Chapter 51

śilākośopadeśo nāma sargaḥ |
ekapañcāśaḥ sargaḥ |
vasiṣṭhaḥ |
cittattvasya phalasyeva citraḥ somyo'pyanukramāt |
svasattāsanniveśo'ntaryaḥ sa sarga iti sthitaḥ || 1 ||
[Analyze grammar]

deśakālakriyādīnāmati tanmayarūpataḥ |
idamanyadidaṃ cānyaditi nātropapadyate || 2 ||
[Analyze grammar]

samastaśabdaśabdārthavāsanākalpanāvidām |
ekātmatvādanyathedamiti saṅkathyate katham || 3 ||
[Analyze grammar]

phalasyāntaḥ sanniveśo nānānukramato yathā |
.. .. .. .. .. .. .. .. .. .. .. .. .. .. .. .. || 4 ||
[Analyze grammar]

anānaivāpi nāneva kṣubdhevākṣubhitaiva ca |
yathā phalāntaḥ svā sattā cidantaściccayastathā || 5 ||
[Analyze grammar]

jagannagaramādarśe citīva pratibimbitam |
kacatīvākacadapi śilāntaḥ sanniveśavat || 6 ||
[Analyze grammar]

parame cinmaṇau santi jagatkoṭiśatānyapi |
cintāmaṇāvanantāni phalānīvārthitānyalam || 7 ||
[Analyze grammar]

citsamudgaka evedaṃ tadaṅgotkīrṇamātatam |
jaganmauktikamābhāti tadaṃśumayamanyavat || 8 ||
[Analyze grammar]

ahorātrānviracayanvedanāvedanānyayam |
cidādityaḥ sthito bhāsvāñjagaddravyāṇi darśayan || 9 ||
[Analyze grammar]

samudrakoṭarāvartapayasspandavilāsavat |
na vyaktaṃ nānabhivyaktaṃ trijagadvartate citi || 10 ||
[Analyze grammar]

śilāntarghanaśuddhaikacitsāravapurātmavān |
somyo vyavaharanneva tiṣṭhatyupalakośavat || 11 ||
[Analyze grammar]

avibhāgaghanaspandā śilāntaḥ sanniveśavat |
anānaiva ca nānā cicchilāntaḥ sanniveśavat || 12 ||
[Analyze grammar]

yadasti tacciti śilāśarīre sālabhañjikā |
yannāsti tacciti śilāśarīre sālabhañjikā || 13 ||
[Analyze grammar]

bhāvābhāveṣu yatsatyaṃ cinmajjaujjvalyameva tat |
majjasārā padārthaśrīstanmayaṃ syāttadeva hi || 14 ||
[Analyze grammar]

padmaṃ nānādiśabdārthāṃstyaktvā yadvacchilodaram |
nānā tadvadidaṃ nānā tadatanmayamadvayam || 15 ||
[Analyze grammar]

nānāpyekatayānānā ghanaḍimbaśilodaram |
yathā tadavibhāgātma tathedaṃ cidghanāntaram || 16 ||
[Analyze grammar]

yathāmalaḥ payaḥkośastalaviśrāntabhānubhāḥ |
sannevāsannivaivaṃ cinnaibiḍyaṃ sadasattviva || 17 ||
[Analyze grammar]

yathā somyapayorāśikoṭaraṃ kalanonmukham |
dravatvātspandyathāspandaṃ tathedaṃ cidghanāntaram || 18 ||
[Analyze grammar]

cicchilāśaṅkhapadmaughastanmayaścāpyatanmayaḥ |
jagadviddhi sapadmādiśabdārthaṃ cicchilāntaram || 19 ||
[Analyze grammar]

mahāśilāghano'pyeṣa cidghanaḥ suṣirodaraḥ |
arandhro'ntaścādvayo'ccho jalāntaḥ sanniveśavat || 20 ||
[Analyze grammar]

patatīdaṃ jagadbrahma somyamambha iva druteḥ || 21 ||
[Analyze grammar]

brahmaṇīdaṃ suṣuptābhamastyananyacchilābjavat |
majjabilvamiva brahma jagadbrahmaiva vāmalam || 22 ||
[Analyze grammar]

yathā śūnyatvamākāśe dravatvaṃ cāmbhasi sthitam |
spandatvaṃ ca yathā vāyau brahmaṇīdaṃ tathā jagat || 23 ||
[Analyze grammar]

brahmatvaṃ brahmaṇi yathā tathaivedaṃ jagatsthitam |
nānayorvidyate bhedastarupādapayoriva || 24 ||
[Analyze grammar]

yānyetāni jagantīha tānyantrāṇi cidākṛteḥ |
bhāvābhāvādi nāstyeṣāṃ tasyā iva kadācana || 25 ||
[Analyze grammar]

brahmaiva jagadābhāsaṃ marutāpo yathā jalam |
brahmaivālokanācchuddhaṃ bhavatyambu yathātapaḥ || 26 ||
[Analyze grammar]

mervādestṛṇagulmādeścittāderjagato'pi ca |
paramāṇuvibhāgena yad rūpaṃ tatparaṃ viduḥ || 27 ||
[Analyze grammar]

tatsamūhastadevoccaiścittamerutṛṇādikam |
yatsaukṣmye'pi hi sārātma sthaulye sārataraṃ hi tat || 28 ||
[Analyze grammar]

yathā rasātmikā śaktiḥ paramāṇutayā tayā |
sthitā jagatpadārtheṣu pāyasī brahmatā tathā || 29 ||
[Analyze grammar]

rasaśaktiryathodeti tṛṇagulmatayāmbhasaḥ |
tathā nānātayodeti saivāseveha brahmatā || 30 ||
[Analyze grammar]

yaiṣā rūpavilāsānāmālokaparamāṇutā |
guṇaguṇyarthasattvātmarūpiṇī sā parātmatā || 31 ||
[Analyze grammar]

cititattve'sti śailādi tadabhivyañjanātmani |
piñchapakṣaughakāṭhinyaṃ mayūrāṇḍarase yathā || 32 ||
[Analyze grammar]

cititattve'sti nānātā tadabhivyañjanātmani |
vicitrapiñchikāpuñjo mayūrāṇḍarase yathā || 33 ||
[Analyze grammar]

nānānānātmike hyevaṃ yathāṇḍarasabarhite |
vivekadṛṣṭyā dṛśyete tathā brahmajagatsthitī || 34 ||
[Analyze grammar]

sanānāto'pyanānāto yathāṇḍarasabarhiṇaḥ |
advaitadvaitasattātmā tathā brahmajagadbhramaḥ || 35 ||
[Analyze grammar]

yataḥ sadasatoḥ sattā sattvatāyā yataḥ sthitiḥ |
yatastadatado rūpaṃ bhāvaṃ svaṃ viddhi tatparam || 36 ||
[Analyze grammar]

nānānānātvamavidannanu nūnamasambhavam |
cijjagajjvalanaṃ paśya barhyaṇḍarasabarhivat || 37 ||
[Analyze grammar]

yathā jagati cittattvaṃ cittattve ca jagattathā |
nānānānātma caikaṃ ca mayūrāṇḍaraso yathā || 38 ||
[Analyze grammar]

nānāpadārthabhramapiñchapūrṇo jaganmayūrāṇḍarasaścidātmā |
mayūrarūpaṃ tvamayūramatra sattāpadaṃ viddhi kuto'sti bhedaḥ || 39 ||
[Analyze grammar]