Chapter 63

arjunaviśrāntirnāma sargaḥ |
arjunopākhyānaṃ samāptam |
triṣaṣṭitamaḥ sargaḥ |
vasiṣṭhaḥ |
etāṃ dṛṣṭimavaṣṭabhya rāghavāghavighātinīm |
tiṣṭha nissaṅgasannyāsabrahmārpaṇamayātmikām || 1 ||
[Analyze grammar]

yasmin sarvaṃ yataḥ sarvaṃ yaḥ sarvaṃ sarvataśca yaḥ |
yaśca sarvamayo nitya ātmānaṃ viddhi taṃ param || 2 ||
[Analyze grammar]

dūrasthamapyadūrasthaṃ sarvagaṃ tvaṃ svameva ca |
tatsthastattāmavāpnoṣi tadevāsyastasaṃśayam || 3 ||
[Analyze grammar]

yatsaṃvedyavinirmuktaṃ saṃvedanamaninditam |
cetyamuktacidābhāsaṃ tadviddhi paramaṃ padam || 4 ||
[Analyze grammar]

sā parātparamā kāṣṭhā sā dṛśāṃ dṛganuttamā |
sa mahimnāṃ ca mahimā gurūṇāṃ sa gururguruḥ || 5 ||
[Analyze grammar]

sa ātmā tacca vijñānaṃ tacchūnyaṃ brahma tatparam |
tacchreyaḥ sa śivaśśāntaḥ sā vidyāparamā sthitiḥ || 6 ||
[Analyze grammar]

yo'yamantaścetanātmā sarvānubhavarūpakaḥ |
yatra svadante sarvāṇi dravyāṇi svātmasattayā || 7 ||
[Analyze grammar]

sa jagattilatailātmā sa jagadgṛhadīpakaḥ |
sa jagatpādaparasaḥ sa jagatpaśupālakaḥ || 8 ||
[Analyze grammar]

sa tanturbhūtamuktānāṃ pariprotahṛdambaraḥ |
sa bhūtamaricaughānāṃ paramā tiktatātatā || 9 ||
[Analyze grammar]

sa padārthe padārthatvaṃ sa tucchatvamavastunaḥ |
sa sato vastunaḥ sattvamasattvamasataśca saḥ || 10 ||
[Analyze grammar]

jagadgṛhakriyābhāṇḍopaskarāṇāṃ sa dīpakaḥ |
candrārkatārakātejastenedaṃ prakaṭīkṛtam || 11 ||
[Analyze grammar]

sarvaṃ prasṛtametasmāccetanātparamātmanaḥ |
svasaṃvittivicāreṇa svayamātmaiṣa labhyate || 12 ||
[Analyze grammar]

sarva eva jagadbhāvā avicāraṇacāravaḥ |
avidyamānasadbhāvā vicāraviśarāravaḥ || 13 ||
[Analyze grammar]

ahamādau jagajjāle mithyābhramabharātmani |
ko bhūtvā kvānubadhnāmi dhṛtiṃ kathamavāstavīm || 14 ||
[Analyze grammar]

ādimadhyāntamananasaṅkalpakalanāsvaham |
brahmākāśamanādyantaṃ keveyattā mamātmanaḥ || 15 ||
[Analyze grammar]

itiniścayavānyo'ntaḥ samavyavahṛtirbahiḥ |
udayāstamayonmuktaḥ sthito'nantaḥ sa sarvadā || 16 ||
[Analyze grammar]

nāstameti na codeti sāmyaṃ samamavasthitam |
yasya khasyeva śūnyatvaṃ sa mahātmeha sadvapuḥ || 17 ||
[Analyze grammar]

bhāvādvaitapadārūḍhaḥ suṣuptaparayā dhiyā |
vyavahāryapi hṛtkṣobhaṃ naityādarśanaro yathā || 18 ||
[Analyze grammar]

ādarśapuruṣasyeva vyavahāravato'pi ca |
na yasya hṛdayollekho manāgapi sa muktibhāk || 19 ||
[Analyze grammar]

avibhāgamatāveva jñamaṇau pratibimbati |
citeḥ paramavaimalyādvyavahāro yathāgataḥ || 20 ||
[Analyze grammar]

ciccamatkṛtireveyaṃ jagadityavabhāsate |
nehāstyaikyaṃ na ca dvitvamupadeśo'pi tanmayaḥ || 21 ||
[Analyze grammar]

vācyavācakaśiṣyehāgurvākhyaiḥ svacamatkṛtaiḥ |
ātmanātmani śāntaiva ciccamatkurute citi || 22 ||
[Analyze grammar]

citpraspando hi saṃsārastadaspandaḥ paraṃ padam |
citspandaśamaneneyaṃ pariśāmyati saṃsṛtiḥ || 23 ||
[Analyze grammar]

mahāciternañarthāṃśabhāvo yo'bhāvanakṣayaḥ |
asanniva svabhāvena sa citspanda udāhṛtaḥ || 24 ||
[Analyze grammar]

śūnyatvamajaḍaṃ yattatparamāhuścitervapuḥ |
nañarthābhāvanā yātra saṃsṛtiḥ sānubhūyate || 25 ||
[Analyze grammar]

abhāvanāmātralayā sā ca nissārarūpiṇī |
kevalaṃ kevalībhāvaḥ svaḥ sadrūpo'vaśiṣyate || 26 ||
[Analyze grammar]

citspanda eva saṃsāracakrapravahaṇaṃ viduḥ |
mātṛmānaprameyādi kaṭakādīva hemani || 27 ||
[Analyze grammar]

pṛthagasti na ca spandaściteryaḥ saṃsṛtirbhavet |
cittvameva citeḥ spandastadabodho hi saṃsṛtiḥ || 28 ||
[Analyze grammar]

abodhamātraṃ citspandaḥ kaṭakatvamivotthitam |
bodhamātravilīne'smiñchuddhaṃ ciddhema śiṣyate || 29 ||
[Analyze grammar]

satyāvabodhamātreṇa kṣīyate bhogabhāvanā |
bhogābhāvanameveha paramaṃ jñatvalakṣaṇam || 30 ||
[Analyze grammar]

ime'nabhimatāḥ sarve jñasya bhogāḥ svabhāvataḥ |
bhavanti ko'titṛpto hi durannaṃ kila vāñchati || 31 ||
[Analyze grammar]

etadeva paraṃ viddhi jñatvasya paralakṣaṇam |
svabhāvenaiva bhogānāṃ yatkilānabhivāñchanam || 32 ||
[Analyze grammar]

cidaspandaiva sarvātmarūpiṇyastīti niścayaḥ |
yo'ntaḥ prarūḍhaḥ svābhyāsājjñatvaśabdena sa smṛtaḥ || 33 ||
[Analyze grammar]

yo na bhuṅkte bhujyamānānapi bhogānabuddhimān |
lokānurodhasiddhyarthaṃ sa hanti laguḍairnabhaḥ || 34 ||
[Analyze grammar]

vinākṛtrimayā yuktyā na siddhiradhigamyate |
kvacidātmani loke vā svāṅgāvadalanairapi || 35 ||
[Analyze grammar]

ciccetyacaityakoṭisthā tāvatpaśyati vibhramam |
iyaṃ yāvadabodhātmā spandate spandarūpiṇī || 36 ||
[Analyze grammar]

samyagbodhodaye tvasyāḥ spandāspandadaśākramāḥ |
kvāpi yāntīva saṃśāntadīpavatsābhidhānakāḥ || 37 ||
[Analyze grammar]

citaḥ prakāśarūpāyā dīpikāyāḥ svabhāvataḥ |
spandāspandamayī neha kathaivāsti manāgapi || 38 ||
[Analyze grammar]

yadaspandasya maruto na sannāsanna madhyagam |
rūpaṃ tadeva saṃvittispandatā praśamocitā || 39 ||
[Analyze grammar]

abhinno'syāściteḥ spandaśśuddhacitsārarūpadhṛt |
na bandhāya na mokṣāya sthita ātmani kevalam || 40 ||
[Analyze grammar]

ciccennañarthasaṃvittiṃ nirvāṇeva na vindate |
tadbandhamokṣapakṣādernāmāpi hi na vidyate || 41 ||
[Analyze grammar]

mokṣo'stvityeva bandho'ntaḥpūrṇatākṣayakāraṇaṃ |
māstvitītyapi bandhaste śreyase'vedanaṃ param || 42 ||
[Analyze grammar]

yadanābhāsamajaḍaṃ tadviddhi paramaṃ padam |
citaḥ svarūpasaṃsthānamacetyonmukhatātmakam || 43 ||
[Analyze grammar]

yaḥ saṅkalpanaśabdārtharūpaḥ spando mahāciteḥ |
bandhamokṣādikārho'sau prekṣyamāṇaḥ praśāmyati || 44 ||
[Analyze grammar]

prekṣaṇādeva saṃśānte tvahambhāve nirāspade |
na vidmaḥ kena kiṃ kasya badhyate vātha mucyate || 45 ||
[Analyze grammar]

saṅkalpa eva ca citerbuddhaścedavibhāgavān |
tadasaṅkalpamaspandaṃ sarvaṃ jātamavāritam || 46 ||
[Analyze grammar]

spande'spandatayaivātte tanmayatvātsadā citā |
saṅkṣīṇa eva saṃsāro nisspande cidghane sthite || 47 ||
[Analyze grammar]

citteja eva citspanda iti buddhe nirantaram |
vyatiriktaścitaḥ spando na kaścidavaśiṣyate || 48 ||
[Analyze grammar]

asmindṛśyamaye dīrghasvapne svapnāntaraṃ vrajan |
na jño mohamupādatte sarvagatvātsvasaṃvidaḥ || 49 ||
[Analyze grammar]

yatrodeti prasabhamaniśaṃ sarvasaṃvittisattā yasminnete sakalakalanākāraṭaṅkā laganti |
utpadyante svadanasubhagaṃ yatra sarvopalambhā dhyānenainaṃ tamavagamaya pratyagātmānamantaḥ || 50 ||
[Analyze grammar]