Chapter 57

līlopākhyāne maraṇasamanantarapretavyavasthāvarṇanaṃ nāma sargaḥ |
saptapañcāśattamaḥ sargaḥ |
vasiṣṭhaḥ |
tato dadṛśatustatra śavaśayyaikapārśvagām |
līlāṃ vidūrathasyāgre mṛtāṃ tāṃ prathamāgatām || 1 ||
[Analyze grammar]

prāgveṣāṃ prāksamācārāṃ prāgdehāṃ prāksvavāsanām |
prāktanākārasadṛśasarvarūpāṅgasundarīm || 2 ||
[Analyze grammar]

prāksmṛtyavayavaspandāṃ prāgambaraparāvṛtām |
prāgbhūṣaṇabharacchannāṃ kevalaṃ tatra saṃsthitām || 3 ||
[Analyze grammar]

gṛhītacāmarāṃ cāru vījayantīṃ mahīpatim |
maunasthāṃ vāmahastasthavadanendutayānatām || 4 ||
[Analyze grammar]

bhūṣaṇāṃśulatāpuṣpaiḥ phullāmiva vanasthalīm |
kurvāṇāṃ vīkṣaṇairdikṣu mālatyutpalavarṣaṇam || 5 ||
[Analyze grammar]

sṛjantīmātmalāvaṇyādbindūnindūnivoditān |
narādhipātmano viṣṇorlakṣmīmiva samāgatām || 6 ||
[Analyze grammar]

uditāṃ puṣpasambhārādiva puṣpākaraśriyam |
bharturvadanavinyastadṛṣṭimiva viceṣṭitām || 7 ||
[Analyze grammar]

kiñcitpramlānavadanāṃ mlānacandrāṃ niśāmiva |
tābhyāṃ sā lalanā dṛṣṭā tayā te tu na lakṣite |
yasmātte satyasaṅkalpe sā na tāvattathoditā || 8 ||
[Analyze grammar]

rāmaḥ |
tasminpradeśe sā pūrvalīlā saṃsthāpya dehakam |
dhyānena jñaptisahitā gatābhūditi varṇitam || 9 ||
[Analyze grammar]

kimidānīṃ ca līlā yā dehastatra na varṇitaḥ |
kiṃ sampannaḥ kva vāyāta iti me kathaya prabho || 10 ||
[Analyze grammar]

vasiṣṭhaḥ |
kvāsīl līlāśarīraṃ tatkutastasya hi satyatā |
sā kila bhrāntirevābhūjjalabuddhirmarāviva || 11 ||
[Analyze grammar]

yathaiva bodhe līlāsau pariṇāmamitā kramāt |
pare tathaiva tasyāstaddhimavadgalitaṃ vapuḥ || 12 ||
[Analyze grammar]

ātivāhikadehasya kālenābhyudito bhramaḥ |
ādhibhautikadeho'hamiti rajjubhujaṅgavat || 13 ||
[Analyze grammar]

ātivāhikadehena dṛśyaṃ yadavakalpitam |
bhūmyādi nāma tasyaiva kṛtaṃ tattvādhibhautikam || 14 ||
[Analyze grammar]

vāstavena tu rūpeṇa bhūmyādyātmādhibhautikaḥ |
na śabdena na cārthena śabdārthau śaśaśṛṅgavat || 15 ||
[Analyze grammar]

puṃso hariṇako'smīti svapne yasyoditā matiḥ |
sa kimanviṣyati mṛgaṃ svamṛgatvaparikṣaye || 16 ||
[Analyze grammar]

udetyasatyamevāśu tathāsatyam pralīyate |
bhrāntirhi bhramato rajjvāmiva sarpatvasaṅgrahe || 17 ||
[Analyze grammar]

samastasyāprabuddhasya manojātasya kasyacit |
viḍambena dṛgeveyaṃ mithyārūḍhimupāgatā || 18 ||
[Analyze grammar]

svapnopalambhaṃ sargākhyaṃ svaṃ sarvo'nubhavan sthitaḥ |
ciramāvṛttadehātmā bhūcakrasphuraṇaṃ yathā || 19 ||
[Analyze grammar]

rāmaḥ |
brahmaṃl lokaiḥ purassthasya gacchato yogino nijām |
ātivāhikatāṃ dehaḥ kīdṛśo'yaṃ vilokyate || 20 ||
[Analyze grammar]

vasiṣṭhaḥ |
dehāddehāntaraprāptiḥ pūrvadehavināśadā |
ātivāhikadehe hi svapneṣviva vikasvarā || 21 ||
[Analyze grammar]

yathātāpe himakaṇaśśaradvyomni sito'mbudaḥ |
dṛśyamāno'pyadṛśyatvametyevaṃ yogidehakaḥ || 22 ||
[Analyze grammar]

jhagityevāthavā kaścid yogideho na lakṣyate |
sayogibhiḥ puro vegātproḍḍīna iva khe khagaḥ || 23 ||
[Analyze grammar]

svavāsanākrameṇaiva kvacitkecitkadācana |
mṛto'yamiti paśyanti kaṃcid yoginamagragāḥ || 24 ||
[Analyze grammar]

bhrāntimātraṃ tu dehātma teṣāṃ tadupaśāmyati |
satyabodhena rajjūnāṃ sarpabuddhirivātmani || 25 ||
[Analyze grammar]

ko dehaḥ kasya vā sattā kasya nāśaḥ kathaṃ kutaḥ |
sthiraṃ tadevaṃ yadabhūdabodhaḥ kevalaṃ gataḥ || 26 ||
[Analyze grammar]

rāmaḥ |
ātivāhikatāṃ yāti ādhibhautika eva kim |
utānya iti me brūhi yenohya iva na prabho || 27 ||
[Analyze grammar]

vasiṣṭhaḥ |
bahuśo'pyuktametanme na gṛhṇāsi kimuttaram |
ātivāhika evāsti nāstyevehādhibhautikaḥ || 28 ||
[Analyze grammar]

tasyaivābhyāsato'bhyeti sādhibhautikatāmatiḥ |
yadā śāmyati saivāsya tadā pūrvā pravartate || 29 ||
[Analyze grammar]

tadā gurutvaṃ kāṭhinyaṃ bhittimattvaṃ mudhāgrahaḥ |
śāmyetsvapne narasyeva boddhurbodhānnirāmayāt || 30 ||
[Analyze grammar]

laghutūlasamāpattistataḥ samupajāyate |
svapne svapnaparijñānād yathā deho laghūbhavet || 31 ||
[Analyze grammar]

tathā bodhādayaṃ dehaḥ sthūlavatplutimānbhavet |
anekadinasaṅkalpadehe pariṇatātmanām || 32 ||
[Analyze grammar]

asmindehe śave dagdhe tatraiva sthitimīyuṣām |
laghudehānubhavanamavaśyaṃbhāvi vai tathā || 33 ||
[Analyze grammar]

prabodhātiśayādeti jīvatāmapi yoginām |
uditāyāṃ smṛtau tatra saṅkalpātmāhamityalam || 34 ||
[Analyze grammar]

yādṛśaḥ sa bhaveddehastādṛśo'yaṃ prabodhinaḥ |
bhrāntirevamiyaṃ bhāti rajjvāmiva bhujaṅgatā |
kiṃ naṣṭamasyāṃ naṣṭāyāṃ jātāyāṃ kiṃ prajāyate || 35 ||
[Analyze grammar]

rāmaḥ |
anantaraṃ te vāstavyā līle paśyanti te yadi |
tatsatyasaṅkalpatayā budhyante kiṃ tataḥ prabho || 36 ||
[Analyze grammar]

vasiṣṭhaḥ |
evaṃ jñāsyanti te rājñī duḥkhiteyamiha sthitā |
vayasyā kācidanyeyaṃ kuto'pyasyā upāgatā || 37 ||
[Analyze grammar]

sandehaḥ ka ivātraiṣāṃ paśavo hyavivekinaḥ |
yathādṛṣṭaṃ viceṣṭante kuta eṣāṃ vicāraṇā || 38 ||
[Analyze grammar]

yathā loṣṭo luṭhanvṛkṣaṃ vañcayitvāśu gacchati |
ajñātvaivājñajanatā tathādryagnisurādikam || 39 ||
[Analyze grammar]

yathā svapnavapurbodhena jāne kveva gacchati |
asatyameva tad yasmāttathaivehādhibhautikam || 40 ||
[Analyze grammar]

rāmaḥ |
bhagavan svapnaśikharī prabodhe kveva gacchati |
iti me saṃśayaṃ chindhi śaradabhramivānilaḥ || 41 ||
[Analyze grammar]

vasiṣṭhaḥ |
svapne bhrame'tha saṅkalpe padārthāḥ parvatādayaḥ |
saṃvido'ntarmilantyete spandanānyanilaṃ yathā || 42 ||
[Analyze grammar]

aspandasya yathā vāyoḥ svaspando'ntarviśatyalam |
asphurantī tu tenaiva yātyekatvaṃ tadātmikā || 43 ||
[Analyze grammar]

saṃvitsvapnārthayordvitvaṃ na kadācana labhyate |
yathā dravatvapayasoryathā vā spandavātayoḥ || 44 ||
[Analyze grammar]

yastvatra syāddvitābodhastadajñānamanuttamam |
saiṣā saṃsṛtirityuktā mithyājñānātmikoditā || 45 ||
[Analyze grammar]

sahakārikāraṇānāmabhāve kila kīdṛśī |
saṃvitsvapnapadārthānāṃ dvitvaṃ svapne nirarthakam || 46 ||
[Analyze grammar]

yathā svapnastathā jāgradidaṃ nātrāsti saṃśayaḥ |
svapne puramasadbhāti sargādau bhāti asajjagat || 47 ||
[Analyze grammar]

na cārtho bhavituṃ śaktaḥ satyatve svapnacoditaḥ |
saṃvido nityasatyatvaṃ svapnārthānāmasatyatā || 48 ||
[Analyze grammar]

jhagityeva yathākāśaṃ bhavati svapnaparvataḥ |
krameṇa vā tathā bodhe khaṃ bhavatyādhibhautikaḥ || 49 ||
[Analyze grammar]

uḍḍīno'yaṃ mṛto veti paśyanti nikaṭe sthitāḥ |
jñānātivāhikībhūtasvasvabhāvahatā yataḥ || 50 ||
[Analyze grammar]

mithyādṛṣṭaya evemāḥ sṛṣṭayo mohadṛṣṭayaḥ |
māyāmātradṛśo bhānti śūnyāḥ svapnānubhūtayaḥ || 51 ||
[Analyze grammar]

svapnānubhūtaya imā maraṇāntarbodhabhātetarabhramadṛśaḥ sphuṭasargabhāsaḥ |
bhāntyātivāhikaśarīragatāḥ samastā mithyoditā mṛganadīmaraṇakrameṇa || 52 ||
[Analyze grammar]