Chapter 243

pāṣāṇopākhyāne prakṛtipuruṣavarṇanaṃ nāma sargaḥ |
tricatvāriṃśaduttaradviśatatamaḥ sargaḥ |
vasiṣṭhaḥ |
śṛṇu rāma kathaṃ tatra mahākāśe tathāsthitaḥ |
dehabhrāntiṃ tu tāṃ tyaktvā sa rudro'pyupaśāmyati || 1 ||
[Analyze grammar]

sa rudrastau jagatkhaṇḍau tadā citra ivārpitāḥ |
nisspandā eva tatrāsanprekṣamāṇe sthite mayi || 2 ||
[Analyze grammar]

tato muhūrtamātreṇa sa rudrastau nabho'ntare |
khaṇḍau vilokayāmāsa dṛśārkeṇeva rodasī || 3 ||
[Analyze grammar]

tato nimeṣamātreṇa ghoṇāśvāsena khaṇḍakau |
tau samānīya cikṣepa pātālāntarivānane || 4 ||
[Analyze grammar]

atiṣṭhadeka evāsāvatha khe khamivākhile |
bhuktabrahmāṇḍakhaṇḍogracaṇḍamaṇḍakamaṇḍalaḥ || 5 ||
[Analyze grammar]

tato muhūrtamātreṇa laghuḥ so'bhramivābhavat |
tato'bhavaddrumasamastataḥ stambhanibho'bhavat || 6 ||
[Analyze grammar]

tato'bhavad yaṣṭisamastataḥ prādeśamātrakaḥ |
tataḥ kācakaṇākāro mayā dṛṣṭaḥ sa tādṛśaḥ || 7 ||
[Analyze grammar]

tataḥ so'ṇurbhavandṛṣṭo mayā khāddivyadṛṣṭinā |
paramāṇuratho bhūtvā tatraivāntardhimāyayau || 8 ||
[Analyze grammar]

ityasau śamamāyātaśśāradāmbudakhaṇḍavat |
tādṛśo'pi mahārambhaḥ puraḥ paśyata eva me || 9 ||
[Analyze grammar]

iti sāvaraṇe tena te brahmāṇḍakavāṭake |
vinigīrṇe kṣudhārtena hariṇeneva parṇake || 10 ||
[Analyze grammar]

athābhūnnirmalaṃ vyoma śāntaṃ brahmaiva kevalam |
anādimadhyaparyantasaṃvidākāśamātrakam || 11 ||
[Analyze grammar]

ityahaṃ dṛṣṭavāṃstatra kalpāntamuruvibhramam |
darpaṇapratibimbābhaṃ śilāśakalakoṭare || 12 ||
[Analyze grammar]

atha tāmaṅganāṃ smṛtvā tāṃ śilāṃ taṃ ca vibhramam |
rājadvāragato grāmya ivāhaṃ vismayaṃ gataḥ || 13 ||
[Analyze grammar]

tāmālokitavānbhūyaḥ kaladhautaśilāmaham |
yāvatsarvatra santyatra sargāḥ kālyā ivāṅgake || 14 ||
[Analyze grammar]

buddhinetreṇa dṛśyante divyākṣṇā vā na te'nyathā |
sarvatra sarvadā sarvaṃ yadastyeva tathā tadā || 15 ||
[Analyze grammar]

dūrataḥ prekṣyate māṃsadṛśā yadi ca sā śilā |
dṛśyate tacchilaivaikā na tu sargādi kiñcana || 16 ||
[Analyze grammar]

sāvasthitā śilaivaikarūpā nibiḍamaṇḍalā |
kaladhautamayī sphārā sandhyājaladasundarī || 17 ||
[Analyze grammar]

tato'haṃ vismayāviṣṭaḥ pravicāritavānpunaḥ |
śilāyāmaparaṃ bhāgaṃ tathaiva parayā dṛśā || 18 ||
[Analyze grammar]

yāvattamapi paśyāmi jagadārambhamantharam |
tathaiva suṣirākāramiva nānārthasundaram || 19 ||
[Analyze grammar]

punaranyaṃ tathaivāhaṃ pradeśaṃ paridṛṣṭavān |
sargasaṃrambhavalitaṃ tāvantamapi tādṛśam || 20 ||
[Analyze grammar]

yaṃ yaṃ pradeśaṃ paśyāmi śilāyāstatra tatra vai |
jagatpaśyāmyavikalamādarśa iva bimbitam || 21 ||
[Analyze grammar]

praviśyāmi jagaccettatpaśyāmīdamivākhilam |
dṛśyaṃ na cedbahissthastatpaśyāmyādarśabimbitam || 22 ||
[Analyze grammar]

mayātikautukenātha sarvāstasya gireśśilāḥ |
anviṣṭā bhūmibhāgāśca tṛṇagulmādayastathā || 23 ||
[Analyze grammar]

yāvatsarvatra tattādṛgjagadasti yathāsthitam |
buddhyaiva dṛśyate nākṣṇā parayā vividhākṛti || 24 ||
[Analyze grammar]

kvacitprathamasargātmajāyamānaprajāpati |
kalpyamānarkṣacandrārkadinarātryartuvatsaram || 25 ||
[Analyze grammar]

kvacitkvacinmahīpīṭhasampannajanamaṇḍalam |
kvacitkiñcidakhātogracatussāgarakhātakam || 26 ||
[Analyze grammar]

kvacitkiñcidasañjātasuraṃ sañjātadānavam |
kvacitkiñcitkṛtayugācārasajjanabhūtakam || 27 ||
[Analyze grammar]

kvacitkiñcitkaliyugācāradurjanabhūtakam |
kvacitkiñcitkalpakālamadhyasaṃsthitisusthitam || 28 ||
[Analyze grammar]

kvacitkiñcitpuravyūhadaityasaṅgaradustaram |
kvacitkiñcinmahāśailajālanirvivarāvani || 29 ||
[Analyze grammar]

kvacitkiñcidasampannasargamekāmbujodbhavam |
kvacitkiñcijjarāmṛtyumuktabhūtalamānavam || 30 ||
[Analyze grammar]

kvacitkiñcidasañjātacandraśūnyaśiraśśivam |
anirmathitadugdhābdhimṛtyumatsurapūritam || 31 ||
[Analyze grammar]

asañjātāmṛtāśvebhavaidyāgakamalāviṣam |
śukrāmaramahāvidyānāśanotkasuravrajam || 32 ||
[Analyze grammar]

kvacitkiñcicca garbhāṅgakartanotkasureśvaram |
aparimlānadharmatvātsvaprakāśākhilaprajam || 33 ||
[Analyze grammar]

kvacitkiñcicca pūrvānyasanniveśakramasthiti |
apūrvavedaśāstrārthasamācāravicāraṇam || 34 ||
[Analyze grammar]

kvacitkiñcana kalpāntasaṅkṣobhāśivasaṃsthiti |
kvacitkiñcicca daityaughaviluṇṭhitasurālayam || 35 ||
[Analyze grammar]

kvacitkiñcitsurodyānagāyadgandharvakinnaram |
kvacitkiñcitsamārabdhagīrvāṇāsurasauhṛdam || 36 ||
[Analyze grammar]

bhūtabhavyabhaviṣyatsthajagadāḍambaraṃ mayā |
tadānubhūtaṃ vapuṣi mahāviśvagaṇātmani || 37 ||
[Analyze grammar]

ekatra kalpavikṣubdhapuṣkarāvartamantharam |
ekatra somyasakalabhūtasantatisusthitam || 38 ||
[Analyze grammar]

ekatra samarakṣubdhasurāsuranareśvaram |
ekatrāsambhavadbhānunityābhinnatamoghanam || 39 ||
[Analyze grammar]

ekatrāsambhavaddhvāntaṃ kāntajvālodaropamam |
ekatra nalinīnālanilīnamadhukaiṭabham || 40 ||
[Analyze grammar]

ekatra padmamañjūṣāsuptabālanavābjajam |
ekatraikārṇavodagravṛkṣaviśrāntamādhavam || 41 ||
[Analyze grammar]

ekatra kalparajanīniśśūnyatimirākulam |
śilājaṭharanisspandaṃ vyomeva vitatākṛti || 42 ||
[Analyze grammar]

suṣuptajaṭharākāramaprajñātamalakṣaṇam |
apratarkyamavijñeyaṃ suṣuptamiva sarvataḥ || 43 ||
[Analyze grammar]

ekatra pakṣavikṣubdhaśailakākākulāmbaram |
ekatra vajraniṣpeṣadravadbhūdharabhāsuram || 44 ||
[Analyze grammar]

ekatrodvṛttamattābdhihriyamāṇadharācalam |
ekatra suravṛtrāndhabaḍisaṅgarasaṅkulam || 45 ||
[Analyze grammar]

ekatra mattapātālagajakampivasundharam |
ekatra śeṣaśirasaḥ kalpāntaluṭhitāvani || 46 ||
[Analyze grammar]

kvacidanyena rāmeṇa hatarāvaṇarākṣasam |
rakṣasā rāvaṇenaiva kvacinnihatarāghavam || 47 ||
[Analyze grammar]

bhūsthapādena devādriśirassthaśirasā param |
paśyatā pāramākrāntaṃ kvacidvai kālaneminā || 48 ||
[Analyze grammar]

kvaciccāpasurairnityaṃ dānavaireva pālitam |
kvaciccāmṛṣṭadanujairamaraireva pālitam || 49 ||
[Analyze grammar]

jiṣṇuyuktena guptena viṣṇupāṇḍavakauravaiḥ |
kvacidbhāratayūthena nihatākṣauhiṇīgaṇam || 50 ||
[Analyze grammar]

kvacicca dāśarathinā tvayaiva hatarāvaṇam |
rāmeṇa raṇamattena niśśeṣīkṛtarākṣasam || 51 ||
[Analyze grammar]

rāmaḥ |
kimahaṃ bhagavanpūrvamabhavaṃ kathayeti me |
abhavaṃ cedanenaiva sanniveśena tatkatham || 52 ||
[Analyze grammar]

vasiṣṭhaḥ |
sarva eva vivartante rāma bhāvāḥ punaḥ punaḥ |
pūyamānā yathā māṣāḥ krameṇānyena tena ca || 53 ||
[Analyze grammar]

sarvakramasamāḥ kecitta evānye'tha vā mithaḥ |
sphurantyardhasamā bhāvāḥ kecidabdhitaraṅgavat || 54 ||
[Analyze grammar]

punastvaṃ punarevāhaṃ punaḥ punarime janāḥ |
na kadācana naivānye sambhavatyakhilaṃ pare || 55 ||
[Analyze grammar]

ta evānye'tha vāmbhodhau taraṅgā iti nirṇayaḥ |
yadvanna jāyate tadvadbhūtānāṃ bhramatāṃ bhave || 56 ||
[Analyze grammar]

āyānti yāntyanantāni bhūtānīha bhavabhramaiḥ |
tānyevānyāni cānyāni samāni viṣamāṇi ca || 57 ||
[Analyze grammar]

āvṛttimanti tānyeva tathaivānyāni cābhitaḥ |
viddhi śīkarajālāni bhūtāni jagadambudheḥ || 58 ||
[Analyze grammar]

vittabandhuvayaḥkarmavidyāvijñānaceṣṭitaiḥ |
taireva kecijjāyante bhūyo bhūyaśśarīriṇaḥ || 59 ||
[Analyze grammar]

ardhaistaiḥ sadṛśāḥ kecitkecitpādena taiḥ samāḥ |
tajjīvāstairvisadṛśā bhavantyanye śarīriṇaḥ || 60 ||
[Analyze grammar]

sarvairebhiḥ samāḥ kecitkālenaiva vilakṣaṇāḥ |
kālena sadṛśāḥ kecittaireva ca vilakṣaṇāḥ || 61 ||
[Analyze grammar]

kālenākulaceṣṭitānyadha ito gacchantyathordhvaṃ punardehālekhanakheditānyagaṇitānyanyāni cānye na ca |
bhūtāmbūni vahanti saṃsṛtimaye yānyambudhau cañcale cakrāvṛttimayāni saṅkalayituṃ śaknoti kastānyalam || 62 ||
[Analyze grammar]