Chapter 139

bhārgavopākhyāne śukrapunarjīvanaṃ nāma sargaḥ |
ekonacatvariṃśaduttaraśatatamaḥ sargaḥ |
rāmaḥ |
bhagavanbhṛguputrasya pratibhā sānubhūtitaḥ |
yathāsya saphalā jātā tathānyasya na kiṃ bhavet || 1 || vasiṣṭhaḥ |
idamprathamamutpannā sā tadā brahmaṇaḥ padāt |
śuddhā matirbhārgavasya nānyajanmakalaṅkitā || 2 ||
[Analyze grammar]

sarvaiṣaṇānāṃ saṃśāntau śuddhā cittasya yā sthitiḥ |
tatsattvamucyate saiṣā vimalā cidudāhṛtā || 3 ||
[Analyze grammar]

mano nirmalasattvātma yadbhāvayati yādṛśam |
tattathāśu bhavatyeva yathāvarto'rṇave'mbhasaḥ || 4 ||
[Analyze grammar]

yathā bhṛgusutasyaiṣa vibhramaḥ proditaḥ svayam |
pratyekamapyevameva dṛṣṭānto'tra bhṛgoḥ sutaḥ || 5 ||
[Analyze grammar]

bījasyāṅkurapattrādi svaṃ camatkurute yathā |
sarveṣāṃ bhūtasaṅghānāṃ bhramaṣaṇḍastathaiva hi || 6 ||
[Analyze grammar]

yadidaṃ dṛśyate viśvamevamevākhilaṃ hi tat |
pratyekamuditaṃ mithyā mithyaivāstamupaiti ca || 7 ||
[Analyze grammar]

nāstameti na codeti jagatkiñcana kasyacit |
bhrāntimātramidaṃ māyā mudhaiva parijṛmbhate || 8 ||
[Analyze grammar]

yathāsmatpratibhāsasthaḥ so'yaṃ saṃsāraṣaṇḍakaḥ |
tathā teṣāṃ sahasrāṇi mitho'dṛṣṭāni santi hi || 9 ||
[Analyze grammar]

svapnasaṅkalpanagaravyavahārāḥ parasparam |
pṛthag yathā na dṛśyante tathaite saṃsṛtibhramāḥ || 10 ||
[Analyze grammar]

evaṃ nagaravṛndāni nabhassaṅkalparūpiṇām |
santi tāni na dṛśyante mitho jñānadṛśaṃ vinā || 11 ||
[Analyze grammar]

piśācayakṣarakṣāṃsi santyevaṃrūpakāṇi hi |
saṅkalpamātradehāni sukhaduḥkhamayāni ca || 12 ||
[Analyze grammar]

evameva vayaṃ ceme sampannā raghunandana |
svasaṅkalpātmakākārā mithyāsatyatvabhāvitāḥ || 13 ||
[Analyze grammar]

evaṃrūpaiva hi pare vartate sargasaṃsṛtiḥ |
na vāstavī vastutastu saṃsthiteyamavastuni || 14 ||
[Analyze grammar]

pratyekamuditaṃ viśvamevameva mudhaiva hi |
navagulmakarūpeṇa vāsantikaraso yathā || 15 ||
[Analyze grammar]

prathamo'yaṃ svasaṅkalpaḥ suprathāmāgatastathā |
yathātipāramārthyena dṛḍhenetthaṃ vibhāvyate || 16 ||
[Analyze grammar]

pratyekamuditaṃ cittaṃ svasvabhāvodarasthitam |
idamitthaṃsamārambhaṃ jagatpaśyadvinaśyati || 17 ||
[Analyze grammar]

pratibhāsavaśādasti nāsti vastvavalokanāt |
dīrghaḥ svapno jagajjālamālānaṃ cittadantinaḥ || 18 ||
[Analyze grammar]

cittasattaiva hi jagajjagatsattaiva cittakam |
ekābhāve dvayornāśastacca satyavicāraṇāt || 19 ||
[Analyze grammar]

śuddhasya pratibhāso hi satyo bhavati cetasaḥ |
niṣkalaṅke hi lagati paṭe kuṅkumarañjanā || 20 ||
[Analyze grammar]

anyenānāhṛtasyānyo guṇo'vaśyaṃ vivardhate |
anākrāntasya saṅkalpaiḥ pratibhodeti cetasaḥ || 21 ||
[Analyze grammar]

suvarṇo na sthitiṃ yāti malavatyaṃśuke yathā |
ekā dṛṣṭiḥ sthitiṃ yāti na mlāne cittake tathā || 22 ||
[Analyze grammar]

pramārjanādiva maṇestāmrasyeva ca yuktitaḥ |
ciramekadṛḍhābhyāsācchuddhirbhavati cetasaḥ || 23 ||
[Analyze grammar]

rāmaḥ |
pratibhāsātmani jagatyete kālakriyākramāḥ |
sodayāstamayā jātāḥ kathaṃ śukrasya cetasaḥ || 24 ||
[Analyze grammar]

vasiṣṭhaḥ |
yādṛgjagadidaṃ dṛṣṭaṃ śukreṇa pitṛmātṛtaḥ |
tādṛktasya sthitaṃ citte mayūrāṇḍe mayūravat || 25 ||
[Analyze grammar]

svabhāvakośātsvaditaṃ tadanena kramoditam |
bījenāṅkurapattrādilatāpuṣpaphalaṃ yathā || 26 ||
[Analyze grammar]

jīvo yadvāsanāsārastadevāntaḥ prapaśyati |
svapna evātra dṛṣṭānto dīrghasvapnastvidaṃ jagat || 27 ||
[Analyze grammar]

pratyekamudito rāma nanu saṃsāraṣaṇḍakaḥ |
rātrau sainyanarasvapnajālavatsvātmani sphuṭaḥ || 28 ||
[Analyze grammar]

rāmaḥ |
eṣa saṃsṛtiṣaṇḍaugho mithaḥ sammilati svayam |
no vāpi yadi tanme tvaṃ yathāvadvaktumarhasi || 29 ||
[Analyze grammar]

vasiṣṭhaḥ |
malinaṃ hi mano'vīryaṃ na mithaśśleṣamarhati |
ayo'yasīvāsantapte śuddhe tapte tu līyate || 30 ||
[Analyze grammar]

cittatattvāni śuddhāni sammilanti parasparam |
ekarūpāṇi toyāni yāntyaikyaṃ nābilāni hi || 31 ||
[Analyze grammar]

śuddhirhi cittasya vivāsanatvamabhūtasaṃvedanarūpamekam |
tasyāḥ suṣuptātmapadātprabudhya tanmātrayuktyā parasaṅgameti || 32 ||
[Analyze grammar]