Chapter 113

khuraraveṇopadeśāṃśakathanaṃ nāma sargaḥ |
trayodaśottaraśatatamaḥ sargaḥ |
vasiṣṭhaḥ |
eṣā hi vāsanā nityamasatyeva yadutthitā |
dvicandrabhrāntivattena tyaktuṃ rāghava yujyate || 1 ||
[Analyze grammar]

avidyāvidyamānaiva naṣṭaprajñasya vidyate |
nāmnaivāṅgīkṛtābhāvā samyakprajñasya sā kutaḥ || 2 ||
[Analyze grammar]

mā bhavājño bhava prājñaḥ samyag rāma vicāraya |
nāstyevendurdvitīyaḥ khe bhrāntyā saṃlakṣyate mudhā || 3 ||
[Analyze grammar]

nātmatattvādṛte kiñcidvidyate vastvavastu vā |
ūrmimālini vistīrṇe vāripūrādṛte yathā || 4 ||
[Analyze grammar]

svavikalpakṛtānetānbhāvābhāvānasanmayān |
nitye tate site śuddhe mā samāropayātmani || 5 ||
[Analyze grammar]

nāsi kartā kimetāsu kriyāsu mamatā tava |
ekasminvidyamāne hi kiṃ kena kriyate katham || 6 ||
[Analyze grammar]

mā cākartā bhava prājña kimakartṛtayeha te |
sādhyaṃ sādhyamupādeyaṃ tasmātsvastho bhavānagha || 7 ||
[Analyze grammar]

kartā saṃstvamasaktatvādbhavākartā raghūdvaha |
asaktatvādakartāpi kartṛvatspandanaṃ kuru || 8 ||
[Analyze grammar]

satyaṃ cetsyādupādeyaṃ mithyā syāddheyameva tat |
upādeyaikasaktatvād yuktā saktirhi karmaṇi || 9 ||
[Analyze grammar]

yatrendrajālamakhilaṃ māyāmayamavastukam |
tatra kāstāḥ kathaṃ rāma heyopādeyadṛṣṭayaḥ || 10 ||
[Analyze grammar]

saṃsārabījakaṇikā yaiṣāvidyā raghūdvaha |
eṣā hyavidyamānaiva satīva sphāratāṃ gatā || 11 ||
[Analyze grammar]

yeyamābhoginissārasaṃsārārambhacakrikā |
vijñeyā vāsanaiṣā sā caitasī mohadāyinī || 12 ||
[Analyze grammar]

cāruvaṃśalatevāntaśśūnyanissārakoṭarā |
sarittaraṅgamāleva na vyucchinnā vinaśvarī || 13 ||
[Analyze grammar]

gṛhyamāṇāpi hastena grahītuṃ naiva yujyate |
mṛdvyapyatyantatīkṣṇāgrā nirjharormirivotthitā || 14 ||
[Analyze grammar]

dṛśyate prakaṭābhāsā sadarthe nopayujyate |
taraṅgiṇī taraṅgābhāsvākārapariniṣṭhitā || 15 ||
[Analyze grammar]

kvacidvakrā kvacidṛjvī dīrghā kharvā sthirā calā |
yatprasādodbhavā tasmādvyatirekamupāgatā || 16 ||
[Analyze grammar]

antaśśūnyāpi sarvatra dṛśyate'sārasundarī |
na kvacitsaṃsthitāpīha sarvatraivopalakṣyate || 17 ||
[Analyze grammar]

jaḍaiva cinmayīvāsāvanyaspandopajīvinī |
nimeṣamapyatiṣṭhantī sthairyāśaṅkāṃ prayacchati || 18 ||
[Analyze grammar]

jvāleva śuddhavarṇāpi maṣīmalinakoṭarā |
valgatyanyaprasādena kṣīyate tadavīkṣitā || 19 ||
[Analyze grammar]

āloke vimale mlānā tamasyativirājate |
mṛgatṛṣṇeva susphārā nānāvarṇavilāsinī || 20 ||
[Analyze grammar]

vakrā viṣamayī tanvī mṛdvī kaṇṭakakarkaśā |
lalanā cañcalā kṣuddhā tṛṣṇā jihveva bhoginaḥ || 21 ||
[Analyze grammar]

svayaṃ dīpaśikhevāśu kṣīyate snehasaṅkṣaye |
sindūradhūlilekheva vinā rāgaṃ na rañjate || 22 ||
[Analyze grammar]

kṣaṇaprakāśā taralā kṛtasaṃsthā jaḍāśaye |
mugdhānāṃ trāsajananī vakrā vidyudivoditā || 23 ||
[Analyze grammar]

yatnādgṛhītvā dahati bhūtvā bhūtvā pralīyate |
labhyate'pi ca nānviṣṭā vidyudvadatibhaṅgurā || 24 ||
[Analyze grammar]

aprārthitaivopanatā ramaṇīyāpyanarthadā |
akālapuṣpamāleva śreyase nābhinanditā || 25 ||
[Analyze grammar]

atyantavismṛtaivātisukhāya bhramadāyinī |
dussvapnakalaneveyamanarthāyaiva sūtthitā || 26 ||
[Analyze grammar]

pratibhāsavaśādeva trijaganti mahānti ca |
muhūrtamātreṇotpādya dhatte grāsīkaroti ca || 27 ||
[Analyze grammar]

muhūrto vatsaraśreṇī lavaṇasyānayā kṛtā |
rātrirdvādaśavarṣāṇi hariścandrasya nirmitā || 28 ||
[Analyze grammar]

viyogināmathānyeṣāṃ kāntāvirahaśālinām |
rātrirvatsaravaddīrghā bhavatyasyāḥ prasādataḥ || 29 ||
[Analyze grammar]

sukhitasyālpatāmeti duḥkhitasyaiti dīrghatām |
kālo hyasyāḥ prasādena viparyāsaikaśālinā || 30 ||
[Analyze grammar]

asyāḥ svasattāmātreṇa kartṛtaitāsu vṛttiṣu |
dīpasyālokakāryāṇāṃ yathā tadvanna vastutaḥ || 31 ||
[Analyze grammar]

sanitambastanā citre na strī strīdharmiṇī yathā |
tathaivākāradhīreyaṃ kartuṃ yogyā na kiñcana || 32 ||
[Analyze grammar]

manorājyamivākārabhāsvarā satyavarjitā |
sahasraśataśākhāpi na kiñcitparamārthataḥ || 33 ||
[Analyze grammar]

araṇye mṛgatṛṣṇeva mithyaivāḍambarānvitā |
viḍambayati tānmugdhamṛgāneva na mānuṣān || 34 ||
[Analyze grammar]

phenamāleva sañjātadhvastā vicchedavarjitā |
jaḍaiva cañcalākārā gṛhyamānā na kiñcana || 35 ||
[Analyze grammar]

ananyā cetanasyāpi nūnamanyeva ca sthitā |
krimitanturivādīrghā jaḍaivāpyajaḍāśritā || 36 ||
[Analyze grammar]

kaluṣoḍḍāmarakārā rajaḥprasaradhūsarā |
calā kalpāntavātyeva svākrāntabhuvanāntarā || 37 ||
[Analyze grammar]

dhūmālīvāṅgasaṃlagnā dāhasvedapradāyinī |
garbhīkṛtarasākramya jaganti parivartate || 38 ||
[Analyze grammar]

dhārā jaladharasyeva sudīrghā jaḍanirmitā |
asārasaṅghātadṛḍharajjustṛṇagaṇairiva || 39 ||
[Analyze grammar]

taraṅgotpalamāleva kalpanāmātravarṇitā |
mṛṇālīva bahucchidrā paṅkaprauḍhā jaḍātmikā || 40 ||
[Analyze grammar]

jvāleva dṛśyate vṛddhitatparā na ca vardhate |
viṣāsvāda ivāpātamadhurānte sudāruṇā || 41 ||
[Analyze grammar]

naṣṭā dīpaśikhevaiṣā na jāne kveha gacchati |
mihikevāgradṛṣṭāpi gṛhyamāṇā na kiñcana || 42 ||
[Analyze grammar]

pāṃsumuṣṭirivāstīrya prekṣitā pāramāṇavī |
ākāśanīlimevaiṣā nirnimittaiva dṛśyate || 43 ||
[Analyze grammar]

dvicandramohavajjātā svapnavadvihitabhramā |
yathā nauyāyinaḥ sthāṇuspandastadvadihotthitā || 44 ||
[Analyze grammar]

anayopahate citte dīrghakālamivākulaiḥ |
janairālakṣyate dīrghaḥ saṃsārasvapnavibhramaḥ || 45 ||
[Analyze grammar]

manojñamapi satyaṃ ca dṛśyate sadasattayā |
amanojñamasatyaṃ ca dṛśyate'sacca sattayā || 46 ||
[Analyze grammar]

anayopahate tvasmiṃścitrāścetasi vibhramāḥ |
utpadyante vinaśyante taraṅgāstoyadheriva || 47 ||
[Analyze grammar]

padārtharathamārūḍhā bhāvanaiṣā balānvitā |
ākrāmati manaḥ kṣipraṃ vihagaṃ vāgurā yathā || 48 ||
[Analyze grammar]

kāruṇyātspandamānākṣīṃ sravatkṣīralavastanīm |
nayatyullāsitānandaṃ jananīṃ gṛhiṇīpadam || 49 ||
[Analyze grammar]

viṣīkaroti niṣṣyandasantarpitajagattrayam |
sudhā sārdramapi kṣipraṃ pravṛddhā bimbamaindavam || 50 ||
[Analyze grammar]

unmattavaravetālavartanārambhasambhramam |
sthāṇavaḥ samprayacchanti mūkamapyeti yaddhiyā || 51 ||
[Analyze grammar]

sandhyādiṣu ca kāleṣu loṣṭapāṣāṇabhittayaḥ |
asyāḥ prasādāddṛśyante sarpā jagati dṛṣṭibhiḥ || 52 ||
[Analyze grammar]

eko'pi dvitayodeti yathā dviśaśidarśane |
dūramabhyāśatāṃ yāti svapne'bdhitaraṇaṃ yathā || 53 ||
[Analyze grammar]

ādīrghaḥ kṣaṇatāmeti kālaḥ seṣṭā yathā niśā |
kṣaṇo varṣamivābhāti kāntāvirahiṇāmiva || 54 ||
[Analyze grammar]

na tadasti na yannāma na karotīyamuddhatā |
asyāstvakiñcanāyāstu śaktatāṃ paśya rāghava || 55 ||
[Analyze grammar]

saṃrodhayetprayatnena saṃvidaivāśu saṃvidam |
saṃvitsrotonirodhena śuṣyatyeṣā manonadī || 56 ||
[Analyze grammar]

avidyamānayaivedaṃ pelavāṅgyā sutucchayā |
mithyābhāvanayā nāma citramandhīkṛtaṃ jagat || 57 ||
[Analyze grammar]

arūpayā nirākṛtyā cārucetanahīnayā |
asatyevāśu naśyantyā citramandhīkṛtaṃ jagat || 58 ||
[Analyze grammar]

ālokena vinaśyantyā sphurantyā tamaso'ntare |
kauśikekṣaṇadharmiṇyā citramandhīkṛtaṃ jagat || 59 ||
[Analyze grammar]

kukarmaikāntakāriṇyā na sahantyāvalokanam |
dehamapyavijānantyā citramandhīkṛtaṃ jagat || 60 ||
[Analyze grammar]

sudhīrācāradharmiṇyā nityaṃ prākṛtakāntayā |
anāratāstaṅgatayā citramandhīkṛtaṃ jagat || 61 ||
[Analyze grammar]

anantaduḥkhākulayā sadaiva dhṛtayānayā |
sambodhahīnayā nāma citramandhīkṛtaṃ jagat || 62 ||
[Analyze grammar]

kāmakrodhaghanastanyā tamaḥprasaravaktrayā |
acetanaśarīriṇyā citramandhīkṛtaṃ jagat || 63 ||
[Analyze grammar]

ātmāndhakūpāspadayā jaḍayā jāḍyajīrṇayā |
duḥkhadīrghapralāpinyā citramandhīkṛtaṃ jagat || 64 ||
[Analyze grammar]

puruṣāsaṅgabhaṅginyā rogiṇyākṣatamāyayā |
vivartinyā vivakṣāsu citramandhīkṛtaṃ jagat || 65 ||
[Analyze grammar]

puruṣasya na yā śaktā soḍhumīkṣitamapyalam |
tayā striyāśaraṇayā citramandhīkṛtaḥ pumān || 66 ||
[Analyze grammar]

na yasyāścetanaivāsti yāpyanaṣṭaiva naśyati |
tayā striyāpuruṣayā citramandhīkṛtaḥ pumān || 67 ||
[Analyze grammar]

anantaduṣprasaravilāsakāriṇī kṣayodayonmukhasukhaduḥkhakāriṇī |
iyaṃ prabho vigalati kena vāsanā manoguhānilayanibaddhabhāvanā || 68 ||
[Analyze grammar]