Chapter 231

virāḍātmavarṇanaṃnāma sargaḥ |
ekatriṃśaduttaradviśatatamaḥ sargaḥ |
vasiṣṭhaḥ |
tasmin kalpe tu saṅkalpe tasya yadvapurāsthitam |
śṛṇu tatra vyavastheyaṃ vicitrācārahāriṇī || 1 ||
[Analyze grammar]

paramaṃ yaccidākāśaṃ tadvirāḍātmano vapuḥ |
ādyantamadhyarahitaṃ laghu tvasya vapurjagat || 2 ||
[Analyze grammar]

saṅkalparacito brahmā svāṇḍaṃ saṅkalpanātmakam |
vapuṣaḥ parito bhāsvatpaśyatyākāśameva tat || 3 ||
[Analyze grammar]

brahmātmaiṣa sa saṅkalpaḥ svamaṇḍamakaroddvidhā |
taijasaṃ taijasākāraḥ puṣṭaḥ puṣṭaṃ vihaṅgavat || 4 ||
[Analyze grammar]

aṇḍasyaikaṃ nabho dūraṃ gataṃ sambuddhavānasau |
dūre'dhaḥ saṃsthitaṃ bhāgaṃ vyatiriktaṃ ca nātmanaḥ || 5 ||
[Analyze grammar]

brahmāṇḍabhāga ūrdhvastho virājaśśira ucyate |
adhobhāgo'sya pādākhyo nirantaṃ madhyamatra kham || 6 ||
[Analyze grammar]

dūraṃ viyuktayoḥ sandhiḥ khaṇḍayorativistṛtā |
anantā vyomalekheti śyāmā śūnyā ca dṛśyate || 7 ||
[Analyze grammar]

dyaustālu vipulaṃ tasya tārā rudhirabindavaḥ |
saṃvidvātalavā dehe surāsuranarādayaḥ || 8 ||
[Analyze grammar]

dehe'ntaḥ krimayastasya bhūtapretapiśācakāḥ |
lokāntarāṇi randhrāṇi suṣirāṇyasya dehake || 9 ||
[Analyze grammar]

brahmāṇḍakhaṇḍamasyādho vistṛtaṃ pādayostalam |
jānumaṇḍalarandhrāṇi pātālakuharāṇyadhaḥ || 10 ||
[Analyze grammar]

jalaiśśalaśalāyantī suṣirānekarandhrikā |
bhūrantramaṇḍalī lolā samudradvīpaveṣṭanā || 11 ||
[Analyze grammar]

jalairguḍaguḍāyantyo nadyo nāḍyaḥ saradrasāḥ |
jambudvīpaṃ hṛdambhojamasya hemādrikarṇikam || 12 ||
[Analyze grammar]

kukṣayaḥ kakubhaśśūnyā yakṛtplīhādayo'calāḥ |
mṛdvyaḥ snigdhāḥ paṭākārā medaso jālikā ghanāḥ || 13 ||
[Analyze grammar]

candrārkau locane tasya brahmaloko mukhaṃ smṛtam |
tejaḥ somo'sya kathitaśśleṣmā prāleyaparvataḥ || 14 ||
[Analyze grammar]

agnilokastathaurvāgniḥ pittamasyātidussaham |
vātaskandho mahāvātāḥ prāṇāpānā hṛdi sthitāḥ || 15 ||
[Analyze grammar]

kalpadrumavanānyasya sarpavṛndāni ca kvacit |
lomajālānyanantāni vanānyupavanāni ca || 16 ||
[Analyze grammar]

ūrdhvaṃ brahmāṇḍakhaṇḍaṃ tu samastamurumastakam |
brahmāṇḍaprāntarandhrārcirasya dīptā śikhotthitā || 17 ||
[Analyze grammar]

svayameva manastena mano nāsyopayujyate |
ātmaiva bhājyatāmeti kila kasya kathaṃ kutaḥ || 18 ||
[Analyze grammar]

svayamevendriyāṇyeṣa tenānyatrāstitā kṛtā |
yatastatkalpanāmātramevendriyagaṇaḥ kila || 19 ||
[Analyze grammar]

avayavāvayavinorivehendriyacittayoḥ |
na manāgapi bhedo'sti naikyamekaśarīrayoḥ || 20 ||
[Analyze grammar]

tasya tānyeva kāryāṇi jagatāṃ yāni kānicit |
saṅkalpā eva puṃvṛttyā calantyā rūṣitadvitāḥ || 21 ||
[Analyze grammar]

jāgate tasya vijñeye nānye'sya mṛtijanmanī |
sa evedaṃ jagattasmātsaṅkalpātmāsti netarat || 22 ||
[Analyze grammar]

tatsattayā jagatsattā tanmṛtyaiva jaganmṛtam |
yādṛśī spandamarutoḥ sattaikā tādṛśī tayoḥ || 23 ||
[Analyze grammar]

jagadvirājoḥ sattaikā pavanaspandayoriva |
jagad yatsa virāḍeva yo virāṭ tajjagatsmṛtam || 24 ||
[Analyze grammar]

jagadbrahmā virāṭ ceti śabdāḥ paryāyavācakāḥ |
saṅkalpamātramevaite śuddhacidvyomarūpiṇaḥ || 25 ||
[Analyze grammar]

rāmaḥ |
saṅkalpātmā virāḍeva khamevākṛtimāgatam |
astu nāma svadehāntaḥ kathaṃ brahmaiṣa tiṣṭhati || 26 ||
[Analyze grammar]

vasiṣṭhaḥ |
yathā dhyānena dehāntastiṣṭhasi tvaṃ yathāsthitam |
tathāste nijadehe'ntaḥ saṅkalpātmā pitāmahaḥ || 27 ||
[Analyze grammar]

nṛṇāṃ tathā ca mukhyānāṃ śrīryā brahmapurodare |
utpattiputrikādehapratibimbopamāsti sā || 28 ||
[Analyze grammar]

yatra tvamapi dehāntaḥ kartuṃ śaknoṣyalaṃ sthitim |
saṅkalpātmā vibhustatra brahmā kiṃ na kariṣyati || 29 ||
[Analyze grammar]

bīje'ntaḥ sthāvare hyāste padārtho yatra jaṅgamaḥ |
kiṃ nāste tatra dehe'ntarnije citkalpanātmakaḥ || 30 ||
[Analyze grammar]

sākāro gaganātmāstu nirākāraṃ khamastu vā |
āste bahirathāntaśca bhinne bāhyāntare na hi || 31 ||
[Analyze grammar]

ātmārāmaḥ kāṣṭhamaunī najaḍo'pi dṛṣajjaḍaḥ |
ahaṃ tvamityādimayo virāḍātmani tiṣṭhati || 32 ||
[Analyze grammar]

āveṣṭitojjhitalatātṛṇadārupuṃvaducchabdamamburayavacca vicopitāṅgaḥ |
nānāvidhe hi viharannapi kāryajāle tajjñaśśilājaṭharaśāntamanaska eva || 33 ||
[Analyze grammar]