Chapter 61

līlopākhyāne prayojanavarṇanaṃ nāma sargaḥ |
ekaṣaṣṭitamaḥ sargaḥ |
rāmaḥ |
ahaṃ jagaditi bhrāntiḥ parasmātkāraṇaṃ vinā |
yathodeti tathā brahmanbhūyaḥ kāthaya sādhu me || 1 ||
[Analyze grammar]

vasiṣṭhaḥ |
samastāḥ samamevāntaḥ saṃvido vindate yataḥ |
sarvathā sarvadā sarvaṃ sarvātmaikamajastataḥ || 2 ||
[Analyze grammar]

sarvādiśabdārthakalā brahmaivaitāḥ pṛthaṅ na tu |
sarvārthaśabdādikalārūpamāsāṃ na vidyate || 3 ||
[Analyze grammar]

kaṭakatvaṃ pṛthagghemnastaraṅgatvaṃ pṛthagjalāt |
yathā na sambhavatyevaṃ na jagatpṛthagīśvarāt || 4 ||
[Analyze grammar]

īśa eva jagadrūpaṃ jagadrūpaṃ tu neśvaraḥ |
hemaiva kaṭakāditvaṃ kaṭakatvaṃ tu hema no || 5 ||
[Analyze grammar]

yathāvayavino rūpamanekāvayavātmakam |
tathānavayavāyāstu cittvaṃ sarvātmakaṃ citaḥ || 6 ||
[Analyze grammar]

yattulyakālamakhilaṃ tanmātrāvedanaṃ pare |
antassthaṃ tadidaṃ bhāti jagadityahamityapi || 7 ||
[Analyze grammar]

lekhaughānāṃ yathā bhedī sanniveśaśśilodare |
tathānanyajjagadahaṃ cetyantaścidghane ghanam || 8 ||
[Analyze grammar]

sthitāstaraṅgāḥ salile yathāntarataraṅgite |
sṛṣṭiśabdārtharahitāstathāntaḥ sṛṣṭayaḥ pare || 9 ||
[Analyze grammar]

nāsargaṃ tiṣṭhati paraṃ sargastiṣṭhati nāparaḥ |
avayavāvayavivatsattānavayavaitayoḥ || 10 ||
[Analyze grammar]

cidrūpeṇa khasaṃvittyā khatanmātraṃ vibhāvyate |
svameva rūpaṃ hṛdayaṃ vātena spandanaṃ yathā || 11 ||
[Analyze grammar]

tatkālameṣa śabdāṇuściccamatkārarūpadhṛt |
cetyate śaminaivāntaḥ saṅkalpa iva cetasā || 12 ||
[Analyze grammar]

tadaivānilatāṃ vetti nijasattātmikāṃ svayam |
antargataspandarasāṃ pavanaḥ spandatāmiva || 13 ||
[Analyze grammar]

tadaivābhāsatāmeti nijasattātmikāṃ svayam |
kośasthitālokalavāṃ tejaḥ prakaṭatāmiva || 14 ||
[Analyze grammar]

tadaivāptāṃ cetayate nijasattātmikāmajaḥ |
hṛtsaṃstharasatanmātrāṃ salilaṃ dravatāmiva || 15 ||
[Analyze grammar]

tadaivāvanitāṃ vetti svacittaikātmikāmajaḥ |
antassthagandhatanmātrāmurvī sthairyakalāmiva || 16 ||
[Analyze grammar]

tulyakālanimeṣāṃśalakṣabhāgaṃ pratītayaḥ |
nityaṃ citaḥ prakacanaṃ tatsargaughaparamparāḥ || 17 ||
[Analyze grammar]

evaṃ sakṛtsvabhāvāntardṛśyamadhyamanāmayam |
udayāstamayonmuktaṃ brahma tiṣṭhatyaniṣṭhitam || 18 ||
[Analyze grammar]

buddhaṃ sadapasargaṃ tatsasargamapi tatsamam |
abuddhaṃ sargarūpātma visargamapi tatsadā || 19 ||
[Analyze grammar]

cidbrahma yad yathā yena vindate svatvamātmani |
tattattathānubhavati sarvaṃ tatsarvaśaktimat || 20 ||
[Analyze grammar]

tatsatyaṃ vidvilāsatvānnityānubhavarūpataḥ |
tadasatyaṃ manaṣṣaṣṭhaṃ sarvākhyātigataṃ yataḥ || 21 ||
[Analyze grammar]

yathā tatsaraṇaṃ vāyau tathā sargaḥ sthitaḥ pare |
asatkalpe tvasatkalpaḥ satye'satya ivāpi ca || 22 ||
[Analyze grammar]

anyarūpā yathānanyā tejasyālokatodare |
tathā brahmaṇi viśvaśrīḥ satyāsatyātmikātmani || 23 ||
[Analyze grammar]

anutkīrṇā yathā paṅke putrikā vātha dāruṇi |
varṇā yathā maṣīkalke tathā sargāḥ sthitāḥ pare || 24 ||
[Analyze grammar]

ananyānyeva kacati brahmatattvamarusthale |
asatyānityasatteyaṃ trijaganmṛgatṛṣṇikā || 25 ||
[Analyze grammar]

brahmaṇā cinmayenātmāsargātmaiva vibhāvyate |
na bhāvyate cānanyatvādbījenāntariva drumaḥ || 26 ||
[Analyze grammar]

yathā kṣīrasya mādhuryaṃ tīkṣṇatvaṃ maricasya ca |
dravatvaṃ payasaścaiva spando'ntaḥ pavanasya ca || 27 ||
[Analyze grammar]

sthito'nanyo'pyathānyaḥ sanna sthitaśca tathātmani |
sargo'nargalacidrūpaḥ paramātmātmarūpadhṛt || 28 ||
[Analyze grammar]

kacanaṃ brahmaratnasya jagadityeva yatsthitam |
tadakāraṇakaṃ tasmāttena na vyatiricyate || 29 ||
[Analyze grammar]

vāsanācittajīvādivedanaṃ vedanoditam |
nodetyavedanādeva yannānātmaiva pauruṣam || 30 ||
[Analyze grammar]

nāstameti na codeti kvacitkiñcitkadācana |
sarvaṃ śāntamajaṃ brahma cidghanaṃ suśilāghaṇam || 31 ||
[Analyze grammar]

parāṇuṃ prati sargaughāścittvādbhānti sahasraśaḥ |
teṣvanye'ṇāvaṇāvantaḥ kaivātra gaṇanā katham || 32 ||
[Analyze grammar]

yathā jalāntarūrmyādyā guptāguptāḥ svaśaktayaḥ |
jāgratsvapnasuṣuptādyāstathā jīve'ntarāsthitāḥ || 33 ||
[Analyze grammar]

jātā cedaratirbhogānprati manāgapi |
tadāsau tāvataivoccaiḥ padaṃ prāpta iti śrutiḥ || 34 ||
[Analyze grammar]

yato yato viyujyate tatastato vimucyate |
ato'hamityasaṃvidaḥ ka eti janmasaṃvidam || 35 ||
[Analyze grammar]

citaṃ parāparāmajāmarūpikāmanāmikām |
carācarādharāmayīṃ vidanti ye jayanti te || 36 ||
[Analyze grammar]

pare cidastyaprakaṭādvitīyā svāvartalekheva jaladrave'ntaḥ |
sā hanta yena trijaganti dhatte na santi nāsanti parātmakāni || 37 ||
[Analyze grammar]

ahammayī padmajabhāvanā citsaṅkalpabhedātpratanoti viśvam |
antarmudhaivānubhavatyanantaṃ nimeṣakoṭyaṃśavidhau yugāntam || 38 ||
[Analyze grammar]