Chapter 68

svapnaśatarudropākhyāne saṃsāraśatānveṣaṇaṃ nāma sargaḥ |
aṣṭaṣaṣṭitamaḥ sargaḥ |
rāmaḥ |
jīvaṭabrāhmaṇādīnāṃ haṃsāntānāṃ munīśvara |
bhikṣusvapnaśarīrāṇāṃ sampannaṃ kimataḥ param || 1 ||
[Analyze grammar]

vasiṣṭhaḥ |
rudreṇa saha sambhūya prabuddhāḥ sarva eva te |
mithaśca dṛṣṭasaṃsārā rudrāṃśāḥ sukhinaḥ sthitāḥ || 2 ||
[Analyze grammar]

tena rudreṇa tāṃ māyāmavalokya tathoditām |
svāṃśāstāmeva saṃsārasthitiṃ te preṣitāḥ punaḥ || 3 ||
[Analyze grammar]

rudraḥ |
gacchatāśu nijaṃ sthānaṃ tatra bhuktvā kalatrakaiḥ |
kañcitkālaṃ samaṃ bhogānmatsakāśamupaiṣyatha || 4 ||
[Analyze grammar]

bhaviṣyatha madaṃśā me gaṇā matpurabhūṣaṇāḥ |
tato mahāpralayato yāsyāmastatpadaṃ saha || 5 ||
[Analyze grammar]

ityuktvā bhagavān rudrasteṣāṃ so'ntaradhīyata |
anyasaṃsārasaṃsthānāṃ rudrāṇāṃ madhyamāyayau || 6 ||
[Analyze grammar]

prayayuḥ svāspadaṃ te'pi jīvaṭabrāhmaṇādayaḥ |
svakalatraiḥ samaṃ dehaṃ kṣapayitvātha kālataḥ || 7 ||
[Analyze grammar]

rudralokaṃ samāsādya bhaviṣyanti gaṇottamāḥ |
kadācidvyomni dṛśyante tārakākāradhāriṇaḥ || 8 ||
[Analyze grammar]

rāmaḥ |
bhikṣusaṅkalparūpāste jīvaṭabrāhmaṇādayaḥ |
kathaṃ satyatvamāyātāḥ saṅkalpārtheṣvasatyatā || 9 ||
[Analyze grammar]

vasiṣṭhaḥ |
saṅkalpasatyatāstīśe saṅkalpāsatyatāstyaje |
yatra yannāsti tannāsti yataḥ sarvātma tatpadam || 10 ||
[Analyze grammar]

yatsvapne dṛśyate yacca saṅkalpairavalokyate |
tattathā vidyate tatra sarvakālaṃ tadātmakam || 11 ||
[Analyze grammar]

taddeśakālātmikayā tayaivāvasthayāpyate |
taddeśakālātmikayā gatyā deśāntaraṃ yathā || 12 ||
[Analyze grammar]

deśāddeśāntaraṃ yadvad yatnagatyādikaṃ vinā |
na labhyate tathā svapno vinā tattāṃ na labhyate || 13 ||
[Analyze grammar]

sarvamasti citaḥ kośe yad yathālokayatyasau |
cittattathā tadāpnoti sarvātmatvādavikṣatam || 14 ||
[Analyze grammar]

saṅkalpasvapnavastvaṅga yayā ca daśayāpyate |
paramābhyāsayogābhyāṃ vinā seha na labhyate || 15 ||
[Analyze grammar]

yeṣāṃ tu yogavijñānadṛṣṭayaḥ phalitāḥ sthitāḥ |
sarvaṃ sarvatra paśyanti ta ete śaṅkarādayaḥ || 16 ||
[Analyze grammar]

idamagragataṃ vastu tathāsaṅkalpitaṃ ca yaḥ |
prārthayatyubhayabhraṃśaṃ sa prāpnotyubhayāśrayāt || 17 ||
[Analyze grammar]

sarvaṃ hyabhimataṃ kāryamekaniṣṭhasya sidhyati |
dakṣiṇāṃ kakubhaṃ gacchan kaḥ prāpnotyuttarāṃ diśam || 18 ||
[Analyze grammar]

saṅkalpārthaparaireva saṅkalpārtho'vagamyate |
agrasthārthaparairagrasaṃsthito'rtho'vagamyate || 19 ||
[Analyze grammar]

agrasthabuddhisaṃsthe'smin kalpitaṃ prāptumicchati |
yaḥ sa nā naikaniṣṭhatvāttadā tannāśayeddvayam || 20 ||
[Analyze grammar]

tasmādekārthaniṣṭhatvādbhikṣujīvena rudratām |
prāpya sarvātmano labdhaṃ padātsarvaṃ tathāsthiteḥ || 21 ||
[Analyze grammar]

bhikṣusaṅkalpajīvānāṃ pratyekaṃ tajjagatpṛthak |
paśyanti te ca nānyo'nyaṃ rudrajñānādṛte tataḥ || 22 ||
[Analyze grammar]

aprabuddhāḥ prajāyante jīvā jīvātprabodhinaḥ |
tadicchayāśu viduṣa iva mūrkhāḥ sutā iva || 23 ||
[Analyze grammar]

iha vidyādharo'haṃ syāmiha syāmahameḍikā |
ityekadhyānasāphalyadṛṣṭānto'syāṃ kriyāsthitau || 24 ||
[Analyze grammar]

ekatvaṃ ca śatatvaṃ ca maurkhyaṃ pāṇḍityameva ca |
devatvaṃ mānuṣatvaṃ ca deśakālakriyākramaiḥ || 25 ||
[Analyze grammar]

tulyakālamalaṅkartuṃ dhāraṇādhyānayatnataḥ |
sarvaśaktyajarūpatvājjīvasyāstyeva śaktatā || 26 ||
[Analyze grammar]

anantaścāntayuktaśca svabhāvo'sya svabhāvataḥ |
savikāsaḥ sasaṅkoco haṃsasyeva cidātmanaḥ || 27 ||
[Analyze grammar]

yadicchati tadastyaṅga nanu sampadyate svayam |
svayaṃsaṅkalpitairebhirdeśakālakriyākramaiḥ || 28 ||
[Analyze grammar]

yoginyo yoginaśceha tiṣṭhantyanyatra yānti ca |
iha cāmutra cehante dṛṣṭametadanekaśaḥ || 29 ||
[Analyze grammar]

kārtavīryo gṛhe tiṣṭhanvavarṣāmbudharo bhavan |
viṣṇuḥ kṣīrodadhau tiṣṭhañjāyate puruṣo bhuvi || 30 ||
[Analyze grammar]

paśvarthaṃ yānti tiṣṭhantyo yoginyo yoginīgaṇe |
śakraḥ svargāsane tiṣṭhanyāti yajñārthamurvarām || 31 ||
[Analyze grammar]

sahasramekaṃ bhavati tathāsmiñjagadātmani |
nṛṇāṃ śatāni bhaktānāṃ yānti sāyujyatāṃ tanau || 32 ||
[Analyze grammar]

ekaḥ sahasraṃ bhavati tathā caiṣa janārdanaḥ |
ekaḥ kāntāsahasrāṇi tulyakālaṃ niṣevate || 33 ||
[Analyze grammar]

evaṃ te bhikṣusaṅkalpajīvaṭabrāhmaṇādayaḥ |
rudravijñānavaśataḥ svasaṅkalpapurīrgatāḥ || 34 ||
[Analyze grammar]

tatra bhuktvā ciraṃ bhogānprāpya rudrapuraṃ tataḥ |
gaṇatāmāpnuvantaste sthāsyanti saparicchadāḥ || 35 ||
[Analyze grammar]

nityapraphultanavakalpalatālayeṣu rudreṇa sārdhamururatnagulucchakeṣu |
nānājagatsu ca tadā purapattaneṣu vidyādharīṣvamalamaulidharā ramante || 36 ||
[Analyze grammar]