Chapter 244

pāṣāṇopākhyāne jagadānantyavarṇanaṃ nāma sargaḥ |
catuścatvāriṃśaduttaradviśatatamaḥ sargaḥ |
vasiṣṭhaḥ |
tataścidākāśavapurvyāpyananto nirāmayaḥ |
dattāvadhāno vapuṣi tadāpaśyamahaṃ kvacit || 1 ||
[Analyze grammar]

yāvadantargataḥ sargaḥ saṃsthito'ṅkurito mama |
kusūlasthasya bījasya siktasyevāṅkuro hṛdi || 2 ||
[Analyze grammar]

udbubhūṣurivāste'ntaḥ sekādbīje yathāṅkuraḥ |
ākāravatyanākāraścittvāccitte tathā jagat || 3 ||
[Analyze grammar]

yathonmiṣati dṛśyaśrīḥ suṣuptādbodhameyuṣaḥ |
jāgradvā vigate svapne cinmātrasya svacetanāt || 4 ||
[Analyze grammar]

tathaivātmani sargādāvanubhūtaḥ kharūpiṇi |
hṛdi sargodayo'nanyarūpaḥ svākārarūpataḥ || 5 ||
[Analyze grammar]

rāmaḥ |
ākāśarūpa ākāśe paramākāśa kathyatām |
bhūyo nipuṇabodhāya kathaṃ sargaḥ pravartate || 6 ||
[Analyze grammar]

vasiṣṭhaḥ |
śṛṇu rāma yathā tatra svayambhūtvaṃ mayā tadā |
anubhūtamasatsadvadidaṃ svapnanaropamam || 7 ||
[Analyze grammar]

tamālokya mahākalpasaṃrambhaṃ vyomarūpiṇā |
bhāge'nyatra śarīrasya saṃvidunmeṣitā mayā || 8 ||
[Analyze grammar]

yadaiva sāmalā saṃvitkiñcidunmeṣitā sthitā |
tadaivāhaṃ kvacittatra paśyāmyāśyānatāmiva || 9 ||
[Analyze grammar]

gataḥ svabhāvaṃ cidvyoma yathā tvaṃ rāma nidrayā |
jāgradvā svapnalokaṃ vā viśanvetsi manāgghanam || 10 ||
[Analyze grammar]

cinmātrākāśamevādau tato'smītyeva vedanam |
tadghanaṃ kathyate buddhiḥ sā ghanā mana ucyate || 11 ||
[Analyze grammar]

tadvetti śabdatanmātraṃ tanmātrāṇītarāṇyatha |
pañcendriyāṇi tatsthaulyāditīndriyagaṇodayaḥ || 12 ||
[Analyze grammar]

suṣuptādviśataḥ svapnaṃ jagaddṛśyavanodayaḥ |
yathā tathaiva sargādau dṛśyaṃ bhāti nimeṣataḥ || 13 ||
[Analyze grammar]

tulyakālamanante'smindṛśyajālāvabhāsane |
kathayanti kramaṃ kecitkecinna kathayanti ca || 14 ||
[Analyze grammar]

paramāṇukaṇaṃ kāntaṃ sampannamanubhūtavān |
ahaṃ cetanamātmānaṃ vastuto'malameva kham || 15 ||
[Analyze grammar]

yathā svabhāvato vyomni calatyevāniśaṃ marut |
tathā svabhāvātsarvatra paśyatyevaṃ vapuścitiḥ || 16 ||
[Analyze grammar]

yādṛśaṃ cetitaṃ rūpaṃ śaktyā paramayānayā |
tacchaknotyanyathā kartuṃ naiṣā yatnena bhūyasā || 17 ||
[Analyze grammar]

tataḥ paśyāmyahaṃ yāvatsampanno'smyaṇurūpakaḥ |
cittvāccetaṃstadevāśu tathābhūto'smi saṃsthitaḥ || 18 ||
[Analyze grammar]

tato'haṃ buddhavān rūpaṃ tanu tejaḥkaṇākṛti |
tadeva bhāvayanpaścādgato'haṃ sthūlatāmiva || 19 ||
[Analyze grammar]

prekṣe tāvadahaṃ kiñciditi bodhāl laghostataḥ |
manāgālokanāyeva sampravṛtto'nubhūtavān |
yannāma tatra tatkiñcittasyehādya raghūdvaha || 20 ||
[Analyze grammar]

śṛṇu nāmāni mukhyāni kalpitāni bhavādṛśaiḥ |
draṣṭuṃ pravṛtto randhreṇa yena taccakṣurucyate || 21 ||
[Analyze grammar]

yacca paśyāmi taddṛśyaṃ darśanaṃ tu phalaṃ tataḥ |
yadā paśyāmi kālo'sau yathā paśyāmi sa kramaḥ || 22 ||
[Analyze grammar]

prauḍhā niyatirityadya yatra paśyāmi tannabhaḥ |
sthito'smi yatra deśo'sāvityādyaiṣā prakalpanā || 23 ||
[Analyze grammar]

tadā tvahaṃ vidunmeṣamātrametasya kāraṇam |
paśyāmīti tatastatra manāgbodho mamodabhūt || 24 ||
[Analyze grammar]

tato randhradvayenāhamapaśyaṃ yattadasti kham |
yābhyāmapaśyaṃ randhrābhyāṃ ta ime locane sthite || 25 ||
[Analyze grammar]

tataḥ kiñcicchṛṇomīti saṃvidabhyuditā mama |
tataḥ kiñcinmanāṅmātrajhāṅkāraṃ śrutavānaham || 26 ||
[Analyze grammar]

ādhmātasyeva śaṅkhasya śabdaṃ vyomnaḥ svabhāvajam |
yābhyāmahamathāśrauṣaṃ ta ime śravaṇavraṇe || 27 ||
[Analyze grammar]

pradeśābhyāṃ vicaratā marutāviratasvanam |
sparśasaṃvedanaṃ kiñcidahamatrānubhūtavān || 28 ||
[Analyze grammar]

tatsaṃvedanamātrātma so'yaṃ vāyuriti smṛtaḥ |
sparśanendriyatanmātramasadeveti satsthitam || 29 ||
[Analyze grammar]

āsvādasaṃvid yābhūnme tadāsvādyarasendriyam |
ghrāṇānme ghrāṇatanmātramuditaṃ vyomarūpiṇaḥ |
itthaṃ na kiñcitsampannaṃ sarvaṃ sampannamatra me || 30 ||
[Analyze grammar]

evamindriyatanmātrajālaṃ cetannahaṃ sthitaḥ |
yāvattāvadvidaḥ pañca balādiva mamoditāḥ || 31 ||
[Analyze grammar]

śabdarūparasasparśagandhamātraśarīrikāḥ |
anākārāstathānāmnyaḥ kharūpiṇyo bhramātmikāḥ || 32 ||
[Analyze grammar]

evaṃrūpamahaṃ jālaṃ bhāvayanyattadā sthitaḥ |
tadahaṅkāra ityadya kathyate tvādṛśairjanaiḥ || 33 ||
[Analyze grammar]

eṣa eva ghanībhūto buddhirityabhidhīyate |
sātha buddhirghanībhūtā mana ityabhidhīyate || 34 ||
[Analyze grammar]

antaḥkaraṇarūpaḥ khameva tatrāhamāsthitaḥ |
ātivāhikadehātmā cinmayavyomarūpavān || 35 ||
[Analyze grammar]

pavanādapyahaṃ śūnyaḥ kevalākāśamātrakam |
sarveṣāmeva bhāvānāṃ śūnyākṛtirarodhakaḥ || 36 ||
[Analyze grammar]

athainaṃ bhāvayannahaṃ yadā tatra sthiraṃ sthitaḥ |
tadāhaṃ dehavānpuṣṭa iti me pratyayo'bhavat || 37 ||
[Analyze grammar]

tenāhaṃ pratyayenātha śabdaṃ kartuṃ pravṛttavān |
śūnya eva yathā suptaḥ svapnoḍḍīno naro ravam || 38 ||
[Analyze grammar]

atha pūrvaṃ kṛtaśśabdo bāleneva tadomiti |
tataḥ sa eṣa oṅkāra iti nītaḥ punaḥ prathām || 39 ||
[Analyze grammar]

tataḥ svapne nareṇeva yatkiñcidgaditaṃ mayā |
tadetadviddhi vācaṃ tvaṃ paścānnītāṃ prathāmiha || 40 ||
[Analyze grammar]

brahmaiva so'smi sampannaḥ sṛṣṭeḥ kartā jagadguruḥ |
tato manomayenaiva kalpitāḥ sṛṣṭayo mayā || 41 ||
[Analyze grammar]

evamasmi samutpanno na tu jāto'smi kiñcana |
dṛṣṭavānasmi brahmāṇḍaṃ tanna kiñcana kutracit || 42 ||
[Analyze grammar]

evaṃ jagati sampanne mamaitasminmanomaye |
na kiñcittatra sampannaṃ tacchūnyaṃ vyoma kevalam || 43 ||
[Analyze grammar]

itthaṃ saṃśūnyamevedaṃ sarvaṃ vedanamātrakam |
na manāgapi santyete bhāvāḥ pṛthvyādayaḥ kila || 44 ||
[Analyze grammar]

jaganmṛgatṛḍambūni bhānti saṃvidi saṃvidaḥ |
na bāhyamasti nābāhyaṃ khe tadvyoma tathā sthitam || 45 ||
[Analyze grammar]

marau nāstyeva salilaṃ saṃvitpaśyati tattathā |
nirmūlamantassantaptā svasambhramavatī bhramam || 46 ||
[Analyze grammar]

nāstyeva brahmaṇi jagatsaṃvitpaśyati tattathā |
nirmūlameva saṃvittvādeva bhrānteśca sambhramam || 47 ||
[Analyze grammar]

asadevedamābhāti hṛdyeva jagadātatam |
saṅkalpanamanorājyakathāsvapnapurādivat || 48 ||
[Analyze grammar]

pārśvasuptajanasvapnastaccittāveśanaṃ vinā |
yathā na kiñcittaccittāveśanāttvanubhūyate || 49 ||
[Analyze grammar]

tathā na kiñcit evedaṃ cittāveśena vedyate |
ādarśabimbitākāraṃ dṛṣṭamapyanyathā tvasat || 50 ||
[Analyze grammar]

ādhibhautikabhāvena netreṇa yadi lakṣyate |
tattanna dṛśyate kiñcidgirirevopadṛśyate || 51 ||
[Analyze grammar]

ātivāhikadehena parabodhadṛśā yadi |
prekṣyate dṛśyate sargaḥ paramātmaiva vāmalaḥ || 52 ||
[Analyze grammar]

sarvatra sarganirmāṇaṃ prajñālokena lakṣyate |
brahmātmaivānyathā tvetanna kiñcidapi lakṣyate || 53 ||
[Analyze grammar]

yatpaśyatyavadātā dhīḥ sopapattivicāraṇā |
na tannetraistribhiśśarvo nendro netraśatairapi || 54 ||
[Analyze grammar]

yathā khamāvṛtaṃ sargaistathā bhūriti buddhavān |
tadāhamabhavaṃ dhyātā dharādhāraṇayā yutaḥ || 55 ||
[Analyze grammar]

tayā dharādhāraṇayā dharārūpadharo'bhavam |
atyajanneva cidvyomavapuḥ samrāḍivācirāt || 56 ||
[Analyze grammar]

dharādhāraṇayāśveva dharādhātūdaraṃ gataḥ |
dvīpādritṛṇavṛkṣādi dehe'hamanubhūtavān || 57 ||
[Analyze grammar]

sampanno'smyatha bhūpīṭhaṃ nānāvanatanūruham |
nānāratnāvalīvyāptaṃ nānānagarabhūṣaṇam || 58 ||
[Analyze grammar]

grāmagahvaraparvāḍhyaṃ pātālasuṣirodaram |
kulācalabhujāśliṣṭadvīpābdhivalayānvitam || 59 ||
[Analyze grammar]

tṛṇaughatanuromāḍhyaṃ giriṣaṇḍakagulphakam |
digvāraṇakaṭavyūḍhaṃ dhṛtaṃ śeṣaśiraśśataiḥ || 60 ||
[Analyze grammar]

hriyamāṇaṃ mahīpālaiśśobhamānaṃ tathartubhiḥ |
prāṇibhirbhujyamānāṅgaṃ vardhamānaṃ vyavasthayā || 61 ||
[Analyze grammar]

himavadvindhyasuskandhaṃ sumerūdārakandharam |
gaṅgādisaridāpūramuktāhāraraṇattanu || 62 ||
[Analyze grammar]

guhāgahanakacchādi sāgarādarśamaṇḍalam |
marūṣarasthalaśvaitryamambarāmbarasundaram || 63 ||
[Analyze grammar]

bhūtapūraiḥ parāpūrṇaṃ paridhūtaṃ mahārṇavaiḥ |
alaṅkṛtaṃ puṣpavanaiḥ samālabdhaṃ rajogaṇaiḥ || 64 ||
[Analyze grammar]

nityaṃ kṛṣīvalaiḥ kṛṣṭaṃ vījitaṃ śiśirānilaiḥ |
tāpitaṃ tapanaistaptairukṣitaṃ prāvṛḍambubhiḥ || 65 ||
[Analyze grammar]

vipulāgrasthaloraskaṃ padmākaraśatekṣaṇam |
sitāsitaghanoṣṇīṣaṃ daśāśodaramandiram || 66 ||
[Analyze grammar]

lokālokamahākhātavalayogrāsyabhīṣaṇam |
anantabhūtasaṅghātaparispandaikacetanam || 67 ||
[Analyze grammar]

vyāptamantarbahiścaiva nānābhūtagaṇaiḥ pṛthak |
devadānavagandharvairbahirantastu kīṭakaiḥ || 68 ||
[Analyze grammar]

pātālendriyarandhreṣu nāgāsurakrimivrajaiḥ |
saptasvarṇavakośeṣu nānājātijalecaraiḥ || 69 ||
[Analyze grammar]

vyāptaṃ nadīvanasamudradigantaśailadvīpābdajantuvijayasthalajaṅgalaughaiḥ |
nānāvanāvalitamaṇḍalakoṭṭaṣaṇḍavallīsarassaridarātiraṇābjaṣaṇḍaiḥ || 70 ||
[Analyze grammar]