣṭaṃ surāṇāmapi || 97 ||
[Analyze grammar]

ityālepuranupratīkanilayālaṃkārasāraśriyāhaṃkurvattanurāmaṇīyakamamūrālokya paurapriyāḥ |
sānandāḥ kuruvindasundarakarasyānandanaṃ syandanaṃ tasyādhyāsya yataḥ śatakratuharitkrīḍādrimindoriva || 98 ||
[Analyze grammar]

śṛīharṣaṃ kavirājarājimukuṭālaṃkārahīraḥ sutaṃ śrīhīraḥ suṣuve jitendriyacayaṃ māmalladevī ca yam |
yātaḥ pañcadaśaḥ kṛśetararasasvādāvihāyaṃ mahākāvye tasya kṛtau nalīyacarite sargo nisargojjvalaḥ || 99 ||
[Analyze grammar]