Chapter 32

vasiṣṭhāśramavarṇanaṃ nāma sargaḥ |
dvātriṃśaḥ sargaḥ |
vasiṣṭhaḥ |
etasmin samaye tatra yāmārdhe prathame gate |
samādhiṃ tanutāṃ nītvā sthito'haṃ bāhyalagnadṛk || 1 ||
[Analyze grammar]

apaśyaṃ kānane tejo jhagityeva samutthitam |
mandarāhananoddhūtakṣubdhakṣīrodabhāsuram || 2 ||
[Analyze grammar]

śubhrābhraśatasaṅkāśaṃ nṛtyadindugaṇopamam |
caṇḍānilabaloddhūtaṃ himarāśimivācalam || 3 ||
[Analyze grammar]

yugāntatāpagalitaṃ susphāṭikamivācalam |
nāvanītamivāmbhodaṃ ketakaughamivotthitam || 4 ||
[Analyze grammar]

śaṅkhaśauklyamivoḍḍīnaṃ śubhrābhramiva sambhṛtam |
kṣīraphenamivotphālaṃ muktāsāramivoddhatam || 5 ||
[Analyze grammar]

gaṅgātaraṅgabharavatpraviṣṭaṃ kandarāntaram |
piṇḍahāryaṃ sudadhivacchārvaṃ hāsamivātatam || 6 ||
[Analyze grammar]

prakaṭīkṛtadiktejastadālokya mayā smayāt |
antaḥprakāśaśālinyā buddhidṛṣṭyāvalokitam || 7 ||
[Analyze grammar]

yāvatpaśyāmi taṃ sānuṃ līlayaiva yadṛcchayā |
viharan svagirau hṛdye tāvaccandrakalādharaḥ || 8 ||
[Analyze grammar]

pāścātyagulmāntaritagaṇajālopamālitaḥ |
gaurīkarārpitakaro nandiprotsāritāgragaḥ || 9 ||
[Analyze grammar]

paścātparikrāntavṛṣaḥ sarvarātricarāvṛtaḥ |
kalhāradāmavalito mandārakṛtaśekharaḥ || 10 ||
[Analyze grammar]

jaṭāmaulīndukaliko bhogīndrakṛtakuṇḍalaḥ |
calattuṣāraśailābhaḥ sarvasaṅkalpitārthadaḥ || 11 ||
[Analyze grammar]

manodṛṣṭaḥ sa bhagavānmanasaiva tato mayā |
dattamandārapuṣpeṇa praṇatenābhivanditaḥ || 12 ||
[Analyze grammar]

iti kṛtvā mayā dehaḥ paryaṅkaśayanādayam |
kṣaṇādutthāpitastasmādbhūteneva mahāśavaḥ || 13 ||
[Analyze grammar]

śiṣyānudbodhya tatrasthān gṛhītvārghaṃ susaṃyataḥ |
agamaṃ lokanāthasya dṛṣṭipūtamahaṃ puraḥ || 14 ||
[Analyze grammar]

tatra puṣpāñjaliṃ dattvā dūrādeva trilocanaḥ |
dattārgheṇa mayā devaḥ sa praṇamyābhivanditaḥ || 15 ||
[Analyze grammar]

tataścandraprabhāmṛdvyā ṛjvyā śītalayā tayā |
dṛśā sarvārtihāriṇyā saraṇyā śāśvate pade || 16 ||
[Analyze grammar]

ahamālokya devena candrārdhakṛtamaulinā |
puṣpasānūpaviṣṭena proktaḥ smitasitākṣaram || 17 ||
[Analyze grammar]

īśvaraḥ |
ānayārghyaṃ tathā pādyaṃ brahman svāgatamastu te |
āśramātithayaḥ prāptā vayamadya tavānagha || 18 ||
[Analyze grammar]

ghanābhirāmaśālinyā satataṃ śamaśāntayā |
muditodārayā brahmaṃstapolakṣmyā virājase || 19 ||
[Analyze grammar]

āgacchopaviśāsmiṃstvamakṛtrimadalāsane |
mṛdau sānusamudbhūte puṇyasañcayapāvane || 20 ||
[Analyze grammar]

iti proktavate tasmai niśeśārdhārdhadhāriṇe |
arghaṃ puṣpaṃ tathā pādyaṃ samupetyārpitaṃ mayā || 21 ||
[Analyze grammar]

pādayorhastayoścaiva tanvāṃ cāsya svayambhuvaḥ |
mandārapuṣpāvalayo vikīrṇā bahavaḥ puraḥ || 22 ||
[Analyze grammar]

tato bhagavatī gaurī tādṛśyaiva saparyayā |
sampūjitā sakhīyuktā gaṇamaṇḍalikā tathā || 23 ||
[Analyze grammar]

gṛhītavantau tau tāṃ me saparyāmādarātprabhū |
bhaktipraṇayino rāma pārvatīparameśvarau || 24 ||
[Analyze grammar]

pūjānte pūrṇaśītāṃśuraśmiśītalayā girā |
tatropaviṣṭaṃ provāca māmathendukalādharaḥ || 25 ||
[Analyze grammar]

īśvaraḥ |
brahmanpraśamaśālinyaḥ prāptaviśrāntayaḥ pare |
kaccitkalyāṇakāriṇyaḥ saṃvidaste sthitāḥ pade || 26 ||
[Analyze grammar]

kaccitkamalakalhārakumudānayanakṣamāḥ |
tavāntevāsino brahmannīrujastvadanuvratāḥ || 27 ||
[Analyze grammar]

balibhāgabhujāṃ kaccidbhagavanbhavadāśrame |
kuśalaṃ mugdhamugdhānāṃ mṛgāṇāṃ matpriyādṛśām || 28 ||
[Analyze grammar]

kaccinmandārakusumānyete mandārapādapāḥ |
tavāsmadādipūjārthaṃ samprayacchanti sūnnatāḥ || 29 ||
[Analyze grammar]

kaccinmandākinī puṇyaṃ tava snānopayogikam |
ekayā vāhalatayā dadātyutpalapaṅkajam || 30 ||
[Analyze grammar]

asamañjasaceṣṭāsu nityaṃ ceṣṭāsu me'nagha |
api madgaṇalīlāsu muninātha na khidyase || 31 ||
[Analyze grammar]

tiṣṭhantamiha śailendre vipināraṇyavāsinaḥ |
api nodvejayanti tvāṃ dhaneśānucarā mune || 32 ||
[Analyze grammar]

durvṛttaghanayakṣaughe vipra lolaniśācare |
vasato'smin gireḥ kukṣāvapyanudvegitāsti te || 33 ||
[Analyze grammar]

evaṃvādini deveśe sarvalokaikakāraṇe |
girānunayaśālinyā mayoktaṃ raghunandana || 34 ||
[Analyze grammar]

tryakṣānusmṛtikalyāṇavatāmiha maheśvara |
na kiñcidapi duṣprāpaṃ na ca kāścana bhītayaḥ || 35 ||
[Analyze grammar]

tvadanusmaraṇānandaparipūrṇitacetasaḥ |
na te santi jagatkośe praṇatiṃ ye na bibhrati || 36 ||
[Analyze grammar]

te deśāste janapadāstā diśaste ca parvatāḥ |
tvadanusmaraṇaikāntadhiyo yatra narāḥ sthitāḥ || 37 ||
[Analyze grammar]

phalaṃ bhūtasya puṇyasya vartamānasya secanam |
tarorivaiṣyato bījaṃ tvadanusmaraṇaṃ prabho || 38 ||
[Analyze grammar]

bhūtaṃ bhavyaṃ bhaviṣyacca saphalaṃ yena nāma tat |
kālatritayakalyāṇaṃ tvadanusmaraṇaṃ prabho || 39 ||
[Analyze grammar]

paramaṃ manaso mitraṃ sarvāpatprasarāpaham |
sarvasampallatāsekastvadanusmaraṇaṃ prabho || 40 ||
[Analyze grammar]

mahāmahimnāṃ mahatāṃ mahitānāṃ ca karmaṇām |
kāraṇaṃ kāraṇānāṃ vai tvadanusmaraṇaṃ prabho || 41 ||
[Analyze grammar]

vivekapayasāmabdhiḥ puṇyaratnākaraḥ paraḥ |
ajñānatimirārkaughastvadanusmaraṇaṃ prabho || 42 ||
[Analyze grammar]

jñānāmṛtaughakalaśo dhṛtijyotsnāniśākaraḥ |
apavargapuradvāraṃ tvadanusmaraṇaṃ prabho || 43 ||
[Analyze grammar]

tṛṣṇālatāyāḥ paraśurdhairyāmbhodharaparvataḥ |
dainyadurvanadāvāgnistvadanusmaraṇaṃ prabho || 44 ||
[Analyze grammar]

jayatyābhāsitāśeṣacittasaṃsāramaṇḍapaḥ |
apūrvaḥ paramo dīpastvadanusmaraṇaṃ prabho || 45 ||
[Analyze grammar]

tvadanusmaraṇodāracintāmaṇimatā mayā |
sarvāsāmāpadāṃ mūrdhni dattaṃ bhūtapate padam || 46 ||
[Analyze grammar]

sakaladuḥkhabhayāpahara prabho kṣaṇamapīha mayāsi na cetasā |
varada vīra maheśvara vismṛtaḥ sukhamato nivasāmi bhavāniva || 47 ||
[Analyze grammar]

vālmīkiḥ |
ityuktavatyatha munau divaso jagāma sāyantanāya vidhaye'stamino jagāma |
snātuṃ sabhā kṛtanamaskaraṇā jagāma śyāmākṣaye ravikaraiśca sahājagāma || 48 ||
[Analyze grammar]