Chapter 67

saṃsṛtyupaśamayogo nāma sargaḥ |
saptaṣaṣṭitamaḥ sargaḥ |
rāmaḥ |
manastvayogyo jīvo'yaṃ ko bhavetparamātmanaḥ |
kathaṃ vāsmin samutpannaḥ ko vāyaṃ vada me punaḥ || 1 ||
[Analyze grammar]

vasiṣṭhaḥ |
samastaśaktikacitaṃ brahma sarveśvaraṃ sadā |
yayaiva śaktyā sphurati prāptāṃ tāmeva paśyati || 2 ||
[Analyze grammar]

svayaṃ yāṃ vetti sarvātmā citiṃ cetanarūpiṇīm |
sā proktā jīvaśabdena saiva saṅkalpakāriṇī || 3 ||
[Analyze grammar]

svabhāvakāraṇaṃ dvitve pūrvaṃ saṅkalpya citsvayam |
nānākāraṇatāṃ paścād yāti janmamṛtisthitau || 4 ||
[Analyze grammar]

rāmaḥ |
evaṃ sthite muniśreṣṭha daivaṃ nāma kimucyate |
kimucyate tathā karma kāraṇaṃ ca kimucyate || 5 ||
[Analyze grammar]

vasiṣṭhaḥ |
spandāspandasvabhāvaṃ hi cinmātramiha vidyate |
khe vāta iva tatspandātsollāsaṃ śāntamanyathā || 6 ||
[Analyze grammar]

citaścittvaṃ bhāvitaṃ satspanda ityucyate budhaiḥ |
dṛśyatvābhāvitaṃ caitadaspandanamiti smṛtam || 7 ||
[Analyze grammar]

spandātsphurantī citsargo nisspandā brahma śāśvatam |
jīvakāraṇakarmādyāścitspandasyābhidhāḥ smṛtāḥ || 8 ||
[Analyze grammar]

ya evānubhavātmāyaṃ citspando'sti sa eva hi |
jīvakāraṇakarmākhyo bījametaddhi saṃsṛteḥ || 9 ||
[Analyze grammar]

kṛtadvitvacidābhāsavaśāddeha upasthite |
saṅkalpavividhārthatvaṃ citspando'nubhavaṃścirāt || 10 ||
[Analyze grammar]

nānākāraṇatāṃ yātaścitspando mucyate cirāt |
kaścijjanmasahasreṇa kaścidekena janmanā || 11 ||
[Analyze grammar]

svabhāvakāraṇāddvitvaṃ citsametyātha gacchati |
svargāpavarganarakabandhakāraṇatāṃ śanaiḥ || 12 ||
[Analyze grammar]

hemnīva kaṭakāditvaṃ kāṣṭhaloṣṭasamasthitau |
dehe tiṣṭhati nānātvaṃ jaḍe bhāvavikārajam || 13 ||
[Analyze grammar]

ajātamapyasadrūpaṃ paśyatīmaṃ bhramaṃ manaḥ |
jātaḥ sthito mṛto'smīti bhramāntaḥpatanaṃ yathā || 14 ||
[Analyze grammar]

ahaṃ mametyasadrūpameva cetaḥ prapaśyati |
adṛṣṭaparamārthatvādāśāvivaśasaṃsthiti || 15 ||
[Analyze grammar]

mathurādhipate rājño yathā śvapacasambhramaḥ |
āsīdevaṃ hi cittasya sphuratīyaṃ jagatsthitiḥ || 16 ||
[Analyze grammar]

sarvameva manomātrabhrāntyullāsavijṛmbhaṇam |
idaṃ jīvatayā nāma prasphuratyambubhaṅgavat || 17 ||
[Analyze grammar]

śivātprākkāraṇātpūrvaṃ ciccetyakalanonmukhī |
udeti saumyājjaladheḥ payasspando manāgiva || 18 ||
[Analyze grammar]

sphuraṇājjīvacakratvametya cittormitāṃ gatam |
cidvāri brahmajaladhau kurute sargabudbudam || 19 ||
[Analyze grammar]

svacchasaumyasamasyeṣad yatsiṃhasyeva jṛmbhaṇam |
brahmaṇaḥ sa cidābhāsastatsacetyamiva svayam || 20 ||
[Analyze grammar]

citsacetyocyate jīvaḥ sa saṅkalpānmano bhavet |
buddhiścetyamahaṅkāro māyetyādyabhidhaṃ tataḥ || 21 ||
[Analyze grammar]

tanmātrakalpanā pūrvaṃ tanotīdaṃ jaganmanaḥ |
asatyaṃ satyasaṅkāśaṃ gandharvanagaraṃ yathā || 22 ||
[Analyze grammar]

yathā śūnyadṛśastārāmuktāvalyādidarśanam |
yathā svapne bhramaścaiva tathā cittasya saṃsṛtiḥ || 23 ||
[Analyze grammar]

śuddha ātmā nityatṛpta iva śāntaḥ samasthitiḥ |
apaśyanpaśyatīvemaṃ cittākhyaṃ svapnavibhramam || 24 ||
[Analyze grammar]

saṃsṛtirjāgradityuktaṃ svapnaṃ vidurahaṅkṛtim |
cittaṃ suṣuptabhāvaḥ syāccinmātraṃ turyamucyate || 25 ||
[Analyze grammar]

atyantaśuddhacinmātre pariṇāmaścirāya yaḥ |
turyātītaṃ padaṃ yatsyāttatstho bhūyo na śocati || 26 ||
[Analyze grammar]

tasmin sarvamudetīdaṃ tasminneva pralīyate |
tatraiva tanute cedaṃ dṛṣṭau muktāvalī yathā || 27 ||
[Analyze grammar]

arodhakatvātkhaṃ heturyathā vṛkṣasamunnateḥ |
akartryapi tathā kartrī cetanāccijjagatsthiteḥ || 28 ||
[Analyze grammar]

sannidhānād yathā lohaḥ pratibimbasya hetutām |
yātyādarśastathaivāyaṃ cinmayo'pyarthavedane || 29 ||
[Analyze grammar]

bījamaṅkurapattrādiyuktyā yadvatphalaṃ bhavet |
cinmātraṃ cetyajīvādiyuktyā tadvanmano bhavet || 30 ||
[Analyze grammar]

svato bījaṃ phalādyujjhad yathā bījaṃ punarbhavet |
tathā ciccetyacittādi tyaktvā svāsthyena tiṣṭhati || 31 ||
[Analyze grammar]

yadyapyabodhe bodhe ca bījāntastarubījayoḥ |
iva bhedo'sti na jagadbrahmaṇorapi cittayoḥ || 32 ||
[Analyze grammar]

tathāpi vyajyate bodhe satyātmatvamakhaṇḍitam |
rūpaśrīriva dīpena cinmātrālokameti yat || 33 ||
[Analyze grammar]

yad yannikhanyate bhūmeryathā tattannabho bhavet |
yā yā vicāryate'vidyā tathā sā sā paraṃ bhavet || 34 ||
[Analyze grammar]

sphaṭikāntaḥ sanniveśaḥ svāṇūnāṃ vedanād yathā |
śuddho'pi bhāti nāneva tathā brahmodaraṃ jagat || 35 ||
[Analyze grammar]

brahma sarvaṃ jagadvastu piṇḍa ekamakhaṇḍitam |
phalapattralatāgulmapīṭhaṃ bījamiva sthitam || 36 ||
[Analyze grammar]

rāmaḥ |
aho citraṃ jagadidamasatsadiva bhāsate |
aho bṛhadaho svacchamaho sphuṭamaho tanu || 37 ||
[Analyze grammar]

brahmaṇi pratibhāsātmā tanmātragaṇagolakaḥ |
avaśyāyakaṇābho'sau yathā sphurati tacchrutam || 38 ||
[Analyze grammar]

yathāsau yāti vaimukhyaṃ yathā bhavati cātmabhūḥ |
yathā svabhāvasiddhirvā tathā kathaya me prabho || 39 ||
[Analyze grammar]

vasiṣṭhaḥ |
atyantāsambhavad rūpamananyatsvasvabhāvataḥ |
atyantānanubhūtaṃ satsvanubhūtamivāgrataḥ || 40 ||
[Analyze grammar]

hullaḥ sabhullo ghullāṅgha iti bālahṛdi sphuṭam |
yathodeti tathodeti pare brahmaṇi jīvatā || 41 ||
[Analyze grammar]

mānameyātmikāśuddhāsatyaiva satyavatsthitā |
bhinneva ca na bhinnāsmādbrahmaṇo bṛṃhaṇātmikā || 42 ||
[Analyze grammar]

yathā brahma bhavatyāśu jīvaḥ kalanajīvitaḥ |
tathā jīvo bhavatyāśu mano mananavedanam || 43 ||
[Analyze grammar]

cittaṃ tanmātramananaṃ paśyatyāśu svarūpavat |
eṣa saṅgho'nilalavaprakhyaḥ sphurati khāntare || 44 ||
[Analyze grammar]

aucchūnyameṣo'nubhavatyavaśyāyakaṇopamam |
saṃvedanātmakaṃ kālakalitaikāntamātmani || 45 ||
[Analyze grammar]

ahaṃ kimiti śabdārthavedanāṃ so'ṅgasaṃvidam |
saṃvidanvastuśabdārthaṃ jīvaḥ paśyati sārthakam || 46 ||
[Analyze grammar]

tādṛksaṃvedanaḥ so'tha rasaśabdārthavedanam |
bhāvijihvārthanāmnaikadeśe'nubhavati kṣaṇāt || 47 ||
[Analyze grammar]

tādṛksaṃvedanājjīvaśśabdārthonmukhatāṃ gataḥ |
bhaviṣyannetranāmnaikadeśe bhavati bhāsanam || 48 ||
[Analyze grammar]

tādṛksaṃvedanaḥ so'tha ghrāṇaṃ tadvṛttivedanāt |
sthito yasminbhaviṣyantī tāvaddṛṣṭyāditatsthitiḥ || 49 ||
[Analyze grammar]

evamprāyaḥ sa jīvātmā kākatālīyavacchanaiḥ |
viśiṣṭasanniveśatvaṃ bhāvitaṃ paśyati svataḥ || 50 ||
[Analyze grammar]

sa tasya sanniveśasya tvasato'pi sataḥ sataḥ |
śabdabhāvaikadeśatvaṃ śravaṇārthena vindati || 51 ||
[Analyze grammar]

sparśabhāvaikadeśatvaṃ tvakchabdārthena vindati |
rasabhāvaikadeśatvaṃ jihvārthākṛti paśyati || 52 ||
[Analyze grammar]

rūpabhāvaikadeśatvaṃ netrārthākṛti paśyati |
gandhabhāvaikadeśatvaṃ nāsikātvena paśyati || 53 ||
[Analyze grammar]

evambhāvamayaitattā prakaṭīkaraṇakṣamam |
bhaviṣyadindriyākhyaṃ sā randhraṃ paśyati dehake || 54 ||
[Analyze grammar]

ityevamādijīvasya rāghavādyatanasya ca |
udeti pratibhāsātmā deha evātivāhikaḥ || 55 ||
[Analyze grammar]

anākhyaiva parā sattā svātivāhikatāmiva |
sā gacchatyapyagacchantī tādṛkśaktyātmabhāvanāt || 56 ||
[Analyze grammar]

mātṛmeyapramāṇādi yadā brahmaiva vedanāt |
tadātivāhikoktīnāṃ kaḥ prasaṅgastadeva tat || 57 ||
[Analyze grammar]

rāmaḥ |
anyatvavedanādanyaḥ parasmādātivāhikaḥ |
brahmatvavedanādbrahma nāsaṃvittirhi sānyathā || 58 ||
[Analyze grammar]

asambhavādasaṃvitterbrahmātmakatayāthavā |
ko mokṣaḥ ko vicāraḥ syād |
vasiṣṭhaḥ: alaṃ bhedavikalpanaiḥ || 59 ||
[Analyze grammar]

siddhāntakāla evaiṣa praśnaste rāma rājate |
akālapuṣpamālā hi śobhanāpi na śobhate || 60 ||
[Analyze grammar]

sārthaivānarthikākālamālā vivalitā yathā |
tathaivākālagīrjantoḥ sarvaṃ kāle hi śobhate || 61 ||
[Analyze grammar]

pratibandhābhyanujñānāṃ kālo dāteti dṛśyate |
nanu sarvapadārthānāṃ kālena phalayogitā || 62 ||
[Analyze grammar]

evameṣa sa jīvātmā suptātmā samupasthitaḥ |
pitāmahatvamucchūnaḥ paśyannātmani kālataḥ || 63 ||
[Analyze grammar]

omuccāraṇasaṃvittipūrvaṃ vedānprapaśyati |
yaḥ karoti manorājyaṃ bhavatyāśu sa tanmatiḥ || 64 ||
[Analyze grammar]

idamevamasatsadvadvidanvyomni sutātmani |
parvataughākṛti vyomajagadvyomni vijṛmbhate || 65 ||
[Analyze grammar]

neha prajāyate kiñcinneha kiñcana naśyati |
jagadgandharvanagararūpeṇa brahmabṛṃhitam || 66 ||
[Analyze grammar]

yathaiva brahmajādīnāṃ jīvānāṃ sadasanmayī |
sattā tathaiva sarveṣāmāsarīsṛpamāsuram || 67 ||
[Analyze grammar]

saṃvidvibhrama evāyamevamabhyutthito'pyasat |
ābrahma kīṭasaṃvitteḥ samyaksaṃvedanakṣayaḥ || 68 ||
[Analyze grammar]

yathā sampadyate brahmā kīṭaḥ sampadyate tathā |
kīṭastu rūḍhabhūtaughavalanāttucchakarmataḥ || 69 ||
[Analyze grammar]

yadeva jīvanaṃ jīve cetyonmukhamayātmakam |
tadeva pauruṣaṃ tasmin sāraṃ karma tadeva ca || 70 ||
[Analyze grammar]

brahmaṇaḥ sargatāhante kīṭasyāpyasadutthite |
cittamātrātmake bhrānte prekṣāmātrabhavatkṣaye || 71 ||
[Analyze grammar]

mātṛmānaprameyārtho na cinmātretaro yadā |
tadā dvaitaikyavādārthaśśaśaśṛṅgābjinīsamaḥ || 72 ||
[Analyze grammar]

bhāvadārḍhyātmakaṃ mithyā brahmaṇo'ṇḍaṃ vibhāvyate |
ātmaiva kośakāreṇa lālārūpātmakaṃ yathā || 73 ||
[Analyze grammar]

sattayā brahmaṇā yad yad yathā dṛṣṭaṃ vibhāti tat |
tattathā dṛśyate tajjñaiḥ svabhāvasyaiṣa niścayaḥ || 74 ||
[Analyze grammar]

yathā yaduditaṃ vastu tanna tattāṃ vinā bhavet |
nimeṣamapi kalpo vā svabhāvasyaiṣa niścayaḥ || 75 ||
[Analyze grammar]

alīkamidamutpannamalīkaṃ ca vivardhate |
alīkameva svadate tathālīkaṃ vilīyate || 76 ||
[Analyze grammar]

śuddhaṃ sarvagataṃ brahmānantamadvitīyaṃ duravabodhavaśādaśuddhamivāsadivānekamivāsarvagamivāvabudhyate | jalamanyattaraṅgo'nyaditi bālakalpanayā bhedaḥ parikalpyata eva na vāstavaḥ | tasmād yo'yamābhāti bhedaḥ sa kevalamatattvavidbhiḥ parikalpito rajjvāmahitvamiva || 77 ||
[Analyze grammar]

evaṃ bhedābhedaśaktyorabhinnayoreva brahmaṇyeva sambhavāttenātmanādvitīyenaiva dvitvamivānītaṃ yathā salilena taraṅgakalpanayā suvarṇena kaṭakaparikalpanayaivamiti atastena svayamevātmanātmānya iva cetyate | ataḥ kalanā jātā | saiva sphāratāṃ prāpya manaḥ sampannā | tenāhambhāvaḥ kalpitaḥ nirvikalpapratyakṣarūpaṃ yatprathamaṃ tanmanaḥ | tadahaṃ bhavati kṣipramahaṃśabdārthabhāvanāt | tato mano'haṅkārābhyāṃ smṛtiranusaṃhitā | taistribhistadanubhūtatanmātrāṇi kalpitāni | satsu tanmātreṣu jīvena cittātmanā svayaṃ kākatālīyavaddhastapādādimān sanniveśaḥ kalpito dṛśyata eva yadeva manaḥ kalpayati tadeva paśyati sadvā bhavatvasadvā | cittaṃ yatkalpayatyabhiniviṣṭaṃ tattatpaśyati sadiva pratibhāsamupāgataṃ yathā svapne || 78 ||
[Analyze grammar]

cinmātrasyāntare sargaścinmātraṃ sakalāntare |
tattvātsamastasattānāṃ cinmātraṃ sarvameva vā || 79 ||
[Analyze grammar]

cinmātrameva bahirantaruparyadhastānmānaprameyamiti mātṛpadaṃ ca dhatte |
nityopaśāntamiti tena samastasattā nityaṃ sthitaṃ susamamekamapetaturyam || 80 ||
[Analyze grammar]