Chapter 182

maṅkivairāgyaṃ nāma sargaḥ |
dvyaśītyuttaraśatatamaḥ sargaḥ |
vasiṣṭhaḥ |
saṃvedanaṃ bhāvanaṃ ca vāsanā kalaneti ca |
anarthāyeha śabdārtho vigatārtho vijṛmbhate || 1 ||
[Analyze grammar]

vedanaṃ bhāvanaṃ viddhi sarvadoṣasamāśrayam |
asminnevāpadaḥ santi latā madhurase yathā || 2 ||
[Analyze grammar]

saṃsāramārge gahane vāsanāveśavāhinaḥ |
upayāti vicitroccairvṛttavṛttāntasantatiḥ || 3 ||
[Analyze grammar]

vivekino vāsanayā saha saṃsārasambhramaḥ |
kṣīyate mādhavasyānte śanairvanamivārasam || 4 ||
[Analyze grammar]

asyāḥ saṃsṛtisallakyā vāsanotsedhakāriṇī |
kadalyā ghanajālinyā rasalekheva mādhavī || 5 ||
[Analyze grammar]

saṃsārābdhitayodeti vāsanātmā rasaścitau |
yathā vanatayāntasstho madhumāsarasaḥ kṣitau || 6 ||
[Analyze grammar]

cinmātrādamalācchūnyādṛte kiñcinna vidyate |
nānyatkvacidaparyante khe śūnyatvetarad yathā || 7 ||
[Analyze grammar]

vedanātmā raso'styanya iti yā pratibhā sthirā |
eṣāvidyā bhramastveṣa eṣa saṃsāra ātataḥ || 8 ||
[Analyze grammar]

anālocanasaṃsiddha ālokenaiṣa naśyati |
asadātmā sadābhāso bālavetālavatkṣaṇāt || 9 ||
[Analyze grammar]

sarvadṛśyadṛśo bodhe bodhasāratayaikatām |
yāntyaśeṣamahīpīṭhasaritpūra ivārṇave || 10 ||
[Analyze grammar]

mṛṇmayaṃ hi yathā bhāṇḍaṃ mṛcchūnyaṃ tu na labhyate |
cinmayaṃ hi tathā cetyaṃ cicchūnyaṃ tu nopalabhyate || 11 ||
[Analyze grammar]

bodhāvabuddhaṃ yadvastu bodha eva taducyate |
nābodhaṃ budhyate bodho vairūpyāttena nānyathā || 12 ||
[Analyze grammar]

draṣṭṛdarśanadṛśyeṣu pratyekaṃ bodhamātratā |
sārastena tadanyatvaṃ nāsti kiñcitkhapuṣpavat || 13 ||
[Analyze grammar]

sajātīyaḥ sajātīyenaikatāmanugacchati |
anyo'nyānubhavastena bhavatyekatvaniścayaḥ || 14 ||
[Analyze grammar]

yadi kāṣṭhopalādīnāṃ na bhavedbodharūpatā |
tatsadānupalambhaḥ syādeteṣāmasatāmiva || 15 ||
[Analyze grammar]

yadā tvaśeṣā dṛśyaśrīrbodhamātraikarūpiṇī |
tadānyevāpyananyaiva satī bodhena bodhyate || 16 ||
[Analyze grammar]

sarvaṃ jagadgataṃ dṛśyaṃ bodhamātramidaṃ tatam |
spandamātraṃ yathā vāyurjalamātraṃ yathārṇavaḥ || 17 ||
[Analyze grammar]

miśrībhūtā api hyete jatukāṣṭhādayo yathā |
mitho'nanubhavāmiśrā aikyaṃ hyanubhavo mithaḥ || 18 ||
[Analyze grammar]

anyo'nyānubhavo hyaikyamaikyaṃ tvanyo'nyavedanam |
yathāmbhasoḥ kṣīrayorvā na kāṣṭhajatunoriva || 19 ||
[Analyze grammar]

ahamityeva bandhāya nāhamityeva muktaye |
etāvanmātrake bhadre svāyatte kimaśaktatā || 20 ||
[Analyze grammar]

candradvayapratyayavanmṛgatṛṣṇāmbubuddhivat |
kimanutthita evāyamasadevāhamutthitaḥ || 21 ||
[Analyze grammar]

mamedamiti bandhāya na mametyeva muktaye |
etāvanmātrake vastunyātmāyatte kimajñatā || 22 ||
[Analyze grammar]

yaḥ kāṣṭhabadaranyāyo yo ghaṭākāśayoḥ sthitaḥ |
sa sambandho'pi naivaikyamaikyamanyo'nyavedanam || 23 ||
[Analyze grammar]

anyo'nyavedanaṃ tvaikyaṃ bhāgaśo gatamapyalam |
ajaḍaṃ tajjaḍaṃ vāpi naikaṃ rūpaṃ vimuñcati || 24 ||
[Analyze grammar]

nājaḍo jaḍatāmeti svabhāvā hyanapāyinaḥ |
yaccājaḍaṃ jaḍaṃ dṛṣṭaṃ dṛṣṭe tatrāsti naikatā || 25 ||
[Analyze grammar]

vāsanāveśavalitāḥ kuvikāraśatātmabhiḥ |
saṃsārāraṇyakuhare nṛtyanti hatakarmabhiḥ || 26 ||
[Analyze grammar]

vāsanārajjunā kṛṣṭā dūraṃ nītāḥ svakarmabhiḥ |
vrajantyadho'dho dhāvantaśśilāśśailacyutā iva || 27 ||
[Analyze grammar]

vyūḍhānāṃ vāsanāvātairnṛtṛṇānāmitastataḥ |
tānyāpatanti duḥkhāni yāni vaktuṃ na pāryate || 28 ||
[Analyze grammar]

bhrāntyā bhṛśaṃ karatalāhatakandukābhaṃ lokāḥ patanti nirayeṣu rayeṇa raktāḥ |
kledena tatra parijarjaratāṃ prayātāḥ kālāntareṇa punaranyanibhā bhavanti || 29 ||
[Analyze grammar]