Chapter 124

spandavicāro nāma sargaḥ |
caturviṃśatyuttaraśatatamaḥ sargaḥ |
manuḥ |
sargātmabhirvibhuḥ spandakrīḍitairbālavannijām |
sattāṃ mohayatīvāntaḥ sāvadhāno bhavātra bhoḥ || 1 ||
[Analyze grammar]

saṅkalpyātmā svayaṃ dvaitaṃ ciraṃ śocati yoniṣu |
svayamadvaitasaṅkalpātkālenāyāti nirvṛtim || 2 ||
[Analyze grammar]

svayamasya tathā śaktirudetyābadhyate yathā |
svayamasya tathā śaktirudetyāmucyate yathā || 3 ||
[Analyze grammar]

na labhyate pravacanairna dhiyā na tapaśśrutaiḥ |
yadodayecchāmāyāti tadātmātmānamīkṣate || 4 ||
[Analyze grammar]

aho nu citrā māyeyaṃ bata viṣvagvimohinī |
sarvāṅgaprotamapyātmā yadātmānaṃ na paśyati || 5 ||
[Analyze grammar]

dṛṣṭvā sarvagamātmānamanantamavanīśvara |
nivartate śarīrāsthā tato duḥkhairna lipyate || 6 ||
[Analyze grammar]

candrārkavahnitaptāyoratnādīnāṃ yathārciṣaḥ |
yathā pattrādi vṛkṣāṇāṃ nirjharāṇāṃ yathā kaṇāḥ || 7 ||
[Analyze grammar]

tathedaṃ brahmaṇi sphāre jagadbuddhyādi kalpitam |
duḥkhapradamatajjñānāṃ tadevātadiva sthitam || 8 ||
[Analyze grammar]

yathā vāhavaśādvāri dāmādiracanāṃ vahet |
prakṛtiryāti nānātvaṃ tathā spandavaśādiyam || 9 ||
[Analyze grammar]

yathā saritpayaḥkośe vāhaḥ spandī na lakṣyate |
tathājasraṃ viracayan sargamātmā na lakṣyate || 10 ||
[Analyze grammar]

yathā svacchasya somyasya mahato'vahato'niśam |
vāriṇo'pyaṃśubhinnasya kośaspando na lakṣyate || 11 ||
[Analyze grammar]

tathā sarvagatasyāpi dāmni vyomnyatha vāśmani |
anāvṛtasyānantasya sataḥ sattā na lakṣyate || 12 ||
[Analyze grammar]

somyasyāvahato vāreḥ kośaspando yathātmagaḥ |
na sannāsanna ca pṛthaksattā cidvapuṣastathā || 13 ||
[Analyze grammar]

svasaṅkalpātmikāṃ yatra sarvaśaktitayā svayam |
cittatāmeti tatraitattatprasphuradiva sthitam || 14 ||
[Analyze grammar]

svasaṅkalpātmikāṃ yatra sarvaśaktitayā svayam |
jahāti cittatāṃ tatra satsaṃśāntamiva sthitam || 15 ||
[Analyze grammar]

ikṣvākuḥ |
evaṃ cettanmahābhāga dṛṣadādirmahākṛtiḥ |
pārthivo'yaṃ bṛhadbhāgaḥ kimuttho'tha kimātmakaḥ || 16 ||
[Analyze grammar]

manuḥ |
śaktayaḥ sakalā eva cinmātre brahmaṇi sthitāḥ |
vaṭabīje vaṭalatāpattrapuṣpaphalādivat || 17 ||
[Analyze grammar]

jaḍājaḍābhidhe śaktī sarvaśakteḥ sta ātmanaḥ |
śaktīnāmuttame hemni kāṭhinyadravate yathā || 18 ||
[Analyze grammar]

rūpālokamanaskāraviṣayatvamupāgatā |
jāḍyanāmnī tayorekā yāsau bhūmyādirūpiṇī || 19 ||
[Analyze grammar]

naiṣā prajāyate nāpi kadācitpravilīyate |
svāṅgabhūtā sato nityamākāśakośavatsthitā || 20 ||
[Analyze grammar]

brahmaṇo'vyatirikteyamiti yaḥ sarparajjuvat |
asadabhyudito mohaḥ sa bodhena vilīyate || 21 ||
[Analyze grammar]

naiṣā bhāvavikārākhyāmeti śuddhacidātmani |
eṣā kila kaṇormyambu payasīva citi sthitā || 22 ||
[Analyze grammar]

yatsato'sattvamasataḥ sattvaṃ vā vikṛtirhi sā |
atyantānyasvarūpatvānnāsti tatparamātmani || 23 ||
[Analyze grammar]

asattayā sato rājannasataścaiva sattayā |
vinaṣṭākṛtirasyeti vikārādyabhidhīyate || 24 ||
[Analyze grammar]

yattvaṅkure phalāditvaṃ kṣīrādau vā ghṛtāditā |
sattāvabhāsamātraṃ tatsphuratyambviva vīcibhiḥ || 25 ||
[Analyze grammar]

yad yathā dṛśyate yatra tattathā tatra vidyate |
deśakālavibhāgātma tathā saṃvedanātmakaṃ || 26 ||
[Analyze grammar]

deśakālāntaragato'pyeka eva yathā giriḥ |
bījaṃ phalāntamapyevamekamatrānyatāsti no || 27 ||
[Analyze grammar]

vaṭatā vaṭadhānāyāṃ yādṛkkālodayā yathā |
tathā jaḍājaḍeyaṃ śrīḥ saṃsthitā cinmayātmani || 28 ||
[Analyze grammar]

ākārarāśirūpeṇa bhūribhāvavikāriṇā |
ābhāsa eva sphurati svapneneva mano nṛpa || 29 ||
[Analyze grammar]

ikṣvākuḥ |
śailādyākāratā sthūlā yathāsya paramātmanaḥ |
sphuratyasatyā satyā vā tathā vada punarmama || 30 ||
[Analyze grammar]

manuḥ |
iti sarvaṃ samaṃ śāntaṃ cidvyoma tatamavyayam |
aparyantamanābhāsamāsīdasti bhaviṣyati || 31 ||
[Analyze grammar]

yannordhvaṃ nāpyadho nāśā na tamo na prakāśanam |
netaratkiñcidapi ca sarvameva sadaiva ca || 32 ||
[Analyze grammar]

cinmātraikātmanā tena parameṇeśvareṇa naḥ |
ādyantamadhyamuktena saṅkalpaścetitaḥ svayam || 33 ||
[Analyze grammar]

sthitaḥ saṅkalparūpātmā manomūrtirajastataḥ |
tena saṅkalpitaṃ vyoma manasedaṃ bṛhadvapuḥ || 34 ||
[Analyze grammar]

manovyomnorghanatayā sampannaḥ pavanaḥ sphuran |
manovyomānilāśleṣātprakāśaṃ buddhavāṃstataḥ || 35 ||
[Analyze grammar]

tejo'ṃśabhāvasaṅkalparūpaṃ paścātpayaḥ sthitam |
sa catuṣṭayapiṇḍo'tha manaso'ṇḍatayekṣitaḥ || 36 ||
[Analyze grammar]

aṇḍaṃ tatpādmajaṃ bhūtvā sampanne paśya rodasī |
tatra tvavayavābhāsaṃ mervādīdaṃ mahatsthitam || 37 ||
[Analyze grammar]

jagattayeti brahmaiva paripūrṇaṃ vilokyate |
spandairbhāvavikārādyaiḥ savikāramiva sthitam || 38 ||
[Analyze grammar]

ekaivānekarūpeva deśakālāntare yathā |
sarittathaiva vallītve sthitā svasthaiva bījatā || 39 ||
[Analyze grammar]

pālīvatāni tiṣṭhanti yathā kumbhasya koṭare |
tathāpārasya cidvyomno jagantyantaḥ sthitāni hi || 40 ||
[Analyze grammar]

cidbrahmakoṭaragatā imāḥ sargaparamparāḥ |
sphuranti pariṇāminyo jalakośe yathormayaḥ || 41 ||
[Analyze grammar]

yathā patantyā tamasi dṛṣṭyā kimapi dṛśyate |
tathā jagadahaṃ ceti citāsatpratibhāsate || 42 ||
[Analyze grammar]

yathā dṛṣṭyā tamasyandhe cakrakādyapi dṛśyate |
tathādisarge'yamahamityasatyaṃ citohyate || 43 ||
[Analyze grammar]

cidghanasya mahāśakteryadeva pratibhāsanam |
tatprakṛtyādināmeha na sannāsannatacca tat || 44 ||
[Analyze grammar]

bṛṃhitā bharitākārā sattaikā pāramātmikī |
ābhāsaiḥ prasphuratyevamabdhirūrmyādibhiryathā || 45 ||
[Analyze grammar]

cidākāśamayaṃ sarvaṃ jagadityeva bhāvayan |
yastiṣṭhatyupaśāntecchaṃ sa brahmakavacaḥ sukhī || 46 ||
[Analyze grammar]

ahamarthavimuktena bhāvenābhāvarūpiṇā |
sarvaṃ śūnyaṃ nirālambaṃ cicchāntamiti bhāvayet || 47 ||
[Analyze grammar]

idaṃ ramyamidaṃ neti bījaṃ te duḥkhasantateḥ |
tasmin sāmyāgninā dagdhe duḥkhasyāvasaraḥ kutaḥ || 48 ||
[Analyze grammar]

rājanbhāvanamātreṇa ramyāramyavibhāgitā |
pauruṣātiśayenāntaḥ svenaivāśu vilīyate || 49 ||
[Analyze grammar]

abhāvanena bhāvānāṃ kartitvā karmakānanam |
paraṃ sametya rājendra viśokatara āssva bhoḥ || 50 ||
[Analyze grammar]

bharitabhuvanābhogo bhūtvā vibhāgabahiṣkṛto galitakalanollāsollāsī vikāsavilāsavān |
navanavamajo vṛddho'tyantaṃ cirāya nirāmayaḥ samasamasitasvacchābhogo bhavābhayacidvapuḥ || 51 ||
[Analyze grammar]