Moksopaya [sanskrit]

192,019 words | ISBN-10: 8120831470 | ISBN-13: 9788120831476

This Sanskrit edition of the Moksopaya. It is a large philosophical text dealing with “the science of liberation”. Similar to the Yoga-vasistha in content, the Mokshopaya-shastra was likely its predecessor, said to contain 30,000 shlokas (metrical verses). One of the core philosophies of the texts teaches the non-existence of cognitive objects; while holding such a view leads to an attitude of dispassion towards worldly matters.

līlopākhyāne maraṇavicāro nāma sargaḥ |
pañcapañcāśattamaḥ sargaḥ |
līlā |
yathaiṣa janturmriyate jāyate ca yathā punaḥ |
tanme kathaya deveśi punarbodhavivṛddhaye || 1 ||
[Analyze grammar]

devī |
nāḍīpravāhe vidhure yadā vātavisaṃsthatām |
jantuḥ prāpnoti hi tadā śāmyatīvāsya cetanam || 2 ||
[Analyze grammar]

śuddhaṃ hi cetanaṃ nityaṃ nodeti na ca śāmyati |
sthāvare jaṅgame vyomni śaile'gnau pavane sthitam || 3 ||
[Analyze grammar]

kevalaṃ vātasaṃrodhād yadā spandaḥ praśāmyati |
mṛta ityucyate dehastadā sa jaḍanāmakaḥ || 4 ||
[Analyze grammar]

tasmindehe śavībhūte vāte khānilatāṃ gate |
cetanaṃ vāsanāyuktaṃ khātma tatraiva tiṣṭhati || 5 ||
[Analyze grammar]

jīva ityucyate tasya nāmāṇorvāsanāvataḥ |
tatraivāste sa ca śavāgāre gaganake tathā || 6 ||
[Analyze grammar]

tato'sau pretaśabdena procyate vyavahāribhiḥ |
cetano vāsanāmiśraḥ sāmodānilavatsthitaḥ || 7 ||
[Analyze grammar]

idaṃ sarvaṃ parityajya yadāste darśanāntare |
sa svapna iva saṅkalpa iva nānākṛtistadā || 8 ||
[Analyze grammar]

tasminneva pradeśe'ntaḥ pūrvavatsmṛtibhāgbhavet |
tadaiva mṛtimūrchānte paśyatyanyaccharīrakam || 9 ||
[Analyze grammar]

ātmanyasthighaṭāpuṣṭamanyasya vyoma kevalam |
ādhāre bhūtale sārkamākāśajanavāsanam || 10 ||
[Analyze grammar]

bhavanti yadvidhāḥ pretāsteṣāṃ bhedamimaṃ śṛṇu |
sāmānyapāpino madhyapāpinaḥ sthūlapāpinaḥ || 11 ||
[Analyze grammar]

sāmānyadharmā madhyasthadharmā cottamadharmavān |
eteṣāṃ kasyacidbhedo dvau trayo'pyatha kasyacit || 12 ||
[Analyze grammar]

kaścinmahāpātakavānvatsarānmṛtimūrchanām |
vimūḍho'nubhavatyantaḥ pāṣāṇahṛdayopamām || 13 ||
[Analyze grammar]

tataḥ kālena sambuddho vāsanājaṭharoditam |
anubhūya ciraṃ kālaṃ vāsanāduḥkhamakṣatam || 14 ||
[Analyze grammar]

bhuktvā yoniśatānyuccairduḥkhādduḥkhāntaraṃ gataḥ |
kadācidimamāyāti saṃsārasvapnavibhramam || 15 ||
[Analyze grammar]

atha vā mṛtimohānte jaḍāṃ duḥkhaśatākulāṃ |
kṣaṇādvṛkṣāditāmeva hṛtsthāmanubhavanti te || 16 ||
[Analyze grammar]

svavāsanānurūpāṇi duḥkhāni narake punaḥ |
anubhūyātha yonīṣu jāyante bhūtale cirāt || 17 ||
[Analyze grammar]

atha madhyamapāpo yo mṛtimohādanantaram |
sa śilājaṭharaṃ jāḍyaṃ kañcitkālaṃ prapaśyati || 18 ||
[Analyze grammar]

tataḥ prabudhya kālena kenacidvā tathaiva vā |
tiryagādikramairbhuktvā yonīḥ saṃsārameṣyati || 19 ||
[Analyze grammar]

mṛta evānubhavati kaścitsāmānyapātakī |
svavāsanānusāreṇa dehaṃ sampannamakṣatam || 20 ||
[Analyze grammar]

saṅkalpa iva saṅkalpa iva vetti sa tādṛśam |
tasminneva kṣaṇe tasya smṛtiritthamudetyapi || 21 ||
[Analyze grammar]

ye tūttamamahāpuṇyamṛtimohādanantaram |
svargaṃ vidyādharapuraṃ smṛtyāsvanubhavanti te || 22 ||
[Analyze grammar]

tato'nyakarmasadṛśaṃ bhuktvānyatra nijaṃ phalam |
jāyante mānuṣe loke saśrīke sajjanāspade || 23 ||
[Analyze grammar]

ye'tha madhyamadharmāṇo mṛtimohādanantaram |
ta ihottāraṃ kurvantaḥ sthitaṃ paśyanti dehakam || 24 ||
[Analyze grammar]

ye'tha sāmānyadharmāṇo mṛtimohādanantaram |
te vyomavāyuvalitāḥ prayāntyoṣadhipallavān || 25 ||
[Analyze grammar]

tatra cāruphalaṃ bhūtvā praviśya hṛdayaṃ nṛṇām |
tatastāmadhitiṣṭhanti garbhe jātikramodite || 26 ||
[Analyze grammar]

svavāsanānusāreṇa pretā etāṃ vyavasthitiṃ |
mūrchānte'nubhavantyantaḥ krameṇaivākrameṇa ca || 27 ||
[Analyze grammar]

ādau mṛtā vayamiti budhyante tadanukramāt |
bandhupiṇḍādidānena protpannā iti vedinaḥ || 28 ||
[Analyze grammar]

tato yamabhaṭā ete kālapāśānvitāstathā |
nīyamāno vrajāmyebhiḥ kṣaṇād yamapuraṃ tviti || 29 ||
[Analyze grammar]

udyānāni vimānāni śobhanāni punaḥ punaḥ |
svakarmabhirupāttāni puṇyānītyeva puṇyavān || 30 ||
[Analyze grammar]

imāni kaṇṭakaśvabhraśastrapattravanāni ca |
svakarmaduṣkṛtotthāni saṃprāptānīti pāpavān || 31 ||
[Analyze grammar]

iyaṃ me saumyasaṃpātā dharaṇiśśītaśādvalā |
snigdhacchāyāsavāpīkā purassaṃstheti madhyamaḥ || 32 ||
[Analyze grammar]

ayaṃ prāpto yamapuramayameṣa sa bhūtapaḥ |
ayaṃ karmavicāro me kṛta ityanubhūtimān || 33 ||
[Analyze grammar]

iti pratyekamabhyeti pṛthuḥ saṃsāraṣaṇḍakaḥ |
yathāsaṃsthitaniśśeṣapadārthācārabhāsuraḥ || 34 ||
[Analyze grammar]

ākāśa eva niśśūnye śūnyātmaivaṃ vibhodhavān |
deśakālakriyādairghyabhāsuro'pi na kiñcana || 35 ||
[Analyze grammar]

ito'yamahamādiṣṭaḥ svakarmaphalabhojane |
gacchāmyāśu śubhaṃ svargamito narakameva vā || 36 ||
[Analyze grammar]

ayaṃ svargo mayā bhukto bhukto'yaṃ narako'thavā |
imāstā yonayo tyaktā jāye'haṃ saṃsṛtau punaḥ || 37 ||
[Analyze grammar]

ayaṃ śālirahaṃ jātaḥ kramātphalamiha sthitam |
ityudarkaprabodhena buddhyamāno bhaviṣyati || 38 ||
[Analyze grammar]

saṃsuptavāsanastvevaṃ bījatāṃ yātyasau nare |
tadbījaṃ yonigalitaṃ garbho bhavati mātari || 39 ||
[Analyze grammar]

sa garbho jāyate loke pūrvakarmānusārataḥ |
bhavyo bhavatyabhavyo vā bālako lalitākṛtiḥ || 40 ||
[Analyze grammar]

tato'nubhavatīdaṃ hi yauvanaṃ madanonmukham |
tato jarāṃ padmamukhe himāśanimiva cyutām || 41 ||
[Analyze grammar]

tato'pi vyādhimaraṇaṃ punarmaraṇamūrchanam |
punaḥ svapnavadāyātaṃ piṇḍairdehaparigraham || 42 ||
[Analyze grammar]

yāmyaṃ yāti punarlokaṃ punarenaṃ bhramakramam |
bhūyo bhūyo'nubhavati vyomnyeva vyomarūpavān || 43 ||
[Analyze grammar]

līlā |
ādisarge yathā devi bhrama eva pravartate |
tathā kathaya me bhūyaḥ prasādādbodhavṛddhaye || 44 ||
[Analyze grammar]

devī |
paramārthaghanaṃ śailāḥ paramārthaghanaṃ drumāḥ |
paramārthaghanaṃ pṛthvī paramārthaghanaṃ nabhaḥ || 45 ||
[Analyze grammar]

sarvātmakatvātsa yato yathodeti cidīśvaraḥ |
paramākāśaśuddhātmā tathā tatra bhavatyalam || 46 ||
[Analyze grammar]

sargādau svapnapuruṣanyāyenādiprajāpatiḥ |
yathā sphuratprakacitastathādyāpi sthitā sthitiḥ || 47 ||
[Analyze grammar]

prathamo'sau praticchandaḥ padārthānāṃ hi bimbakam |
pratibimbitametasmād yattadadyāpi saṃsthitam || 48 ||
[Analyze grammar]

yannāma suśiraṃ sthānaṃ dehānāṃ tadgato'nilaḥ |
karotyaṅgaparispandaṃ jīvatītyucyate tataḥ || 49 ||
[Analyze grammar]

sargādāveva me vaiṣā jaṅgame'dhiṣṭhitā sthitiḥ |
cetanā api nisspandāstena te pādapādayaḥ || 50 ||
[Analyze grammar]

cidākāśo'yamevāṃśaṃ kurute cetanoditam |
sa eva saṃvidbhavati śeṣaṃ tadapi naiva tat || 51 ||
[Analyze grammar]

naro yadi khuraprāntaṃ cetatyakṣipaṭaṃ na tu |
tattasya nākṣiṇirjīvaṃ nājīvatyeva sarvataḥ || 52 ||
[Analyze grammar]

tathā khaṃ khatayā bhūmirbhūmitvenāptayā jalam |
yad yathā cetati svairaṃ tadvettyeva tathāvapuḥ || 53 ||
[Analyze grammar]

iti sarvaśarīreṇa jaṅgamatvena jaṅgamam |
sthāvaraṃ sthāvaratvena sarvātmā bhāvayan sthitaḥ || 54 ||
[Analyze grammar]

tasmād yajjaṅgamaṃ nāma tatsacopanarūpadhṛt |
tena buddhaṃ tatastadvattadevādyāpi saṃsthitam || 55 ||
[Analyze grammar]

yajjaḍābhidhamābuddhaṃ sthāvaraṃ tena vai punaḥ |
jaḍamadyāpi saṃviddhi śilātarutṛṇādi tat || 56 ||
[Analyze grammar]

na tu jāḍyaṃ pṛthakkiñcidasti nāpi ca cetanam |
nāsti bhedo'tra sargādau sattāsāmānyakena tu || 57 ||
[Analyze grammar]

vṛkṣāṇāmupalānāṃ yā nāmāntassthāḥ svasaṃvidaḥ |
buddhyādīnīhitānyeva tāni teṣāmiha sthitiḥ || 58 ||
[Analyze grammar]

vido'ntaḥ sthāvarāderyāstasyā buddhyādayo hi te |
anyābhidhānāstvanyārthāḥ saṅketairaparaiḥ sthitāḥ || 59 ||
[Analyze grammar]

krimikīṭapataṅgānāṃ yeṣāmantaḥ svasaṃvidaḥ |
tānyeva teṣāṃ buddhyādīnyanyābhikhyārthakāni tu || 60 ||
[Analyze grammar]

yathottarābdhijanatā dakṣiṇābdhijanasthitim |
na kiñcidapi jānāti nijasaṃvedanādṛte || 61 ||
[Analyze grammar]

svasaṃjñānubhave līnāstathā sthāvarajaṅgamāḥ |
parasparajaḍāḥ sarve svasaṅketaparāyaṇāḥ || 62 ||
[Analyze grammar]

yathā śilāntassaṃsthānāṃ bahissthānāṃ ca vedanam |
asajjaḍaṃ ca bhekānāṃ mitho'ntastasthuṣāṃ tathā || 63 ||
[Analyze grammar]

tatra sarvagataṃ cittvāccidvyomnā yatpracetitam |
sargādau copanaṃ vāyuḥ sa ihādyāpi saṃsthitaḥ || 64 ||
[Analyze grammar]

viditaṃ yattu sauśiryaṃ tannabhastatra mārutaḥ |
spandātmetyādi sa mahānpadārtheṣviti copanam || 65 ||
[Analyze grammar]

cittvaṃ tu paramārthena sthāvare jaṅgame sthitam |
copanānyanilaireva bhavanti na bhavanti ca || 66 ||
[Analyze grammar]

evaṃ bhrāntimayaṃ viśvaṃ padārthāḥ saṃvidaṃśavaḥ |
sargādiṣu yathaivāsaṃstathaivādyāpi saṃsthitāḥ || 67 ||
[Analyze grammar]

yathā viśvapadārthānāṃ svabhāvasya vijṛmbhaṇam |
asatyameva satyābhaṃ tadetatkathitaṃ tava || 68 ||
[Analyze grammar]

ayamastaṅgataprāyaḥ paśya rājā vidūrathaḥ |
mālāśavasya padmasya patyuste yāti hṛdguhām || 69 ||
[Analyze grammar]

līlā |
kena mārgeṇa deveśi yāntyau vai śavamaṇḍapam |
enamevāśu paśantyāvāvāṃ gacchāva uttame || 70 ||
[Analyze grammar]

devī |
manuṣyavāsanāntassthaṃ mārgamāśritya gacchati |
eṣo'hamaparaṃ lokaṃ dūraṃ yāmīti cinmayam || 71 ||
[Analyze grammar]

mārgeṇāvāsanenaiva yā vastenaiva sammatam |
parasparecchā saṃvittirna hi sauhārdabandhinī || 72 ||
[Analyze grammar]

vasiṣṭhaḥ |
iti vihitakathāśamakramāyāṃ paramadṛśi prasṛte prabodhabhānau |
nṛpativarasutāmanasyudāre vigalitavijjaraḍho vidūratho'bhūt || 73 ||
[Analyze grammar]

Other editions:

Also see the following editions of the Sanskrit text or (alternative) English translations of the Moksopaya Chapter 55

Cover of edition (2008)

The Yogavasistha of Valmiki
by Vasudeva Laxmana Sharma Pansikar (2008)

With the Commentary Vasistha Maharamayana Tatparyaprakasa (Volume I and II): Sanskrit Only; [Motilal Banarsidass Publishers Pvt. Ltd.]

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: