Chapter 59

suraghuvṛttānte māṇḍavyopadeśo nāma sargaḥ |
ekonaṣaṣṭitamaḥ sargaḥ |
vasiṣṭhaḥ |
ityuktvā bhagavānenaṃ suraghuṃ raghunandana |
yayau svāmeva kakubhaṃ māṇḍavyo maunamaṇḍanaḥ || 1 ||
[Analyze grammar]

gate varamunau rājā gatvaikāntamaninditam |
dhiyā sañcintayāmāsa ko nāmāhamiti svayam || 2 ||
[Analyze grammar]

nāhaṃ merurna me merurjagannāhaṃ na me jagat |
nāhaṃ śailā na me śailā na dharāhaṃ na me dharā || 3 ||
[Analyze grammar]

kirātamaṇḍalaṃ nedaṃ mama nāhaṃ ca maṇḍalam |
nijasaṅketamātreṇa kevalaṃ deśa eṣa me || 4 ||
[Analyze grammar]

tyakto mayaiṣa saṅketo nāhaṃ deśo na caiṣa me |
idānīṃ nagaraṃ śiṣṭameṣa evātra niścayaḥ || 5 ||
[Analyze grammar]

patākāpurapaṭṭāḍhyā bhṛtyopavanasaṅkulā |
gajāśvasāmantayutā purī nāhaṃ na me purī || 6 ||
[Analyze grammar]

vyarthasaṅketasambaddhaṃ saṅketavigame kṣatam |
bhogavṛndaṃ kalatraṃ ca nāhaṃ naitanmamākhilam || 7 ||
[Analyze grammar]

evaṃ sabhṛtyaṃ sabalaṃ savāhanapurāntaram |
nāhaṃ rājyaṃ na me rājyaṃ saṅketo hyayamākulaḥ || 8 ||
[Analyze grammar]

dehamātramahaṃ manye hastapādādisaṃyutam |
tadetattāvadāśvantarahamālokayāmyalam || 9 ||
[Analyze grammar]

tadatra tāvanmāṃsāsthi nāhametadacetanaṃ |
na caitanmama saṃśleṣametyabjasya yathā jalam || 10 ||
[Analyze grammar]

māṃsaṃ jaḍaṃ na tadahaṃ naivāhaṃ raktamapyalam |
jaḍānyasthīni naivāhaṃ na caitāni mama kvacit || 11 ||
[Analyze grammar]

karmendriyāṇi naivāhaṃ na ca karmendriyāṇi me |
jaḍaṃ yatkila dehe'smiṃstadahaṃ naiva cetanaḥ || 12 ||
[Analyze grammar]

nāhaṃ bhogā na me bhogā na me buddhīndriyāṇi ca |
jaḍānyasatsvarūpāṇi na ca buddhīndriyāṇyaham || 13 ||
[Analyze grammar]

mūlaṃ saṃsṛtidoṣasya mano nāhaṃ jaḍaṃ hi tat |
atha buddhirahaṅkāra iti dṛṣṭirmanomayī || 14 ||
[Analyze grammar]

manobuddhīndriyādyanto bhūtakośaśca tadvapuḥ |
nāhamevaṃ śarīrādi śiṣṭamālokayāmyaham || 15 ||
[Analyze grammar]

śeṣastu cetanājīvaḥ sa ca cetyena cetati |
anyena bodhyamāno'sau nātmatattvavapurbhavet || 16 ||
[Analyze grammar]

evaṃ tyajāmi saṃvedyaṃ cetyaṃ nāhaṃ hi tatkila |
śeṣo vikalparahito viśuddhā cidahaṃ sthitaḥ || 17 ||
[Analyze grammar]

citrameṣo'smi labdhātmā jātaḥ kālena kāryavit |
eṣa so'hamanantātmā kvānto'sya paramātmanaḥ || 18 ||
[Analyze grammar]

brahmaṇīndre yame vāyau sarvabhūtagaṇe tathā |
sa eṣa bhagavānātmā tanturmuktāsviva sthitaḥ || 19 ||
[Analyze grammar]

cicchaktiramalā saiṣā cetyāmayavivarjitā |
bharitāśeṣadikkuñjā bhairavākāradhāriṇī || 20 ||
[Analyze grammar]

sarvabhāvagatā sūkṣmā bhāvābhāvavivarjitā |
ābrahmabhuvanāntasthā sarvaśaktisamudgikā || 21 ||
[Analyze grammar]

sarvasaundaryasubhagā sarvaprākāśyadīpikā |
sarvasaṃsāramuktānāṃ tanturātatarūpiṇī || 22 ||
[Analyze grammar]

sarvākāravikārāḍhyā sarvākāravivarjitā |
sarvabhūtaughatāṃ yātā sarvadā sarvatāṃ gatā || 23 ||
[Analyze grammar]

caturdaśavidhānyeṣā bhūtāni bhuvanodare |
etanmayīyaṃ kalanā jāgatī vedanātmikā || 24 ||
[Analyze grammar]

mithyāvabhāsamātraṃ tu sarvaduḥkhadaśāgatiḥ |
nānākāramayābhāsaṃ sarvamātmaiva citparā || 25 ||
[Analyze grammar]

seyamātmā mama vyāpī seyaṃ madavabodhanam |
seyamākalitāṅgehā karoti nṛpatibhramam || 26 ||
[Analyze grammar]

asyā eva prasādena mano deharathasthitam |
saṃsārajālalīlāsu yāti valgati nṛtyati || 27 ||
[Analyze grammar]

idaṃ manaśśarīrādi na kiñcit api vastutaḥ |
naṣṭe na kiñcit apyasminparinaśyati pelave || 28 ||
[Analyze grammar]

jagajjālamayaṃ nṛttamidaṃ cittanaṭaistatam |
etayaivaikayā paṅktyā dṛśyate dīpalekhayā || 29 ||
[Analyze grammar]

kaṣṭaṃ mudhaiva me cintā nigrahānugrahasthitau |
babhūva dehaniṣṭhaiva na kiñcidapi dehakaḥ || 30 ||
[Analyze grammar]

nanvaho samprabuddho'smi gataṃ durdarśanaṃ mama |
dṛṣṭaṃ draṣṭavyaṃ akhilaṃ prāptaṃ prāpyamidaṃ mayā || 31 ||
[Analyze grammar]

sarvaṃ kiñcit idaṃ dṛśyaṃ dṛśyate yajjagadgatam |
cinniṣṣyandāṃśamātraṃ tannānyatkiñcana śāśvatam || 32 ||
[Analyze grammar]

kva tau kīdṛgvidhau vāpi kiṃniṣṭhau vā kimātmakau |
nigrahānugrahau loke harṣāmarṣakramau tathā || 33 ||
[Analyze grammar]

kiṃ sukhaṃ kiṃ ca vā duḥkhaṃ sarvaṃ brahmedamātatam |
ahamāsaṃ mudhā mūḍho diṣṭyāmūḍho'smyahaṃ sthitaḥ || 34 ||
[Analyze grammar]

kimasminnevamāloke śocyate kiṃ vimuhyate |
kiṃ prekṣyate kiṃ kriyate sthīyate kva kva gamyate || 35 ||
[Analyze grammar]

kiñcit itthamidaṃ nāma cidābhāsaṃ virājate |
namo namaste nistattva dṛṣṭadṛśyo'si sundara || 36 ||
[Analyze grammar]

aho nu samprabuddho'smi samyagjñātamalaṃ mayā |
namo mahyamanantāya samyagjñānodayāya ca || 37 ||
[Analyze grammar]

vigatarañjananirviṣayasthitirgatabhavabhrama īhitavarjitaḥ |
sthirasuṣuptakalātigatastataḥ samasamaṃ nivasāmyahamātmani || 38 ||
[Analyze grammar]