Chapter 65

kāruṇyopadeśo nāma sargaḥ |
pañcaṣaṣṭitamaḥ sargaḥ |
vasiṣṭhaḥ |
manasaiva manaśchittvā yadyātmā nāvalokyate |
mametyahamiti tyaktvā tattāmarasalocana || 1 ||
[Analyze grammar]

nāstameti jagadduḥkhaṃ yathā citragato raviḥ |
āpadāyātyanantatvaṃ mahārṇavavadātatā || 2 ||
[Analyze grammar]

punaḥ punarupāyāti jaḍakallolakāriṇī |
meghanīlataruśyāmā saṃsṛtiprāvṛḍākulā || 3 ||
[Analyze grammar]

atraivodāharantīmamitihāsaṃ purātanam |
saṃvādaṃ suhṛdoḥ sahyasānau bhāsavilāsayoḥ || 4 ||
[Analyze grammar]

astyutsedhajitākāśaḥ pīṭhena jitabhūtalaḥ |
talena jitapātālastrilokavijayī giriḥ || 5 ||
[Analyze grammar]

asahyakusumāpūro'sahyanirmalanirjharaḥ |
guhyakārakṣitanidhiḥ sahyanāmāviṣahyabhāḥ || 6 ||
[Analyze grammar]

muktāpaṭalasampūrṇairdhātupāṭalabhittibhiḥ |
bhāsuraḥ kāñcanataṭaiḥ kaṭairiva suradvipaḥ || 7 ||
[Analyze grammar]

kvacitpuṣpabharāśāro dhātuśārataraḥ kvacit |
kvacitphullasaraśśāro ratnaśāraśirāḥ kvacit || 8 ||
[Analyze grammar]

ito raṭannirjharavānitaḥ kvaṇitakīcakaḥ |
ito raṭadguhāvāta itaṣṣaṭpadaghuṅghumī || 9 ||
[Analyze grammar]

sānau gītāpsarovṛndo vane mṛdukhagāravaḥ |
adhityakāyāṃ mattābhro gahaneṣu mṛgāravī || 10 ||
[Analyze grammar]

vidyādharodgītaguho bhṛṅgagītāmbujākaraḥ |
kirātāgītaparyantaḥ khagāgītavanadrumaḥ || 11 ||
[Analyze grammar]

skandheṣu devairvalitaḥ pādeṣu valito naraiḥ |
pātāle valito nāgairjagadgehamivāparam || 12 ||
[Analyze grammar]

kandareṣu śritaḥ siddhairnidhānairantarāśritaḥ |
candaneṣu śrito nāgaiḥ siṃhaiśśṛṅgaśikhāsu ca || 13 ||
[Analyze grammar]

puṣpābhrasaṃvītavapuḥ puṣpareṇvabhrapāṃsulaḥ |
puṣpapattrābhrabhṛdvātaḥ puṣpapādapapāṇḍuraḥ || 14 ||
[Analyze grammar]

dhātudhūlyabhrakapilo ratnopalatalasthitiḥ |
sa dārujairiva surastrīgaṇairalamāśritaḥ || 15 ||
[Analyze grammar]

abhranīlāṃśukacchannā mūkaratnavibhūṣaṇāḥ |
śilākanakasundaryo yatra śṛṅgābhisārikāḥ || 16 ||
[Analyze grammar]

tatrottarataṭe sānāvānamatphalapādape |
ratnapuṣkariṇījālavahannirjharavāriṇi || 17 ||
[Analyze grammar]

cūtadrumalatonmuktapuṣpastabakadanture |
vidulāṅkollapunnāganīpanīrandhradiktaṭe || 18 ||
[Analyze grammar]

latāvitānacchannārke ratnāṃśubharabhāsure |
sravajjambūrasaknūte svarlokāhlādakāriṇi || 19 ||
[Analyze grammar]

brahmalokasamaḥ svargaramyaśśivapuropamaḥ |
atrerastyāśramaśśrīmān siddhaśramaharo mahān || 20 ||
[Analyze grammar]

mahatyatryāśrame tasmiṃstāpasau dvau babhūvatuḥ |
kaucideva nabhomārga iva śukrabṛhaspatī || 21 ||
[Analyze grammar]

tayorathaikāspadayostatrābhūtāṃ sutāv ubhau |
kulāṅkurau śuddhatanū sarasvatyambujāviva || 22 ||
[Analyze grammar]

vilāsabhāsanāmānau vṛddhimāyayatuḥ kramāt |
tau pitroḥ pallavau śīghraṃ latāpādapayoriva || 23 ||
[Analyze grammar]

āstāmanyo'nyasuhṛdau susnigdhau vallabhau mithaḥ |
tilatailavadāśliṣṭau tau puṣpāmodavatsthitau || 24 ||
[Analyze grammar]

nābhūtāṃ viprayuktau tau suraktāviva dampatī |
ekaṃ dvitvamivāpannaṃ samamāsīttayormanaḥ || 25 ||
[Analyze grammar]

tau tathānyo'nyamuditau manoharatarākṛtī |
tasthatuḥ svāśrame maune saroja iva ṣaṭpadau || 26 ||
[Analyze grammar]

prāpaturyauvanaṃ bālyamutsṛjya janavallabhau |
kālenālpatareṇaiva candrasūryāvivoditau || 27 ||
[Analyze grammar]

jagmaturdehamutsṛjya tatastau pitarau tayoḥ |
svargaṃ jarārtāv uḍḍīya nīḍādiva vihaṅgamau || 28 ||
[Analyze grammar]

pañcatvaṃ gatayoḥ pitrordīnavaktrau babhūvatuḥ |
sannāṅgau vigatotsāhau padmāviva jaloddhṛtau || 29 ||
[Analyze grammar]

tatraurdhvadaihikaṃ kṛtvā cakrāte paridevanam |
lokasthitiralaṅghyā hi mahatāmapi mānada || 30 ||
[Analyze grammar]

kṛtvaurdhvadaihikamatho vyathayābhibhūtau śokotthayā karuṇamārtagirā vilapya |
citrārpitāviva nirastasamastaceṣṭau tau saṃsthitau susamaśūnyahṛdādināntam || 31 ||
[Analyze grammar]