Chapter 186

nirāśaṅkatvapratipādanaṃ nāma sargaḥ |
ṣaḍaśītyuttaraśatatamaḥ sargaḥ |
vasiṣṭhaḥ |
nityamantarmukhastiṣṭha vītarāgo vivāsanaḥ |
cinmātramamalaṃ śāntaṃ brahma sarvatra bhāvayan || 1 ||
[Analyze grammar]

ākāśaviśadaprajñaścinmātraikaghanasthitiḥ |
samaḥ somyaḥ samānandaḥ sadbrahmodbṛṃhitāśayaḥ || 2 ||
[Analyze grammar]

śokeṣvāpatsu ghorāsu saṅkaṭeṣvavaṭeṣu ca |
yathāprāpteṣu sarveṣu kharveṣūnnatimatsu ca || 3 ||
[Analyze grammar]

yathākramaṃ yathādeśaṃ kuru duḥkhamaduḥkhitaḥ |
bāṣpākrandādiparyantaṃ vāsanākrāntamūḍhavat || 4 ||
[Analyze grammar]

samāgameṣu kāntānāṃ cotsaveṣūdayeṣu ca |
ānandaṃ bhaja somyātmā vāsanākrāntamūḍhavat || 5 ||
[Analyze grammar]

bhūtāni mṛtyukāryeṣu saṅgrāmādiṣu nirdayam |
dahānalastṛṇānīva vāsanākrāntamūḍhavat || 6 ||
[Analyze grammar]

kramāgateṣvakhinno'rthaṃ bakavaccintayārjaya |
arthopārjanakāryeṣu vāsanākrāntamūḍhavat || 7 ||
[Analyze grammar]

balādvidalayāśeṣānarīnarinisūdana |
vāto riktānivāmbhodānvāsanākrāntamūḍhavat || 8 ||
[Analyze grammar]

janeṣu karuṇārheṣu dīneṣu karuṇāṃ kuru |
ātmārāmamanā maunī vāsanākrāntamūḍhavat || 9 ||
[Analyze grammar]

mudito bhava harṣeṣu duḥkheṣu bhava duḥkhitaḥ |
karuṇāṃ kuru dīneṣu vīreṣu bhava vīryavān || 10 ||
[Analyze grammar]

antarmukhaḥ sadānandaḥ svātmārāmatayānvitaḥ |
yatkaroṣi śamodārastatra kartāsi nānagha || 11 ||
[Analyze grammar]

ātmabhāvanayā sādho nityamantarmukhasthiteḥ |
vajradhārāpi te rāma patitā yāti kuṇṭhatām || 12 ||
[Analyze grammar]

saṅkalpakalanonmukte svasaṃvinmātrakoṭare |
yastiṣṭhatyātmani svairamātmārāmo maheśvaraḥ || 13 ||
[Analyze grammar]

na taṃ bhindanti śastrāṇi na dahanti hutāśanāḥ |
na kledayanti vārīṇi śoṣayanti na mārutāḥ || 14 ||
[Analyze grammar]

sustambhamalamāliṅgya svātmānamajarāmaram |
tiṣṭhāvaṣṭabdhadhīrātmā sustambhamiva mandiram || 15 ||
[Analyze grammar]

jagadvṛkṣapadārthaughapuṣpāmodaśriyaṃ parām |
saṃvidaṃ saṃvidan svacchāmāssvāntarmukhamacyutaḥ || 16 ||
[Analyze grammar]

antarmukhatayā nityaṃ kāryamāharatāṃ bahiḥ |
jīvatāmapi nodeti vāsanā dṛṣadāmiva || 17 ||
[Analyze grammar]

punaḥprasaraṇonmuktamantassuptaṃ manaḥ kuru |
kurvan sarvāṇi karmāṇi kūrmāṅgavadavṛttimān || 18 ||
[Analyze grammar]

antarvṛttivihīnena bahirvṛttimateva ca |
suptaprabuddhaprāyeṇa kāryamācara cetasā || 19 ||
[Analyze grammar]

bālamūkādivijñānavadantastyaktavāsanam |
bhavataḥ kurvataḥ kāryaṃ khavaccittaṃ na lipyate || 20 ||
[Analyze grammar]

vṛttityāgavilīnena kiñcitprasaratā bahiḥ |
antaratyantasuptena cetasā tiṣṭha vijvaram || 21 ||
[Analyze grammar]

asaṅkalpakalaṅkāyāṃ jñānāccittakṣayodaye |
śuddhāyāṃ saṃvidi sthitvā kuru mā kuru vānagha || 22 ||
[Analyze grammar]

suṣuptasamayā vṛttyā jāgradvyavaharan svapan |
gṛhāṇa mā kiñcidapi mā ca kiñcitparityaja || 23 ||
[Analyze grammar]

jāgratyapi suṣuptaścejjāgarṣi ca suṣuptake |
jāgratsuṣuptayoraikyāttadasyasi nirāmayaḥ || 24 ||
[Analyze grammar]

evamādyantarahitamabhyāsena śanaiśśanaiḥ |
padamāsādayādvandvamatītaṃ sarvavastunaḥ || 25 ||
[Analyze grammar]

na ca dvaitaṃ na caivaikyaṃ jagadityeva niścayī |
paramāmehi viśrāntimākāśaviśadāśayaḥ || 26 ||
[Analyze grammar]

rāmaḥ |
yadyevaṃ muniśārdūla tadahampratyayātmakaḥ |
bhavāneveha kiṃ tāvadvasiṣṭhākhyastato vada || 27 ||
[Analyze grammar]

vālmīkiḥ |
rāghave gadati tvevaṃ vasiṣṭho vadatāṃ varaḥ |
tūṣṇīmeva muhūrtārdhamatiṣṭhatspaṣṭaceṣṭitaḥ || 28 ||
[Analyze grammar]

tasmiṃstūṣṇīṃ sthite kiṃ syāditi sabhye mahājane |
patite saṃśayāmbhodhau rāmaḥ punaruvāca ha || 29 ||
[Analyze grammar]

rāmaḥ |
kimarthaṃ bhagavaṃstūṣṇīṃ bhavānahamiva sthitaḥ |
na so'sti jagati nyāyaḥ satāṃ yatrottarakṣayaḥ || 30 ||
[Analyze grammar]

vasiṣṭhaḥ |
na me vaktumaśakyatvāduktikṣaya upasthitaḥ |
kiṃ tu praśnasya te'dyāsya tūṣṇīmevānaghottaraḥ || 31 ||
[Analyze grammar]

dvividho bhavati praṣṭā tattvajño'jño'tha vāpi ca |
ajñasyājñatayā deyo jñasya tu jñatayottaraḥ || 32 ||
[Analyze grammar]

etāvantamabhūtkālaṃ bhavānajñātatatpadaḥ |
bhājanaṃ savikalpānāmuttarāṇāṃ mahāmate || 33 ||
[Analyze grammar]

tajjñastvamadhunā jāto viśrāntaḥ parame pade |
yogyo na savikalpānāmuttarāṇāmasi sphuṭam || 34 ||
[Analyze grammar]

yāvān kaścitkilollekho vāṅmayo vadatāṃ vara |
sūkṣmārthaḥ paramārtho vā bahuralpataro'pi vā || 35 ||
[Analyze grammar]

pratiyogivyavacchedasaṅkhyābhedādibhirbhramaiḥ |
sa sa sarvo'ṅkitaḥ sādho bhā iva trasareṇubhiḥ || 36 ||
[Analyze grammar]

uttaraṃ sakalaṅkaṃ ca tajjño nārhati sundara |
nākalaṅkā ca vāgasti tvaṃ ca tajjñataraḥ sthitaḥ || 37 ||
[Analyze grammar]

yathābhūtaṃ ca vaktavyaṃ jñasyāntevāsino mayā |
yathābhūtaṃ viduḥ kāṣṭhamaunamantavivarjitam || 38 ||
[Analyze grammar]

avirāmamasaṅkalpaṃ maunamāhuḥ paraṃ padam |
tadeva tava tajjñasya dattaḥ sundara uttaraḥ || 39 ||
[Analyze grammar]

yanmayo hi bhavatyaṅga puruṣo vakti tādṛśam |
jñeyamātramasaccāhaṃ vāgatīte pade sthitaḥ || 40 ||
[Analyze grammar]

vāgatītapadastho hi kathaṃ gṛhṇāti vāṅmalam |
avācyaṃ vacmi no tena vāgghi saṅkalpanāṅkitā || 41 ||
[Analyze grammar]

rāmaḥ |
vāci ye ye pravartante tānanādṛtya doṣakān |
pratiyogivyavacchedapūrvakānvada ko bhavān || 42 ||
[Analyze grammar]

vasiṣṭhaḥ |
evaṃ sthite rāghaveha yathābhūtamidaṃ śṛṇu |
kastvaṃ ko'haṃ jagadvā kimiti tattvavidāṃ vara || 43 ||
[Analyze grammar]

ayaṃ tāvadahaṃ śāntaścidāloko nirāmayaḥ |
cetyasaṃvedyarahitaḥ sarvasaṅkalpanātigaḥ || 44 ||
[Analyze grammar]

svacchaṃ cidākāśamahaṃ bhavānākāśameva ca |
jagaccākāśamakhilaṃ sarvamākāśamātrakam || 45 ||
[Analyze grammar]

śuddhajñānaikarūpātmā śuddhajñānamayātmani |
anyasaṃviddaśonmuktastvanyadvaktuṃ na vedmyaham || 46 ||
[Analyze grammar]

svapakṣodbhāvanaparā ahantātmaikabandhanam |
mokṣārthamapyudyamino nayanti śataśākhatām || 47 ||
[Analyze grammar]

jīvato'pyupaśāntasya vyavahāravato'pi vā |
śavavad yadavasthānaṃ tadāhuḥ paramaṃ padam || 48 ||
[Analyze grammar]

abahissādhanaṃ śāntamanantassādhanaṃ samam |
na sukhaṃ nāsukhaṃ nāhaṃ nānyadityāsitaṃ śivam || 49 ||
[Analyze grammar]

muktatāyā ahanteyamabhāvo bhāvanāṅkayā |
tayaivānviṣyate seti jātyandhaścitramīkṣate || 50 ||
[Analyze grammar]

spandane'spandane caiva yatpāṣāṇavadāsitam |
ajaḍasyaiva tadviddhi nirvāṇamajaraṃ padam || 51 ||
[Analyze grammar]

tacca nānyo vijānāti svayamevānubhūyate |
lokaiṣaṇāviraktena jñena jñatvamivātmani || 52 ||
[Analyze grammar]

nātrāhantā na ca tvattā nāhantā naiva cānyatā |
kevalaṃ kevalībhāvo nirvāṇamamalaṃ śivam || 53 ||
[Analyze grammar]

cetyonmukhatvamevāhuścetanasyāsya cetanam |
eṣa eva ca saṃsāro bandhaḥ kleśāya bhūyase || 54 ||
[Analyze grammar]

cetanasyācetanatvamacetyonmukhatātmakam |
mokṣaṃ viddhi paraṃ śāntaṃ padamavyayameva ca || 55 ||
[Analyze grammar]

dikkālādyanavacchinne śānte śāntātmani sthite |
cetyaṃ na sambhavatyeva kaḥ kiṃ cetayatāṃ katham || 56 ||
[Analyze grammar]

saṅkalpasvapnadṛśye'ntaḥ saṃvinmātrātmatāṃ vinā |
yathā nānyadbhaved rūpaṃ tathaivāsminbahirgate || 57 ||
[Analyze grammar]

manobuddhyādayaścaite saṃvinmātrātmarūpiṇaḥ |
manobuddhyādiśabdārthabhāvitāstu jaḍātmakāḥ || 58 ||
[Analyze grammar]

saṃvinmātre same svacche sabāhyābhyantare tate |
abhinne bhedabuddhirvaḥ kimanarthāya jṛmbhate || 59 ||
[Analyze grammar]

saṃvinmātrasya śuddhasya śūnyasya ca kimantaram |
yaccāntaraṃ tadvibudhā vidantyeti na vāggatim || 60 ||
[Analyze grammar]

sadasadrūpa ābhāso yathā kimapi lakṣyate |
tamasīkṣitayatnena brahmaṇīdaṃ tathā gatam || 61 ||
[Analyze grammar]

ayamākāśamevāhaṃ yadi śāmyāmyavāsanam |
vāsanāṃ tu na badhnāmi sthita evāsmi cinnabhaḥ || 62 ||
[Analyze grammar]

itiniścayavānantastajjño'jña iva sañjñayā |
vidvapurvidyamāno'pi śāmyatyasadiva svayam || 63 ||
[Analyze grammar]

jīvānāṃ jñaptiguhyena jvalatyajñānavāyunā |
avidyāgniḥ prabuddhānāṃ punastenaiva śāmyati || 64 ||
[Analyze grammar]

ajaḍānāṃ yadajñānaṃ sthāṇūnāmiva śāmyatām |
tamāhurmokṣamakṣubdhamāsitaṃ yadapakṣayam || 65 ||
[Analyze grammar]

jñatvenājñatvamāsādya munirbhavati mānavaḥ |
ajñatvādajñatāmetya prayāti paśuvṛkṣatām || 66 ||
[Analyze grammar]

ahaṃ brahma jagaccedamityavidyāmayo bhramaḥ |
asatyaḥ prekṣayā dhvāntaṃ dīpeneva na labhyate || 67 ||
[Analyze grammar]

samagrakaraṇagrāmo'pyasaṅkalpo vivedanaḥ |
na kiñcidapyanubhavatyantarbāhye ca śāntadhīḥ || 68 ||
[Analyze grammar]

suṣuptatva iva svapnaḥ samādhau pravilīyate |
dṛśyaṃ sarvaṃ jñabodhe'ntaḥ punaḥ khātmaiva lakṣyate || 69 ||
[Analyze grammar]

talavattvaṃ yathā vyomni tathā pṛthvyāditā śive |
bhrāntimātrādṛte nānyā yathā vyoma tathā śivaḥ || 70 ||
[Analyze grammar]

vāsanābhirupeto'pi samastābhiravāsanaḥ |
bhavatyasāvasatsarvamidamityeva yasya dhīḥ || 71 ||
[Analyze grammar]

saṅkalpaiṣyadbhūtabhavyasvapnamāyendrajālajāḥ |
yadvatsaṃsṛtayastadvaddṛṣṭe'pyāsthā kimatra vaḥ || 72 ||
[Analyze grammar]

na duḥkhamasti na sukhaṃ na puṇyaṃ na ca pātakam |
na kiñcitkasyacinnaṣṭaṃ karturbhokturasambhavāt || 73 ||
[Analyze grammar]

sarvaṃ śūnyaṃ nirālambaṃ mamatāpratyayo'pyayam |
dvicandrasvapnapuravad yasyāsau so'pi nāsti naḥ || 74 ||
[Analyze grammar]

kevalo vyavahārasthaḥ kāṣṭhamaunarato'tha vā |
kāṣṭhapāṣāṇavattiṣṭhanbrahmatāmadhigacchati || 75 ||
[Analyze grammar]

śāntatve citratve nānānānātmanīha caiva śive |
avayavino'vayavatve tviva yuktirvidyate nānyā || 76 ||
[Analyze grammar]

arthagateḥ svatvasya ca bhāvasya ca naiva sambhavādamale |
etasmin sarvagate brahmaṇi nāsti svabhāvoktiḥ || 77 ||
[Analyze grammar]

na ca nāstitopalambhātsaṃvitterastitā ca naivāje |
grāhyagrāhakadṛṣṭerasambhavādasti kiñcidapi || 78 ||
[Analyze grammar]

samamamalamahāryamāryajuṣṭaṃ śivamajamakṣayamāsitaṃ samaṃ yat |
tadavitathapadaṃ tathāssva śāntaṃ piba cala bhuṅkṣva bhavānayaṃ hi nāsti || 79 ||
[Analyze grammar]