Chapter 219

jagadākāśaikyāvabodho nāma sargaḥ |
ekonaviṃśottaradviśatatamaḥ sargaḥ |
rāmaḥ |
yadetadbhavatā dṛṣṭaṃ cidvyomavapuṣā tadā |
tadekadeśasaṃsthena kimuta bhramatāmbare || 1 ||
[Analyze grammar]

vasiṣṭhaḥ |
sampanno'hamanantātmā vyāpī vyoma tadā kila |
syātāṃ tasyāmavasthāyāṃ kīdṛśau tau gamāgamau || 2 ||
[Analyze grammar]

naikasthānasthitimayo nāhaṃ gatimayo'bhavam |
tadā tena kha evāsmindṛṣṭametanmayātmani || 3 ||
[Analyze grammar]

yathāṅgāni śarīre tvaṃ paśyasyāpādamastakam |
cinnetreṇāpyanetreṇa tathaitaddṛṣṭavānaham || 4 ||
[Analyze grammar]

anākṛterniravayavasthitestadā tathābhavanvimalacidambarātmanaḥ |
jaganti tānyavayavajālakāni me yathā khatā na hi galitā na vastutā || 5 ||
[Analyze grammar]

pramāṇamatra te svapnadṛṣṭo bhuvanavibhramaḥ |
svapne'nubhūyate dṛśyaṃ na ca kiñcitkhameva tat || 6 ||
[Analyze grammar]

yathā paśyati vṛkṣaḥ svaṃ pattrapuṣpaphalādikam |
svasaṃvedananetreṇa tathaitaddṛṣṭavānaham || 7 ||
[Analyze grammar]

yathāmbudhiranantātmā vetti sarvāñjalecarān |
taraṅgāvartaphenāṃśca tathaitadbuddhavānaham || 8 ||
[Analyze grammar]

avayavānavayavī yathā vetti nijātmani |
ananyānātmanaḥ sargāṃstathaitānbuddhavānaham || 9 ||
[Analyze grammar]

adyāpi tānahaṃ dehe vyomni śaile jale sthale |
tathaiva sargānpaśyāmi rāma bodhaikatāṃ gataḥ || 10 ||
[Analyze grammar]

puro'smākamidam yatkhaṃ gṛhasyāntarbahistathā |
pūrṇametajjagadvṛndairvetti bodhaikatāṃ gataḥ || 11 ||
[Analyze grammar]

yathāmbho rasatāṃ vetti śaityaṃ vetti yathā himam |
spandaṃ vetti yathā vāyustathaitadvetti śuddhadhīḥ || 12 ||
[Analyze grammar]

yo yo rāma vivekātmā śuddhabodhaikatāṃ gataḥ |
sa sa evammayaikātmā vetti svātmānamīdṛśam || 13 ||
[Analyze grammar]

asyāṃ dṛṣṭau pariṇate vettṛvedanavedyadhīḥ |
na kācidastyabhyuditā vijñānaikātmatā yataḥ || 14 ||
[Analyze grammar]

divyā dṛgadrisaṃsthasya yathā yojanakoṭigān |
bhāvānvetti bahiścāntarevaṃ tadbuddhavānaham || 15 ||
[Analyze grammar]

yathā bhūmaṇḍalaṃ bhāvānnidhidhāturasādikān |
vettyevaṃ tanmayā buddhamananyaddṛśyamātmanaḥ || 16 ||
[Analyze grammar]

rāmaḥ |
brahmannanubhavatyevaṃ tvayi tāmarasekṣaṇā |
sā kiṃ kṛtavatī brūhi kāntāryāpāṭhapāṭhinī || 17 ||
[Analyze grammar]

vasiṣṭhaḥ |
tāmevāryāṃ paṭhantī sā tathaivānunayānvitā |
matsamīpe nabhodehā vyomni devīva saṃsthitā || 18 ||
[Analyze grammar]

yathāhamākāśavapustathaivāsau kharūpiṇī |
tena dṛṣṭā na sā pūrvadehena lalanā mayā || 19 ||
[Analyze grammar]

ahamākāśarūpātmā sā khamātraśarīriṇī |
jagajjālaṃ khamātraṃ taditi tatra tadā sthitam || 20 ||
[Analyze grammar]

rāmaḥ |
śarīrasthānakaraṇaprayatnaprāṇasambhavaiḥ |
yadudeti vaco varṇaistatkutastādṛśākṛteḥ || 21 ||
[Analyze grammar]

rūpālokamanaskārāḥ kuto vyomātmanāmiti |
brūhi me bhagavaṃstatra tathāvṛttasya niścayam || 22 ||
[Analyze grammar]

vasiṣṭhaḥ |
rūpālokamanaskārāśśabdapāṭhavacāṃsi ca |
yathā svapne nabhasyeva santi tatra tathāmbare || 23 ||
[Analyze grammar]

rūpālokamanaskāraiḥ svapne cinnabha eva te |
yathodeti tathā tatra taddṛśyaṃ khātmakaṃ sthitam || 24 ||
[Analyze grammar]

na kevalaṃ tu taddṛśyaṃ yāvattvadviṣaye vayam |
jagaccedaṃ khamevācchaṃ yathā tannastathākhilam || 25 ||
[Analyze grammar]

paramārthamahādhāturvedyanirmuktacidvapuḥ |
evaṃ nāma svayaṃ bhāti svabhāvasyaiṣa niścayaḥ || 26 ||
[Analyze grammar]

śarīrasthānakaraṇasattāyāṃ kā tava pramā |
yathaiva teṣāṃ dehādi tathāsmākamidaṃ sthitam || 27 ||
[Analyze grammar]

yathaiva tattathaivedaṃ yathaivedaṃ tathaiva tat |
asatsattāmiva gataṃ saccāsadiva ca sthitam || 28 ||
[Analyze grammar]

yathā svapne dharābdhyadriprajāvyavahṛtirnabhaḥ |
tadādya cāhaṃ tvaṃ sā ca tadidaṃ ca tathā nabhaḥ || 29 ||
[Analyze grammar]

yathā svapne nṛbhiryuddhakolāhalagamāgamāḥ |
asanto'pyanubhūyante saṃsāranikarāstathā || 30 ||
[Analyze grammar]

vakṣi cetsvapnadṛśyā śrīḥ kasmāttadasamañjasam |
avācyametaddheturhi nānyo'styanubhavasthiteḥ || 31 ||
[Analyze grammar]

kathamālakṣyate svapna iti praṣṭuḥ prakathyate |
yathainaṃ paśyasītyeva heturatrāsti netaraḥ || 32 ||
[Analyze grammar]

svapnajanturiva vyomni bhāti prathamasargataḥ |
prabhṛtyeva virāḍātmā khe khameva parāpare || 33 ||
[Analyze grammar]

svapnaśabdena bodhārthaṃ tava vyavaharāmyaham |
dṛśyaṃ tvidaṃ na sannāsanna svapno brahma kevalam || 34 ||
[Analyze grammar]

atha rāghava sā kāntā mayā kāntānuṣaṅgiṇī |
saṃvidaṃ tanmayīṃ kṛtvā pṛṣṭedaṃ dṛṣṭarūpiṇī || 35 ||
[Analyze grammar]

vyavahāro yathodeti svapne svapnajanaiḥ saha |
tathā tadā tayā sārdhaṃ vyavahāro mamoditaḥ || 36 ||
[Analyze grammar]

yathaiva svapnasaṅkāśo vyavahāraḥ khameva saḥ |
tathaiva tvamimaṃ viddhi mamātmānaṃ jagacca kham || 37 ||
[Analyze grammar]

yathā svapne jagadrūpaṃ khamevaivamidaṃ jagat |
jāgradākhyo mahāsvapnaḥ sargādau viyadudbhavaḥ || 38 ||
[Analyze grammar]

svapno'yaṃ jagadābhogo nakiñcidvā khameva vā |
nirmalaṃ jñaptitāmātramityasanmātrakhaṃ sthitam || 39 ||
[Analyze grammar]

svapnasya vidyate draṣṭā sākāro yuṣmadādikaḥ |
draṣṭā tu sargasvapnasya cidvyomaivāmalaṃ svataḥ || 40 ||
[Analyze grammar]

yathā draṣṭāmalaṃ vyoma dṛśyaṃ taddṛggataṃ tathā |
svapnarūpaṃ kacatyuccairjagattenāmalaṃ nabhaḥ || 41 ||
[Analyze grammar]

cidvyomno'nākṛteḥ svapno hṛdi sphurati yaḥ svataḥ |
sargastasya kutastena sākṛtitvaṃ kathaṃ bhavet || 42 ||
[Analyze grammar]

sākārasyaiva yatsvapnajagattadvyoma kevalam |
nirākārasya cidvyomnaḥ sargasvapnaḥ kathaṃ na kham || 43 ||
[Analyze grammar]

nirupādānasambhāramabhittāveva cinnabhaḥ |
paśyatyakṛtamevemaṃ jagatsvapnaṃ kṛtaṃ yathā || 44 ||
[Analyze grammar]

mṛdvyā cidākāśamṛdā brahmaṇā brāhmaṇena khe |
kṛto'pi na kṛtaḥ sargamaṇḍapo'kṣagavākṣakaḥ || 45 ||
[Analyze grammar]

no kartṛtā na ca jaganti na bhoktṛtāsti nāstīti nāsti na ca kiñcidato budhaḥ san |
pāṣāṇamaunamavalambya yathāpravāhamācāramācara śarīramihāstu mā vā || 46 ||
[Analyze grammar]