Chapter 142

bhūmikāvicāro nāma sargaḥ |
dvicatvāriṃśaduttaraśatatamaḥ sargaḥ |
rāmaḥ |
mūḍhasyāsatkulotthasya pravṛttasya narasya ca |
aprāptayogasaṅgasya kathamuttaraṇaṃ bhavet || 1 ||
[Analyze grammar]

ekāmatha dvitīyāṃ vā tṛtīyāṃ cetarāṃ ca vā |
ārūḍhasya mṛtasya syātkīdṛśī bhagavan gatiḥ || 2 ||
[Analyze grammar]

vasiṣṭhaḥ |
mūḍhasyārūḍhadoṣasya tāvatsaṃsṛtirātatā |
yāvajjanmāntaraśataiś kākatālīyayogataḥ || 3 ||
[Analyze grammar]

atha vā sādhusaṅgatyā pravṛttasya narasya no |
udeti vairāgyamatirmarau puṣpalatā yathā || 4 ||
[Analyze grammar]

vairāgyamatirevaṃ sā pravṛddhā bhūmikākrame |
niyojayati saṃsāre taṭīmiva taraṅgiṇī || 5 ||
[Analyze grammar]

kecijjanmamahāyogairapyalabdhavicāraṇāḥ |
araghaṭṭaghaṭīyantramivordhvādhaḥparāḥ sthitāḥ || 6 ||
[Analyze grammar]

prathamāṃ vetarāṃ vāpi yogabhūmiṃ tu yo'bhyaset |
āyuḥkṣayamavāpnoti punaḥpāścātyajanmane || 7 ||
[Analyze grammar]

sa tamabhyastamevāntarbuddhau parikaraṃ varam |
vahanyāti mṛteḥ pārśvaṃ yathā srotaḥ saridrayam || 8 ||
[Analyze grammar]

tatra taiśśubhasaṅkalpaiḥ pavitrakalanātmakaḥ |
tādṛgguṇamayaireva mitrabandhubhiranvitaḥ || 9 ||
[Analyze grammar]

adīnātmā jagadbhāvānakhilānaparāmṛśan |
saṃsmaranparayā bhaktyā jagattaraṇakāraṇam || 10 ||
[Analyze grammar]

sadvāsanāmanorūpo vijahāti śarīrakam |
vātāvadhūnanādhūtamāmodaḥ kusumaṃ yathā || 11 ||
[Analyze grammar]

prāṇavātānvito jīvagandho dehasaroruham |
pravihāya samuḍḍīnaḥ kamapyākāśamāgataḥ || 12 ||
[Analyze grammar]

muhūrtamekaṃ sauṣuptīmavasthāmanutiṣṭhati |
dehabhāraṃ parityajya gāḍhāṃ nidrāmupāgataḥ || 13 ||
[Analyze grammar]

kṣaṇātprabodhamāyātaḥ satatābhyastayā svayā |
āpūryate vāsanayā saritkhāta ivāmbhasā || 14 ||
[Analyze grammar]

saṃsmṛtya svadhiyā sādhuḥ sa svabhāvanayā tayā |
vyomni vyomavapuryasmiṃstiṣṭhetpuryaṣṭakānvitaḥ || 15 ||
[Analyze grammar]

na tu dūre na nikaṭe vyoma nedaṃ na cetarat |
kāmapyavarṇanāyogyāṃ tāmākāśadaśāṃ viduḥ || 16 ||
[Analyze grammar]

tataḥ sa jīvo vyomnyatra prāṇavātamayātmakaḥ |
śanaiḥ prāgbhāvamādatte madhau rasamivāṅkuraḥ || 17 ||
[Analyze grammar]

bhāvanā yā sadābhyastā tāmeva maraṇāvadhau |
smarañjīvo jahātīmaṃ bhīmaṃ bhāraṃ kalevaram || 18 ||
[Analyze grammar]

yaṃ yaṃ bhāvaṃ smarandehātsadābhāvitamutplutaḥ |
tasyaiva phalamāpnoti svapauruṣabalārjitam || 19 ||
[Analyze grammar]

ādehaṃ yatsadābhyastaṃ jīvena tadasau mṛtau |
sarvānbhāvānanādṛtya smaratīdaṃ kṛtaṃ mayā || 20 ||
[Analyze grammar]

yuddharājyasurārāmapāṭharodanavibhramān |
svakarmaphalabhīto'sau nāgrasthānapi paśyati || 21 ||
[Analyze grammar]

ya āsannaphalo bhāvaḥ svavaśenāvaśena vā |
sarvabhāvopamardena sa evāgre vilokyate || 22 ||
[Analyze grammar]

śubhamastu mamedānīṃ ciraṃ māśubhamastu me |
ākīṭāmaramāśaiṣā kṣīyate na kadācana || 23 ||
[Analyze grammar]

kṣīyate bhāvanaiṣāntaḥ kevalaṃ viditātmanaḥ |
ākāśaviśadaśśānto jñaḥ pranirvāti śāmyati || 24 ||
[Analyze grammar]

jaḍaścettatpuro bhāvānmṛtau kāṃścinna paśyati |
ajaḍaścettadabhyastairbhāvairākramyate'vaśaḥ || 25 ||
[Analyze grammar]

evamākāśarūpo'sau jīvaḥ saṃvṛtavāsanaḥ |
taṃ muhūrtaṃ jaḍāvastho yugaṃ yātaṃ prapaśyati || 26 ||
[Analyze grammar]

abhavaṃ prāgahaṃ janturmṛtastatrāsmi bandhuṣu |
yugamatra parikṣīṇamabhipaśyati sa kṣaṇāt || 27 ||
[Analyze grammar]

muhūrta eva sañjāte sa jīvo yuganiścaye |
iha jātu pravṛtto'smi deśa ityavabudhyate || 28 ||
[Analyze grammar]

abhavaṃ prāgahaṃ janturmṛtastatrāsmi bandhuṣu |
tataḥ kṛtā me svajanaiḥ piṇḍadānādikāḥ kriyāḥ || 29 ||
[Analyze grammar]

tābhirlabdhaśarīreṇa mayā sukṛtaduṣkṛte |
bhukte cirataraṃ kālaṃ jāto'smyadyetthamutthitaḥ || 30 ||
[Analyze grammar]

itthaṃ muhūrta evāsau gate pratyayavānbhavan |
svavāsanānusāreṇa dehamātmani paśyati || 31 ||
[Analyze grammar]

muhūrte suciraṃ kālamaśarīraśśarīrakam |
cinoti paśyatyabhyeti jīvaḥ svapnaṃ bhavāniva || 32 ||
[Analyze grammar]

aśreṣṭhayā vāsanayā duṣṭātmaphalavānaham |
duḥkhavānadhamo jāta iti paśyati jīvakaḥ || 33 ||
[Analyze grammar]

pradhānayā vāsanayā pradhānaphalavānaham |
jātaḥ pradhāna eveti cinotyātmānamātmanā || 34 ||
[Analyze grammar]

jīva evamadeho'pi sadehatvamupāgataḥ |
deśakālakramaprauḍhaṃ paralokaṃ prapaśyati || 35 ||
[Analyze grammar]

ayaṃ sa paraloko me dharmarājanarā ime |
ayaṃ nīto'smi neyo'yaṃ mamedaṃ tattvamīhitam || 36 ||
[Analyze grammar]

paralokabhuvastvetāḥ satyaṃ vacmi purākṛtam |
pṛṣṭo'smyayaṃ dharmabhṛtā cchāyeyaṃ mama sākṣiṇī || 37 ||
[Analyze grammar]

sukṛtaṃ duṣkṛtaṃ cedaṃ karma me purataḥ sthitam |
ayaṃ nīto'smi gacchāmi svargaṃ narakameva vā || 38 ||
[Analyze grammar]

evampratyayavāñjīvo dīrghaṃ saṃsṛtivibhramam |
sampaśyati kṣaṇenaiva saṃvatsaraśatena ca || 39 ||
[Analyze grammar]

eṣa duḥkhamahāṣaṇḍo vāsanābījakoṭarāt |
ahamityātmano vyaktaṃ durjātādupajāyate || 40 ||
[Analyze grammar]

niyojito'smyayaṃ duḥkhe sukhe vā yojito'smyayam |
ayaṃ me vatsaro yāta idaṃ varṣaśataṃ gatam || 41 ||
[Analyze grammar]

etattadduṣkṛtaṃ bhuktametāstāḥ svargasampadaḥ |
yonyantareṣu tiṣṭhan hi sthito'smyahamiha drumaḥ || 42 ||
[Analyze grammar]

sthitāsmīyamahaṃ vallī sampanno'smīha ṣaṇḍakaḥ |
gardabho'yamahaṃ jātaśśuko'yamahamāsthitaḥ || 43 ||
[Analyze grammar]

markaṭo'smīha sampannaḥ sampanno'smīha tittiriḥ |
ṛkṣo'smīha vaṭo'smīha matsyo'smīhātha kacchapaḥ || 44 ||
[Analyze grammar]

iha varṣaśataṃ tiryagiha varṣaśataṃ tṛṇam |
prāpnomi mānuṣīṃ jātiṃ naro bhūyo bhavāmyaham || 45 ||
[Analyze grammar]

piṇḍadānādibhirbandhukṛtyaiḥ satputraceṣṭitaiḥ |
kṣīṇaduṣkṛtasampanno bhavāmi puruṣo'dhunā || 46 ||
[Analyze grammar]

ayamasyāḥ striyā garbhe māturasmi niyojitaḥ |
garbhamāsāṣṭake kṣīṇe piturjāto'smyayaṃ gṛhe || 47 ||
[Analyze grammar]

sthito'smyayamahaṃ bālaḥ prāpto'smi navayauvanam |
ayaṃ jarāmahamitaścirādayamahaṃ mṛtaḥ || 48 ||
[Analyze grammar]

ityādyanubhavañjīvo nijavibhramajarjaraḥ |
uhyate vāsanāvātyāparāvartaiḥ punaḥ punaḥ || 49 ||
[Analyze grammar]

vāsanābilakallolairvividhāvartavṛttibhiḥ |
jīvatṛṇyāḥ sphurantīmāḥ saṃsāraikamahārṇave || 50 ||
[Analyze grammar]

jīvaḥ kvacitsuṣuptasthaḥ kvacitsthāvaratājaḍaḥ |
kvacidvyādhiparimlānaḥ kvacidādhibhirāturaḥ || 51 ||
[Analyze grammar]

sukhī duḥkhī bhavo'bhāvo naro nāgo'maro'suraḥ |
bakaḥ kākaśśukaśśaṅkhastittirirhariṇo vṛṣaḥ || 52 ||
[Analyze grammar]

bhavatyabhavyatāmetya duḥkhādduḥkhaṃ bhayādbhayam |
patannāpātaramyeṣu ramate bhogabhasmasu || 53 ||
[Analyze grammar]

aśarīro nirākāraḥ saṅkalpātmāmbarāspadaḥ |
piśāco'smīti saṃvittyā kvaciddhatte piśācatām || 54 ||
[Analyze grammar]

yad yatsarge yathā rūḍhaṃ tattathā tu niṣevate |
jīvaṃ sarvātmakaṃ tajjñamatajjñamapi vānagha || 55 ||
[Analyze grammar]

yakṣarakṣaḥpiśācādibhāvanābhramabhedataḥ |
janmanāmatra saṅkhyāṃ na kartuṃ mama samārthatā || 56 ||
[Analyze grammar]

padārthabhāvanāmātrādatiduḥkhaparamparāḥ |
ahantātmana udyanti satyāsatyaghanabhramāḥ || 57 ||
[Analyze grammar]

evaṃ kha eva jāyante kharūpāḥ saṃsṛtibhramāḥ |
na deśakālāvaraṇaṃ kurvantyete manāgapi || 58 ||
[Analyze grammar]

anārataṃ sargaparamparāṇāmarūpiṇīnāmatha rūpiṇīnām |
jaladravānukramasaṃsthitānāṃ krānto'smi khe khātmatayoditānām || 59 ||
[Analyze grammar]