Chapter 120

bhṛṅgīśopākhyāne mahākartādyupadeśayogo nāma sargaḥ |
viṃśatyuttaraśatatamaḥ sargaḥ |
rāmaḥ |
hyo dine hi mayā praśnaḥ kṛta āsīnmunīśvara |
upaśāntiprakaraṇaprasare sa yathā kila || 1 ||
[Analyze grammar]

anantasyātmatattvasya kalaṅkakalanā kutaḥ |
abdheragādharūpasya rajorāśiḥ kuto bhavet || 2 ||
[Analyze grammar]

tatroktaṃ bhavatā brahmanmayyakālaikacodake |
siddhāntakāla evāsya praśnasyottaravāgiti || 3 ||
[Analyze grammar]

tadadya bhagavaṃstaṃ me hṛdayācchinddhi saṃśayam |
vākyaraśmibhirāśītaiḥ khānniśīva śaśī tamaḥ || 4 ||
[Analyze grammar]

tvadvākyāmṛtapānena saṃśayāṃśāpamṛtyavaḥ |
aśeṣeṇa vinaṣṭā me varṣaṇeneva pāṃsavaḥ || 5 ||
[Analyze grammar]

kṣamānavavadhūkāntaṃ tvāṃ pṛcchāmi tathāpyaham |
na rājate svayaṃ jñātaṃ jñānaṃ gurugiraṃ vinā || 6 ||
[Analyze grammar]

vasiṣṭhaḥ |
rāma rājīvapattrākṣa sādhu saṃsmṛtavānasi |
ke nāma vā samārambhāḥ prājñasyāyānti vandhyatām || 7 ||
[Analyze grammar]

kṣamaudāryaśamaprāyairguṇairyāto'si pātratām |
śāradaiśśālisaundaryaiśśrīmattāmiva bhūtalam || 8 ||
[Analyze grammar]

bhājanaṃ tvaṃ pavitrāṇāṃ siddhāntavacasāṃ sthitaḥ |
suraktakaṇṭhagītīnāṃ rāgaraktamanā iva || 9 ||
[Analyze grammar]

śrutvātmajñānasiddhāntaṃ tvamadyārdhaprabuddhavat |
na kriyādvaitadoṣeṇa gacchasyubhayanaṣṭatām || 10 ||
[Analyze grammar]

amahātmā hi vedāntasiddhāntāvagatāvitaḥ |
sarvaṃ brahmeti saṃyāti karmādvaitavaśādadhaḥ || 11 ||
[Analyze grammar]

kṣamādiguṇapūtātmā mahātmā tvādṛśastu yaḥ |
sarvaṃ brahmeti nirṇīya svabhāvādvaitametyalam || 12 ||
[Analyze grammar]

karmādvaitamanādṛtya nābhivāñchati nojjhati |
ātmatattvaikabhāvitvātsamatāmeti kevalam || 13 ||
[Analyze grammar]

sarveṣāmeva śāstrāṇāṃ sarvāsāmabhito dṛśām |
śṛṇu rāghava siddhāntamātmajñānaikadīpakam || 14 ||
[Analyze grammar]

janturna jāyate yena bhāvitena manāgapi |
bhavya evāṅga nābhavyo bhṛṣṭaṃ bījamivoṣare || 15 ||
[Analyze grammar]

idaṃ hi kathayantyuccairbodhaṃ paramupāgatāḥ |
vayaṃ svayaṃ ca jānīmaśśāstramevaṃ ca saṃsthitam || 16 ||
[Analyze grammar]

na tattvātattvayorbhedastaraṅgapayasoriva |
na satyāsatyayorbhedo jāgratsvapnārkayoriva || 17 ||
[Analyze grammar]

sattāyāṃ na tu bhedo'sti bhedo yaḥ kalpitastvayam |
vikalpo na kvacitsatyaḥ sattāmātramato'khilam || 18 ||
[Analyze grammar]

na satyāsatyayorbhedaḥ sattāyāmaṅga dṛśyate |
saṅkalpāntaraśailendrabāhyaśailendrayoriva || 19 ||
[Analyze grammar]

saṃvinmātraṃ hi puruṣo deho nāma na vidyate |
arthakriyā tadarthā ca saṃvidarthena pūryate || 20 ||
[Analyze grammar]

tadeva kalpitākāramagendrādīva dṛśyate |
asadrūpaśarīrārthamarthaḥ ka itaraiḥ kramaiḥ || 21 ||
[Analyze grammar]

antassvānubhavānandaphalā niśśeṣataḥ kriyāḥ |
samagrāṇāṃ padārthānāmāsavādyanubhūtivat || 22 ||
[Analyze grammar]

astīha kiñcidevaikaṃ na dvitīyāsti kalpanā |
nirmalo nitya ātmāsti yo nāstīva vyavasthitaḥ || 23 ||
[Analyze grammar]

naiva tasya malaṃ nāṅko na vicchedo na vastutā |
na sattā nāpi cāsattā tvattā mattā na caiva ca || 24 ||
[Analyze grammar]

ātmaivāstīha nānyo'sti tyaja rāmetarāṃ dhiyam |
nirdvitvo'tha nirekatvaḥ samo nityodito bhava || 25 ||
[Analyze grammar]

rāmaḥ |
tadete bhagavanbrūhi manobuddhyādayaḥ katham |
saṃsthitā yairiha proktamidaṃ śāstraṃ tvayā mayi || 26 ||
[Analyze grammar]

vasiṣṭhaḥ |
śāstrasaṃvyavahārārthaṃ śabdarāśiḥ prakalpitaḥ |
mithyaiṣa cittabuddhyādyo na rāma paramārthataḥ || 27 ||
[Analyze grammar]

citsattāmātramevaitatparākāśātmakaṃ tathā || 28 ||
[Analyze grammar]

apsattāmātramevaitadvīcyāvartādikaṃ yathā |
sarvo jagatpadārthaughaścidākāśātmakastathā || 29 ||
[Analyze grammar]

yathā svapne purānīkaṃ spandane vā yathānilaḥ || 30 ||
[Analyze grammar]

nityoditaṃ vimalarūpamanantamādyaṃ brahmāsti netarakalākalanaṃ hi kiñcit |
ityeva bhāvaya nirañjanatāmupeto nirvāṇamehi sakalāmalaśāntavṛttiḥ || 31 ||
[Analyze grammar]

anāmayaṃ brahma samastakalpakāryaikabījaṃ paramāṇurūpam |
bṛhacca tadbṛṃhitasarvabhāvaṃ khamasti nāstīva yadasti kiñcit || 32 ||
[Analyze grammar]

anyatkvacitkiñcididaṃ kadācinna sambhavatyeva sadapyasacca |
ityeva sādho dṛḍhaniścayo'ntaḥ sthitvā gatāśaṅkavilāsamāssva || 33 ||
[Analyze grammar]

antarmukhaḥ san satataṃ samastaṃ kurvanbahissthaṃ khalu kāryajātam |
na khedamāyāsi kadācideva vyomnaḥ samāṃ saṃsthitimabhyupaiṣi || 34 ||
[Analyze grammar]