Chapter 100

cittopākhyānaṃ samāptaṃ nāma sargaḥ |
śatatamaḥ sargaḥ |
vasiṣṭhaḥ |
cittametadupāyātaṃ brahmaṇaḥ paramātpadāt |
atanmayaṃ tanmayaṃ ca taraṅgaḥ sāgarādiva || 1 ||
[Analyze grammar]

prabuddhānāṃ mano rāma brahmaiveha na cetarat |
jalasāmānyabuddhīnāmabdhernānyastaraṅgakaḥ || 2 ||
[Analyze grammar]

mano rāmāprabuddhānāṃ saṃsārabhramakāraṇam |
apaśyato'mbusāmānyamanyatāmbutaraṅgayoḥ || 3 ||
[Analyze grammar]

aprabuddhadhiyāṃ pakṣe tatprabodhāya kevalam |
vācyavācakasambandhakṛto bhedaḥ prakalpyate || 4 ||
[Analyze grammar]

sarvaśakti paraṃ brahma nityamāpūrṇamavyayam |
na tadasti na tasminyadvidyate vitatātmani || 5 ||
[Analyze grammar]

sarvaśaktirhi bhagavānyaiva tasmai hi rocate |
śaktistāmeva vitatāṃ prakāśayati sarvagaḥ || 6 ||
[Analyze grammar]

cicchaktirbrahmaṇo rāma śarīreṣvabhidṛśyate |
spandaśaktiśca vāteṣu jaḍaśaktistathopale || 7 ||
[Analyze grammar]

dravaśaktirathāmbhassu tejaśśaktistathānale |
śūnyaśaktirathākāśe bhāvaśaktirbhavasthitau || 8 ||
[Analyze grammar]

brahmaṇaḥ sarvaśakterhi dṛśyate daśadiggatā |
nāśaśaktirvināśyeṣu śokaśaktiśca śokiṣu || 9 ||
[Analyze grammar]

ānandaśaktirmudite vīryaśaktirmahābhaṭe |
sargeṣu sargaśaktiśca kalpānte sarvahāritā || 10 ||
[Analyze grammar]

phalapuṣpalatāpattraśākhāviṭapaparvavān |
vṛkṣabīje yathā vṛkṣastathedaṃ brahmaṇi sthitam || 11 ||
[Analyze grammar]

pratibhāsavaśādeva madhyasthaṃ cittvajāḍyayoḥ |
jīvetarābhidhaṃ cittamantarbrahmaṇi dṛśyate || 12 ||
[Analyze grammar]

nānātarulatāgulmajālapallavaśālayaḥ |
yathartau śaktayastadvajjīvehā brahmaṇi sthitāḥ || 13 ||
[Analyze grammar]

vyuptasarvartukusumā kṣmā deśavidhibhedataḥ |
yathā dadāti puṣpāṇi tathā cittāni lokakṛt || 14 ||
[Analyze grammar]

kvacitkāścitkadācicca tasmādāyānti śaktayaḥ |
deśakālāttu vaicitryātkṣmātalādiva śālayaḥ || 15 ||
[Analyze grammar]

nirvikalpakacinmātranāmāvijñātakalpanam |
brahmaivedamahaṃ tvaṃ ca jagadāśāśca rāghava || 16 ||
[Analyze grammar]

sa ātmā sarvago rāma nityoditamahāvapuḥ |
yanmanāṅmananāṃ śaktiṃ dhatte tanmana ucyate || 17 ||
[Analyze grammar]

piñchabhrāntiryathā vyomni payasyāvartadhīryathā |
pratibhāsakalāmātraṃ mano jīvastathātmani || 18 ||
[Analyze grammar]

yadetanmanaso rūpamuditaṃ mananātmakam |
brāhmī śaktirasau tasmādbrahmaiva tadarindama || 19 ||
[Analyze grammar]

idaṃ tadahamityeva vibhāgaḥ pratibhāsajaḥ |
manaso brahmaṇo'nyatve mohaḥ paramakāraṇam || 20 ||
[Analyze grammar]

yad yaccaitanmananatā kiñcitsadasadātmakam |
śabditaṃ sarvaśakteḥ sā śaktirbrahmaiva tāṃ viduḥ || 21 ||
[Analyze grammar]

manassattātmakaṃ nāma yadetanmanasi sthitam |
tajjātaṃ pratibhāsena tenaivānyena naśyati || 22 ||
[Analyze grammar]

pratiyogivyavacchedasaṅkhyārūpādayaśca ye |
manaśśabdaiḥ prakalpyante brahmajānbrahma viddhi tān || 23 ||
[Analyze grammar]

yathā yathāsya manasaḥ pratibhāsaḥ pravartate |
tathā tathaiva bhavati dṛṣṭānto'tra kilaindavāḥ || 24 ||
[Analyze grammar]

svayamakṣubdhavimale yathā spando mahāmbhasi |
saṃsārakāraṇaṃ jīvastathāyaṃ paramātmani || 25 ||
[Analyze grammar]

jñasya sarvacitā rāma brahmaivāvartate sadā |
kallolormitaraṅgoghairabdherjalamivātmani || 26 ||
[Analyze grammar]

dvitīyā nāsti sattaiva nāmarūpakriyātmikā |
pare nānātaraṅge'bdhau kalpaneva jaletarā || 27 ||
[Analyze grammar]

jāyate naśyati tathā yadidaṃ yāti tiṣṭhati |
tadidaṃ brahmaṇi brahma brahmaṇaiva vivartate || 28 ||
[Analyze grammar]

svātmanyevātapastīvro mṛgatṛṣṇikayā yathā |
vaicitryeṇāvicitro'pi sphuratyātmātmanā tathā || 29 ||
[Analyze grammar]

kāraṇaṃ karma kartā ca jananaṃ maraṇaṃ sthitiḥ |
sarvaṃ brahmaiva nānyo'sti tadvinā kalanārthataḥ || 30 ||
[Analyze grammar]

na lobho'sti na moho'sti na tṛṣṇāsti nirañjanāḥ |
ka ātmanyātmano lobhastṛṣṇā moho'thavā kutaḥ || 31 ||
[Analyze grammar]

ātmaivedaṃ jagatsarvamātmaiva kalanākramaḥ |
hemāṅgadatayevāyamātmodeti manastayā || 32 ||
[Analyze grammar]

abuddhaṃ brahma yad rāma taccittaṃ jīva ucyate |
aparijñāta evāśu bandhurāyātyabandhutām || 33 ||
[Analyze grammar]

cinmayenātmanājñena svasaṅkalpanayā svayam |
śūnyatā gaganeneva jīvatā prakaṭīkṛtā || 34 ||
[Analyze grammar]

ātmaivānātmavadiha jīvo jagati rājate |
dvīndutvamiva durdṛṣṭeḥ saccāsacca samutthitam || 35 ||
[Analyze grammar]

mohādiśabdārthadṛśoretayoratyasambhavāt |
sarvatvādātmanaścaiva kvātmā baddhaḥ kva mucyate || 36 ||
[Analyze grammar]

nityāsambhavabandhasya bandho'stīti kukalpanā |
yasya kālpanikastasya mokṣo mithyā na satyataḥ || 37 ||
[Analyze grammar]

rāmaḥ |
mano yanniścayaṃ yāti tattadbhavati nānyathā |
tena kālpaniko nāsti bandhaḥ kathamiva prabho || 38 ||
[Analyze grammar]

vasiṣṭhaḥ |
mithyākālpanikaiveyaṃ mūrkhāṇāṃ bandhakalpanā |
mithyaivābhyuditā teṣāmitarā mokṣakalpanā || 39 ||
[Analyze grammar]

evamajñānakalane bandhamokṣadṛśau smṛte |
vastutastu na bandho'sti na mokṣo'sti mahāmate || 40 ||
[Analyze grammar]

kalpanāyā avastutvaṃ samprabuddhamatiṃ prati |
rajjvaheriva he prājña na tvabuddhamatiṃ prati || 41 ||
[Analyze grammar]

bandhamokṣādisammoho na prājñasyāsti kaścana |
sammoho bandhamokṣādirajñasyaivāsti rāghava || 42 ||
[Analyze grammar]

ādau manastadanu bandhavimokṣadṛṣṭī paścātprapañcaracanā bhuvanābhidhānā |
ityādikā sthitiriyaṃ hi gatā pratiṣṭhāmākhyāyikā bhavati bālajanociteva || 43 ||
[Analyze grammar]