Chapter 200

nirvāṇopadeśo nāma sargaḥ |
dviśatatamaḥ sargaḥ |
vasiṣṭhaḥ |
ahantādi jagaccedaṃ parijñānādasatyatām |
yāti sānubhave mohātsatyamevānyathādhiyām || 1 ||
[Analyze grammar]

ajñānajvaramuktasya bodhaśītalitātmanaḥ |
etadeva bhaveccihnaṃ yadbhogāmbu na rocate || 2 ||
[Analyze grammar]

alamanyaiḥ parijñānairvācyavācakavibhramaiḥ |
anahaṃvedanāmātraṃ nirvāṇaṃ tadvibhāvyatām || 3 ||
[Analyze grammar]

abhijñātā yathā svapne padārthā ramayanti no |
na ca santi tathaivāsminnāhaṃ jagaditi bhrame || 4 ||
[Analyze grammar]

yathā svabhāvanād yakṣastarau sasvajanaṃ puram |
paśyatyasatyamevaivaṃ jīvaḥ paśyati saṃsṛtim || 5 ||
[Analyze grammar]

vibhramātmā yathā yakṣo yakṣālokaśca tau mithaḥ |
sadrūpau saṃsthitau mithyā tathāhantvajagadbhramau || 6 ||
[Analyze grammar]

anāvaraṇato'raṇye yakṣādvibhramarūpiṇaḥ |
yathā sphuranti bhūtāni tathemāni caturdaśa || 7 ||
[Analyze grammar]

bhramamātramahaṃ mithyaiveti buddhyā vibhāvayan |
yakṣo'yakṣatvamāyāti cittaṃ cācittatāmidam || 8 ||
[Analyze grammar]

nirastasakalāśaṅkaṃ tyāgagrahaṇavarjitam |
avisārisamastecchaṃ śāntamāssva yathāsthitam || 9 ||
[Analyze grammar]

atyantāsambhavaddṛśyaṃ draṣṭrātmakamidaṃ tatam |
atha vā naiva draṣṭrātma savācyaṃ kimavāpyate || 10 ||
[Analyze grammar]

vasantarasapūrasya yathā viṭapagulmatā |
svarūpamātrabharataḥ saṃvidaḥ sargatā tathā || 11 ||
[Analyze grammar]

yadidaṃ jagadābhāsaṃ śuddhacinmātravedanam |
kātraikatā dvitā kā vā nirvāṇamalamāsyatām || 12 ||
[Analyze grammar]

bhūyatāṃ cinmayavyomnā pīyatāṃ paramo rasaḥ |
sthīyatāṃ vigatāśaṅkaṃ nirvāṇānandanandane || 13 ||
[Analyze grammar]

kimetāsvatiśūnyāsu saṃsārāraṇyabhūmiṣu |
mānavā vātahariṇā bhramathodbhrāntabuddhayaḥ || 14 ||
[Analyze grammar]

jagattrayamarīcyambuvipralabdhāndhabuddhayaḥ |
mā dhāvata ghanavyagramāśayopahatāśayāḥ || 15 ||
[Analyze grammar]

rūpālokamanaskāramṛgatṛṣṇāmbupāyinaḥ |
vyarthaṃ mā yūyamāyūṃṣi narāḥ kṣapayataiṇakāḥ || 16 ||
[Analyze grammar]

jagadgandharvanagarāgāragardhena naśyatha |
sukharūpāṇi duḥkhāni śāsanāyaiva paśyatha || 17 ||
[Analyze grammar]

jagatkeśoṇḍukaṃ bhrāntyai mā mahāmbaramadhyagam |
avalokayatābhrānte svarūpe pariṇamyatām || 18 ||
[Analyze grammar]

mānavā vātaloloccapattraprāntāmbubhaṅgurāḥ |
mā navāsu navāsvandhagarbhaśayyāsu śayyatām || 19 ||
[Analyze grammar]

avirāmamanādyantaṃ svabhāve śāntamāsyatām |
draṣṭṛdṛśyadaśādoṣādasvabhāvādviramyatām || 20 ||
[Analyze grammar]

ajñāvabuddhaḥ saṃsāraḥ sāhaṃ nāsti manāgapi |
aviśiṣṭaṃ tu yatsatyaṃ tasya nāma na vidyate || 21 ||
[Analyze grammar]

troṭayitvā tu tṛṣṇāyaśśṛṅkhalāvalitaṃ balāt |
saṃsārapañjaraṃ tiṣṭha sarvasyordhve mṛgendravat || 22 ||
[Analyze grammar]

ātmātmīyagrahabhrāntiśāntimātraṃ vimuktatā |
yathātathāsthitasyāpi sā svasattaiva yoginaḥ || 23 ||
[Analyze grammar]

nirvāṇatāvāsanatā paropaśamatā jñatā |
saṃsārādhvani khinnasya śītā viśramabhūmayaḥ || 24 ||
[Analyze grammar]

tajjñajñāto na mūrkhāṇāṃ mūrkhajñāto na tadvidām |
vidyate jagadartho'sāvavācyo'nyastayormithaḥ || 25 ||
[Analyze grammar]

viśvatā bhrāntisaṃśāntau saṃsthitaiva na labhyate |
mahārṇavāmbuvalitā putrikeva payomayī || 26 ||
[Analyze grammar]

bhrāntiśāntau vimuktasya vinirvāṇasya viśvatā |
yathā sthitaiva galitā vidyate ca yathāsthitam || 27 ||
[Analyze grammar]

nirdagdhatṛṇabhasmālī kvāpi yāti yathānilaiḥ |
satāṃ svabhāvaviśrāmaiḥ kvāpi yāti tathā jagat || 28 ||
[Analyze grammar]

jagadbrahmapadārthasya sanniveśaḥ sa tūttamaḥ |
brahmaśabdārtharūpātmā na jagacchabdakārthabhāk || 29 ||
[Analyze grammar]

navajātasya bālasya padārthā yādṛśā ime |
viduṣastādṛśā eva tiṣṭhataḥ kṣīṇavāsanam || 30 ||
[Analyze grammar]

yā niśā sarvabhūtānāṃ tasyāṃ jāgarti saṃyamī |
yasyāṃ jāgrati bhūtāni sā rātriḥ paśyato muneḥ || 31 ||
[Analyze grammar]

sthitameva virāmāya jāgrajjñasya suṣuptavat |
citrāvalokina iva jāgratyasya rasaiṣaṇāḥ || 32 ||
[Analyze grammar]

jātyandharūpānubhavasamaṃ bhuvanavedanam |
bhrāntaprāyamasadrūpaṃ jñasya bhāti na bhāti ca || 33 ||
[Analyze grammar]

vimūḍhabuddhaṃ trijagadvibuddhaviṣayaṃ na sat |
vibuddhabuddhaṃ trijagadvimūḍhaviṣayaṃ na sat || 34 ||
[Analyze grammar]

svapne svapnatayā jñāte rūpālokamanaḥkriyāḥ |
na svadante yathā tadvajjāgratsvapne sphurantu mā || 35 ||
[Analyze grammar]

nirvibhāgaḥ samāśvasto nirodhaṃ paramāgataḥ |
āśītalāntaḥkaraṇo nirvāṇo jño'vatiṣṭhate || 36 ||
[Analyze grammar]

tajjñasyākliṣṭamuktasya samaṃ dhyānaṃ vinā sthitiḥ |
nimnaṃ vineva toyasya na sambhavati kācana || 37 ||
[Analyze grammar]

artha eva manaskāro mana evārtharañjanam |
eka evaiṣa ābhāsaḥ sabāhyābhyantarātmakaḥ || 38 ||
[Analyze grammar]

āsamudraṃ nadīvāhaśatasaṅgamayātmakam |
yathaikaśleṣapiṇḍātma nayatyambu taraṅgitam || 39 ||
[Analyze grammar]

sabāhyābhyantarākāramarthānarthamayātmakam |
mana eva sphuratyarthanirbhāsaṃ vyātataṃ tathā || 40 ||
[Analyze grammar]

nāstyarthamanasordvitvaṃ yathā jalataraṅgayoḥ |
ekābhāve dvayośśāntiḥ pavanaspandayoriva || 41 ||
[Analyze grammar]

nūnamekopaśāntyaiva nissāre paramārthataḥ |
ekatvādarthamanasī samamevāśu śāmyataḥ || 42 ||
[Analyze grammar]

arthaḥ saṅkalparūpātmā nehitavyo vijānatā |
manaśca samyagjñānena śāntirevaṃ bhavettayoḥ || 43 ||
[Analyze grammar]

anaṣṭe naśyataścaiva jñasyārthamanasī svataḥ |
mṛṇmaye dviṣati jñānāddviṣadbhāvabhaye yathā || 44 ||
[Analyze grammar]

yathāsaṃsthaṃ sthite eva jñasyārthamanasī sadā |
kimapyapūrvamevānyatsampanne'bhāvarūpiṇī || 45 ||
[Analyze grammar]

sañcitārthajagajjālo'pyajño jñaviṣaye'pyasan |
pārśvasuptanarasvapna iva kṣīvāgrayakṣavat || 46 ||
[Analyze grammar]

jñasya sājñaṃ jagannāsti dhīrasyeva piśācadhīḥ |
jñamajño bhāvayatyajñaṃ svabhāvaṃ sarvagaṃ viduḥ || 47 ||
[Analyze grammar]

manaśśabdārtharahitaṃ vibhāgāntavivarjitam |
bodhavāri mano viddhi taraṅgamiva nirmalam || 48 ||
[Analyze grammar]

kva sambhavata evātaḥ ke vārthamanasī kila |
nirarthakaiva vidbhrāntiḥ svabhāvamayamāsyatām || 49 ||
[Analyze grammar]

śuddhabodhasvabhāvasthairākāśairiva śāradaiḥ |
jāgratsvapnasuṣuptāntairmanastvaṃ nānubhūyate || 50 ||
[Analyze grammar]

vidhūyānantanānātvamasambhavamanāmaye |
jñeyaṃ raja ivāśeṣaṃ svabhāve tiṣṭha cidghane || 51 ||
[Analyze grammar]

jñaptirevāntaraṃ bāhyaṃ cārthatvamadhitiṣṭhati |
bījaṃ śākhāphalānīva kvāto'rthamanasī vada || 52 ||
[Analyze grammar]

jñeyāsambhavato jñaptirapyanākhyaṃ padaṃ gatā |
śāntāśeṣaviśeṣātmā tena śeṣo'si san svabhāḥ || 53 ||
[Analyze grammar]

artha eva manaskāraḥ sa cābhāvātmako bhramaḥ |
mana evārthasaṃskāraḥ sa cābhāvātmako bhramaḥ || 54 ||
[Analyze grammar]

sarvātmatvādajasyaitadapakāraṇakaṃ manaḥ |
bhramānubhavato'rthaśca mithyaivāstīva bhāsate || 55 ||
[Analyze grammar]

akāraṇakamevārthanirbhāsaṃ bhāsate manaḥ |
vidyudvilasitākāramasthiraṃ taralāyate || 56 ||
[Analyze grammar]

tvaṃ manaskāramātrātmā saṃsṛtau vibhramāyase |
svabhāvaikaparijñānānnāsi nāpi bhramāyase || 57 ||
[Analyze grammar]

manastaiva hi saṃsāra ātmabodhena śāmyati |
śuktirupyabhramākāro jano mithyaiva tāmyati || 58 ||
[Analyze grammar]

abhāvabhāvastu paraṃ bodharūpamasaṃsṛtiḥ |
nirvāṇāditarā sattā duḥkhāyāhamiti bhramaḥ || 59 ||
[Analyze grammar]

mṛgatṛṣṇāmburūpo'hamasacchūnyasvarūpakaḥ |
ityevātmaparijñānādahamityāśu śāmyati || 60 ||
[Analyze grammar]

jñātvā jñānaparo bhūtvā sabāhyābhyantarārthatām |
gataṃ svamatyajad rūpaṃ taraṅgatvaṃ yathā payaḥ || 61 ||
[Analyze grammar]

mūlaśākhāgraparyantā sattā viṭapino yathā |
nirvikārāmalā jñaptirjñeyāntaikaiva bhāsate || 62 ||
[Analyze grammar]

yathā yojanalakṣābhamekamevāmalaṃ nabhaḥ |
ekameva tathā jñānaṃ jñeyāntaṃ bhātyakhaṇḍitam || 63 ||
[Analyze grammar]

śūnyatvādekamamalaṃ yathā sarvagameva kham |
tathaikamamalaṃ jñatvājjñānaṃ jñeyadaśāsvapi || 64 ||
[Analyze grammar]

ghṛtenātmā ghanībhūya pāṣāṇīkriyate yathā |
citā cetyatayātmaiva svaścittīkriyate tathā || 65 ||
[Analyze grammar]

deśakālaṃ vinaivātmā bodhādbodhena cittatām |
abuddho nīyate nyāya evamevaiṣa susthitaḥ || 66 ||
[Analyze grammar]

atra yadyapi bodhādeḥ sambhavo nāsti kaścana |
tathāpi kalpyate'traivaṃ bodhanāya parasparam || 67 ||
[Analyze grammar]

mahānubhāvā vigatābhimānā vimūḍhabhāvopaśame laganti |
nirbhrāntayo'nantatayaiva śāntā nityaṃ samādhānamayā bhavanti || 68 ||
[Analyze grammar]