Chapter 96

vāraṇavṛttāntavivaraṇaṃ nāma sargaḥ |
ṣaṇṇavatitamaḥ sargaḥ |
yaduktaṃ nayaśālinyā tayā viditavedyayā |
tadā cūḍālayā jñānaṃ tatkasmānnorarīkṛtam || 1 ||
[Analyze grammar]

sā hi tattvavidāṃ mukhyā yad yadvakti karoti ca |
tatsarvaṃ satyamevāṅga tadanuṣṭheyamādarāt || 2 ||
[Analyze grammar]

atha cedvacanaṃ tasyāstvayā nānuṣṭhitaṃ nṛpa |
tatsa sarvaparityāgaḥ kasmānna nipuṇīkṛtaḥ || 3 ||
[Analyze grammar]

śikhidhvajaḥ |
rājyaṃ tyaktaṃ gṛhaṃ tyaktaṃ deśastyaktastathāvidhaḥ |
dārāstyaktāstathāpyaṅga sarvatyāgo na kiṃ kṛtaḥ || 4 ||
[Analyze grammar]

cūḍālā |
dhanaṃ dārā gṛhaṃ rājyaṃ bhūmiśchattraṃ ca bāndhavāḥ |
iti sarvaṃ na te rājan sarvatyāgo'tra kastava || 5 ||
[Analyze grammar]

tavāstyevāparityaktaḥ sarvasmādbhāga uttamaḥ |
taṃ parityajya niśśeṣaṃ parāmāyāsyaśokatām || 6 ||
[Analyze grammar]

śikhidhvajaḥ |
rājyaṃ cenmama no sarvaṃ tatsarvaṃ vanameva me |
sālavṛkṣādigulmāḍhyaṃ tadapyetattyajāmyaham || 7 ||
[Analyze grammar]

vasiṣṭhaḥ |
iti rāma vadanneva kumbhavākyapracoditaḥ |
nimeṣāntaramātreṇa vaśī vīraśśikhidhvajaḥ || 8 ||
[Analyze grammar]

pramamārja vanāsthāṃ tāṃ hṛdaḥ sudṛḍhaniścayaḥ |
prāvṛḍvātastaṭagatāṃ rajorekhāmivātmanaḥ || 9 ||
[Analyze grammar]

śikhidhvajaḥ |
savṛkṣādivanaśvabhrādvipinādapi vāsanā |
parityaktā mayā nūnaṃ sarvatyāgaḥ sthito mama || 10 ||
[Analyze grammar]

kumbhaḥ |
adrestaṭavanaṃ śvabhraṃ salilaṃ pādapāḥ sthalam |
ityādi tava no sarvaṃ sarvatyāgaḥ kathaṃ tava || 11 ||
[Analyze grammar]

tavāstyevāparityaktaḥ sarvasmādbhāga uttamaḥ |
taṃ parityajya niśśeṣaṃ parāmāyāsyaśokatām || 12 ||
[Analyze grammar]

śikhidhvajaḥ |
etaccenmama no sarvaṃ tatsarvaṃ svāśramo mune |
vāpīsthaloṭajayutastamevāśu tyajāmyaham || 13 ||
[Analyze grammar]

vasiṣṭhaḥ |
iti rāma vadanneva kumbhavākyapracoditaḥ |
nimeṣadhyānamātreṇa vaśī vīraśśikhidhvajaḥ || 14 ||
[Analyze grammar]

pramamārjāśramāsthāṃ tāṃ saṃvidā śuddhayā hṛdi |
sphurantīṃ sphuraṇenaiva rajorekhāmivānilaḥ || 15 ||
[Analyze grammar]

śikhidhvajaḥ |
savṛkṣoṭajavīrutkādvāsanā svāśramādapi |
parityaktā mayā nūnaṃ sarvatyāgaḥ sthito mama || 16 ||
[Analyze grammar]

kumbhaḥ |
vṛkṣo vāpī sthalaṃ gulma uṭajaṃ vratatīvṛtiḥ |
iti kiñcinna te sarvaṃ sarvatyāgaḥ kutastava || 17 ||
[Analyze grammar]

tavāstyanyo'parityaktaḥ sarvasmādbhāga uttamaḥ |
taṃ parityajya niśśeṣaṃ parāmāyāsyaśokatām || 18 ||
[Analyze grammar]

śikhidhvajaḥ |
etaccenmama no sarvaṃ tatsarvaṃ bhājanādi me |
carmakuṭyakṣasūtrādi tattāvatsantyajāmyaham || 19 ||
[Analyze grammar]

vasiṣṭhaḥ |
ityuktvā sa samuttasthāvavikṣubdhamanāśśamī |
viṣṭarādavadātātmā śṛṅgādiva śaradghanaḥ || 20 ||
[Analyze grammar]

kumbhastvālokayanneva tatkriyāṃ saṃsthitaḥ samām |
āsane lokakāryeṣu sve syandana ivāṃśumān || 21 ||
[Analyze grammar]

yatkaroti karotvetadasyaitatpāvanaṃ param |
iti tūṣṇīṃ sthitaḥ kumbhaśśikhidhvajamavaikṣata || 22 ||
[Analyze grammar]

śikhidhvajastu tatsarvaṃ bhāṇḍopaskaramāśramāt |
ekatraivānayāmāsa bhuvo vāryabdhibhūriva || 23 ||
[Analyze grammar]

tatsaṃsthāpyendhanaiśśuṣkairjvalayāmāsa pāvakam |
karasañcāravānarkaḥ sūryakāntataṭaṃ yathā || 24 ||
[Analyze grammar]

bhāṇḍopaskarajātaṃ tadagnau tyaktuṃ viveśa saḥ |
bṛsikāyāṃ jagaddagdhuṃ meruśṛṅge yathā raviḥ || 25 ||
[Analyze grammar]

etāvantaṃ mayā kālaṃ vṛto yattvaṃ vratipriya |
ajātabuddhibhedena tenaivānṛṇyamastu te || 26 ||
[Analyze grammar]

bhrāntau tu vinivartinyāṃ nādhunopakaroṣi me |
devaputraprasādena daṇḍakāṣṭha namo'stu te || 27 ||
[Analyze grammar]

ityuktvā vaiṇavaṃ daṇḍaṃ cikṣepāgnau śikhidhvajaḥ |
gāṅgaṃ pravāhamādīrghaṃ vaḍavāgnāvivārṇavaḥ || 28 ||
[Analyze grammar]

prasaṅkhyātānyasaṅkhyāni janmānīva tvayā mayā |
sakhi mantrapadānyadya yāhi nopakaroṣi me || 29 ||
[Analyze grammar]

mantrāṭavyāṃ ciraṃ bhrāntaṃ vihṛtaṃ kāryavartmasu |
dṛṣṭāni dharmasthānāni viśrāmyāmyadhunā sakhi || 30 ||
[Analyze grammar]

ityakṣamālāṃ jvalane cikṣepoktvā śikhidhvajaḥ |
kalpāntāgnāviva vyomatārālīṃ pavano'malām || 31 ||
[Analyze grammar]

mayā naramṛgeṇa tvaṃ ciraṃ vanamṛgacyutam |
abodhena dhṛtaṃ vṛttyā dayayeva mṛgājina || 32 ||
[Analyze grammar]

idānīṃ gaccha sacchāya panthānaḥ santu te śivāḥ |
vahninā vyomatāṃ gaccha satāraṃ vyoma te samam || 33 ||
[Analyze grammar]

unmocyāṅgātkarābhyāṃ ca dhṛtvā carma jahāviti |
nṛpo'gnāvambudaṃ vāto davavahnāvivācalāt || 34 ||
[Analyze grammar]

mayā dhṛtena bhavatā tvayā vāri dhṛtaṃ mama |
sādho kamaṇḍalo samyakkṛte pratikṛtaṃ kṛtam || 35 ||
[Analyze grammar]

sauhṛdasya manojñasya saujanyasya sthirasya ca |
sādhutvasya ca sarvasya tvamekaḥ paramāspadam || 36 ||
[Analyze grammar]

yenaiva vahninā dehaṃ saṃśodhyābhyāgato'si mām |
tenaiva gaccha he mitra panthānaḥ santu te śivāḥ || 37 ||
[Analyze grammar]

ityuktvā śrotriyāyaiṣa kamaṇḍalumadāttadā |
agnaye mahate vāpi dātavyaṃ sādhu yadbhavet || 38 ||
[Analyze grammar]

mūrkhasyeva matirgupte nityameva vasasyadhaḥ |
ucitā te gatiḥ keva bṛsike bhasmatāṃ vraja || 39 ||
[Analyze grammar]

ityuktvādāya bṛsikāmagnāvindhanavṛddhidām |
śuddhyarthamāsanārthaṃ cetyagnau tatyāja bhāsure || 40 ||
[Analyze grammar]

yattyājyamacireṇaiva tyaktavyaṃ kila tatsatā |
upāyaḥ kriyate sadbhirupādeye mate sati || 41 ||
[Analyze grammar]

śīghramagnāvidaṃ sarvaṃ bhāṇḍajālaṃ tyajāmyaham |
ekavāraṃ dahannagnirdāhyaṃ bhavati tuṣṭaye || 42 ||
[Analyze grammar]

sādho kriyopakaraṇa niṣkriyastvāṃ tyajāmyaham |
na khedastvatra kartavyo'nupayogyaṃ bibharti kaḥ || 43 ||
[Analyze grammar]

ityuktavāñjhagiti bhojanabhājanādyaṃ sarvaṃ juhāva vanavāsavilāsayogyam |
tadbhāṇḍajālamanale samameva rājā kalpāntatejasi jagajjvalatīva kālaḥ || 44 ||
[Analyze grammar]