Moksopaya [sanskrit]

192,019 words | ISBN-10: 8120831470 | ISBN-13: 9788120831476

This Sanskrit edition of the Moksopaya. It is a large philosophical text dealing with “the science of liberation”. Similar to the Yoga-vasistha in content, the Mokshopaya-shastra was likely its predecessor, said to contain 30,000 shlokas (metrical verses). One of the core philosophies of the texts teaches the non-existence of cognitive objects; while holding such a view leads to an attitude of dispassion towards worldly matters.

śikhidhvajabodhanaṃ nāma sargaḥ |
aṣṭanavatitamaḥ sargaḥ |
vasiṣṭhaḥ |
evaṃ vadati vai kumbhe cittatyāgaṃ muhurmuhuḥ |
antarvicārayan somyo rājā vacanamabravīt || 1 ||
[Analyze grammar]

śikhidhvajaḥ |
hṛdayākāśavihago hṛdayadrumamarkaṭaḥ |
bhūyo bhūyo nirastaṃ hi samāyātyeva māṃ manaḥ || 2 ||
[Analyze grammar]

jānāmi naitadādātuṃ matsyaṃ bāla ivākulam |
tyāgamasya na jānāmi citramandha ivottamam || 3 ||
[Analyze grammar]

cittasyādau svarūpaṃ me yathāvadbhagavanvada |
tataścittaparityāgaṃ yathāvadbhagavanvada || 4 ||
[Analyze grammar]

kumbhaḥ |
vāsanaiva mahārāja svarūpaṃ viddhi cetasaḥ |
cittaśabdastu paryāyo vāsanāyā udāhṛtaḥ || 5 ||
[Analyze grammar]

tyāgastvasyātisukaraḥ susādhaḥ spandanādapi |
ratādapyadhikānandaḥ kusumādapi sundaraḥ || 6 ||
[Analyze grammar]

mūrkhasya tu manastyāgo nūnaṃ dussādhatāṃ gataḥ |
pukkasasyeva sāmrājyaṃ tṛṇasyeva sumerutā || 7 ||
[Analyze grammar]

śikhidhvajaḥ |
svarūpaṃ vedmi cittasya vāsanāmayamākulam |
tyāgo'sya manye dussādho vajranirdalanādapi || 8 ||
[Analyze grammar]

saṃsṛtyāmodapuṣpasya duḥkhatailatilasya ca |
jagadvālamṛṇālasya mohamārutakhasya ca || 9 ||
[Analyze grammar]

śarīrayantravāhasya hṛtpadmabhramarasya ca |
ayatnāccetasastyāgo yathā bhavati tadvada || 10 ||
[Analyze grammar]

kumbhaḥ |
sarvanāśo'sya yaḥ sādho cetasaḥ saṃsṛtikṣayaḥ |
sa eva cittasantyāga ityuktaṃ dīrghadarśibhiḥ || 11 ||
[Analyze grammar]

śikhidhvajaḥ |
cittatyāgādahaṃ manye cittanāśaḥ svasiddhaye |
abhāvaścetaso vyādheḥ kathamasyānubhūyate || 12 ||
[Analyze grammar]

kumbhaḥ |
ahambījadrumaṃ cittaṃ saśākhāphalapallavam |
unmūlaya samūlaṃ tvamākāśaviśado bhavan || 13 ||
[Analyze grammar]

śikhidhvajaḥ |
cetasaḥ kiṃ mune mūlaṃ ko'ṅkuraḥ kaśca sambhavaḥ |
kāśśākhāḥ ke ca vā skandhāḥ kathamunmūlyate ca tat || 14 ||
[Analyze grammar]

kumbhaḥ |
ahamarthodayo yo'yaṃ cidātmā vedanātmakaḥ |
etaccittadrumasyāsya viddhi bījaṃ jagadgatam || 15 ||
[Analyze grammar]

ahambhāvātmakaṃ vittvaṃ cittabījamudāhṛtam |
paramātmapadakṣetraṃ netraṃ māyāmayasya tat || 16 ||
[Analyze grammar]

etasmātprathamodbhinnād yo'ṅkuro'nubhavākṛtiḥ |
niścayātmā nirākāro buddhirityeva socyate || 17 ||
[Analyze grammar]

asya buddhyabhidhānasya yāṅkurasya prapīnatā |
saṅkalparūpiṇī tasyāścittaṃ nāma mano'bhidhā || 18 ||
[Analyze grammar]

jīvo mithyopalambhātmā śūnyātmāpyupalopamaḥ |
stambhaḥ kāyo'yametasya snāyvasthirasarañjitaḥ || 19 ||
[Analyze grammar]

deśāddeśāntare dūre deśakālavido'sya yāḥ |
śākhāstāścittavṛkṣasya dīrghā dūratarāstatāḥ || 20 ||
[Analyze grammar]

indriyāṇyatha bhogāśca bhāvābhāvamayormayaḥ |
viṭapaughā mahānto'sya śubhāśubhaphalākulāḥ || 21 ||
[Analyze grammar]

īdṛśasyāsya cittasya durvṛkṣasya pratikṣaṇam |
śākhāvilavanaṃ kurvanmūlakāṣe bharaṃ kuru || 22 ||
[Analyze grammar]

śikhidhvajaḥ |
cittadrumasya śākhādeḥ kurvāṇo'haṃ vikartanam |
kathaṃ karomi mūlasya niśśeṣaṃ kaṣaṇaṃ mune || 23 ||
[Analyze grammar]

kumbhaḥ |
vāsanā vividhāśśākhāḥ phalaskandhādinānvitāḥ |
abhāvitā bhavantyantarlūnāḥ saṃvidbalena te || 24 ||
[Analyze grammar]

asaṃsaktamanā maunī śāntavādavicāraṇaḥ |
samprāptakārī yaḥ so'ntarlūnacittalato bhavet || 25 ||
[Analyze grammar]

cittadrumalatājālaṃ pauruṣeṇa vikartayan |
yastiṣṭhati sa mūlasya yogyo nikaṣaṇe bhavet || 26 ||
[Analyze grammar]

gauṇaṃ śākhāvilavanaṃ mukhyaṃ mūlavikartanam |
cittavṛkṣasya tena tvaṃ mūlakāṣaparo bhava || 27 ||
[Analyze grammar]

mukhyatvena mahābuddhe mūladāhamalaṃ kuru |
cittakaṇṭakaṣaṇḍasya bhavatyevamacittatā || 28 ||
[Analyze grammar]

śikhidhvajaḥ |
ahambhāvātmanaścittadrumabījasya he mune |
ko'nalo dāhyadahanasamartho'rthakaro bhavet || 29 ||
[Analyze grammar]

kumbhaḥ |
rājan svātmavicāro'yaṃ ko'haṃ syāmiti rūpadhṛt |
cittadurdrumabījasya dahane dahanaḥ smṛtaḥ || 30 ||
[Analyze grammar]

śikhidhvajaḥ |
mune mayā mahābuddhyā bahuśaḥ pravicāritam |
yāvannāhaṃ jagannorvī na ca maṇḍalamaṇḍalam || 31 ||
[Analyze grammar]

nādrestaṭaṃ na vipinaṃ na parṇasadanādi vā |
jaḍatvānna ca dehādi na māṃsāsthyasṛgādi ca || 32 ||
[Analyze grammar]

karmendriyāṇyapi na ca na ca buddhīndriyāṇi ca |
na mano nāpi ca matirnāhambhāvaśca jāḍyataḥ || 33 ||
[Analyze grammar]

kaṭakatvaṃ yathā hemni tathāhantvaṃ cidātmani |
jaḍaṃ tvasadrūpatayā tena tannāsmi he mune || 34 ||
[Analyze grammar]

sanniveśaviśeṣātmaśabdārthādi pare pade |
vidyate nātyanantatvānnabhasīva mahādrumaḥ || 35 ||
[Analyze grammar]

jānannapīti bhagavannahantvamalamārjanam |
antaryadā na jānāmi tena tapye mahāmune || 36 ||
[Analyze grammar]

kumbhaḥ |
etāvanmātrakaṃ vṛndaṃ yadi na tvaṃ mahīpate |
jaḍatvāttanmahābuddhe yo'si taṃ vada me navam || 37 ||
[Analyze grammar]

śikhidhvajaḥ |
cinmātramahamacchātmavedanaṃ viduṣāṃ vara |
yatra bhāvāḥ svadantyete nirmīyante ca yena vā || 38 ||
[Analyze grammar]

evaṃrūpasya me lagnaṃ nūnaṃ malamakāraṇam |
sakāraṇaṃ cāhamiti yattattyaktuṃ na vedmyaham || 39 ||
[Analyze grammar]

asadetadanātmīyaṃ pramārṣṭuṃ malamātmanaḥ |
mune yadā na śakto'smi tena tapye sudāruṇam || 40 ||
[Analyze grammar]

kumbhaḥ |
brūhi kiṃ tanmahābāho lagnaṃ tava malaṃ mahat |
sthito'si yena saṃsārī satā vāpyasatātha vā || 41 ||
[Analyze grammar]

śikhidhvajaḥ |
cittadrumasya yadbījamahambhāvaḥ sa me malam |
tacca tyaktuṃ na jānāmi tyaktaṃ tyaktamupaiti mām || 42 ||
[Analyze grammar]

kumbhaḥ |
kāraṇājjāyate kāryaṃ yattatsarvatra sadbhavet |
anyattvasaddvicandrābhaṃ dṛṣṭameva na vidyate || 43 ||
[Analyze grammar]

kāraṇājjāyate kāryamahambhāvātmakaṃ tataḥ |
itikāraṇamanviṣya kathayāśu mamātmanā || 44 ||
[Analyze grammar]

śikhidhvajaḥ |
mune'hamiti doṣasya vedanaṃ vedmi kāraṇam |
tad yathopaśamaṃ yāti tanme vada munīśvara || 45 ||
[Analyze grammar]

citaścetyonmukhatvena duḥkhāyāhamiti sthitaḥ |
cetyopaśamanaṃ brūhi mune tadupaśāntaye || 46 ||
[Analyze grammar]

kumbhaḥ |
kāraṇaṃ kāraṇajño'si vedanasya vadāśu me |
tatastvāṃ bodhayiṣyāmi kāraṇākāraṇakramam || 47 ||
[Analyze grammar]

vedyavedanarūpasya cetyasañcetanasya ca |
akāraṇaṃ kāraṇatāṃ yadgataṃ tava tadvada || 48 ||
[Analyze grammar]

śikhidhvajaḥ |
cetyacetanarūpasya vedyasaṃvedanākṛteḥ |
iyaṃ padārthasatteha dehādyā kāraṇaṃ mune || 49 ||
[Analyze grammar]

śarīrāditayodeti vedanaṃ vastusattayā |
asatyābhāsayā spando yathā pavanalekhayā || 50 ||
[Analyze grammar]

asattāṃ vastusattāyā nāvagacchāmyahaṃ yayā |
ahantvavedanaṃ cittabījaṃ samupaśāmyati || 51 ||
[Analyze grammar]

kumbhaḥ |
vidyate yadi dehādivastusattā tadasti te |
abhāvāddehasattādeḥ kiṃniṣṭhaṃ tava vedanam || 52 ||
[Analyze grammar]

śikhidhvajaḥ |
yasyopalabhyate kiñcitsvarūpaṃ kalanātmakam |
asadrūpaṃ kathaṃ tatsyātprakāśaḥ syātkathaṃ tamaḥ || 53 ||
[Analyze grammar]

hastapādādisaṃyuktaḥ kriyāphalavilāsavān |
sadānubhūyamāno'pi deho nāsti kathaṃ mune || 54 ||
[Analyze grammar]

kumbhaḥ |
kāraṇaṃ yasya kāryasya bhūmipāla na vidyate |
vidyate neha tatkāryaṃ tatsaṃvittistu vibhramaḥ || 55 ||
[Analyze grammar]

kāraṇena vinā kāryaṃ vidyate na kadācana |
vidyate yasya no bījaṃ taddravyaṃ kveva jāyate || 56 ||
[Analyze grammar]

akāranaṃ tu yatkāryaṃ sadivāgre'nubhūyate |
taddraṣṭurvibhramaṃ viddhi mṛgatṛṣṇājalopamam || 57 ||
[Analyze grammar]

avidyamānameva tvaṃ viddhi mithyābhramoditam |
nātiyatnavatāpyetanmṛgatṛṣṇāmbu labhyate || 58 ||
[Analyze grammar]

asato dvīndubimbāderna yuktaṃ kāraṇekṣaṇam |
vandhyātanayasarvāṅgamaṇḍanaṃ kasya rājate || 59 ||
[Analyze grammar]

kāraṇena vinā kāryaṃ śarīrādyasthipañjaram |
avidyamānamevedaṃ viddhyasambhavato nṛpa || 60 ||
[Analyze grammar]

śikhidhvajaḥ |
hastapādādiyuktasya śarīrasya munīśvara |
nityamālakṣyamāṇasya pitā kasmānna kāraṇam || 61 ||
[Analyze grammar]

kumbhaḥ |
kāraṇābhāvato rājanpitā nāma na vidyate |
asato yattu sañjātamasadeva taducyate || 62 ||
[Analyze grammar]

padārthānāṃ ca kāryāṇāṃ kāraṇaṃ bījamucyate |
sambhavatyaṅga jagati na bījena vināṅkuraḥ || 63 ||
[Analyze grammar]

tasmānna kāraṇaṃ yasya kāryasyehopapadyate |
bījābhāve hi tannāsti tatsaṃvittistu vibhramaḥ || 64 ||
[Analyze grammar]

avaśyameva yannāsti nirbījaṃ tanmatibhramaḥ |
dvīndutvamarubhūmyambuvandhyāputradṛśā samaḥ || 65 ||
[Analyze grammar]

śikhidhvajaḥ |
pitāmahānāṃ putrāṇāṃ pitṝṇāṃ ca jagattraye |
ādyaḥ pitāmahaḥ kasmātpūrvotpanno na kāraṇam || 66 ||
[Analyze grammar]

kumbhaḥ |
ādyaḥ pitāmaho yaḥ syātso'pi nāstyeva bhūpate |
kāraṇābhāvato nityaṃ yadā kāryaṃ na kasyacit || 67 ||
[Analyze grammar]

kāraṇasya svabījasya nityābhāvātpitāmahaḥ |
ādyaḥ sandṛśyamāno'pi bhramādanyo na vidyate || 68 ||
[Analyze grammar]

mṛgatṛṣṇāmbuvadbhrāntirūpa evāvabhāsate |
pitāmaho'rthakāritvamapi tvasya bhramātmakam || 69 ||
[Analyze grammar]

pitāmahāderetasya mithyāpratyayatastviti |
ghanatā tu nivṛttaiva mārjayiṣyāmyathetarat || 70 ||
[Analyze grammar]

tasmāccidātmakatayātmani cinnabho yannityaṃ svayaṃ kacati cāru tadeṣa devaḥ |
tenaiva padmaja iti svayamātmanātmā proktaḥ kharūpa iti śāntamidaṃ samastam || 71 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Moksopaya Chapter 98

Cover of edition (2008)

The Yogavasistha of Valmiki
by Vasudeva Laxmana Sharma Pansikar (2008)

With the Commentary Vasistha Maharamayana Tatparyaprakasa (Volume I and II): Sanskrit Only; [Motilal Banarsidass Publishers Pvt. Ltd.]

Buy now!
Like what you read? Consider supporting this website: