Chapter 10

dāmavyālakaṭopākhyāne pitāmahavākyaṃ nāma sargaḥ |
daśamaḥ sargaḥ |
vasiṣṭhaḥ |
ityuktvā bhagavāndevastatraivāntardhimāyayau |
velāvanataṭe śabdaṃ kṛtvevāmbutaraṅgakaḥ || 1 || surāstvākarṇya tadvākyaṃ jagmuḥ svāmabhito diśam |
kamalāmodamādāya vanamālāmivānilāḥ || 2 ||
[Analyze grammar]

dināni katicitsveṣu kānteṣu sthirakāntiṣu |
dvirephā iva padmeṣu mandireṣu viśaśramuḥ || 3 ||
[Analyze grammar]

kañcitkālaṃ samāsādya svātmodayakaraṃ śubham |
cakrurdundubhinirghoṣaṃ pralayābhraravopamam || 4 ||
[Analyze grammar]

atha daityaiḥ saha vyomni taiḥ pātālatalotthitaiḥ |
kālakṣepakaraṃ ghoraṃ punaryuddhamavartata || 5 ||
[Analyze grammar]

vavurasiśaraśaktimudgaraughā musulagadāparaśūgracakrasaṅghāḥ |
aśanigiriśilāhutāśavṛkṣā ahigaruḍādimukhāni cāyudhāni || 6 ||
[Analyze grammar]

māyākṛtāyudhamahāmbughanapravāhā kṣipraṃ prati pratidiśaṃ parinirjagāma |
pāṣāṇaparvatamahītaṭavṛkṣalakṣakṣubdhāmbupūraghanaghoṣavatī nadī drāk || 7 ||
[Analyze grammar]

madhyapravāhavahadulmukaśūlaśailaprāsāsikuntaśaratomaramudgareṇa |
gaṅgopamāmbuvalitāmaramandireṇa sarvāsu dikṣvaśanivarṣaṇakarṣaṇena || 8 ||
[Analyze grammar]

pṛthvyādidāruṇaśarīramayī prahāradānagrahe gaganaraśmiśarīrakaiva |
yā yopaśāmyati surāsurasiddhasenā māyākṛtā punarudeti rasena saiva || 9 ||
[Analyze grammar]

śailopamāyudhavighaṭṭitabhūdharāṇi raktāmbupūraparipūrṇamahārṇavāni |
devāsurendrasuraśailavirūḍhakuntatālīvanāni kakubhāṃ vadanānyathāsan || 10 ||
[Analyze grammar]

udgīrṇakuntaśaraśaktigadāsicakrā helānigīrṇasuradānavamuktaśailā |
kāṣakvaṇatkrakacadantanakhogramālā jīvānvitāpatadathāyasasiṃhavṛṣṭiḥ || 11 ||
[Analyze grammar]

ujjvālalocanaviṣajvalanātapodyaddigdāhadarśitayugāntadineśasenā |
uḍḍīyamānaparidīrghamahīmahīdhrā mattābdhivadviṣadharāvalirullalāsa || 12 ||
[Analyze grammar]

unnādavajramakarotkarakarkarāntarikṣābdhivīcivalayairvalitācalendraiḥ |
āsījjagatsakalameva susaṅkaṭāṅgamāvartibhirvividhahetinadīpravāhaiḥ || 13 ||
[Analyze grammar]

śailāstraśastragaruḍācalamālitoccanāgāṅganāsuragaṇāṅganamantarikṣam |
āsītkṣaṇaṃ jaladhibhiḥ kṣaṇamagnipūraiḥ pūrṇaṃ kṣaṇaṃ dinakaraiḥ kṣaṇamandhakāraiḥ || 14 ||
[Analyze grammar]

garuḍaguḍaguḍākulāntarikṣapravisṛtahetihutāśaparvataughaiḥ |
jagadabhavadasahyakalpakālajvalitasurālayabhūtalāntarālam || 15 ||
[Analyze grammar]

udapatanvasudhātalato'surā gaganamadritaṭādiva pakṣiṇaḥ |
atibalādapatanvibudhā bhuvi pralayacālitaśailaśilā iva || 16 ||
[Analyze grammar]

śarīrarūḍhonnatahetivṛkṣavanāvalīlagnamahāgnidāhāḥ |
surāsurāḥ prāpurathāmbarāntaḥ kalpānilāndolitaśailaśobhām || 17 ||
[Analyze grammar]

surāsurādrīndraśarīramuktai raktapravāhairabhito bhramadbhiḥ |
babhāra pūrṇaṃ parito'mbarābdhiḥ sandhyāruṇodyacchatagaṅgamaṅgam || 18 ||
[Analyze grammar]

girivarṣaṇamambuvarṣaṇaṃ vividhogrāyudhavarṣaṇaṃ tathā |
viṣamāśanivarṣaṇaṃ ca te śamamanyo'nyamathāgnivarṣaṇam || 19 ||
[Analyze grammar]

anayannayamārgakovidā dalitāśeṣagirīndrabhittayaḥ |
sasṛjuśca samaṃ samantataḥ kakubaṅgeṣviva puṣpavarṣaṇam || 20 ||
[Analyze grammar]

devāsurāḥ sarasasaṅgarasambhramārtā anyo'nyamaṅgadalanākulahetihastāḥ |
dāmendraḍimbadahanāḥ pṛthupīṭhapīṭhaiḥ kīrṇāsṛjo nabhasi babhramurākṣipantaḥ || 21 ||
[Analyze grammar]

chinnaiśśiraḥkarabhujorubharairbhramadbhirākāśakośaśalabhairaśivaistadānīm |
āsījjagajjaṭharamabhravarairivograirābhāskaraṃ sthagitadiktaṭaśailajālam || 22 ||
[Analyze grammar]

mattānalaṃ kṣubdhajalānilārkaṃ daladvanaṃ śīrṇasurāsuraugham |
brahmāṇḍamākhaṇḍitakuḍyakoṇamakālakalpāntakarālamāsīt || 23 ||
[Analyze grammar]

bhrāntaṃ bhṛśaṃ bhramitadiktaṭamadrikūṭairātmapramāṇaghanahetihatai raṇadbhiḥ |
kūjadbhirārtibhirivograguhaughavātaiḥ krandadbhirāpatitasiṃharavairadabhraiḥ || 24 ||
[Analyze grammar]

māyānadījaladhiyodhaghanāgnidāhairvṛkṣaiḥ surāsuraśavairacalaiśśilaughaiḥ |
bhrāntaṃ śirastraśaraśaktigadāstraśastrairvātāvakīrṇavanaparṇavadambarāntaḥ || 25 ||
[Analyze grammar]

adrīndrapakṣaparimāṇagamāgamaikadurvārahastataladāruṇatāḍanairdrāk |
āsītpatadbhaṭaśarīragirīndraghātavibhraṣṭadevapurapūrṇajalārṇavaughaḥ || 26 ||
[Analyze grammar]

ghanaghuṅghumapūritāntarikṣā kṣatajākṣālitabhūdharāntarālā |
rudhirahradavṛttivartinī vā bhuvanābhogaguhā tadākulābhūt || 27 ||
[Analyze grammar]

anantadikprasaravikārakāriṇī kṣayodayonmukhasukhaduḥkhadāyinī |
raṇakriyāsurasurasaṅghasaṅkaṭā tadābhavatkhalu sadṛśīha saṃsṛteḥ || 28 ||
[Analyze grammar]