Moksopaya [sanskrit]

192,019 words | ISBN-10: 8120831470 | ISBN-13: 9788120831476

This Sanskrit edition of the Moksopaya. It is a large philosophical text dealing with “the science of liberation”. Similar to the Yoga-vasistha in content, the Mokshopaya-shastra was likely its predecessor, said to contain 30,000 shlokas (metrical verses). One of the core philosophies of the texts teaches the non-existence of cognitive objects; while holding such a view leads to an attitude of dispassion towards worldly matters.

bāhyapūjā nāma sargaḥ |
tricatvāriṃśaḥ sargaḥ |
īśvaraḥ |
pāvanaṃ pāvanānāṃ yad yatsarvatamasāṃ kṣayaḥ |
tadidānīṃ pravakṣye'hamantaḥpūjanamātmanaḥ || 1 ||
[Analyze grammar]

gacchatastiṣṭhataścaiva jāgrataḥ svapato'pi vā |
sarvācāravataḥ pūjā nityadhyānātmikā tviyam || 2 ||
[Analyze grammar]

nityameva śarīrasthamidaṃ dhyāyetparaṃ śivam |
sarvapratyayakartāraṃ svayamātmānamātmanā || 3 ||
[Analyze grammar]

śayānamutthitaṃ caiva vrajantamatha vā sthitam |
spṛśantamabhitaḥ sparśāṃstyajantamatha vābhitaḥ || 4 ||
[Analyze grammar]

bhuñjānaṃ santyajantaṃ ca bhogānābhogapīvarān |
bāhyārthagaṇakartāraṃ sarvakāryasvarūpadam || 5 ||
[Analyze grammar]

dehaliṅgeśvarāntassthaṃ tyaktaliṅgāntarādikaḥ |
yathāprāptārthasaṃvittyā bodhaliṅgaṃ prapūjayet || 6 ||
[Analyze grammar]

pravāhāpatitārthastu sambodhasnānaśuddhimān |
nityāvabodhārhaṇayā bodhaliṅgaṃ prapūjayet || 7 ||
[Analyze grammar]

ādityabhāvanābhogabhāvitāmbarabhāskaram |
śaśāṅkabhāvanābhogabhāvitenduṃ sadoditam || 8 ||
[Analyze grammar]

pratibhātapadārthaughanityāvagatasaṃvidam |
dvārairvahantaṃ śārīrairmukhe prāṇasvarūpiṇam || 9 ||
[Analyze grammar]

rasīkṛtarasaṃ prāṇasvāntodāttaturaṅgamam |
prāṇāpānarathārūḍhaṃ gūḍhamantarguhāśayam || 10 ||
[Analyze grammar]

jñātāraṃ jñeyadṛṣṭīnāṃ kartāraṃ sarvakarmaṇām |
bhoktāraṃ sarvabhojyānāṃ smartāraṃ sarvasaṃvidām || 11 ||
[Analyze grammar]

samyaksaṃviditāṅgaughaṃ bhavabhāvanabhāvitam |
ābhāsabhāsanaṃ bhūri sarvagaṃ cintayecchivam || 12 ||
[Analyze grammar]

niṣkalaṃ sakalaṃ caiva dehasthaṃ vyomacāriṇam |
arañjitaṃ rañjitaṃ ca nityamaṅgāṅgasaṃvidā || 13 ||
[Analyze grammar]

manomananaśaktisthaṃ prāṇāpānāntaroditam |
hṛtkaṇṭhatālumadhyasthaṃ bhrūnāsāpuṭapīṭhagam || 14 ||
[Analyze grammar]

ṣaṭtriṃśatpadakoṭisthamunmanāntadaśātigam |
kurvantamantaśśabdādīṃścodayantaṃ manaḥkhagam || 15 ||
[Analyze grammar]

vikalpinyavikalpe ca trividhe vākpathe sthitam |
tile tailamivāṅgeṣu sarveṣvevāntarāśritam || 16 ||
[Analyze grammar]

kalākalaṅkarahitaṃ kalitaṃ kalanāgaṇaiḥ |
ekadeśe svahṛtpadme sarvadehe ca saṃsthitam || 17 ||
[Analyze grammar]

cinmātramamalābhāsaṃ kalākalanakalpanam |
pratyakṣadṛśyaṃ sarvatra svānubhūtimayātmakam || 18 ||
[Analyze grammar]

pratyakcetanamātmīyamātmatvena purassthitam |
padārthatāmupetyāśu kṣaṇāddvitvamivāgatam || 19 ||
[Analyze grammar]

sahastapādāvayavaḥ sakeśanakhadantakaḥ |
svadeho'haṃ cidābhāso devo'yamiti bhāvayet || 20 ||
[Analyze grammar]

vicitrāśśaktayo bahvyo nānācārā manodṛśām |
upāsate māṃ mānasyaḥ patnyo varamivottamam || 21 ||
[Analyze grammar]

mano me dvārapālo'yaṃ niveditajagattrayaḥ |
cinteyaṃ me pratīhārī purassthā śuddharūpiṇī || 22 ||
[Analyze grammar]

śaktirmamāṅgagā buddhiḥ kriyā caivāparāṅgagā |
jñānāni ca vicitrāṇi bhūṣaṇānyaṅgagāni me || 23 ||
[Analyze grammar]

karmendriyāṇi dvārāṇi buddhīndriyagaṇo'ṅganāḥ |
ayaṃ so'hamanantātmā vyavacchedojjhitaściti || 24 ||
[Analyze grammar]

tiṣṭhāmi bharitaikātmā pūrṇaḥ sarvāvapūrakaḥ |
iti devīmupāśritya svacchāmātmacamatkṛtim || 25 ||
[Analyze grammar]

devavatparipūrṇo'ntaradīnātmā ca tiṣṭhati |
nāstameti na codeti na tuṣyati na tapyate || 26 ||
[Analyze grammar]

na tṛptiṃ na kṣudhaṃ yāti nābhivāñchati nojjhati |
samaḥ samasamācāraḥ samābhāsaḥ samākṛtiḥ || 27 ||
[Analyze grammar]

somyatāmalamāyātaḥ samantātsundarāśayaḥ |
ādehameka evāsāvavyucchinnamahāmatiḥ || 28 ||
[Analyze grammar]

devārcanaṃ karotyevaṃ dīrghadīrghamaharniśam |
cittattvāvalito deho devo'sya parikīrtitaḥ || 29 ||
[Analyze grammar]

yathāprāptena sarveṇa tamarcayati vastunā |
samayāmalayā buddhyā cinmātraṃ dehatatparam || 30 ||
[Analyze grammar]

yathāprāptakramotthena sarvārthena samarcayet |
manāgapi na kartavyo yatno'trāpūrvavastuni || 31 ||
[Analyze grammar]

prātardharmehayā nityaṃ tato'rthakriyayānagha |
kāmasaṃvedanenātha pūjayeccetanaṃ vibhum || 32 ||
[Analyze grammar]

bhakṣyabhojyānnapānena nānāvibhavaśālinā |
śayanāsanayānena yathāptenārcayeccitim || 33 ||
[Analyze grammar]

kāntānnapānasambhogasaṃrambhādivilāsinā |
sukhena sarvarūpeṇa sambudhyātmānamarcayet || 34 ||
[Analyze grammar]

ādhivyādhiparītena mohasaṃrambhaśālinā |
sarvopadravaduḥkhena prāptenātmānamarcayet || 35 ||
[Analyze grammar]

sīmāntaiḥ sampadāṃ caiva ceṣṭānāṃ jagataḥ sthiteḥ |
mṛtajīvitasattvaiśca prāptairātmānamarcayet || 36 ||
[Analyze grammar]

dāridryeṇātha rājyena vā pravāhāgatātmanā |
vicitraceṣṭāpuṣpeṇa buddhvātmānaṃ samarcayet || 37 ||
[Analyze grammar]

nānākalahakallolavalanollāsaśālinā |
rāgadveṣavilāsena somyamātmānamarcayet || 38 ||
[Analyze grammar]

satāṃ hṛdayahāriṇyā rūḍhayā śaśiśītayā |
maitryā mādhuryadharmiṇyā hṛtsthamātmānamarcayet || 39 ||
[Analyze grammar]

bhogānāmaviruddhānāṃ niṣiddhānāṃ ca sarvadā |
tyāgena vātha rāgeṇa svātmānaṃ buddhamarcayet || 40 ||
[Analyze grammar]

īhitānīhitaughena yuktāyuktamayātmanā |
tyaktenārtena vārthyena prāptenātmānamarcayet || 41 ||
[Analyze grammar]

naṣṭaṃ naṣṭamupekṣeta prāptaṃ prāptamupāharet |
nirvikāratayaitaddhi paramārcanamātmanaḥ || 42 ||
[Analyze grammar]

sarvadaiva samagrāsu ceṣṭāniṣṭāsu dṛṣṭiṣu |
paramaṃ sāmyamādāya nityātmārcāvrataṃ caret || 43 ||
[Analyze grammar]

sarvaṃ vindeta suśubhaṃ sarvaṃ vindyācca vāśubham |
sarvamātmamayaṃ kuryānnityātmārcāparo naraḥ || 44 ||
[Analyze grammar]

āpātaramaṇīyaṃ yad yaccāpātasudussaham |
tatsarvaṃ susamaṃ buddhvā nityātmārcāvrataṃ caret || 45 ||
[Analyze grammar]

ayaṃ so'hamayaṃ nāhaṃ vibhāgamiti santyajet |
sarvaṃ brahmeti niścitya nityātmārcāvrataṃ caret || 46 ||
[Analyze grammar]

sarvadā sarvarūpeṇa sarvākāravikāriṇā |
sarvāsarvaprakāreṇa prāptenātmānamarcayet || 47 ||
[Analyze grammar]

na vāñchatā na tyajatā jñena prāptāḥ svabhāvataḥ |
saritaḥ sāgareṇeva bhoktavyā bhogabhūmayaḥ || 48 ||
[Analyze grammar]

udvego nānugantavyastucchātucchāsu dṛṣṭiṣu |
vyomnā citrapadārtheṣu patitotpatiteṣviva || 49 ||
[Analyze grammar]

deśakālakriyāyogād yadudeti śubhāśubham |
avikāraṃ gṛhītena tenaivātmānamarcayet || 50 ||
[Analyze grammar]

ātmārcanavidhāne'sminproktā dravyaśriyastu yāḥ |
ekenaiva śamenaitā rasena paribhāvitāḥ || 51 ||
[Analyze grammar]

nāmblā na kaṭvyo no tiktā na kaṣāyāśca kāścana |
citrairapi rasairdigdhā madhurā eva tāścitaḥ || 52 ||
[Analyze grammar]

samatāmadhurā ramyā rasaśaktirmunīndra yā |
tayā yadbhāvitaṃ cetyamamṛtaṃ tatkṣaṇādbhavet || 53 ||
[Analyze grammar]

samatāmṛtapūreṇa yad yannāma vibhāvyate |
tattadāyāti mādhuryaṃ paramindoriva cyutam || 54 ||
[Analyze grammar]

samamākāśavadbhūtvā yadahṛllekhamāsanam |
avikāramanāyāsaṃ taddevārcanamucyate || 55 ||
[Analyze grammar]

pūrṇenduneva pūrṇena bhāvyaṃ śamasamatviṣā |
svacchena cidghanaikena jñenāpyupalarūpiṇā || 56 ||
[Analyze grammar]

antarākāśaviśado bahiḥ prakṛtakāryakṛt |
rañjanāmihikāmuktaḥ sampūrṇo jña upāsakaḥ || 57 ||
[Analyze grammar]

svapne'pyadṛśyahṛllekhamajñānābhraparikṣaye |
śāntāhantādimihikaṃ jñaśaradvyoma rājate || 58 ||
[Analyze grammar]

sāmānyamastamitamānasamātṛmeyaṃ sadyaḥprasūtaśiśuvedanavadvitānam |
samyakpraśāntamaticetanacittajīvaṃ jīvañjña uttamapadasthita eva tiṣṭha || 59 ||
[Analyze grammar]

deśakālakalanakramoditaiḥ sarvavastusukhaduḥkhavibhramaiḥ |
nityamarcitaśarīranāyakastiṣṭha śāntasakalehayā dhiyā || 60 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Moksopaya Chapter 43

Cover of edition (2008)

The Yogavasistha of Valmiki
by Vasudeva Laxmana Sharma Pansikar (2008)

With the Commentary Vasistha Maharamayana Tatparyaprakasa (Volume I and II): Sanskrit Only; [Motilal Banarsidass Publishers Pvt. Ltd.]

Buy now!
Like what you read? Consider supporting this website: