Chapter 115

śikhidhvajopākhyānaṃ samāptaṃ nāma sargaḥ |
pañcadaśottaraśatatamaḥ sargaḥ |
vasiṣṭhaḥ |
etatte sarvamākhyātaṃ śikhidhvajakathānakam |
anena gaccha mārgeṇa na kadācana khidyase || 1 ||
[Analyze grammar]

etāṃ dṛṣṭimavaṣṭabhya rāghavāghavighātinīm |
nityaṃ nīrāgayā buddhyā tiṣṭhāvaṣṭabdhatatpadaḥ || 2 ||
[Analyze grammar]

yathā śikhidhvajo rājyaṃ kṛtavānevamīdṛśaḥ |
rāma vyavaharan rājye bhogamokṣamayo bhava || 3 ||
[Analyze grammar]

śikhidhvajakrameṇaiva yathā bodhamavāptavān |
kaco bṛhaspateḥ putrastathā budhyasva rāghava || 4 ||
[Analyze grammar]

rāmaḥ |
bṛhaspaterbhagavataḥ putro'sau bhagavān kacaḥ |
yathā prabuddho bhagavan samāsena tathā vada || 5 ||
[Analyze grammar]

vasiṣṭhaḥ |
śṛṇu rājan kathaṃ śrīmāñchikhidhvajavadeva saḥ |
prabodhaṃ paramaṃ yāto devadaiśikajaḥ kacaḥ || 6 ||
[Analyze grammar]

bālabhāvātsamuttīrṇaḥ saṃsārottaraṇonmukhaḥ |
kacaḥ padapadārthajño bṛhaspatimabhāṣata || 7 ||
[Analyze grammar]

kacaḥ |
bhagavan sarvadharmajña kathaṃ saṃsṛtipañjarāt |
asmānnirgamyate brūhi jantunā jīvatantunā || 8 ||
[Analyze grammar]

bṛhaspatiḥ |
anarthamakarāgārādasmātsaṃsārasāgarāt |
uttīryate nirudvegaṃ sarvatyāgena putraka || 9 ||
[Analyze grammar]

vasiṣṭhaḥ |
ityākarṇya kaco vākyaṃ pituḥ paramapāvanam |
sarvameva parityajya jagāmaikāntakānanam || 10 ||
[Analyze grammar]

bṛhaspatestadgamanaṃ nodvegāya babhūva ha |
saṃyoge ca viyoge ca mahānto hi samāśayāḥ || 11 ||
[Analyze grammar]

atha varṣeṣu yāteṣu triṣu pañcasu cānagha |
punaḥ prāpa mahāraṇye kasmiṃścitpitaraṃ kacaḥ || 12 ||
[Analyze grammar]

paripūjyābhivandyainaṃ samāliṅgitaputrakam |
apṛcchadvākpatiṃ bhūyaḥ sa kacaḥ klāntayā girā || 13 ||
[Analyze grammar]

kacaḥ |
adyedamaṣṭamaṃ varṣaṃ sarvatyāgaḥ kṛto mayā |
tathāpi tāta viśrāntiṃ nādhigacchāmyaninditām || 14 ||
[Analyze grammar]

vasiṣṭhaḥ |
evamārtamanasyasmin kace vadati kānane |
sarvameva tyajetyuktvā vākpatirdivamudyayau || 15 ||
[Analyze grammar]

gate tasmin kaco dehādvalkalādyapyaśeṣataḥ |
tatyājāmbudavarṣādi śaradīva nabhastalam || 16 ||
[Analyze grammar]

uvāsaiko diganteṣu śāntaśśūnyavapuśśvasan |
gatendvabhrārkatāreṇa śaradvyomnā samopamaḥ || 17 ||
[Analyze grammar]

punarvarṣatrayeṇaiṣa kasmiṃścitkānanāntare |
dūyamānamanāḥ prāpa tameva pitaraṃ gurum || 18 ||
[Analyze grammar]

kṛtapūjākramo bhaktyā samāliṅgitaputrakam |
apṛcchattamasau bhūyaḥ khedagadgadayā girā || 19 ||
[Analyze grammar]

kacaḥ |
tāta sarvaṃ parityaktaṃ kanthāveṇulatādyapi |
tathāpi nāsti viśrāntiḥ svapade kiṃ karomyaham || 20 ||
[Analyze grammar]

bṛhaspatiḥ |
cittaṃ sarvamiti prāhustattyaktvā putra rājase |
cittatyāgaṃ viduḥ sarvatyāgaṃ tyāgavido janāḥ || 21 ||
[Analyze grammar]

vasiṣṭhaḥ |
ityuktvā vākpatiḥ putraṃ pupluve tarasā nabhaḥ |
anviyeṣa kacaścittaṃ parityaktumakhinnadhīḥ || 22 ||
[Analyze grammar]

cintayannapyasau cittaṃ yadā veda na kānane |
tadā sañcintayāmāsa dhiyedamaviṣaṇṇayā || 23 ||
[Analyze grammar]

kacaḥ |
padārthavṛndaṃ dehādi na sarvamiti kathyate |
tadetatkiṃ kva vā vyarthaṃ nirāgaskaṃ tyajāmyaham || 24 ||
[Analyze grammar]

pituḥ sakāśaṃ gacchāmi jñātuṃ cittamahāripum |
jñātvā ca tattyajāmyāśu tatastiṣṭhāmi vijvaram || 25 ||
[Analyze grammar]

vasiṣṭhaḥ |
iti sañcintya sa kaca uttatāra triviṣṭapam |
vākpatiṃ prāpya sasnehaṃ vavande praṇanāma ca || 26 ||
[Analyze grammar]

papraccha cainamekānte kiṃ cittaṃ bhagavanmama |
svarūpaṃ brūhi cittasya yenaitatsantyajāmyaham || 27 ||
[Analyze grammar]

bṛhaspatiḥ |
cittaṃ nijamahaṅkāraṃ viduścittavido janāḥ |
antaryo'yamahambhāvo jantostaccittamucyate || 28 ||
[Analyze grammar]

kacaḥ |
manye'sya duṣkarastyāgo na siddhimupagacchati |
kathameṣa kila tyaktuṃ yujyate yogināṃ vara || 29 ||
[Analyze grammar]

bṛhaspatiḥ |
api puṣpāvadalanādapi locanamīlanāt |
sukaro'haṅkṛtityāgo na kleśo'tra manāgapi || 30 ||
[Analyze grammar]

kacaḥ |
trayastriṃśanmahākoṭīpramāṇasya mahāmate |
guro gīrvāṇavṛndasya kathametadvadāśu me || 31 ||
[Analyze grammar]

bṛhaspatiḥ |
yathaitadeva tanaya tathā śṛṇu vadāmi te |
ajñānamātrasaṃsiddhaṃ vastu jñānena naśyati || 32 ||
[Analyze grammar]

vastuto nāstyahaṅkāraḥ putra mithyābhramo hyasau |
asan sanniva sampanno bālavetālavacchaṭhaḥ || 33 ||
[Analyze grammar]

yathā rajjvāṃ bhujaṅgatvaṃ marāvambumatiryathā |
mithyāvabhāsātsphurati tathā mithyāpyahaṅkṛtiḥ || 34 ||
[Analyze grammar]

asadeva yathā dvitvaṃ mohādindorvilokyate |
tathā sphuratyahaṅkāro nasatyo nāma satyavat || 35 ||
[Analyze grammar]

ekamādyantarahitaṃ cinmātramamalaṃ tatam |
khādapyatitarāmacchaṃ vidyate sarvavedanam || 36 ||
[Analyze grammar]

sarvatra sarvadā sarvaprakāraṃ sarvajantuṣu |
tadevaikaṃ kacatyambu vilolāsviva vīciṣu || 37 ||
[Analyze grammar]

atra ko'yamahambhāvaḥ kuto vā kathamutthitaḥ |
kvābdherjāto rajorāśiḥ kvānalādutthitaṃ jalam || 38 ||
[Analyze grammar]

ayaṃ so'hamiti vyarthaṃ pratyayaṃ tyaja putraka |
tucchaṃ parimitākāraṃ dikkālavivaśīkṛtam || 39 ||
[Analyze grammar]

dikkālādyanavacchinnaṃ svacchaṃ nityoditaṃ tatam |
sarvārthamayamekārthaṃ cinmātramamalaṃ bhavān || 40 ||
[Analyze grammar]

phalakusumadalānāṃ sarvadiksaṃsthitānāṃ rasa iva jagatāṃ tvaṃ saṃsthitaḥ sarvadaiva |
vimalataracidātmā nityamevātyanantaḥ ka iva kila tavāhaṃniścayo bhāvamūrte || 41 ||
[Analyze grammar]