Chapter 85

pañcakavicārayogo nāma sargaḥ |
pañcāśītitamaḥ sargaḥ |
vasiṣṭhaḥ |
etatpañcakabījaṃ yatkuṇḍalinyāṃ tadantare |
prāṇamārutarūpeṇa tasyāṃ sphurati sarvadā || 1 ||
[Analyze grammar]

sāntaḥ kuṇḍalinī spandasparśasaṃvitkalāmalā |
kaloktā kalanenāśu kathitā cetanena cit || 2 ||
[Analyze grammar]

jīvanājjīvatāṃ yātā mananācca manaḥ sthitā |
saṅkalpātsaiva saṅkalpo bodhādbuddhiriti smṛtā || 3 ||
[Analyze grammar]

ahaṅkārakalāṃ yātā saiṣā puryaṣṭakābhidhā |
sthitā kuṇḍalinī dehe jīvaśaktiranuttamā || 4 ||
[Analyze grammar]

apānatāmupāgatya satataṃ pravahatyadhaḥ |
samānanāmnī madhyasthā udānākhyoparisthitā || 5 ||
[Analyze grammar]

adhastvapānarūpaiva madhye somyaiva sarvadā |
pṛṣṭhādudānarūpaiva puṃsaḥ svasthasya tiṣṭhati || 6 ||
[Analyze grammar]

sarvayatnamadho yātā yadi yatnānna dhāryate |
tatpumānmṛtimāyāti tayā nirgatayā balāt || 7 ||
[Analyze grammar]

samastaivordhvamāyātā yadi yuktyā na dhāryate |
tatpumānmṛtyumāyāti tayā nirgatayā balāt || 8 ||
[Analyze grammar]

sarvathātmani cettiṣṭhettyaktvordhvādhogamāgamam |
tajjantorjāyate vyādhirmalamārutarodhataḥ || 9 ||
[Analyze grammar]

sāmānyanāḍīvaidhuryātsāmānyavyādhisambhavaḥ |
pradhānanāḍīvaidhuryātpradhānavyādhisambhavaḥ || 10 ||
[Analyze grammar]

rāmaḥ |
kiṃvināśāḥ kimutpādāśśarīre'sminmunīśvara |
ādhayo vyādhayaścaiva yathāvatkathayāśu me || 11 ||
[Analyze grammar]

vasiṣṭhaḥ |
ādhayo vyādhayaścaiva dvayaṃ duḥkhasya kāraṇam |
tannivṛttiṃ sukhaṃ vidyāttatkṣayo mokṣa ucyate || 12 ||
[Analyze grammar]

mithaḥ kadācijjāyete kadācitsamameva tu |
paryāyeṇa kadācittāvādhivyādhī śarīrake || 13 ||
[Analyze grammar]

dehaduḥkhaṃ vidurvyādhimādhyākhyaṃ vāsanāmayam |
maurkhyamūle hi te vidyāttattvajñānaparikṣaye || 14 ||
[Analyze grammar]

atattvajñānavaśataḥ svendriyākramaṇaṃ vinā |
hṛdi tānavamujjhatsu rāgadveṣeṣvanāratam || 15 ||
[Analyze grammar]

idaṃ prāptamidaṃ neti jāḍyāndhyaghanamohadāḥ |
ādhayaḥ sampravartante varṣāsu mihikā iva || 16 ||
[Analyze grammar]

bhṛśaṃ sphurantīṣvicchāsu maurkhyāccetasyanirjite |
durannābhyavahāreṇa durdeśākramaṇena ca || 17 ||
[Analyze grammar]

duṣkālavyavahāreṇa duṣkriyāsphuraṇena ca |
durjanāsaṅgadoṣeṇa durbhāvodbhavanena ca || 18 ||
[Analyze grammar]

kṣīṇatvādvā prapūrṇatvānnāḍiṣvasukhasaṃsṛtau |
prāṇe vidhuratāṃ yāte kupatheva navādhvage || 19 ||
[Analyze grammar]

daussthityakāraṇaṃ doṣādvyādhirdehe pravartate |
nadyāṃ prāvṛṇnidāghābhyāmivākāraviparyayaḥ || 20 ||
[Analyze grammar]

prāktanī vaihikī vāpi śubhā vāpyaśubhā matiḥ |
yaivādhikā saiva tathā tasminyojayati krame || 21 ||
[Analyze grammar]

ādhayo vyādhayaścaivaṃ jāyante bhūtapañcake |
kathaṃ śṛṇu vinaśyanti rāghavāṇāṃ kulodvaha || 22 ||
[Analyze grammar]

dvividho hyādhirastīha sāmānyaḥ sāra eva ca |
vyavahārastu sāmānyaḥ sāro janmamayaḥ smṛtaḥ || 23 ||
[Analyze grammar]

prāptenābhimatenaiva naśyanti vyāvahārikāḥ |
ādhikṣayeṇādhibhavāḥ kṣīyante vyādhayo'pyalam || 24 ||
[Analyze grammar]

ātmajñānaṃ vinā sāro nādhirnaśyati rāghava |
bhūyo rajjvavabodhena rajjusarpo hi naśyati || 25 ||
[Analyze grammar]

ādhivyādhivilāsānāṃ rāma sārādhisaṅkṣayaḥ |
sarveṣāṃ mūlahā prāvṛṇnadīva taṭavīrudhām || 26 ||
[Analyze grammar]

anādhijā vyādhayastu dravyamantraśubhakramaiḥ |
cikitsakādiśāstroktairnaśyantyabhrairivātapāḥ || 27 ||
[Analyze grammar]

snānamantrauṣadhopāyavaktṝṇyadhigatāni ca |
tvayā cikitsāśāstrāṇi kimanyadupadiśyate || 28 ||
[Analyze grammar]

rāmaḥ |
ādheḥ kathaṃ bhavedvyādhiḥ kathaṃ ca sa vinaśyati |
dravyāditarayā yuktyā mantrapuṇyādipūrvayā || 29 ||
[Analyze grammar]

vasiṣṭhaḥ |
citte vidhurite dehaḥ samyaṅ nānubhavatyayam |
yathā hi ruṣito janturagrameva na paśyati || 30 ||
[Analyze grammar]

anapekṣya yathāprāptamamārgamanudhāvati |
prakṛtaṃ mārgamutsṛjya śarārto hariṇo yathā || 31 ||
[Analyze grammar]

saṅkṣobhātsāmyamutsṛjya vahanti prāṇavāyavaḥ |
dehe gajaghaṭārtāni payāṃsīva sarittaṭe || 32 ||
[Analyze grammar]

asamaṃ vahati prāṇe nāḍyo yānti visaṃsthitim |
asamyaksaṃsthite bhūpe yathā varṇāśramakramāḥ || 33 ||
[Analyze grammar]

kāścinnāḍyaḥ prapūrṇatvaṃ yānti kāścicca riktatām |
prāṇe vidhurite deśe sarvartau sarito yathā || 34 ||
[Analyze grammar]

kujīrṇatvamajīrṇatvamatijīrṇatvameva vā |
doṣāyaiva prayātyannaṃ prāṇasañcāraduṣkramaiḥ || 35 ||
[Analyze grammar]

yathā kāṣṭhāni nayati prāptaṃ deśaṃ saridrayaḥ |
tathānnāni nayatyantaḥ prāṇavātaḥ svamāśrayam || 36 ||
[Analyze grammar]

yānyannāni virodhena tiṣṭhantyantaśśarīrake |
tānyeva vyādhitāṃ yānti pariṇāmasvabhāvataḥ || 37 ||
[Analyze grammar]

evamādherbhavedvyādhirādhyabhāvācca naśyati |
yathā mantraiśca naśyanti vyādhayastatkramaṃ śṛṇu || 38 ||
[Analyze grammar]

yathā virekaṃ kurvanti harītakyaḥ svabhāvataḥ |
bhāvanāvaśataḥ kāryaṃ tathā yaralavādayaḥ || 39 ||
[Analyze grammar]

śuddhayā puṇyayā sādho kriyayā sādhusevayā |
manaḥ prayāti vaimalyaṃ nikaṣeṇeva kāñcanam || 40 ||
[Analyze grammar]

ānando vardhate dehe śuddhe cetasi rāghava |
pūrṇendāv udite vyabhre nairmalyaṃ bhuvane yathā || 41 ||
[Analyze grammar]

sattvaśuddhau vahantyete krameṇa prāṇavāyavaḥ |
jarayanti tathānnāni vyādhistena vinaśyati || 42 ||
[Analyze grammar]

ādhivyādhyoriti proktau nāśotpattikramau tvayi |
kuṇḍalinyāḥ kathāyogādadhunā prakṛtaṃ śṛṇu || 43 ||
[Analyze grammar]

puryaṣṭakāparākhyasya jīvasya prathamāśrayam |
viddhi kuṇḍalinīmantarāmodasyeva mañjarīm || 44 ||
[Analyze grammar]

tāṃ yadā pūrakābhyāsādāpūrya sthīyate ciram |
tadaiti mairavaṃ sthairyaṃ kāyasyāpīnatā tathā || 45 ||
[Analyze grammar]

yadā pūrakapūrṇāntaramuktaprāṇamārutam |
nīyate saṃvidaivordhvaṃ soḍhagharmaklamaśramaṃ || 46 ||
[Analyze grammar]

sarpī prakupitevoccairyāti daṇḍopamāṃ gatā |
nāḍīḥ sarvāḥ samādāya dehe baddhā latopamā || 47 ||
[Analyze grammar]

tadā samastamevemaṃ khaṃ plāvayati dehakam |
nīrandhrā pavanāpūrṇā bhastrevāmbugataṃ naram || 48 ||
[Analyze grammar]

ityabhyāsavilāsena yogena vyomagāmitām |
yoginaḥ prāpnuvantyuccairdīnāste sudaśāmiva || 49 ||
[Analyze grammar]

brahmanāḍipravāheṇa śaktiḥ kuṇḍalinī yadā |
bahirūrdhvapravāheṇa dvādaśāṅgulamūrdhani || 50 ||
[Analyze grammar]

recakena prayogeṇa nāḍyantaranirodhinā |
muhūrtaṃ sthitimāpnoti tadā vyomagadarśanam || 51 ||
[Analyze grammar]

rāmaḥ |
darśanaṃ kīdṛśaṃ brahmannayanāṃśugaṇaṃ vinā |
anyeṣāmindriyāṇāṃ ca tattvamevaṃ kathaṃ bhavet || 52 ||
[Analyze grammar]

vasiṣṭhaḥ |
na kecana mahābāho bhūcareṇa nabhaścarāḥ |
adivyairāśritājñānairdṛśyante puruṣendriyaiḥ || 53 ||
[Analyze grammar]

vijñānādūrasaṃsthena buddhinetreṇa rāghava |
dṛśyante vyomagāḥ siddhāḥ svapnavatsvārthadā api || 54 ||
[Analyze grammar]

svapnāvalokanaṃ yadvattadvatsiddhāvalokanam |
kevalo'yaṃ viśeṣo yatsiddhaprāptau sthirārthatā || 55 ||
[Analyze grammar]

mukhādbahirdvādaśānte recakābhyāsayuktitaḥ |
prāṇe ciraṃ sthitiṃ nīte praviśantyaparāṃ purīm || 56 ||
[Analyze grammar]

rāmaḥ |
vada svabhāvasya kathaṃ brahmanna calati sthitiḥ |
vaktāraḥ sānukampā hi duṣpraśne'pi na khedinaḥ || 57 ||
[Analyze grammar]

vasiṣṭhaḥ |
śaktirvastusvabhāvākhyā yathā sphurati yātmanaḥ |
sargādinā tathaivāsau sthitiṃ yātīti niścayaḥ || 58 ||
[Analyze grammar]

avastutvādavidyāyā vastuśaktirapi kvacit |
bhidyate dṛśyate hyaṅga vasante śāradaṃ phalam || 59 ||
[Analyze grammar]

sarvamevaṃvidhaṃ brahma nānānānātayānayā |
dṛśyate vyavahārārthaṃ kevalaṃ kalpyate sthitiḥ || 60 ||
[Analyze grammar]

rāmaḥ |
sūkṣmacchidrādigatyarthaṃ pūraṇārthaṃ ca khasya vā |
aṇutāṃ sthūlatāṃ vāpi kāyo'yaṃ nīyate katham || 61 ||
[Analyze grammar]

vasiṣṭhaḥ |
kāṣṭhakrakacayośśleṣād yathā cchedaḥ pravartate |
tayoḥ saṅgharṣaṇādagniḥ svabhāvājjāyate tathā || 62 ||
[Analyze grammar]

māṃsābjayantraṃ jaṭhare sthitaṃ śliṣṭamukhaṃ mithaḥ |
ūrdhvādhassammilanmūlaṃ dyubhūmyoriva vai talam || 63 ||
[Analyze grammar]

tasya kuṇḍalinī lakṣmīrnilīnāntarnijāspade |
padmarāgasamudgasya kośe muktāvalī yathā || 64 ||
[Analyze grammar]

āvartaphenamāleva nityaṃ śalaśalāyate |
daṇḍāhateva bhujagī susannatavivartanā || 65 ||
[Analyze grammar]

dyāvāpṛthivyormadhyasthā kriyeva spandarūpiṇī |
saṃvinmadhuvibodhotthā hṛtpadmapuṭaṣaṭpadī || 66 ||
[Analyze grammar]

tatsarvaṃ śaktipadmādi bāhyairābhyantaraiḥ sadā |
hṛdi vyādhūyate vātairabhravṛndamivābhitaḥ || 67 ||
[Analyze grammar]

yad yadvyoma sphuratyaṅga svabhāvāttatra vāyavaḥ |
pelavaṃ mṛdu yatkiñcittattatpracalayantyalam || 68 ||
[Analyze grammar]

vātairāhanyamānaṃ tatpadmādi taralāyate |
hṛdyanyo'nyanikāṣeṇa pallavādi yathā tarau || 69 ||
[Analyze grammar]

dehoṣmakāraṇaṃ sarvarasādipacanodyatam |
janayatyagnimanyo'nyasaṅgharṣādghanaveṇuvat || 70 ||
[Analyze grammar]

svabhāvaśītaśītātmā dehastenauṣṇyametyalam |
uditena sa sarvāṅgaṃ bhuvanaṃ bhānunā yathā || 71 ||
[Analyze grammar]

sarvato visaradraśmi tattejastārakākṛti |
hṛtpadmahemabhramaro yogināṃ cintyatāṃ gatam || 72 ||
[Analyze grammar]

tatprakāśamayaṃ jñānaṃ cintitaṃ satprayacchati |
yena yojanalakṣasthaṃ vastu niśyapi dṛśyate || 73 ||
[Analyze grammar]

tasyāgnervāḍavasyeva jalaṃ saṃśuṣkamindhanam |
māṃsapaṅkajaṣaṇḍāḍhyahṛtsaraḥ kośavāsinaḥ || 74 ||
[Analyze grammar]

yadabjaśītalatvaṃ tadapānātmendurucyate |
itīndorutthitaḥ so'gniragnīṣomau hi dehakaḥ || 75 ||
[Analyze grammar]

sarvamūṣmātmakaṃ kiñcittejo'rkāgnyabhidhaṃ viduḥ |
śītātmakaṃ ca somākhyamābhyāmeva kṛtaṃ jagat || 76 ||
[Analyze grammar]

vidyāvidyāsvarūpeṇa sarvaṃ sadasadātmanā |
jagaddvayena nirvṛttaṃ tadevaivaṃ vibhajyate || 77 ||
[Analyze grammar]

saccitprakāśaṃ vidyādi sūryamagniṃ vidurbudhāḥ |
asajjāḍyaṃ tamo'vidyādyāhuḥ somaṃ maṇīṣiṇaḥ || 78 ||
[Analyze grammar]

rāmaḥ |
vahnirvāryātmanaḥ somādudetīti mune śrutam |
somasyotpattimadhunā vada me vadatāṃ vara || 79 ||
[Analyze grammar]

vasiṣṭhaḥ |
agnīṣomau mithaḥ kārye kāraṇe ca svasaṃsthiteḥ |
paryāyeṇa samau caitau prajāyete parasparam || 80 ||
[Analyze grammar]

janmāṅga bījāṅkuravattathā divasarātrivat |
sthitiśchāyātapasamā kevalā caitayorbhavet || 81 ||
[Analyze grammar]

tulyakālopalambhā hi mithaśchāyātapasthitiḥ |
kevalaikopalambhā syātsthitirdivasarātrivat || 82 ||
[Analyze grammar]

kāryakāraṇabhāvaśca dvividhaḥ kathito'nayoḥ |
sadrūpapariṇāmottho vināśapariṇāmajaḥ || 83 ||
[Analyze grammar]

ekasmād yaddvitīyasya sambhavo'ṅkurabījavat |
kāryakāraṇabhāvo'sau sadrūpapariṇāmajaḥ || 84 ||
[Analyze grammar]

ekanāśe dvitīyasya yadbhāvo dinarātrivat |
kāryakāraṇabhāvo'sau vināśapariṇāmajaḥ || 85 ||
[Analyze grammar]

sadrūpapariṇāmasya mṛdghaṭakramasaṃsthiteḥ |
akṣopalambhāditaratpramāṇaṃ nopayujyate || 86 ||
[Analyze grammar]

vināśapariṇāmasya dinarātrikramasthiteḥ |
abhāvo'pyekavastūttho gato mukhyapramāṇatām || 87 ||
[Analyze grammar]

svanāśe nāsti kartṛtvamityādyā yuktivādinaḥ |
avajñāya bahiḥ kāryāḥ svānubhūtyapalāpinaḥ || 88 ||
[Analyze grammar]

pratyakṣavadabhāvo'pi pramaiva raghunandana |
agnyabhāvo hi śītasya pramāṇaṃ sarvajantuṣu || 89 ||
[Analyze grammar]

agnerdhūmatayā bhāgo yaḥ prayāti payodatām |
sadrūpapariṇāmena tadagniḥ somakāraṇam || 90 ||
[Analyze grammar]

agnirnāśātmakatayā śaityādaptāṃ prayāti yat |
vināśapariṇāmena tadagniḥ somakāraṇam || 91 ||
[Analyze grammar]

saptāmbudhipayaḥ pītvā dhūmodgāreṇa vāḍavaḥ |
payodatāṃ prayātena tadeva janayatyalam || 92 ||
[Analyze grammar]

arkaḥ pītvā niśānāthamamāvasyāṃ punaḥ punaḥ |
udgiratyamale pakṣe mṛṇālamiva sārasaḥ || 93 ||
[Analyze grammar]

pītvāmṛtopamaṃ śītaṃ prāṇaḥ somaṃ mukhāgragaṃ |
abbhāgamāpūrayati śarīre'pānatāṃ gataḥ || 94 ||
[Analyze grammar]

jalādaṇutayā bhāgo yaḥ prayātyarkaraśmitām |
sadrūpapariṇāmena tajjalaṃ vahnikāraṇam || 95 ||
[Analyze grammar]

nāśātmakatayā toyamauṣṇyād yāti yadagnitām |
vināśapariṇāmena tattoyaṃ vahnikāraṇam || 96 ||
[Analyze grammar]

agnervināśe sadrūpaḥ pariṇāmo niśākaraḥ |
indornāśe nigharṣotthapariṇāmo hutāśanaḥ || 97 ||
[Analyze grammar]

hutāśo nāśamāgatya somo bhavati vai tathā |
divaso nāśamāgatya rātrirbhavati vai yathā || 98 ||
[Analyze grammar]

tamaḥprakāśayośchāyātapayordinarātrayoḥ |
madhye vilakṣaṇaṃ rūpaṃ prājñairapi na labhyate || 99 ||
[Analyze grammar]

sandhirapyābilo yaḥ syādetayoreva tadvapuḥ |
bhāvābhāvau yathaikasya śliṣṭāvetau tathaiva hi || 100 ||
[Analyze grammar]

dvābhyāṃ caitanyajāḍyābhyāṃ bhūtāni prasphuranti hi |
yathā tamaḥprakāśābhyāmahorātrā mahītale || 101 ||
[Analyze grammar]

cidrūpajaḍarūpābhyāmārabdheyaṃ jagatsthitiḥ |
jalāmṛtābhyāṃ miśrābhyāṃ dvābhyāṃ tanurivaindavī || 102 ||
[Analyze grammar]

prakāśamanalaṃ sūryaṃ cidrūpaṃ viddhi rāghava |
jaḍātmakaṃ tamorūpaṃ viddhi somaśarīrakam || 103 ||
[Analyze grammar]

citsūrye nirmale dṛṣṭe tamo naśyedbhavāmayaḥ |
vyomasūrye bahirdṛṣṭe yathā kṛṣṇaniśātamaḥ || 104 ||
[Analyze grammar]

somadehe jaḍe dṛṣṭe cittejo'satyavadbhavet |
niśīthe vilasaccandre yathā sauraḥ prabhābharaḥ || 105 ||
[Analyze grammar]

somaṃ prakaṭayatyagniściddehaṃ suciraprabhā |
agniṃ bhāsayatīnduśca dehaṃ svaṃ rūpamarpayan || 106 ||
[Analyze grammar]

cinniṣkriyā tvanābhāsā kevalā nopalabhyate |
āloka iva dīpena dehenaivāvagamyate || 107 ||
[Analyze grammar]

citaścetyonmukhatvena lābhaḥ saiva ca saṃsṛtiḥ |
niścetyāyāstu no lābho nirvāṇaṃ ca tadeva hi || 108 ||
[Analyze grammar]

anyo'nyalabdhasattākāvevaṃ kuḍyaprakāśavat |
agnīṣomāvimau viddhi sampṛktau dehadehinau || 109 ||
[Analyze grammar]

atiśāyini nirvāṇe jāḍye caivātiśāyini |
agneḥ somasya caivāṅga sthitirbhavati kevalā || 110 ||
[Analyze grammar]

prāṇo'gniruṣṇaprakṛtirapānaśśītalaśśaśī |
chāyātapavadityetau saṃsthitau mukhamārgagau || 111 ||
[Analyze grammar]

apāne śītale sattāmetyuṣṇaḥ prāṇapāvakaḥ |
pratibimbamivādarśe sa ca tasmiṃstathaiva hi || 112 ||
[Analyze grammar]

cidagniḥ padmayantrasthaṃ somaṃ vāryātmakaṃ tviṣā |
janayatyanubhūtyeha kuḍyālokaṃ yathā bahiḥ || 113 ||
[Analyze grammar]

saṃsṛtyādau hi yā kācitsaṃvicchītoṣṇarūpiṇī |
agnīṣomābhidhāṃ prāptā saiva sargo nṛṇāmiha || 114 ||
[Analyze grammar]

yatra somakalā grastā kṣaṇaṃ sūryeṇa ṣoḍaśī |
mukhādvitastimātrāgre tatra baddhapado bhava || 115 ||
[Analyze grammar]

nūnaṃ sūryapadaṃ prāptaḥ somo yatra hṛdambare |
nūnaṃ kevalayā sthityā tatra baddhapado bhava || 116 ||
[Analyze grammar]

auṣṇyamagniścidādityaśśaityaṃ soma udāhṛtaḥ |
yatraitau pratibimbasthau tatra baddhapado bhava || 117 ||
[Analyze grammar]

śārīrasomasūryāgnisaṅkrāntijño bhavānagha |
atra yojanalakṣasthaṃ vastu paśyasi niśyapi |
atra saṅkrāntikālā hi bāhyāstṛṇasamāḥ smṛtāḥ || 118 ||
[Analyze grammar]

saṅkrāntimuttaramathāyanamaṅga samyakkālaṃ tathā viṣuvatī yadi dehavātaiḥ |
antarbahissthamiva vetsi yathānubhūtaṃ tacchocasīha na punaḥ paramabhyupetaḥ || 119 ||
[Analyze grammar]