Chapter 92

jīvāvatāraṇakramopadeśo nāma sargaḥ |
dvinavatitamaḥ sargaḥ |
vasiṣṭhaḥ |
ityuktavān sa bhagavānmayā kamalasambhavaḥ |
raghūdvaha punaḥ pṛṣṭo vākyamākṣipya bhūtapaḥ || 1 ||
[Analyze grammar]

tvayaiva bhagavanproktāśśāpamantrādiśaktayaḥ |
amoghā iti tā eva kathaṃ moghīkṛtāḥ punaḥ || 2 ||
[Analyze grammar]

śāpena mantravīryeṇa manobuddhīndriyāṇyapi |
sarvāṇyeva vimūḍhāni dṛṣṭāni kila jantuṣu || 3 ||
[Analyze grammar]

yathaitau pavanaspandau yathā snehaghṛte tathā |
abhinnau tadvadevaitau manodehau sadaiva hi || 4 ||
[Analyze grammar]

atha nāstyeva vā dehaḥ kevalaṃ cetasohitaḥ |
mudhānubhūyate svapnamṛgatṛṣṇādvicandravat || 5 ||
[Analyze grammar]

ekanāśe dvayoreva nāśo'trābhyupapadyate |
avaśyabhāvī tu manonāśe dehaparikṣayaḥ || 6 ||
[Analyze grammar]

manaśśāpādibhirdoṣaiḥ kathaṃ nākramyate prabho |
kathamākramyate vāpi brūhi me parameśvara || 7 ||
[Analyze grammar]

brahmā |
na tadasti jagatkośe śubhakarmānupātinā |
yatpauruṣeṇa śuddhena na samāsādyate janaiḥ || 8 ||
[Analyze grammar]

ābrahmasthāvarāntaṃ ca sarvadā sarvajātayaḥ |
sarvā eva jagatyasmindviśarīrāśśarīriṇām || 9 ||
[Analyze grammar]

ekaṃ manaśśarīraṃ tu kṣiprakāri sthitaṃ calam |
akiñcitkaramanyattu śarīraṃ māṃsanirmitam || 10 ||
[Analyze grammar]

yatra māṃsamayaḥ kāyaḥ sarvasyaiva vaśaṅgataḥ |
sarvairāyāsyate śāpaistathādhivyādhisañcayaiḥ || 11 ||
[Analyze grammar]

mūkaprāyo hyaśakto'sau dīnaḥ kṣaṇavinaśvaraḥ |
padmapattrāmbucapalo devādivivaśasthitiḥ || 12 ||
[Analyze grammar]

mano nāma dvitīyo yaḥ kāyaḥ kāyavatāmiha |
sa āyatto'pi nāyatto bhūtānāṃ bhuvanatraye || 13 ||
[Analyze grammar]

pauruṣaṃ svamavaṣṭabhya dhairyamālambya śāśvatam |
yadi tiṣṭhatyagamyo'sau duḥkhānāṃ tadaninditaḥ || 14 ||
[Analyze grammar]

yathā yathāsau yatate manodeho hi dehinām |
tathā tathāsau bhavati svaniścayaphalaikabhāk || 15 ||
[Analyze grammar]

saphalo māṃsadehasya na kaścitpauruṣakramaḥ |
manodehasya saphalaṃ sarvameva svaceṣṭitam || 16 ||
[Analyze grammar]

pavitramanusandhānaṃ cetasā yaḥ smaran sthitaḥ |
niṣphalāstatra śāpādyāśśilāyāmiva sāyakāḥ || 17 ||
[Analyze grammar]

patatvambhasi vahnau vā kardame vā kalevaram |
mano yadanusandhatte tadevāpnoti niścitam || 18 ||
[Analyze grammar]

pauruṣātiśayaḥ sarvaḥ sarvabhāvopamardajaḥ |
dadātyavighnena phalaṃ mano hi manaso mune || 19 ||
[Analyze grammar]

pauruṣeṇa balenāntaścittaṃ kṛtvā priyāmayam |
kṛtrimendreṇa duḥkhārtirna dṛṣṭā śāsanāsvapi || 20 ||
[Analyze grammar]

pauruṣeṇa manaḥ kṛtvā nīrāgaṃ vigatajvaram |
māṇḍavyena jitāḥ kleśāśśūlaprānte'pi tiṣṭhatā || 21 ||
[Analyze grammar]

andhakūpe sthitenāpi mānasairyajñasañcayaiḥ |
ṛṣiṇā dīrghatapasā samprāptaṃ vaibudhaṃ puram || 22 ||
[Analyze grammar]

indoḥ putrairnaraireva puruṣādhyavasāyataḥ |
dhyānena brahmatā prāptā yā mayāpi na khaṇḍyate || 23 ||
[Analyze grammar]

anye'py sāvadhānā ye dhīrāḥ suramaharṣayaḥ |
cittātsvamanusandhānaṃ na tyajanti manāgapi || 24 ||
[Analyze grammar]

ādhayo vyādhayaścaiva śāpāḥ pāpadṛśastathā |
na khaṇḍayanti tānpadmapattrāghātāśśilāmiva || 25 ||
[Analyze grammar]

ye vāpi khaṇḍitāḥ kecicchāpādyairādhisāyakaiḥ |
svavivekākṣamaṃ teṣāṃ mano manye'pyapauruṣam || 26 ||
[Analyze grammar]

na kadācana saṃsāre sāvadhānamanā manāk |
svapne'pi kaścidastyeva doṣajālaiḥ khalīkṛtaḥ || 27 ||
[Analyze grammar]

manasaiva manastasmātpauruṣeṇa pumāniha |
svakameva svakenaiva yojayetpāvane pathi || 28 ||
[Analyze grammar]

pratibhātaṃ yadevāsya tathārūpaṃ bhavatyalam |
kṣaṇādeva manaḥ pīnaṃ bālavetālavanmune || 29 ||
[Analyze grammar]

pratibhāsasyānupadaṃ prāktanīṃ sthitimujjhati |
kulālakarmānupadaṃ ghaṭo mṛtpiṇḍatāmiva || 30 ||
[Analyze grammar]

pratibhātārthatāmeti kṣaṇādeva mano mune |
spandamātrātmakaṃ vāri yathā tuṅgataraṅgatām || 31 ||
[Analyze grammar]

anusandhānamātreṇa sūryabimbe'pi yāminīm |
manaḥ paśyatyaśuddhākṣaścandrabimbe dvitāmiva || 32 ||
[Analyze grammar]

yatpaśyati tadevāśu phalībhūtamidaṃ manaḥ |
saha harṣaviṣādābhyāṃ bhuṅkte tasmāttadeva sat || 33 ||
[Analyze grammar]

pratibhānupadaṃ caitaccandre'pyagniśikhāśatam |
dṛṣṭvā dāhamavāpnoti dagdhaṃ ca paritapyate || 34 ||
[Analyze grammar]

pratibhānupadaṃ cetaḥ kṣāre'pi hi rasāyanam |
dṛṣṭvā pītvā parāṃ tṛptiṃ yāti valgati dṛpyati || 35 ||
[Analyze grammar]

pratibhānupadaṃ ceto vyomanyapi mahāvanam |
dṛṣṭvā lunāti lūtvā ca punarāropayatyalam || 36 ||
[Analyze grammar]

itthaṃ yadeva parikalpayatīndrajālaṃ kṣipraṃ tadeva paripaśyati tāta cetaḥ |
nāsajjaganna ca sadityavagamya nūnamenāṃ dṛśaṃ vividhabhedavatīṃ jahīhi || 37 ||
[Analyze grammar]