Chapter 91

ekanavatitamaḥ sargaḥ |
bhānuḥ |
tenaitadvacmi bhagavanyathājātaṃ mano mune |
anigrāhyamabhedyaṃ ca śāpairapi durāsadaiḥ || 1 ||
[Analyze grammar]

aindavānāmataḥ sṛṣṭikramāṇāṃ pravināśanam |
yujyate na na ca brahmanyuktametanmahātmanaḥ || 2 ||
[Analyze grammar]

kiṃ tadasti jagatyasminvividheṣu jagatsu vā |
tavāpi nātha nāthasya yaddainyāya mahātmanaḥ || 3 ||
[Analyze grammar]

mano hi jagatāṃ kartṛ mano hi puruṣaḥ smṛtaḥ |
manaḥkṛtaṃ kṛtaṃ loke na śarīrakṛtaṃ kṛtam || 4 ||
[Analyze grammar]

yanmanoniścayakṛtaṃ taddravyauṣadhidaṇḍanaiḥ |
hantuṃ na śakyate jantoḥ pratibimbaṃ maṇeriva || 5 ||
[Analyze grammar]

tasmādete'tra tiṣṭhantu bhāsuraiḥ sargasambhramaiḥ |
tvaṃ sṛṣṭveha prajāstiṣṭha buddhyākāśe'pyanantakaḥ || 6 ||
[Analyze grammar]

cittākāśaścidākāśa ākāśaśca tṛtīyakaḥ |
anantāstraya evaite cidākāśaprakāśitāḥ || 7 ||
[Analyze grammar]

ekaṃ dvau vā bahūnvāpi kuru sargānprajāpate |
svecchayātmani tiṣṭha tvaṃ kiṃ gṛhītaṃ tavaindavaiḥ || 8 ||
[Analyze grammar]

brahmā |
athaindave jagajjāle bhānunetthamudāhṛte |
mayā sañcintya suciramidamuktaṃ mahāmune || 9 ||
[Analyze grammar]

yuktamuktaṃ tvayā bhāno vitataṃ hi kilāmbaram |
manaśca vitataṃ cāpi cidākāśaśca vistṛtaḥ || 10 ||
[Analyze grammar]

tad yathābhimataṃ sargaṃ nityaṃ karma karomyaham |
kalpayāmi bahūnyāśu bhūtajālāni bhāskara || 11 ||
[Analyze grammar]

tattvamevāśu bhagavanprathamo'tra manurbhava |
kuru sargaṃ yathākāmaṃ mayā samabhicoditaḥ || 12 ||
[Analyze grammar]

athaitatsa mahātejā mama vākyaṃ prabhākaraḥ |
aṅgīkṛtya dvidhātmānaṃ cakāra tapatāṃ varaḥ || 13 ||
[Analyze grammar]

ekena prāktane tasminvapuṣā sūryatāṃ gataḥ |
vyomādhvagatayā sarge tatāna divasāvalīm || 14 ||
[Analyze grammar]

manmanutvaṃ dvitīyena kṛtvā svavapuṣā kṣaṇāt |
sasarja sakalāṃ sṛṣṭiṃ tatāmabhimatāṃ mama || 15 ||
[Analyze grammar]

pratibhāsamupāyāti yad yadasya hi cetasaḥ |
tattatprakaṭatāmeti sthairyaṃ saphalatāmapi || 16 ||
[Analyze grammar]

sāmānyabrāhmaṇā bhūtvā pratibhāsavaśātkila |
aindavā brahmatāṃ yātā manasaḥ paśya śaktatām || 17 ||
[Analyze grammar]

yathaivaindavajīvāste cittatvādbrahmatāṃ gatāḥ |
vayaṃ tathaiva cidbhāvāccittatvādbrahmatāṃ gatāḥ || 18 ||
[Analyze grammar]

cittaṃ hi pratibhāsātma yacca tatpratibhāsanam |
tadidaṃ bhāti dehādikhābhaṃ nāto'sti dehadṛk || 19 ||
[Analyze grammar]

cittvamātmacamatkārastaccamatkurute svataḥ |
yad yāvatsambhavaṃ svātmanyevāntarmaricātmavat || 20 ||
[Analyze grammar]

tadetaccittavadbhātamātivāhikanāmakam |
tadevodāharantyetaddehanāmnā ghanaṃ bhrami || 21 ||
[Analyze grammar]

kathyate jīvanāmnaitaccetaḥ pratanuvāsanam |
śāntaṃ dehacamatkāraṃ jīvaṃ viddhi kramātparam || 22 ||
[Analyze grammar]

nāhaṃ na cānyadastīha cittvaṃ cittamidaṃ sthitam |
vasiṣṭhaindavasaṃvidvadasatsattāmivāgatam || 23 ||
[Analyze grammar]

yathaindavamano brahmā tathaivāyamahaṃ sthitaḥ |
matkṛtaṃ cāhamevedaṃ saṅkalpātmaiva bhāsate || 24 ||
[Analyze grammar]

kaściccittavilāso'yaṃ brahmāhamiti saṃsthitaḥ |
svabhāva eva dehādi viddhi śūnyatarātmakhāt || 25 ||
[Analyze grammar]

śuddhā citparamātmaikarūpiṇītyeva bhāvanāt |
jīvībhūya mano bhūtvā vettītthaṃ dehatāṃ mudhā || 26 ||
[Analyze grammar]

sarvamaindavasaṃsāravadidaṃ bhāti cidvapuḥ |
sampannamaprabodhātma dīrghasvapnaḥ svaśaktijaḥ || 27 ||
[Analyze grammar]

dvicandravibhramākāraṃ tanmātrākāravibhramam |
aindavābjajavad rūḍhaṃ citaścittvaṃ mano bhavet || 28 ||
[Analyze grammar]

na sannāsadahaṃrūpaṃ sattvāsattve tathaiva ca |
upalambhena sadrūpamasatyaṃ tadvirodhataḥ || 29 ||
[Analyze grammar]

jaḍājaḍaṃ mano viddhi saṅkalpātma bṛhadvapuḥ |
ajaḍaṃ brahmarūpatvājjaḍaṃ dṛśyātmatāgamāt || 30 ||
[Analyze grammar]

dṛśyānubhavasatyātma tadabhāve vilāyi tat |
kaṭakatvaṃ yathā hemni tathā brahmaṇi saṃsthitam || 31 ||
[Analyze grammar]

sarvatvādbrahmaṇaḥ sarvaṃ jaḍaṃ cinmayameva vā |
asmadādiśilāntātma na jaḍaṃ na ca cetanam || 32 ||
[Analyze grammar]

dārvādīnāmacittvena nopalambhasya sambhavaḥ |
upalambho hi sadṛśasambandhādeva jāyate || 33 ||
[Analyze grammar]

upalabdherjaḍaṃ viddhi cetanaṃ sarvameva hi |
upalambho hi sambandhātsambandho hi samātmanoḥ || 34 ||
[Analyze grammar]

jaḍacetanaśāntādiśabdārthaśrīrna vidyate |
anirdeśye pade pattralatādīva mahāmarau || 35 ||
[Analyze grammar]

citau yaccetyakalanaṃ tanmanastvamudāhṛtam |
cidbhāgo'trājaḍo bhāgo jāḍyamatra tu cetyatā || 36 ||
[Analyze grammar]

cidbhāgo'trāvabodhāṃśo jaḍaṃ cetyaṃ hi dṛśyatā |
iti jīvo jagadbhrāntiṃ paśyan gacchati lolatām || 37 ||
[Analyze grammar]

citā sva eva bhāvo'sau śuddhayaivaṃ dvayīkṛtaḥ |
ataḥ sarvaṃ jagatsaiva dvaitaṃ labdhāṃśameva tat || 38 ||
[Analyze grammar]

svamevānyatayā dṛṣṭvā citirdṛśyatayā vapuḥ |
nirbhāgāpyekabhāgābhaṃ bhramatīva bhramāturā || 39 ||
[Analyze grammar]

na bhrāntirasti bhramabhāṅ naivetīha hi niścayaḥ |
paripūrṇārṇavaprakhyā citītthaṃ saṃsthitā citiḥ || 40 ||
[Analyze grammar]

sarvatvājjāḍyamastvasyāṃ citi cittvaṃ ca vetsi tat |
cidbhāgo'trāvabodhāṃśastvahantājaḍatodayaḥ || 41 ||
[Analyze grammar]

ahantvādi pare tattve manāgapi na vidyate |
ūrmyādīva pṛthaktoye saṃvitsāraṃ hi tad yataḥ || 42 ||
[Analyze grammar]

ahampratyayasandṛśyaṃ cetyaṃ viddhi samutthitam |
mṛgatṛṣṇāsvivātastannūnaṃ vidyata eva no || 43 ||
[Analyze grammar]

ahantāpadamātrātmapadaṃ viddhi nirāmayam |
vidaṃ vidurahantādi śaityameva yathā himam || 44 ||
[Analyze grammar]

citaiva cetyate jāḍyaṃ svapne svamaraṇopamam |
sarvātmatvātsarvaśaktīḥ kurvatī naiti sāmyatām || 45 ||
[Analyze grammar]

manaḥ padārthāditayā sarvarūpaṃ vijṛmbhate |
nānātmā cittadeho'yamākāśaviṣadākṛtiḥ || 46 ||
[Analyze grammar]

dehādi dehapratibhārūpātma tyajatā sadā |
vicāryaṃ pratibhāsātma cittvaṃ cittvena vai sphuṭam || 47 ||
[Analyze grammar]

cittatāmre śodhite hi paramārthasuvarṇatām |
gate'kṛtrima ānandaḥ kiṃ dehopalakhaṇḍakaiḥ || 48 ||
[Analyze grammar]

yadvidyate śodhyate taddhautaḥ kena khapādapaḥ |
dehādyavidyā satyā ced yukta etāṃ prati grahaḥ || 49 ||
[Analyze grammar]

asatyābhiniviṣṭānāṃ dehādāvadhiyāmiha |
ye nāmopadiśantyajñāḥ kecitte puruṣaiḍakāḥ || 50 ||
[Analyze grammar]

yathaitadbhāvayetsvāntaṃ tathaitadbhavati kṣaṇāt |
dṛṣṭānto'traindavāhalyākṛtrimendrādiniścayaḥ || 51 ||
[Analyze grammar]

yad yad yathā sphurati svapratibhātma cittaṃ tattattathā bhavati dehatayoditātma |
deho'yamasti na na cāhamiti svarūpaṃ vijñānamekamavagamya niricchamāssva || 52 ||
[Analyze grammar]

deho'yameṣa ca kilāhamiti svabhāvāddehārthameva yatate tata eti nāśam |
yakṣādikalpanavaśādbhayameti bālo niryakṣadeśagata eva kayāpi yuktyā || 53 ||
[Analyze grammar]