Chapter 24

cirātītasargavarṇanaṃ nāma sargaḥ |
caturviṃśaḥ sargaḥ |
vasiṣṭhaḥ |
athāsau vāyasaśreṣṭho jijñāsārthamidaṃ mayā |
bhūyaḥ pṛṣṭo mahābāho kalpavṛkṣalatāgrakhe || 1 ||
[Analyze grammar]

caratāṃ jagataḥ kośe vyavahāravatāmapi |
kathaṃ vihagarājendra dehaṃ mṛtyurna bādhate || 2 ||
[Analyze grammar]

bhusuṇḍaḥ |
jānannapi hi sarvajña brahmañjijñāsayaiva mām |
pṛcchasi prabhavo nityaṃ bhṛtyaṃ vācālayanti hi || 3 ||
[Analyze grammar]

tathāpi yatpṛcchasi māṃ tatte prakathayāmyaham |
anājñābhaṅgamevāhurmukhyamārādhanaṃ satām || 4 ||
[Analyze grammar]

doṣamuktāphalaprotā vāsanātantusantatiḥ |
hṛdi na grathitā yasya mṛtyustaṃ na jighāṃsati || 5 ||
[Analyze grammar]

viśvāsavṛkṣakrakacāḥ sarve dehalatāghuṇāḥ |
ādhayo yaṃ na bhindanti mṛtyustaṃ na jighāṃsati || 6 ||
[Analyze grammar]

ṣaṇḍāt ṣaṇḍaṃ nipatitaṃ śākhāmṛgamivoddhataṃ |
na cañcalaṃ mano yasya taṃ mṛtyurna jighāṃsati || 7 ||
[Analyze grammar]

śarīratarusarpaughāścittaurvaśikhinaśśikhāḥ |
āśā yaṃ na dahantyantastaṃ mṛtyurna jighāṃsati || 8 ||
[Analyze grammar]

rāgadveṣaviṣāpūraḥ svamanobilamandiraḥ |
lobhavyālo na bhuṅkte yaṃ mṛtyustaṃ na jighāṃsati || 9 ||
[Analyze grammar]

pītāśeṣavivekāmbuśśarīrāmbhodhivāḍavaḥ |
na nirdahati yaṃ kopastaṃ mṛtyurna jighāṃsati || 10 ||
[Analyze grammar]

yantraṃ tilānāṃ kaṭhinaṃ rāśimugramivākulam |
yaṃ pīḍayati nānaṅgastaṃ mṛtyurna jighāṃsati || 11 ||
[Analyze grammar]

ekasminnirmale yena pade paramapāvane |
saṃśritā dṛḍhaviśrāntistaṃ mṛtyurna jighāṃsati || 12 ||
[Analyze grammar]

ete brahmanmahādoṣāḥ saṃsāravyādhihetavaḥ |
manāgapi na lumpanti cittamekasamāhitam || 13 ||
[Analyze grammar]

ādhivyādhisamutthāni valitāni mahābhramaiḥ |
na vilumpanti duḥkhāni cittamekasamāhitam || 14 ||
[Analyze grammar]

na dādati na cādatte na jahāti na yācate |
kurvadeva ca kāryāṇi cittamekasamāhitam || 15 ||
[Analyze grammar]

nāstameti na codeti nasaṃsmṛti navismṛti |
na suptaṃ na ca jāgratsthaṃ cittamekasamāhitam || 16 ||
[Analyze grammar]

andhīkṛtahṛdākāśāḥ kāmakrodhavikārajāḥ |
cintā na parihiṃsanti cittamekasamāhitam || 17 ||
[Analyze grammar]

ye durarthā durārambhā durguṇā durudāhṛtāḥ |
duṣkramāste na kṛntanti cittamekasamāhitam || 18 ||
[Analyze grammar]

śubhāni vipulārthāni mahānti guṇavanti ca |
sarvāṇyevānudhāvanti cittamekasamāhitam || 19 ||
[Analyze grammar]

yadudarkahitaṃ satyamanapāyi gatabhramam |
durīhitadaśāmuktaṃ tatparaṃ kārayenmanaḥ || 20 ||
[Analyze grammar]

yadadṛṣṭamaśuddhena ciravaidhuryakāriṇā |
mune kāmapiśācena tatparaṃ kārayenmanaḥ || 21 ||
[Analyze grammar]

ādau madhye tathānte ca cirāya pari coditam |
yaccāru madhuraṃ pathyaṃ tatparaṃ kārayenmanaḥ || 22 ||
[Analyze grammar]

yadanarthadaśāhīnaṃ nirṇītaṃ sadbhirāditaḥ |
guṇānubandhi lokyaṃ ca tatparaṃ kārayenmanaḥ || 23 ||
[Analyze grammar]

peśalaṃ madhuraṃ hṛdyaṃ svādu śītamapakṣayam |
sutīkṣṇamatinirṇītaṃ tatparaṃ kārayenmanaḥ || 24 ||
[Analyze grammar]

yadbuddheḥ paramālokyamādyaṃ yadamṛtaṃ param |
yadanuttamasaubhāgyaṃ tatparaṃ kārayenmanaḥ || 25 ||
[Analyze grammar]

sāmare sahagandharve savidyādharakinnare |
sasurastrīgaṇe svarge na kiñcitsusthiraṃ śubham || 26 ||
[Analyze grammar]

sanare sanarādhīśe saparvatapuravraje |
sāmbudhau bhūtale tāta na kiñcicchobhanaṃ sthiram || 27 ||
[Analyze grammar]

sanāge sāsuravyūhe sāsurastrījane tathā |
samasta eva pātāle na kiñcicchobhanaṃ sthiram || 28 ||
[Analyze grammar]

sasvarge sadharābhoge sapātāle sadiktaṭe |
jagatyasmiṃstu sarvasminna kiñcicchobhanaṃ sthiram || 29 ||
[Analyze grammar]

samukhe sakare sāṃse sapāde sorumaṇḍale |
saraktamāṃse dehe'sminna kiñcicchobhanaṃ sthiram || 30 ||
[Analyze grammar]

ādhivyādhivilolāsu duḥkhaughavalitāsu ca |
kriyāsu nityatucchāsu na kiñcicchobhanaṃ sthiram || 31 ||
[Analyze grammar]

taralīkṛtacittāsu hṛdayāmardanīṣu ca |
cintāsu jīvakārāsu na kiñcitsusthiraṃ śubham || 32 ||
[Analyze grammar]

hṛtkṣīrodakasaspandamandareṣu caleṣvati |
svasaṅkalpavikalpeṣu na kiñcitsusthiraṃ śubham || 33 ||
[Analyze grammar]

anāratāgamāpāyaparāsvaśiśirāsvati |
citrācārāsu ceṣṭāsu na kiñcitsusthiraṃ śubham || 34 ||
[Analyze grammar]

na varamekamahītalarājatā na ca varaṃ vividhāmararūpatā |
na ca varaṃ dharaṇītalanāgatā sthitimupaiti hi yatra satāṃ manaḥ || 35 ||
[Analyze grammar]

na varamākulaśāstravicāraṇaṃ na ca varaṃ varakāvyavivecanam |
na varamagryakathākramacarvaṇaṃ sthitimupaiti hi yatra satāṃ manaḥ || 36 ||
[Analyze grammar]

na varamādhimayaṃ cirajīvitaṃ na ca varaṃ maraṇaṃ dṛḍhamūḍhatā |
na ca varaṃ narako na ca viṣṭapaṃ sthitimupaiti hi yatra satāṃ manaḥ || 37 ||
[Analyze grammar]

iti vividhajagatkramāḥ samastāścalamatimūḍhatayā narasya rūḍhāḥ |
calatarakalanāhite padārthe kathamupayānti ciraṃ sthitiṃ mahāntaḥ || 38 ||
[Analyze grammar]