Chapter 217

jagajjālavarṇanaṃ nāma sargaḥ |
saptadaśottaradviśatatamaḥ sargaḥ |
vasiṣṭhaḥ |
tato'hamabhito bhrāntastādṛśaḥ pravicārayan |
bahukālamasaṃruddhasaṃvidākāśatāṃ gataḥ || 1 ||
[Analyze grammar]

śabdaṃ paścāttamaśrauṣamahaṃ vīṇāsvanopamam |
kramātsphuṭapadaṃ jātaṃ tata āryātvamāgatam || 2 ||
[Analyze grammar]

śabdadeśapataddṛṣṭirdṛṣṭavānvanitāmaham |
pārśve kanakaniṣṣyandaprabhayā bhāsitāmbarām || 3 ||
[Analyze grammar]

ālolamālyavasanāmalakākulalocanām |
loladhammillavalanāmanyāṃ śriyamivāgatām || 4 ||
[Analyze grammar]

kāntakāñcanagaurāṅgīmaṅgasthanavayauvanām |
vanadevīmivāmodisarvāvayavasundarīm || 5 ||
[Analyze grammar]

sā pūrṇacandravadanā puṣpaprakarahāsinī |
yauvanoddāmavadanā pakṣmalekṣaṇaśālinī || 6 ||
[Analyze grammar]

ākāśakośasadanā śaśāṅkakarasundarī |
muktākalāparacanā kāntā madanusāriṇī || 7 ||
[Analyze grammar]

svareṇa madhureṇemāmāryāmāryavilāsinī |
papāṭhākaṭhinaṃ vāmā matpārśve mṛduhāsinī || 8 ||
[Analyze grammar]

asaduditariktacetanasaṃsṛtimṛgasariti muhyamānānām |
avalambanataṭaviṭapinamabhinaumi bhavantameva mune || 9 ||
[Analyze grammar]

ityākarṇyāhamālokya tāṃ cāruvacanasvanām |
lalaneyaṃ kimanayetyanādṛtyaiva tāṃ gataḥ || 10 ||
[Analyze grammar]

tato jagadvṛndamayīṃ māyāṃ samprekṣya vismitaḥ |
anādṛtyaiva tāṃ vyomni vihartumahamudyataḥ || 11 ||
[Analyze grammar]

tatastāṃ tatkṛtāṃ cintāmalamutsṛjya khe sthitām |
jaganmāyāṃ kalayituṃ vyomātmāhaṃ pravṛttavān || 12 ||
[Analyze grammar]

yāvattāni tathogrāṇi jaganti sakalāni kham |
śūnyameva yathā svapne saṅkalpakathane tathā || 13 ||
[Analyze grammar]

na paśyanti na śṛṇvanti kadācitkānicitkvacit |
tāni kalpamahākalpajātānekatra tānmithaḥ || 14 ||
[Analyze grammar]

pramattapuṣkarāvartānunmattotpātamārutān |
sphuṭitādrīndraḍākkāraghaṭṭitabrahmamaṇḍapān || 15 ||
[Analyze grammar]

jvalatkalpāgnivisphoṭasphuṭadaiḍabiḍāspadān |
pratapaddvādaśākārakaṭumārtāṇḍamaṇḍalān || 16 ||
[Analyze grammar]

luṭhatsurapuravrātavitatākrandaghargharān |
raṇanmervādikaṭakaśreṇīnigaraṇodbhaṭān || 17 ||
[Analyze grammar]

kalpāgnijvalanollāsapaṭatpaṭapaṭāravān |
ātmabhraṃśabṛhatkṣobhakṣubdhāmbaramahārṇavān || 18 ||
[Analyze grammar]

devāsuranarāgāraghargharākrandakarkaśān |
saptārṇavamahāpūrapūritārkendumandirān || 19 ||
[Analyze grammar]

na vicetanti kalpāntān sarvāṇyeva parasparam |
ekamandirasaṃsuptāḥ svapne raṇarayāniva || 20 ||
[Analyze grammar]

tatra rudrasahasrāṇi brahmakoṭiśatāni ca |
dṛṣṭāni viṣṇulakṣāṇi kalpavṛndānyalaṃ mayā || 21 ||
[Analyze grammar]

tatra kvacidanāditye nirahorātrabhūtale |
akalpayugavarṣānte jagadvyūhaiḥ kṣayodayaḥ || 22 ||
[Analyze grammar]

citi sarvaṃ citaḥ sarvaṃ citsarvaṃ sarvataśca cit |
citsarvaikātmiketyetaddṛṣṭaṃ tatra mayākhilam || 23 ||
[Analyze grammar]

tvaṃ kā ciditi cedvakṣi tanna kiñcidivāṅga cit |
sā hi śūnyatamā vyomno na ca nāma nakiñcana || 24 ||
[Analyze grammar]

tadākāśamidaṃ bhāti jagadityabhiśabditam |
tenaiva śabdanabhasā sarvaṃ hi paramaṃ nabhaḥ || 25 ||
[Analyze grammar]

dṛśyadṛṣṭiriyaṃ bhrāntirākāśatarumañjarī |
cidvyomāṅgakameveti tatrāhamanubhūtavān || 26 ||
[Analyze grammar]

buddhyākāśaikarūpeṇa vyāpinā bodharūpiṇā |
tatrānante nasaṅkalpamanubhūtamidaṃ mayā || 27 ||
[Analyze grammar]

brahmavyoma jagajjālaṃ brahmavyoma diśo daśa |
brahmavyoma kalākāladeśadravyakriyādikam || 28 ||
[Analyze grammar]

tatrāhamiva saṃsāraśate sārdhe munīśvarāḥ |
dṛṣṭā vasiṣṭhanāmāno brahmaputrā maduttamāḥ || 29 ||
[Analyze grammar]

brahmadvāsaptatestretāḥ sarvā eva sarāghavāḥ |
tatra dṛṣṭaṃ kṛtaśataṃ dvāparāṇāṃ śataṃ tathā || 30 ||
[Analyze grammar]

bhedodayena ceddṛṣṭāstāstāḥ sargadaśāstathā |
bodhena cettadatyacchamekaṃ brahmanabhastatam || 31 ||
[Analyze grammar]

bhedabrahmaṇi nāmāsti jagadbrahmaṇyatha tvidam |
brahmaivājamanādyantaṃ tatsarvaṃ tvanmadādikam || 32 ||
[Analyze grammar]

pāṣāṇamaunapratimaṃ nakiñcidabhiśabditam |
yattatkiñcidivoddyotarūpaṃ brahma jagatsmṛtam || 33 ||
[Analyze grammar]

vibhātyacetyacidvyomni svasattaiva jagattayā |
nirākāre nirākārā svapnānubhavasannibhā || 34 ||
[Analyze grammar]

ananyadātmano brahma sarvaṃ bhāmātrarūpakam |
prakāśanamivālokaḥ karoti na karoti ca || 35 ||
[Analyze grammar]

teṣu rāmānubhūyante jagallakṣeṣu tatra vai |
uṣṇāni candravṛndāni sūryāśśītalamūrtayaḥ || 36 ||
[Analyze grammar]

prajāstamasi paśyanti paśyantyeva na tejasi |
ulūkasya samācārāstasyaiva sadṛśasvanāḥ || 37 ||
[Analyze grammar]

itaśśubhena naśyanti yānti pāpaistathā divam |
viṣāśanena jīvanti mriyante'mṛtabhojanaiḥ || 38 ||
[Analyze grammar]

yad yathā budhyate bodho yathodetyatha vā svataḥ |
tathāśu sphuṭatāmeti sadvāsadvā sadeva tat || 39 ||
[Analyze grammar]

viṭapākāramūlaughadarśanādvajraśobhibhiḥ |
ghūrṇate puṣpapattrāḍhyaiḥ pādapairvyomni kānanam || 40 ||
[Analyze grammar]

sikatāḥ pīḍitāḥ satyaḥ sravanti snehajaṃ rasam |
śilāphalahakebhyaśca jāyante kamalānyalam || 41 ||
[Analyze grammar]

dāruṇyaśmani bhittau ca cañcalāḥ sālabhañjikāḥ |
gṛhāṅganābhiḥ sahitā gāyanti kathayanti ca || 42 ||
[Analyze grammar]

meghānparidadhatyuccairbhūtānyuccaiḥpaṭāniva |
prativarṣaṃ vijātīyānyutpadyante phalānyage || 43 ||
[Analyze grammar]

sanniveśe na niyatairaṅgānāṃ vividhāṅgakaiḥ |
śirobhiḥ sarvabhūtani parikrāmanti bhūmigaiḥ || 44 ||
[Analyze grammar]

śāstravedavihīnāni nirdharmāṇyeva kānicit |
yatkiñcanaikakārīṇi tiryagvattrijagantyadhaḥ || 45 ||
[Analyze grammar]

kāmasaṃvittihīnāni nisstrījātīni kānicit |
bhūtaiḥ saṃśuṣkahṛdayairvyāptānyaśmamayairiva || 46 ||
[Analyze grammar]

pavanāśanabhūtāni samaratnāśmakāni ca |
ajñātārthānyalubdhāni nirgardhāni ca kānicit || 47 ||
[Analyze grammar]

kvacitpratyekamātmānaṃ paśyatyāpnoti netarat |
bahubhūtakamapyasti jagadityekabhūtakam || 48 ||
[Analyze grammar]

nakhakeśādike yadvattadvadanyatra saṃsthitiḥ |
ātmavatsarvabhūtānāmekabhūtātmabhāvanā || 49 ||
[Analyze grammar]

anantāpāraparyantaṃ śūnyameva bahu kvacit |
yanna naḥ saṃvidāpnoti tasyānte'pi jagatpunaḥ || 50 ||
[Analyze grammar]

atyantābuddhabuddhīni mokṣaśabdārthadṛṣṭiṣu |
dāruyantramayāśeṣabhūtaughānyeva kānicit || 51 ||
[Analyze grammar]

ṛkṣacakravihīnāni niṣkālakalanāni ca |
mūkasaṅketasārāṇi bhūtajālāni kānicit || 52 ||
[Analyze grammar]

kānicidvarjitānyeva netraśabdārthasaṃvidā |
vyarthadīptārkatejāṃsi bhūtānītyekacintayā || 53 ||
[Analyze grammar]

ghrāṇasaṃvidvihīnāni vyarthāmodāni kānicit |
mūkāni śabdavaiyarthyācchrutihīnāni kānicit || 54 ||
[Analyze grammar]

vākyasaṃvidvihīnatvātpramūkānyeva kānicit |
sparśasaṃvidvihīnatvādaśmāṅgānyeva kānicit || 55 ||
[Analyze grammar]

saṃvinmātramayānyeva dṛṣṭānyapi ca kānicit |
vyavahārīṇyathāgrāhyāṇyeva nityaṃ piśācavat || 56 ||
[Analyze grammar]

bhūmayānyekaniṣṭhāni niṣpiṇḍānyeva kānicit |
jaganti vyomarūpāṇi tāvattatra kacanti khe || 57 ||
[Analyze grammar]

kānicidvāripūrṇāni vahnipūrṇāni kānicit |
jaganti vyomarūpāṇi tāvattatra kacanti khe || 58 ||
[Analyze grammar]

dharāpīṭhaikapūrṇeṣu tiṣṭhantyanyeṣu dehinaḥ |
bhekā iva śilākośe kīṭā iva dharodare || 59 ||
[Analyze grammar]

jalaikaparipūrṇeṣu nirabdhyurvīvanādriṣu |
bhramantyanyeṣu bhūtāni nityamevogramīnavat || 60 ||
[Analyze grammar]

anyeṣvagnyekapūrṇeṣu jalādirahitānyapi |
bhūtānyagnimayānyeva sphurantyalamalātavat || 61 ||
[Analyze grammar]

anyeṣvanilapūrṇeṣu bhūtānyastetarāṇyapi |
vātamātramayāṅgāni sphurantyarjunavātavat || 62 ||
[Analyze grammar]

anyeṣu vyomamātrātmadeheṣu vyomarūpiṇaḥ |
prāṇinaḥ santi sargeṣvadarśanavyavahāriṇaḥ || 63 ||
[Analyze grammar]

pātālapātiṣu tathāmbaramutpatatsu tiṣṭhatsu vibhramapareṣvatha diṅmukheṣu |
nānājagatsu kimivāsti mayā na dṛṣṭaṃ yannāma cijjaladhicañcalabudbudeṣu || 64 ||
[Analyze grammar]