Chapter 225

abhyāsapraśaṃsā nāma sargaḥ |
pañcaviṃśatyuttaradviśatatamaḥ sargaḥ |
vidyādharī |
tataḥ pratīpamabhyāsaṃ bodhe dhāraṇayāmale |
kurvaḥ prakaṭatāṃ tena jagadeṣyati śailagam || 1 ||
[Analyze grammar]

vasiṣṭhaḥ |
yuktiyukte tayetyukte vidyādharyā dharopari |
baddhapadmāsano'thāhaṃ samādhāv udito'bhavam || 2 ||
[Analyze grammar]

sarvārthabhāvanātyāge cinmātraikāntabhāvitaḥ |
atyajaṃ tamahaṃ pūrvaṃ kathārthakalanāmalam || 3 ||
[Analyze grammar]

atha cidvyomatāṃ prāptaḥ parāṃ dṛṣṭimahaṃ gataḥ |
śaratsamayasamprāptau vyoma nirmalatāmiva || 4 ||
[Analyze grammar]

tataḥ satyāvadhānaikaghanābhyāsena dehake |
mamādhibhautikabhrāntirnūnamastamupāgatā || 5 ||
[Analyze grammar]

udayāstamayonmuktā satatodayamayyapi |
mahācidvyomatā svacchā proditeva tadābhavat || 6 ||
[Analyze grammar]

atha paśyāmyahaṃ yāvatkhasyaivopalateva sā |
vastutaśca na cākāśaṃ nopalaḥ parameva tat || 7 ||
[Analyze grammar]

paramārthaghanaṃ svacchaṃ tattathābhāvi tādṛśam |
tathābhāvanayā svātmā madīyo dṛṣṭavāṃstathā || 8 ||
[Analyze grammar]

yathā svapne sumahatī dṛṣṭā gehagatā śilā |
vyomaiva kevalaṃ tadvatsā śuddhaṃ cinnabhaśśilā || 9 ||
[Analyze grammar]

svayaṃ svapnānvito'nyasya svapnapuṃstvaṃ gato naraḥ |
svapne'jñānaprabuddhasya yādṛktādṛksa sūpalaḥ || 10 ||
[Analyze grammar]

svapnasthānāṃ śiraśchinnaṃ yeṣāṃ te saṃsṛtau sthitāḥ |
kālena jñānalābhena vinā kurvanti kiṃ kila || 11 ||
[Analyze grammar]

bodhaḥ kālena bhavati mahāmohavatāmapi |
tasmānna kiñcidapyasti brahmatattvādṛte'kṣayam || 12 ||
[Analyze grammar]

atastaccidghanaṃ svacchaṃ brahmākāśaṃ śilākṛti |
dṛṣṭaṃ mayā tathā tatra na tu pṛthvyādi satkvacit || 13 ||
[Analyze grammar]

bhūtānāmādisarge yacchuddhaṃ yatpāramārthikam |
vapustadevādya teṣāṃ dhyānalabhyamavasthitam || 14 ||
[Analyze grammar]

brāhmaṃ vapurhi bhūtānāmātmīyaṃ yatpurātanam |
tadevādya manorājyaṃ saṅkalpa iti kathyate || 15 ||
[Analyze grammar]

sa ātivāhiko dehastatparaṃ paramārthataḥ |
pratyakṣaṃ prathamaṃ tattattadādyaṃ kacanaṃ citaḥ || 16 ||
[Analyze grammar]

tad yatprathamamadhyakṣaṃ jīvasya prathamaṃ vapuḥ |
manaḥpratyakṣamityuktaṃ tattenaivādya durdhiyā || 17 ||
[Analyze grammar]

yogipratyakṣamityuktaṃ manaḥpratyakṣamityapi |
tatsvameva citā rūpaṃ gatayevānyatāṃ mudhā || 18 ||
[Analyze grammar]

idamadyatanaṃ nāma pratyakṣamasadutthitam |
asatpratyakṣameveti viddhi pratyakṣamaṅga tat || 19 ||
[Analyze grammar]

aho nu citrā māyā yatprākpratyakṣe parokṣatā |
nirṇītāsmiṃstvanadhyakṣe pratyakṣakalanādṛtā || 20 ||
[Analyze grammar]

ātivāhikadehitvaṃ pratyakṣaṃ prathamoditam |
satyaṃ sarvagataṃ viddhi māyaiva tvādhibhautikam || 21 ||
[Analyze grammar]

anubhūtāpi nāstyeva hemnaḥ kaṭakatā yathā |
tathātivāhikasyādhibhautikatvaṃ na vidyate || 22 ||
[Analyze grammar]

bhramamabhramatāṃ yātamabhramaṃ bhramatāṃ gatam |
vetti jīvo vicāreṇa vināho nu vimūḍhatā || 23 ||
[Analyze grammar]

ādhibhautikadeho'yaṃ vicāreṇa na labhyate |
ātivāhikadehastu kila lokadvaye'kṣayaḥ || 24 ||
[Analyze grammar]

ādhibhautikacid rūḍhā svātivāhikadehake |
marau marīcikāsveva yathā mithyaiva vāridhīḥ || 25 ||
[Analyze grammar]

jātādhibhautikī saṃvidātivāhikavitkrame |
dehadṛṣṭivaśātprauḍhā sthāṇau puruṣadhīriva || 26 ||
[Analyze grammar]

śuktau rajatatā tāpe jalatendau yathā dvitā |
ādhibhautikatā tadvanmanojaivātivāhike || 27 ||
[Analyze grammar]

yadasattatkṛtaṃ satyaṃ yatsatyaṃ tadasatkṛtam |
aho nu mohamāhātmyaṃ jīvasyāsyāvicārajam || 28 ||
[Analyze grammar]

yogipratyakṣamevāsti kiñcidasti tu mānasam |
yasmāl lokadvayācārastābhyāmeva prasidhyati || 29 ||
[Analyze grammar]

ādyaṃ pratyakṣamutsṛjya yo'satye'smin kṛtasthitiḥ |
pratyakṣe mṛgatṛṣṇāmbu pītvā sa sukhamāsthitaḥ || 30 ||
[Analyze grammar]

tatsukhaṃ duḥkhamevāhuḥ kṣaṇanāśānubhūtitaḥ |
akṛtrimamanādyantaṃ yatsukhaṃ tatsukhaṃ viduḥ || 31 ||
[Analyze grammar]

pratyakṣeṇaivamadhyakṣaṃ pratyakṣaṃ pravicāryatām |
yadādyaṃ yatsadadhyakṣaṃ tatpratyakṣeṇa dṛśyatām || 32 ||
[Analyze grammar]

lokadvayānubhavadaṃ tyaktvā pratyakṣamaihikam |
māyātmakaṃ yo gṛhṇāti nāsti mūḍhatamastataḥ || 33 ||
[Analyze grammar]

ātivāhikamevaiṣāṃ bhūtānāṃ vidyate vapuḥ |
tatrādhibhautikabhrāntirasatyaiva piśācikā || 34 ||
[Analyze grammar]

ajātasaṅkalpamayaṃ pratyakṣaṃ satkathaṃ bhavet |
svayameva na yatsatyaṃ tatsatkāryakaraṃ katham || 35 ||
[Analyze grammar]

yatra pratyakṣamevāsadanyatkiṃ tatra sadbhavet |
kva tatsiddhaṃ bhavedvastu yadasiddhena sādhyate || 36 ||
[Analyze grammar]

pratyakṣa eva bhāvatve naṣṭe kvevānumādayaḥ |
uhyante vāraṇā yatra tatrorṇāyuṣu kā kathā || 37 ||
[Analyze grammar]

ataḥ pramāṇasaṃsiddherdṛśyaṃ nāstyeva kutracit |
anyad yadidamastīva tattadbrahmaghanaṃ ghanam || 38 ||
[Analyze grammar]

svapne draṣṭuḥ khamevādrirgehe nānyasya vai yathā |
tathā tadbhāvanavatorāvayoḥ sā śilaiva cit || 39 ||
[Analyze grammar]

ayaṃ śaila idaṃ vyoma jagadetadidaṃ tvaham |
iti cinmaya ātmāntaḥ khaṃ camatkurute svayam || 40 ||
[Analyze grammar]

paśyatyetatprabuddhātmā nāprabuddhaḥ kadācana |
śrotuḥ kathārthasaṃvittirnāśroturbhavati kvacit || 41 ||
[Analyze grammar]

aprabuddhamaterbhrāntireveyaṃ satyatāṃ gatā |
kṣīvasya susthitā eva nṛtyanti taruparvatāḥ || 42 ||
[Analyze grammar]

sarvatrāpratihatarūpamekabodhaṃ pratyakṣaṃ śivamavabudhya citsvarūpam |
pratyakṣāntaramiha pelavaṃ śrayante ye mūḍhāstṛṇatanubhiśśaṭhairalaṃ taiḥ || 43 ||
[Analyze grammar]