Chapter 74

sūcītapaḥparipākavarṇanaṃ nāma sargaḥ |
catussaptatitamaḥ sargaḥ |
vasiṣṭhaḥ |
tatra tasyordhvaśṛṅgasya tasyāṃ mūrdhamahāvanau |
dadarśa madhye tāṃ sūcīṃ protthitāṃ saśikhāmiva || 1 ||
[Analyze grammar]

ekapādaṃ tapasyantīṃ śuṣyantīṃ ciramūṣmapām |
satatānaśanācchuṣkāṃ piṇḍībhūtodaratvacam || 2 ||
[Analyze grammar]

sakṛdvikāsināsyena gṛhītvaiva tamānilam |
paścāttyajantīṃ hṛdaye'pyeva māntīmanāratam || 3 ||
[Analyze grammar]

śuṣkāṃ caṇḍāṃśukiraṇairjarjarāṃ vanavāyubhiḥ |
acalantīṃ nijātsthānātsnapitāminduraśmibhiḥ || 4 ||
[Analyze grammar]

pūrvaṃ rajo'ṇunaikena samadhiṣṭhitamastakām |
kṛtārthatvaṃ kalayatā dadatānyasya nāspadam || 5 ||
[Analyze grammar]

araṇyeneva dattārghāṃ cirājjātaśikhāmiva |
mūrdhnīva sthāpitaprāṇāṃ jaṭākūṭavatīmiva || 6 ||
[Analyze grammar]

tāṃ vīkṣya pavanaḥ sūcīṃ vismayākulacetanaḥ |
praṇamyālokya caritaṃ bhītabhīta ivāgrataḥ || 7 ||
[Analyze grammar]

mahātapasvinī sūci kimarthaṃ tapyase tapaḥ |
neti vaktuṃ śaśākāsau tattejorāśinirjitaḥ || 8 ||
[Analyze grammar]

bhagavatyā mahāsūcyā aho citraṃ mahattapaḥ |
ityeva kevalaṃ dhyāyanmāruto gaganaṃ yayau || 9 ||
[Analyze grammar]

samullaṅghyābhramārgaṃ tu vātaskandhānatītya ca |
siddhavṛndānyadhaḥ kṛtvā sūryamārgamupetya ca || 10 ||
[Analyze grammar]

ūrdhvametya vicārebhyaḥ prāpa śakrapurāntaram |
sūcidarśanapuṇyaṃ tamāliliṅga purandaraḥ || 11 ||
[Analyze grammar]

pṛṣṭaśca kathayāmāsa dṛṣṭaṃ sarvaṃ mayetyasau |
sahadevanikāyāya śakrāyāsthānavāsine || 12 ||
[Analyze grammar]

vāyuḥ |
jambudvīpe'sti śailendro himavānnāma sūnnataḥ |
jāmātā yasya bhagavān sākṣācchaśikalādharaḥ || 13 ||
[Analyze grammar]

tasyottare mahāśṛṅgapṛṣṭhe paramarūpiṇī |
sthitā tapasvinī sūcī tapaścarati dāruṇam || 14 ||
[Analyze grammar]

bahunātra kimuktena vātādyaśanaśāntaye |
tayā svodarasauṣiryaṃ piṇḍīkṛtya nivāritam || 15 ||
[Analyze grammar]

śāntasaṅkocamūṣmārthaṃ vikāsyāsyaṃ rajo'ṇunā |
tayādya sthagitaṃ śītavātāśananivṛttaye || 16 ||
[Analyze grammar]

tasyāstīvreṇa tapasā tuhinākāramutsṛjan |
agnyākāramago gṛhṇandevadussevyatāṃ gataḥ || 17 ||
[Analyze grammar]

taduttiṣṭhāśu gacchāmaḥ sarva eva pitāmaham |
tadvarārthamanarthāya viddhi taddussahaṃ tapaḥ || 18 ||
[Analyze grammar]

iti vāteritaśśakraḥ saha devagaṇena saḥ |
jagāma brahmaṇo lokaṃ prārthayāmāsa taṃ prabhum || 19 ||
[Analyze grammar]

sūcyā ahaṃ varaṃ dātuṃ gacchāmi himavacchiraḥ |
brahmaṇeti pratijñāte śakraḥ svargamupāyayau || 20 ||
[Analyze grammar]

etāvatātha kālena sā babhūva ca pāvanī |
sūcī nijatapastāpatāpitāmaramandirā || 21 ||
[Analyze grammar]

mukharandhrasthitārkāṃśudṛśā svacchāyayaiva sā |
vismayinyā vivartinyā ādināntamupekṣitā || 22 ||
[Analyze grammar]

kauśeyasūcyā tṛṇavanmeruḥ sthairyeṇa nirjitaḥ |
majjanitryeti vṛddhyeva yuktayādyantayordine || 23 ||
[Analyze grammar]

madhyāhne tāpabhītyeva viśantyā māturantaram |
anyadā gauravāddṛṣṭyā dūrataḥ prekṣyamāṇayā || 24 ||
[Analyze grammar]

sā tāmavekṣite'kṣṇārāttāpādaṅge nimajjati |
saṅkaṭe vismaratyeva jano gauravasatkriyām || 25 ||
[Analyze grammar]

chāyāsūcistāpasūcistayetyātmatṛtīyayā |
trikoṇaṃ tapasā pūtaṃ vārāṇasyāḥ samaṃ kṛtam || 26 ||
[Analyze grammar]

gatāstena trikoṇena trivarṇaparikhāvatā |
vāyavaḥ pāṃsavo ye'pi te parāṃ muktimāgatāḥ || 27 ||
[Analyze grammar]

viditaparamakāraṇātha jātā svayamanu cetanasaṃvidaṃ vicārya |
svamananakalanānusāra ekastviha hi guruḥ paramo na rāghavānyaḥ || 28 ||
[Analyze grammar]