Chapter 36

manaḥprāṇaikyapratipādanaṃ nāma sargaḥ |
ṣaṭtriṃśaḥ sargaḥ |
īśvaraḥ |
mune śṛṇu kathaṃ kāryakāriṇī spandaśālinī |
patantīva citiḥ puṃsāmupaiti maraṇābhidhām || 1 ||
[Analyze grammar]

prāktanaistairihānyaiśca svairmanomananehitaiḥ |
karmavātairvicitrehaiḥ paripīvaratāṃ gataiḥ || 2 ||
[Analyze grammar]

manastvaṃ yā gatā śaktiḥ sujaḍeva mune citeḥ |
sā sphuratyanayā brahman svacitā sākṣibhūtayā || 3 ||
[Analyze grammar]

asyāḥ prasādādiha sā citkalaṅkavatī mune |
jagadgandharvanagaraṃ karoti na karoti ca || 4 ||
[Analyze grammar]

vinātmasattayā jīvo mūkastiṣṭhati kuḍyavat |
tatsattayā prasphurati nabhassampreritāśmavat || 5 ||
[Analyze grammar]

yathā sphuratyatijaḍamayo'yaskāntasannidhau |
tathā sphurati jīvo'yaṃ sati sarvagate pare || 6 ||
[Analyze grammar]

sarvasthayātmaśaktyaiva jīva eṣa sphuratyalam |
makuro bimbamādatte dravyānnāntassthitādapi || 7 ||
[Analyze grammar]

suvismṛtasvabhāvatvācjīvo'yaṃ jaḍatāṃ gataḥ |
mohādvismṛtabhāvatvācchūdratāmiva saddvijaḥ || 8 ||
[Analyze grammar]

pravismṛtasvabhāvā hi ciccittatvamupāgatā |
mohopahatacittatvātsumahāniva dīnatām || 9 ||
[Analyze grammar]

jaḍayāvaśayā deho vātaśaktisamānayā |
sañcālyate kalanayā pattraṃ vā vīcimālayā || 10 ||
[Analyze grammar]

karmātmanā varākeṇa jīvena manasāmunā |
cālyante dehayantrāṇi pāṣāṇā iva vāyunā || 11 ||
[Analyze grammar]

śarīraśakaṭānāṃ hi karṣaṇe paramātmanā |
manaḥprāṇodayau brahman kṛtau karmakarau dṛḍhau || 12 ||
[Analyze grammar]

cijjaḍaṃ tūrarīkṛtya rūpaṃ jīvatvameva ca |
manorathamupāruhya vahatprāṇaturaṅgamam || 13 ||
[Analyze grammar]

kvacijjātapadārthatvaṃ kvacinnaṣṭapadārthatām |
kvacidbahupadārthatvaṃ kvacinnānāpadārthatāṃ || 14 ||
[Analyze grammar]

gateva bhinnevāstecchamatyajantī nijaṃ padam |
jalateva taraṅgatvaṃ saivāseva sadoditā || 15 ||
[Analyze grammar]

upajīvyātmano rūpaṃ paraṃ sphurati vṛttiṣu |
ālokamupajīvyemaṃ rūpaśrīrdravyagā yathā || 16 ||
[Analyze grammar]

paramātmani cittattve sthite sati nirāmaye |
jīvo jīvati sālokaṃ dīpe sati gṛhaṃ yathā || 17 ||
[Analyze grammar]

ādhayo vyādhayaścaiva prayāntyasyāḥ prapīnatām |
apāmiva taraṅgatvaṃ vīcitvasyeva phenatā || 18 ||
[Analyze grammar]

ādhivyādhibhirākīrṇaśśarīrāmbhojaṣaṭpadaḥ |
jīvo vaivaśyamāyāti taraṅgatvaṃ yathā payaḥ || 19 ||
[Analyze grammar]

cicchaktiḥ sarvaśaktitvānnāhaṃ ciditi bhāvanāt |
svavaśaivaiti vaivaśyaṃ sūryadīptirivāmbudaiḥ || 20 ||
[Analyze grammar]

vaivaśyāśāvatī mauḍhyānna vindatyātmasaṃvidam |
ghanajāḍyaparābhūtaḥ svāṅgāvadalanaṃ yathā || 21 ||
[Analyze grammar]

prāṇavāyvanusandhānamasyā mohādvinaśyati |
ghanamohavato jantoḥ svakāryasmaraṇaṃ yathā || 22 ||
[Analyze grammar]

athāṅgasaṃvido vātaḥ spandaśakteśca mohataḥ |
na karotyanusandhānaṃ kuṣṭhī spandaiṣaṇaṃ yathā || 23 ||
[Analyze grammar]

asaṃvitspandane dehe padmapattraṃ hṛdi sthitam |
na sphuratyaparāmṛṣṭaṃ dārupattraṃ yathā bahiḥ || 24 ||
[Analyze grammar]

nisspande padmapattre'ntaḥ prāṇāśśāntiṃ prayāntyamī |
tālavṛnte yathāspande bahiḥ pavanaśaktayaḥ || 25 ||
[Analyze grammar]

prāṇe śānte'ntarasparśājjīvo nipuṇamūkatām |
yāti śānte nabhovāyāvadṛśyatvaṃ yathā rajaḥ || 26 ||
[Analyze grammar]

virathaṃ vigatādhāraṃ manomātraṃ hi dṛśyate |
tiṣṭhatyātmanyalabdhorvījalāditarubījavat || 27 ||
[Analyze grammar]

iti vaikalyamāyāte karaṇaughe samantataḥ |
nāśaṃ puryaṣṭake yāte dehaḥ patati niścalaḥ || 28 ||
[Analyze grammar]

ciccetyacetanānmohātspandamāyāti vāsanā |
udīritā smaratyanyadanyadvismarati svayam || 29 ||
[Analyze grammar]

hṛtpadmayantrasphuraṇātsphuṭaṃ puryaṣṭakaṃ bhavet |
hṛtpadmayantre vahanād ruddhe puryaṣṭakaṃ kṣayi || 30 ||
[Analyze grammar]

dehe puryaṣṭakaṃ yāvadasti tāvatsa jīvati |
śānte puryaṣṭake deho mṛta ityucyate dvija || 31 ||
[Analyze grammar]

viruddhamalasaṃrodhācchedabhedadaśāvaśāt |
na prasphurati hṛtpadmayantramabhyantare yadā || 32 ||
[Analyze grammar]

tadā puryaṣṭakaṃ śāntimupaiti gagane śanaiḥ |
saṃrodhite vātayantre yathā pavanasantatiḥ || 33 ||
[Analyze grammar]

svāsaṃvittivaśājjīvo vaivaśyamupagacchati |
padmayantraṃ śarīrasthaṃ na vāhayati nissahaḥ || 34 ||
[Analyze grammar]

vāsanā vimalā yeṣāṃ hṛdayānnāpasarpati |
sthiraikarūpajīvāste jīvanmuktāścirāyuṣaḥ || 35 ||
[Analyze grammar]

saṃruddhe padmayantre hi prāṇe śāntimupāgate |
dehaḥ patatyadhairyo'yaṃ kāṣṭhaloṣṭasamaḥ kṣitau || 36 ||
[Analyze grammar]

yathaiva vyomamaruti līnaṃ puryaṣṭakaṃ bhavet |
tathaiva tatraiva tadā layameti mano mune || 37 ||
[Analyze grammar]

sucirābhyastabhāvasthavāsanānucitaṃ manaḥ |
yatra tatra bhramaṃ svarganarakādiṃ prapaśyati || 38 ||
[Analyze grammar]

śarīraṃ śavatāmeti manomārutavarjitam |
gate gṛhajane dūraṃ gṛhaṃ saṃśūnyatāmiva || 39 ||
[Analyze grammar]

sarvagā ciccetanato jīvībhūya manassthitā |
puryaṣṭakavapurbhūtvaivātivāhikadehinī || 40 ||
[Analyze grammar]

tanmātrapañcakaṃ cittvaṃ kroḍīkṛtya vyavasthitā |
svapnabhramavadākāraṃ bhāvātsthūlaṃ prapaśyati || 41 ||
[Analyze grammar]

dṛḍhabhāvanayā paścāttatraiva rasaśālinī |
ātivāhikadehatvaṃ vismaratyakhilaṃ kṣaṇāt || 42 ||
[Analyze grammar]

asatyeva śarīre'smin kṛtā kṛtrimabhāvanā |
nayatyasatyaṃ satyatvaṃ satyaṃ cāsatyatāmapi || 43 ||
[Analyze grammar]

sarvagā hi cidaṃśena jīvībhūya bhavenmanaḥ |
manaḥ puryaṣṭakarathamākrāmati tato jagat || 44 ||
[Analyze grammar]

puryaṣṭakaṃ vātamayaṃ dehamutthāpayatyalam |
hṛtsthaṃ hi vetāla iva jīva ityucyate tadā || 45 ||
[Analyze grammar]

kṣīṇe puryaṣṭake cittaṃ yadā vyomani līyate |
tadā sphurati no deho mṛta ityucyate'pi ca || 46 ||
[Analyze grammar]

svabhāvavaśato jīvo vismṛtyāśaktimṛcchati |
vairasyātkālavaśataḥ parṇaṃ jarjaratāmiva || 47 ||
[Analyze grammar]

jīvaśaktyāparāmṛṣṭe niruddhe padmayantrake |
prāṇe saṃrodhamāyāte mriyate mānavo mune || 48 ||
[Analyze grammar]

yathā jātāni jātāni tānyathānyāni kālataḥ |
vṛkṣātparṇāni śīryante śarīrāṇi tathā nṛṇām || 49 ||
[Analyze grammar]

jāyante ca mriyante ca śarīrāṇi śarīriṇām |
pādapānāṃ ca parṇāni kā tatra paridevanā || 50 ||
[Analyze grammar]

cidambudhau sphurantyetā dehabudbudapaṅktayaḥ |
itaścānyā itaścānyā etāsvāsthā na dhīmataḥ || 51 ||
[Analyze grammar]

sarvagāpi cidetasmiṃścetasi pratibimbate |
padārthamantarādatte nānyo hi makurādṛte || 52 ||
[Analyze grammar]

cidamalanabhasi prasannarūpāḥ parivitate tadatanmaye sphuranti |
kalakalamukharāḥ sphuṭābhirāmā vividhaśarīravimohatāpanadyaḥ || 53 ||
[Analyze grammar]