Chapter 116

bṛhaspatikacaprabodho nāma sargaḥ |
ṣoḍaśottaraśatatamaḥ sargaḥ |
vasiṣṭhaḥ |
iti prāpya paraṃ yogamupadeśamanuttamam |
jīvanmukto babhūvāsau tato devaguroḥ sutaḥ || 1 ||
[Analyze grammar]

nirbhāvo nirahaṅkāraśchinnagranthiḥ praśāntadhīḥ |
kaco yathā sthito rāma tathā tiṣṭhāvikāravān || 2 ||
[Analyze grammar]

ahaṅkāramasadviddhi mainamāśraya mā tyaja |
asataśśaśaśṛṅgasya kila tyāgagrahau kutaḥ || 3 ||
[Analyze grammar]

asambhavatyahaṅkāre kva te maraṇajanmanī |
nabhaḥkṣetratayā vyuptaṃ kena saṅgṛhyate phalam || 4 ||
[Analyze grammar]

niraṃśaṃ śāntasaṅkalpaṃ sarvabhāvātmakaṃ tatam |
paramādapyaṇoḥ sūkṣmaṃ cinmātraṃ tvaṃ nirāmayam || 5 ||
[Analyze grammar]

yathāmbhasastaraṅgādi yathā hemno'ṅgadādi vā |
tadevātadivābhāsaṃ tathāhambhāvanaṃ citaḥ || 6 ||
[Analyze grammar]

abodhena jagatsarvaṃ māyāmayamiva sthitam |
bodhena sakalaṃ brahmarūpaṃ sampadyate'nagha || 7 ||
[Analyze grammar]

dvitvaikatvamatī tyaktvā śeṣasthaḥ sukhito bhava |
mā duḥkhito bhava vyarthaṃ tvaṃ mithyāpuruṣo yathā || 8 ||
[Analyze grammar]

māyeyamatiduṣpārā sāṃsārī sāratāṃ gatā |
śaradā mihikevāśu bodhenāyāti tānavam || 9 ||
[Analyze grammar]

rāmaḥ |
paramāmāgato'smyantastṛptiṃ jñānāmṛtena te |
avagrahabhayākrāntaḥ svāsāreṇeva cātakaḥ || 10 ||
[Analyze grammar]

amṛteneva sikto'hamantargacchāmi śītatām |
uparīva samastānāṃ tiṣṭhāmyatulasampadām || 11 ||
[Analyze grammar]

na tṛptimadhigacchāmi vacasāṃ vadatastava |
aindavīnāṃ marīcīnāṃ cakorastṛṣito yathā || 12 ||
[Analyze grammar]

tṛpto'pi bhūyaḥ pṛcchāmi tvāṃ praśnamimamīśvara |
ko nāma tṛpto'pyagrasthaṃ na pibatyamṛtāsavam || 13 ||
[Analyze grammar]

kimucyate muniśreṣṭha mithyāpuruṣanāmakam |
vastvavastūkṛtajagadvastujātaṃ vadāśu me || 14 ||
[Analyze grammar]

vasiṣṭhaḥ |
mithyāpuruṣabodhāya śṛṇu rāghava śobhanām |
imāmākhyāyikāṃ hāsajananīṃ madudīritām || 15 ||
[Analyze grammar]

asti kaścinmahābāho māyāyantramayaḥ pumān |
bālapelavadhīrmūḍho gūḍho maurkhyeṇa kevalam || 16 ||
[Analyze grammar]

sa ekānte kvacijjātaśśūnye tatraiva tiṣṭhati |
keśoṇḍukamiva vyomni mṛgatṛṣṇeva vā marau || 17 ||
[Analyze grammar]

tasmādanyanna tatrāsti yadasti ca sa eva tat |
yaccānyattatsadābhāsaṃ na sa paśyati durmatiḥ || 18 ||
[Analyze grammar]

saṅkalpastasya sañjātastatra vṛddhimupeyuṣaḥ |
khasyāhaṃ khamahaṃ khaṃ me khaṃ rakṣāmīti niścalaḥ || 19 ||
[Analyze grammar]

khaṃ sthāpayitvā rakṣāmi vastviṣṭaṃ rakṣyamādarāt |
iti sañcintayanvyomarakṣārthaṃ so'karodgṛham || 20 ||
[Analyze grammar]

tasya kośe babandhāsthāṃ rakṣitaṃ khaṃ mayetyasau |
gṛhākāśena santuṣṭaḥ sthitaḥ sa raghunandana || 21 ||
[Analyze grammar]

atha kālena tattasya gṛhaṃ nāśamupāyayau |
ṛtvantareṇarturiva vāteneva taraṅgakaḥ || 22 ||
[Analyze grammar]

hā gṛhākāśa naṣṭaṃ tvaṃ hā kva yātamasi kṣaṇāt |
hā hā bhagnamasi svacchamityathaitacchuśoca saḥ || 23 ||
[Analyze grammar]

iti śokaṃ ciraṃ kṛtvā punastatraiva durmatiḥ |
kūpaṃ cakre kharakṣārthaṃ kūpākāśaparo'bhavat || 24 ||
[Analyze grammar]

tato nāśaṃ sa kālena nītaḥ kūpo'pi tasya vai |
kūpākāśamahāśokavidhuro'sau tato'bhavat || 25 ||
[Analyze grammar]

kūpākāśapralāpānte kumbhaṃ tatraiva so'karot |
kumbhākāśaparo bhūtvā svayaṃ nirvṛtimāyayau || 26 ||
[Analyze grammar]

kumbho'pi tasya kālena nāśaṃ nīto raghūdvaha |
yāmeva diśamādatte durbhagaḥ sāpi naśyati || 27 ||
[Analyze grammar]

kumbhākāśapralāpānte kharakṣārthaṃ cakāra saḥ |
kuṇḍaṃ tatraiva tenāsau kuṇḍākāśaparo'bhavat || 28 ||
[Analyze grammar]

kuṇḍamapyasya kālena kānane nāśamāyayau |
tejaseva tamastena kuṇḍākaśāṃ śuśoca saḥ || 29 ||
[Analyze grammar]

kuṇḍakākāśaśokānte kharakṣārthaṃ cakāra saḥ |
catuśśālaṃ mahāśālaṃ tadākāśaparo'bhavat || 30 ||
[Analyze grammar]

tadapyasya jahārāśu kālaḥ kavalitaprajaḥ |
jīrṇaṃ parṇaṃ yathā vātaḥ sa tacchokaparo'bhavat || 31 ||
[Analyze grammar]

catuśśālakhaśokānte kharakṣārthaṃ cakāra ha |
kusūlamambudākāraṃ tadākāśaparaḥ sthitaḥ || 32 ||
[Analyze grammar]

tadapyasya jahārāśu kālo vāta ivāmbudam |
kusūlākāśaśokena tenāsau paryatapyata || 33 ||
[Analyze grammar]

evaṃ gṛhacatuśśālakumbhakuṇḍakusūlakaiḥ |
tasyāparyavasānātmā kālo'yamativartate || 34 ||
[Analyze grammar]

evaṃ sthitaḥ sa śaṭhadhīrgaganaṃ guhāyāṃ gṛhṇan gṛhe na gaganena kilātmabuddhyā |
duḥkhāntaraṃ ghanataraṃ ghanaduḥkhajālādāyāti yāti ca gatergatimaṅga mūḍhaḥ || 35 ||
[Analyze grammar]