Chapter 147

sargavilāyanaṃ nāma sargaḥ |
saptacatvāriṃśaduttaraśatatamaḥ sargaḥ |
vasiṣṭhaḥ |
kalanāmātrakāryatvādime mervādayo'drayaḥ |
mṛdavo laghavaḥ sākṣātkauśeyanikarādapi || 1 ||
[Analyze grammar]

nisspandapavanākāraśarīrā bhūtajātayaḥ |
brahmādyā api vidyante piśācapaṭalādivat || 2 ||
[Analyze grammar]

ahorātrātmanī tucche prakāśatamasī tate |
jantoḥ pavanadehasya cchāyāvihasane iva || 3 ||
[Analyze grammar]

anviṣyamāṇamaprāpyaṃ jagatsphurati khe pare |
keśapiñchalavabhrāntirivānirmalacakṣuṣaḥ || 4 ||
[Analyze grammar]

surāsurāḥ sphurantīme chinnavṛkṣapiśācavat |
paripaśyanti saṃsāraṃ dagdhadehakajīvavat || 5 ||
[Analyze grammar]

niśśvasanti ca bhastrāvadvivartante khadhūmavat |
cinvantyardhaprasuptābhaṃ paśyantyudbhrāntamābilam || 6 ||
[Analyze grammar]

jaḍāḥ sphuranti janatā nadīrayataraṅgavat |
budhyante'nyātmakāścānyatkokilāḥ kākatāmiva || 7 ||
[Analyze grammar]

udyanti sthāvarā bhūmau rayarekhā ivāmbhasi |
bhāvāḥ pariṇamantyantarjalānīva rayājjale || 8 ||
[Analyze grammar]

anubhūtaya ātmasthā ikṣormadhuratā iva |
kṣobhyante vikriyante ca pavanasparśapīḍanaiḥ || 9 ||
[Analyze grammar]

kalanaikātmikā laghvī sakulādrīndramaṇḍalā |
tulāmāropitā bhūmirna bhavatyardharaktikā || 10 ||
[Analyze grammar]

bhaviṣyadbhūtakośasthaṃ dyauḥ pātālatalaṃ gatā |
agneścitrakṛtasyeva śaityamevānubhūyate || 11 ||
[Analyze grammar]

adhūmātma nirādhāramavātādisamīritam |
khamūrdhvamambu yātyabhrairbāndhavairiva śikṣitam || 12 ||
[Analyze grammar]

samudrā divi tiṣṭhanti tārakā uditā bhuvaḥ |
nṛtyanti sabhujāśśailāś saikataṃ tailamujjhati || 13 ||
[Analyze grammar]

yathā saṅkalpyate yad yattattathā na tadanyathā |
saṅkalpakalanākalpaṃ kiṃ satkiṃ vāpyasadbhavet || 14 ||
[Analyze grammar]

na sthiraṃ nāsthiraṃ kiñcinna jaḍaṃ na ca cetanam |
nāhaṃ na tvaṃ na sannāsanna sthūlaṃ nāṇutātatam || 15 ||
[Analyze grammar]

sarvaṃ ca sarvathā sarvaṃ sarvadā sārvasārvikam |
kalpanāviśvarūpātma na tadasti na yadvapuḥ || 16 ||
[Analyze grammar]

bālenairāvaṇo baddho dagdhāścandratviṣādrayaḥ |
saritpravāhalaguḍairyudhyante citramānavāḥ || 17 ||
[Analyze grammar]

suphālakṛṣṭe vitate vyomni vyuptāḥ suśālayaḥ |
pakvāśca saṅgṛhītāśca bhāṇḍeṣu ca niyojitāḥ || 18 ||
[Analyze grammar]

hariṇā hāri gāyanti nṛtyanti vanarājayaḥ |
padmā dṛṣadi jāyante prasūtāḥ kalabhaṃ śilāḥ || 19 ||
[Analyze grammar]

uḍḍīyante purāṇyuccairbhikṣanti bhuvi bhānavaḥ |
sānavo nagarāyante gāyanti mṛdu madgavaḥ || 20 ||
[Analyze grammar]

ityādikāpi saṅkalpakalā satyeva rājate |
anyā satyāpyasatyeva na saṃvittirvirājate || 21 ||
[Analyze grammar]

eṣā ca saṅkalpakalā tīvrasaṅkalpakalpitā |
pūrvasaṅkalpasantyāgātsatyarūpānumīyate || 22 ||
[Analyze grammar]

ataḥ satyamasatyaṃ vā neha kiñcana vidyate |
yad yathā bhāvyate yatra tattathā tatra dṛśyate || 23 ||
[Analyze grammar]

iti nāstīdamakhilamasti vā brahmasattayā |
ākāśātma nirākāśaṃ suptamānavahṛtsamam || 24 ||
[Analyze grammar]

itīyaṃ hṛdayenaiva trijagatpustaputrikā |
na janyate janyate vā dhāryate vā na dhāryate || 25 ||
[Analyze grammar]

yādṛśena yadā yatra saṃsthānenābhirocate |
tādṛśena tadā tatra svecchayotpādyate na vā || 26 ||
[Analyze grammar]

ityasminpelavākāre saṅkalpāyattarūpiṇi |
svāyatte sadasadbhāvabhrame keva kadarthanā || 27 ||
[Analyze grammar]

svayatnamātrasaṃsiddhireṣa so'ṅga śiśorapi |
sargo'pavargalābho vā manye sidhyati helayā || 28 ||
[Analyze grammar]

etadbuddhvā buddhimattvānnirāmayamanomayaḥ |
bhāvābhāvobhayāttastvamamanomaya eva vā || 29 ||
[Analyze grammar]

iti bhrāntimayaṃ viśvaṃ buddhvā viṣvagasāravat |
viśvaśabdārthasantyāge niṣṭhāyāṃ tiṣṭha sāravat || 30 ||
[Analyze grammar]

neha satyaṃ na vāsatyaṃ nāvastutvaṃ na vastutā |
kenāpīdaṃ kvacitkiñcitkimapīva kvacitsthitam || 31 ||
[Analyze grammar]

kā nāma sāsti kalanā kalayāpavargo vācāṃ yayaiti viṣayaṃ viśadāvabhāsaḥ |
śāstreṇa kevalamasau parivarṇyate'ntaḥ sambodhameti tu kayāpi nijaikayuktyā || 32 ||
[Analyze grammar]