Chapter 195

dṛśyopaśamopadeśo nāma sargaḥ |
pañcanavatyuttaraśatatamaḥ sargaḥ |
vasiṣṭhaḥ |
citpaśyati jaganmithyā svavedanavibodhitā |
vyomni māyāñjanāsiktā dṛgivācalanartanam || 1 ||
[Analyze grammar]

brahmasargaścittasargo dvāvetau sadṛśau matau |
paramārthasvarūpatvādakṣubdhatvātsadaiva ca || 2 ||
[Analyze grammar]

jñānarūpatayābāhyaṃ bāhyaṃ cānubhavāttathā |
satyarūpamataḥ satyāṃ viddhi bāhyārtharūpatām || 3 ||
[Analyze grammar]

bāhyārthavādavijñānavādayoraikyameva naḥ |
vedanaikātmarūpatvātsarvadā sadasatsthiteḥ || 4 ||
[Analyze grammar]

akṣubdhā khānilālokajalabhūśāntiśālinī |
tatā śūnyā mahārambhā brahmasattaiva sarvataḥ || 5 ||
[Analyze grammar]

tasmin sarvaṃ tataḥ sarvaṃ tatsarvaṃ sarvataśca tat |
tacca sarvamayaṃ nityaṃ tasmai sarvātmane namaḥ || 6 ||
[Analyze grammar]

cinmayatvād yadā cetyameti draṣṭṛcitaikatām |
tadā dṛśyāṅgayaivaitaccetyate nānyayā citā || 7 ||
[Analyze grammar]

yadā cinmātrameveyaṃ draṣṭṛdarśanadṛśyadṛk |
tadānubhavanaṃ tatra sarvasya phalitaṃ sthitam || 8 ||
[Analyze grammar]

draṣṭṛdṛśye na yadyekamabhaviṣyaccidātmake |
taddṛśyāsvādamajñāsyanna draṣṭekṣorivopalaḥ || 9 ||
[Analyze grammar]

cinmayatvāccitau cetyaṃ jalamapsviva majjati |
tenānubhūtirbhavati nānyathā kāṣṭhayoriva || 10 ||
[Analyze grammar]

sajātīyaikatābhāvād yathā kāṣṭhaṃ na cetati |
dāru tadvadapi draṣṭā dṛśyaṃ nājñāsyadājaḍam || 11 ||
[Analyze grammar]

yādṛksattāni kāṣṭhāni tādṛgrūpaṃ svacetanam |
jānanti netarattasmāddṛśyaciddṛśyacetanam || 12 ||
[Analyze grammar]

mahācidātmataivāsti jalāniladharāśmanām |
naiteṣu spandabuddhyādi prāṇajīvādyabhāvataḥ || 13 ||
[Analyze grammar]

prāṇabuddhyādayaḥ sattāṃ bhāvanāvaśato gatāḥ |
bhāvanā ciccamatkāraḥ sa yathecchamudeti ca || 14 ||
[Analyze grammar]

jagattayā śāntatayā brahmasattāvatiṣṭhate |
puṃstayāgatayevātmā retovaṭakaṇīkayoḥ || 15 ||
[Analyze grammar]

sarvāṅgāṇumayaṃ vīryaṃ yo yasmādaṅgato'ṇukaḥ |
sa sa tattadbhavatyaṅgaṃ vīryaṃ ca svātmani sthitam || 16 ||
[Analyze grammar]

brahma sarvaparāṇvātma yo yasmādarthato'ṇukaḥ |
sa sa tattadbhavedvastu brahma brahmaiva tiṣṭhati || 17 ||
[Analyze grammar]

dravyameva yathā dravyaṃ tiryagūrdhvamadhastathā |
sarvameva tathā brahma yena tena yathā tathā || 18 ||
[Analyze grammar]

hematvameva nānyatvaṃ hemno rūpaśate yathā |
śāntatvameva śāntasya sargāhantvagaṇe tathā || 19 ||
[Analyze grammar]

pārśvasthasvapnameghorjā yathā tava na kāścana |
sargapralayasaṃrambhāstathā khātmāna eva me || 20 ||
[Analyze grammar]

paṅkatākalpitā vyomno yā putrakapatākinī |
sā yathā śāntatāmātraṃ khamevedaṃ tathā jagat || 21 ||
[Analyze grammar]

saṅkalpabhrama evāntaḥ puṣṭībhūya jagatsthitam |
jalāvanitalaklinnabījaṃ kalpa iva drumaḥ || 22 ||
[Analyze grammar]

anahantātmano jñasya sata eva tvivāsataḥ |
jarattṛṇalavāyante nanu rāmāṇimādayaḥ || 23 ||
[Analyze grammar]

trailokye tanna paśyāmi sadevāsuramānuṣe |
ekaromāṃśaviśvasya yal lobhāya mahātmanaḥ || 24 ||
[Analyze grammar]

yathātathāsthitasyāpi yatra tatra gatasya ca |
dvaitasaṅkalpasandehā na santyadhigatātmanaḥ || 25 ||
[Analyze grammar]

viśvameva nabho yasya śūnyaṃ sarvaṃ mahātmanaḥ |
kutaḥ kasya kathaṃ tasya bhavatvicchā nirātmanaḥ || 26 ||
[Analyze grammar]

śāntāśeṣaviśeṣasya nireṣaṇaviśeṣiṇaḥ |
sattāmasattāsadṛśīṃ ka ākalayituṃ kṣamaḥ || 27 ||
[Analyze grammar]

mārairna kiñcinmriyate jīvaiḥ kiñcinna jīvati |
śuddhasaṃvinmayasyāsya samalokasya khasya ca || 28 ||
[Analyze grammar]

mithyā lokasya kacato bhrāntī maraṇajanmanī |
asatyapi bhrāntibhāji mṛgatṛṣṇānadītaṭe || 29 ||
[Analyze grammar]

samyakparīkṣitaṃ yāvanna bhrāntirna parīkṣakaḥ |
na nāma janmamaraṇe kevalaṃ śāntamavyayam || 30 ||
[Analyze grammar]

dṛśyād yo viratiṃ yāta ātmārāmaśśamaṃ gataḥ |
sa sannevāsadābhāsaḥ paritīrṇabhavārṇavaḥ || 31 ||
[Analyze grammar]

dīpanirvāṇanirvāṇamastaṅgatamanomatim |
ātmanyeva śamaṃ yātaṃ santamevāmalaṃ viduḥ || 32 ||
[Analyze grammar]

ābuddhyādi jagaddṛśyaṃ yasmai na svadate svataḥ |
ākāśasyeva śāntasya tamāhurmuktamuttamāḥ || 33 ||
[Analyze grammar]

ahamastyavicāreṇa vicāreṇāhamasti no |
abhāvādahamarthasya kva jagatkva ca saṃsṛtiḥ || 34 ||
[Analyze grammar]

saṃvitsaṃvedanādeva buddhyādyākāravatsthitam |
rūpālokamanorūpaṃ jagadvetti vidambaram || 35 ||
[Analyze grammar]

sarvārthaśāntamanasaḥ sataḥ sarvātmanastava |
sarvathā sarvadā sārvaṃ sarvamācaraṇaṃ śivam || 36 ||
[Analyze grammar]

yatkaroṣi yadaśnāsi yajjuhoṣi dadāsi yat |
yacca paśyasi haṃsyeṣi tatsarvaṃ śivamavyayam || 37 ||
[Analyze grammar]

yadaham yattvamāśā yad yatkriyākālakhādayaḥ |
yal lokālokagirayastaccidvyoma śivaṃ tatam || 38 ||
[Analyze grammar]

yad rūpalokamananaṃ yatkālatritayaṃ jagat |
yajjarāmaraṇārtyādi tanmahācinnabhaśśivam || 39 ||
[Analyze grammar]

nirvivitso nirābhāso niriccho nirmanā muniḥ |
bhūtvā nirātmā nirvāṇastiṣṭha santiṣṭhase yathā || 40 ||
[Analyze grammar]

gatecchāmananaṃ śāntamanantassthamabhāvanam |
vyavahāro'stu te mā vā spandāspandairyathānilaḥ || 41 ||
[Analyze grammar]

nirvāsanā niṣkalanā śāntā puruṣatāstu te |
śāstreṇa yantravāhena vāhyā dārumayī yathā || 42 ||
[Analyze grammar]

bhūtāloko'stu māntaste sa cāsnehasya bāhyagaḥ |
anirdeśyaparālokaścitradīpavadāsyatām || 43 ||
[Analyze grammar]

nirvāsanasya virasasya nireṣaṇasya śāstrādṛte ka iva vittvavinodahetuḥ |
śāstrārthasañcalanamapyalamasya tasya saṃvedaneṣvanabhisandhimataḥ kharūpam || 44 ||
[Analyze grammar]