Chapter 27

bhusuṇḍopākhyāne prāṇasamādhivarṇanaṃ nāma sargaḥ |
saptaviṃśaḥ sargaḥ |
bhusuṇḍaḥ |
eṣā hi citi viśrāntirmayā prāṇasamādhinā |
krameṇānena samprāptā svayamātmani nirmale || 1 ||
[Analyze grammar]

etāṃ dṛṣṭimavaṣṭabhya saṃsthito'smi mahāmune |
na calāmi nimeṣāṃśamapi merurivācalaḥ || 2 ||
[Analyze grammar]

gacchatastiṣṭhato vāpi jāgrataḥ svapato'pi vā |
svapne'pi na calatyeṣa susamādhirmamātmani || 3 ||
[Analyze grammar]

nityānityāsu lolāsu jagatsthitiṣu saṃsthitaḥ |
antarmukho'smi tiṣṭhāmi svayamevātmanātmani || 4 ||
[Analyze grammar]

api saṃrudhyate vāyurapi vā salilaṃ gateḥ |
naitasmātsusamādhānānniruddhaṃ saṃsmarāmyaham || 5 ||
[Analyze grammar]

prāṇāpānānusaraṇātparamātmāvalokanāt |
aśokamanuyāto'smi padamādyaṃ mahātapaḥ || 6 ||
[Analyze grammar]

ā mahāpralayādbrahmannunmajjananimajjane |
ayamadyāpi bhūtānāṃ paśyañjīvāmi dhīradhīḥ || 7 ||
[Analyze grammar]

na bhūtaṃ na bhaviṣyacca cintayāmi kadācana |
dṛṣṭimālambya tiṣṭhāmi vartamānāmihātmanaḥ || 8 ||
[Analyze grammar]

yathāprāpteṣu kāryeṣu parityaktaphalaiṣaṇaḥ |
suṣuptasamayā buddhyā paritiṣṭhāmi kevalam || 9 ||
[Analyze grammar]

bhāvābhāvamayīṃ cintāmīhitānīhitānvitām |
vimucyātmani tiṣṭhāmi ciraṃ jīvāmyanāmayaḥ || 10 ||
[Analyze grammar]

prāṇāpānasamāyogasamayaṃ samanusmaran |
svayamātmani tuṣyāmi tenāsmi cirajīvitaḥ || 11 ||
[Analyze grammar]

idamadya mayā labdhamidaṃ lapsyāmi sundaram |
iti cintā na me tena ciraṃ jīvāmyanāmayaḥ || 12 ||
[Analyze grammar]

na staumi na ca nindāmi kvacitkiñcitkadācana |
ātmano'nyasya vā sādho tena jīvāmyanāmayaḥ || 13 ||
[Analyze grammar]

na tuṣyati śubhaprāptau nāśubheṣvapi khidyate |
mano mama samaṃ nityaṃ tena jīvāmyanāmayaḥ || 14 ||
[Analyze grammar]

paramaṃ tyāgamālambya sarvameva sadaiva hi |
jīvitādi mayā tyaktaṃ tena jīvāmyanāmayaḥ || 15 ||
[Analyze grammar]

praśāntacāpalaṃ vītaśokamastasamīhitam |
mano mama mune śāntaṃ tena jīvāmyanāmayaḥ || 16 ||
[Analyze grammar]

kāṣṭhaṃ vilāsinīṃ śailaṃ tṛṇamagniṃ himaṃ nabhaḥ |
samaṃ sarvatra paśyāmi tena jīvāmyanāmayaḥ || 17 ||
[Analyze grammar]

kimadya mama samprāptaṃ prātarvā bhavitā punaḥ |
iti cintājvaro nāsti tena jīvāmyanāmayaḥ || 18 ||
[Analyze grammar]

jarāmaraṇaduḥkheṣu rājyalābhasukheṣu ca |
na bibhemi na hṛṣyāmi tena jīvāmyanāmayaḥ || 19 ||
[Analyze grammar]

ayaṃ bandhuḥ paraścāyaṃ mamāyamayamanyataḥ |
iti brahmanna jānāmi tena jīvāmyanāmayaḥ || 20 ||
[Analyze grammar]

āharanviharaṃstiṣṭhannuttiṣṭhannucchvasan svapan |
deho'hamiti no vedmi tena jīvāmyanāmayaḥ || 21 ||
[Analyze grammar]

imaṃ saṃsāramārambhaṃ suṣuptavadavasthitaḥ |
asantamiva paśyāmi tena jīvāmyanāmayaḥ || 22 ||
[Analyze grammar]

yathākālamupāyātāvarthānarthau samau mama |
hastāviva śarīrasthau tena jīvāmyanāmayaḥ || 23 ||
[Analyze grammar]

apāriplavayā ṛjvyā sudṛśā snigdhamugdhayā |
ṛju paśyāmi sarvatra tena jīvāmyanāmayaḥ || 24 ||
[Analyze grammar]

āpādamastakānte'sminna dehe mamatā mama |
tyaktāhaṅkārapaṅkasya tena jīvāmyanāmayaḥ || 25 ||
[Analyze grammar]

yatkaromi yadaśnāmi tattyaktvā tadvato'pi me |
mano naiṣkarmyamādatte tena jīvāmyanāmayaḥ || 26 ||
[Analyze grammar]

yadā yadā mune kiñcidvijānāmi tadā tadā |
natimāyāmi nauddhatyaṃ tena jīvāmyanāmayaḥ || 27 ||
[Analyze grammar]

karomīśo'pi nākrāntiṃ paritapye na kheditaḥ |
daridro'pi na vāñchāmi tena jīvāmyanāmayaḥ || 28 ||
[Analyze grammar]

naśyadrūpe śarīre'sminnanaṣṭātmā cidāspadaḥ |
bhūtavṛndaṃ hasāmyārāttena jīvāmyanāmayaḥ || 29 ||
[Analyze grammar]

āśāpāśavinunnāyāścittavṛtteḥ samāhitaḥ |
saṃsparśaṃ na dadāmyantastena jīvāmyanāmayaḥ || 30 ||
[Analyze grammar]

asattāṃ jagataḥ sattāmātmanaḥ karabilvavat |
suptaḥ prabuddhaḥ paśyāmi tena jīvāmyanāmayaḥ || 31 ||
[Analyze grammar]

kṣīṇaṃ bhinnaṃ ślathaṃ jīrṇaṃ kṣubdhaṃ kṣuṇṇaṃ kṣayaṃ gatam |
paśyāmi navavatsarvaṃ tena jīvāmyanāmayaḥ || 32 ||
[Analyze grammar]

sukhito'smi sukhāsakte duḥkhito duḥkhite jane |
sarvasya priyamitraṃ ca tena jīvāmyanāmayaḥ || 33 ||
[Analyze grammar]

āpadyacaladhīro'smi jaganmitraṃ ca sampadi |
bhāvābhāveṣu naivāsmi tena jīvāmyanāmayaḥ || 34 ||
[Analyze grammar]

nāhamasmi na cānyo me nāhamanyasya kasyacit |
iti me bhāvitaṃ cetastena jīvāmyanāmayaḥ || 35 ||
[Analyze grammar]

ahaṃ jagadahaṃ vyoma deśakālakramāvaham |
ahaṃ kriyeti me buddhistena jīvāmyanāmayaḥ || 36 ||
[Analyze grammar]

ghaṭaściccitpaṭaścitkhaṃ cidvaṭaśśakaṭaśca cit |
citsarvamiti me bhāvastena jīvāmyanāmayaḥ || 37 ||
[Analyze grammar]

ityahaṃ muniśārdūla trilokīkamalālikaḥ |
bhusuṇḍanāmā kākolaḥ kathitaścirajīvitaḥ || 38 ||
[Analyze grammar]

brahmārṇave vilulitaṃ trijagattaraṅgamutpādanāśavibhavena vibhinnarūpam |
ālīnamunnamitamākuladṛśyadṛśyamālokayanprakalayaṃśca ciraṃ sthito'smi || 39 ||
[Analyze grammar]